|
طُفولة عضو ، وذكرى طفوُلته..مِين يتْورط ..!
♪ ♫ ♪ نتسائل نحن والذكريات دوما عن سرٍ ..!! هل كنآ أطفالاً نلعب / / ونلهو ...؟؟ أم كنا طيوراً .. فوق الشمس نحلق ، نُغني ، ونطير ..؟؟ هل كانت أيامنا أسراب حمام وهديل ..؟! أم كانت أوهامآ .. وسرابٍ في الأرض يسيل ؟! يسكننا فرحٌ و حبّ كثير ~ يجهلنآ وُهـم كثير ! نجري ﮎ / النهـر ونرقص كـ نسمات الـξـليل ✿ تلـﮎَ هي الطفولـه ✿ تحمل الكثير من المواقف والذكريات ويخالطها الحزن تارة و الفرح تارة أخرى و لكـن ؟ تبقى الذكريات هي سيدة الموقف! فـ موضوعي لهذا اليومـ يتحدث عن طفولة الأξـضآء اللتي تتناقش عن ذكريات الطفولـه وسوف أستضيف عضوُ أو عضوُهـ ويتم طرح أسئلة عن طفولتها وترك المجال لها بالتعبير عنها ومن ثم يتم التجديد واستضافة عضوُ آخر .. وتحتوي هذه الأسئلـه عن معظم ذكريـآت الطفولـﮧ نبـــدأ بالأسئلـه .. إيش كآنت لعبتك المفضلـه وأنت صغير ؟ نشيد كنت تحبه أيام الطفولـه ؟ شخصيه كرتونيـه كنت تحبهآ ؟ كيف كنت أيام طفولتك شقي ولا مؤدب ؟ ماهي المواقف اللي عرضت فيها أهلك للإحراج ؟ هل كانت شخصيتك قوية أم مغلوب عليها ؟ موقف حصل في طفولتك كان له دور في تغيير مجرى حياتك ؟ أكبر عيديـه جمعتها كم ؟ ومن مين ؟ يوم كنتِ صغيره إيش كآنت تسريحتك المفضلـه ؟ من كـآن يدلعك أكثر أبوك أو أمك ؟ اســم دلعك بالطفولـه لحد الآن ينادونك فيـه ؟ وماهو ؟ لحقت تتابع المجد؟ ولا سبستوون ولا القناة الاولى بالصبح والعصريـه ؟ بطفولتك كنت تبكي إذا ماجلست بالاول بالطابور أو الفصل ؟ هل عندك لعبـه موجوده من صغرك إلى الآن واذا كنت محتفظ فيها ؟ وماهي ؟ إيش اكـثـر حلاوة كنـت تحـبهاا ؟ ايش اسم اول مـدرسـه أو مدرس درسك ؟ هـل كـنت تـعانـي مـن اخـطاء فـي مخـارج الحـروف ؟ موقف بطفولتك ما تنساه ؟ وليـه ؟ أجمل رحلـه طلعت فيها بطفولتك ؟ مكان معلق في ذاكرتك من طفولتك ؟ ولماذا ؟ مين أقرب صديق في طفولتك وهل كانت بنت ولا ولد ؟ ♪ ♫ ♪ وأتمنى الأسئلــه تكوُن خفيفــه عليكم : اول عضوو\هـ سووف تكون بـ ضياافتي الرآئعه .. المتميزة .. الغالية : فحياكـ الله يآقلبي انتي :) للمعلومية .. الفكرة والموضوع مقتبسة |
رد: طُفولة عضو ، وذكرى طفوُلته..مِين يتْورط ..!
السلام عليكم ورحمة الله وبركاته الغالية / AL3ajmiah شكرا لك على الدعوة الطيبة وعلى موضوع ذكريااات الطفولة الجميلة ولاهنتي صراحة يالغالية فاجئتيني بدعوتك الكريمة ولذلك رااااح اجاوب بكل صراحة بكل ما مر في طفولتي نبدأ على بركة الله..! إيش كآنت لعبتك المفضلـه وأنت صغير ؟ نـط الحبل .. :) نشيد كنت تحبه أيام الطفولـه ؟ طلع البدرو علينا من ثنيااات الوداع . :a36: شخصيه كرتونيـه كنت تحبهآ ؟ ببااااااي .. ;) كيف كنت أيام طفولتك شقي ولا مؤدب ؟ لا .. طبعاً مؤدبه .. a22 ماهي المواقف اللي عرضت فيها أهلك للإحراج ؟ ولا مره بفضل الله سبحانه وتعالى .. :) هل كانت شخصيتك قوية أم مغلوب عليها ؟ صراحة من صغري وشخصيتي قوية..:p موقف حصل في طفولتك كان له دور في تغيير مجرى حياتك ؟ لا .. يوجد ..! tty8 أكبر عيديـه جمعتها كم ؟ ومن مين ؟ من خالي .. كانت 575 .. D: يوم كنتِ صغيره إيش كآنت تسريحتك المفضلـه ؟ ضفيره وشريطه حمراااا ... a13 من كـآن يدلعك أكثر أبوك أو أمك ؟ لا والله أبوي أكثر .. عليه رحمة الله.a16 اســم دلعك بالطفولـه لحد الآن ينادونك فيـه ؟ وماهو ؟ حبيبة أبوها .. مشهوره فيه حتى الأن .. a23 لحقت تتابع المجد؟ ولا سبستوون ولا القناة الاولى بالصبح والعصريـه ؟ سبستووه .. D: بطفولتك كنت تبكي إذا ماجلست بالاول بالطابور أو الفصل ؟ كنت أحب أكووون بأول الطابوور وفي الصف بعد قدااام السبورة على طول.. :p هل عندك لعبـه موجوده من صغرك إلى الآن واذا كنت محتفظ فيها ؟ وماهي ؟ لا توجد ... :) إيش اكـثـر حلاوة كنـت تحـبهاا ؟ حلاووة الزلابيا البحرينية.. ;) ايش اسم اول مـدرسـه أو مدرس درسك ؟ استاذ/ صلاح مدرس شريعة. :a36: هـل كـنت تـعانـي مـن اخـطاء فـي مخـارج الحـروف ؟ لا .. ابد ما شاء الله..:) موقف بطفولتك ما تنساه ؟ وليـه ؟ كنت العب مع بنت عمي في مزرعة فبخرعها سقطت في بركة الماء وكانت بتموت بس الله انجاها.D: أجمل رحلـه طلعت فيها بطفولتك ؟ رحلة مع الأهل في بر قطر .. 1bh1 مكان معلق في ذاكرتك من طفولتك ؟ ولماذا ؟ القرية الي كنا فيها ونحن صغار .. مشتاقه لها حيييل .. ليه ذكريات الطفولة الجميلة فيها.dance مين أقرب صديق في طفولتك وهل كانت بنت ولا ولد ؟ كان أخي عليه رحمة الله .. فهوَ أخي وصديقي وكل شيء بالنسبةَ لي .:o ♪ ♫ ♪ وأتمنى الأسئلــه تكوُن خفيفــه عليكم : أسئلة حلوه وخفيفة مثل دم صاحبة الموضوع الراقية في طرحها وحسن تعالمها كل الشكر والتقدير والاحترام لكِ أختي .. AL3ajmiah .. ولاهنتي يالغلا.1bh1 :: وأتمنى تكون إجاباتي قد راااقت لكم .. :a27: |
رد: طُفولة عضو ، وذكرى طفوُلته..مِين يتْورط ..!
AL3ajmiah
تسلمين موضوع حلو ويرجعنا لايام البراءة واللعب موفقه . |
رد: طُفولة عضو ، وذكرى طفوُلته..مِين يتْورط ..!
سمو الرووح ..
أشكر لك تفاعلك وإجاباتك الصريحه مع الموضوع .. نسأل الله أن يغفر لأبيك وأخيك وجميع موتى المسلمين .. أتمنى لك التوفيق والسداد ~ |
رد: طُفولة عضو ، وذكرى طفوُلته..مِين يتْورط ..!
الغروب
الله يسلمك يارب ويوفقك .. وصدقتِ أحلى شي لما تنسجمين مع ذكريات طفولتك .. ودك الدنيا ترجع ورى الله المستعان ..!! حبيبتي .. وش رايك تكوني ضيفتنا الجديدة وتعطينا علومك أيام الطفولة *.* |
رد: طُفولة عضو ، وذكرى طفوُلته..مِين يتْورط ..!
السلام عليكم ورحمة الله وبركاته
AL 3ajmiah تسلمين على الدعوة ويعطيك العافية على الجهود الرائعة بكل مجلس نبـــدأ بالأسئلـه .. بسم الله الرحمن الرحيم إيش كآنت لعبتك المفضلـه وأنت صغيرة ؟ المرجيحة. نشيد كنت تحبه أيام الطفولـه ؟ كثير ---كل الاناشيد. شخصيه كرتونيـه كنتي تحبيها ؟ هــــايدي وبعدها سالي . كيف كنتي أيام طفولتك شقية ولا مؤدبة ؟ وسط :) ماهي المواقف اللي عرضت فيها أهلك للإحراج ؟ دفيت زميلتي وطاحت وتوسخ المريول وزعلت ام البنت وشكتني a8 هل كانت شخصيتك قوية أم مغلوب عليها ؟ حسب الموقف موقف حصل في طفولتك كان له دور في تغيير مجرى حياتك ؟ مافيه . أكبر عيديـه جمعتيها كم ؟ ومن مين ؟ 500ريال متفرقة. يوم كنتِ صغيره إيش كآنت تسريحتك المفضلـه ؟ ظفيرتين وشريطة صوف . من كـآن يدلعك أكثر أبوك أو أمك ؟ بالتأكيد ابوي . اســم دلعك بالطفولـه لحد الآن ينادونك فيـه ؟ وماهو ؟ مافيه لحقت تتابع المجد؟ ولا سبستوون ولا القناة الاولى بالصبح والعصريـه ؟ ما اتابع الاهايدي وين ماتكون :p بطفولتك كنتي تبكي إذا ماجلستي بالاول بالطابور أو الفصل ؟ لا ولله الحمد كنت احب الوسط . هل عندك لعبـه موجوده من صغرك إلى الآن واذا كنتي محتفظه فيها ؟ وماهي ؟ ايه ... بقايا مواعين وعرايس . إيش اكـثـر حلاوة كنـتي تحـبيهاا ؟ كل شئ. ايش اسم اول مـدرسـه أو مدرس درسك ؟ كثيرات الله يجزاهن عني خير . هـل كـنت تـعانـي مـن اخـطاء فـي مخـارج الحـروف ؟ لا . موقف بطفولتك ما تنسيه ؟ وليـه ؟ ما اذكر . أجمل رحلـه طلعت فيها بطفولتك ؟ كثير . مكان معلق في ذاكرتك من طفولتك ؟ ولماذا ؟ الطائف ولاادري لماذا يمكن لجمال الاجواء !!!. مين أقرب صديقة في طفولتك وهل كانت بنت ولا ولد ؟ كثيرات بنوتات . ♪ ♫ ♪ وأتمنى الأسئلــه تكوُن خفيفــه عليكم تسلمين على الرحلة الجميلة بعودتنا للماضي الجميل دمتي بخير. |
رد: طُفولة عضو ، وذكرى طفوُلته..مِين يتْورط ..!
الغروب
الله يسلمك يالغلا ويحفظك .. أسعدتني مشاركتك كثيراً .. أتمنى لك التوفيق والسعادة في الداريــن ~ |
رد: طُفولة عضو ، وذكرى طفوُلته..مِين يتْورط ..!
ضيفتنا الحلوة الجديدة ..
ناثرة الورد :21t:.. ياليت تتفضلي مشكورة ~ |
رد: طُفولة عضو ، وذكرى طفوُلته..مِين يتْورط ..!
إيش كآنت لعبتك المفضلـه وأنت صغير ؟ ههههههههه اقولكم بس لاتضحكون طيب كنت احب المصارعهـ والشاطر اللي يبكيني جائزتهـ اخدمهـ طول اليوم بس للاسف محد بكاني a13نشيد كنت تحبه أيام الطفولـه ؟ ماما وبابا حبونى راحو لجده وخلونى و اممم بونياتى بونياتى نعم يماه نعم يماه حقوزكم حقوزكم a13شخصيه كرتونيـه كنت تحبهآ ؟ ياكثرها منها (( سالي اموت من البجي لاشفتها للحين :( -هايدي - كابتن ماجد - توم وجيري رسومي المفضل للحين :) )) كيف كنت أيام طفولتك شقي ولا مؤدب ؟ لا والله شيطانيه يكثر مارحت للمستشفى ياكسر بيدي ياراسي منشق الله يعطي خالي العافيه ويعينه على تعب معي :pماهي المواقف اللي عرضت فيها أهلك للإحراج ؟ طبعا لما كنت بالروضه كنت شايخه ودايخه امي كانت المديره فالمدرسه كل مادخلت الصف تدورني ماتلاقاني اخر شي يلقوني بمكتب امي وقاعده بمكانها واهاوش المدرسه اذا دخلتفامي مسكينه كانت تتفشل وعقب تطورت صرت اخذ الصبيان ونطلع وطبعا يدورونا نجي بنص الحصه واتفلسف علي المدرسه اقول امي كانت تبيتاعاد اذا هاوشت شغلت صفاره الانذار وقعدت اصارخ الابله طقتني والصبيان يشهدون معاي ليما ذاك اليوم امي هزئتني وراحت هيبتي بس فديت عمرها فشلتها اخر شي نقلتني من عندها D: هل كانت شخصيتك قوية أم مغلوب عليها ؟ مره كـذا ومـره كـذا اذا ابي مصلحه اصير المسكينه الفقيره واذا خلصت اقلب الوجه الثاني بس والله اني حبيبهـ مرهـ D:موقف حصل في طفولتك كان له دور في تغيير مجرى حياتك ؟ وفاه صديقي بالروضه غرقان جدامي الله يرحمه ويغمد روحه الجنه :(أكبر عيديـه جمعتها كم ؟ ومن مين ؟ مـن جـدو الله يرحمـه ويغفـرله كـانت 200 دينار :)يوم كنتِ صغيره إيش كآنت تسريحتك المفضلـه ؟ عنقوصين والمصيبهـ شعري مرهـ ناعم يطلع من الشباصهـ فشكلي كان تحفه D: من كـآن يدلعك أكثر أبوك أو أمك ؟ والله محد كان يعطيني وجه بطفولتي :( بس لما كبرت امي لبى قلبها قامت تدلعني عسى الله يخليها لي :)اســم دلعك بالطفولـه لحد الآن ينادونك فيـه ؟ وماهو ؟ الغـاليـه << لاني اول وحده اتسمي علي اسم جدتي الله يشافيها ويعافيها a8 والثاني ماراح اقولهـ عشان ماافضح نفسي وعشان ماتعايروني D:لحقت تتابع المجد؟ ولا سبستوون ولا القناة الاولى بالصبح والعصريـه ؟ صراحهـ لا كنت اقعد علي قناهـ كلهـ تطلع افلام هنديهـ واخذي عادي انواع البكى والشهاق D:بطفولتك كنت تبكي إذا ماجلست بالاول بالطابور أو الفصل ؟ كنت اقلب الدنيا واقعدها لدرجه البنات محد كان يوقف بمكاني لان خلاص احتكرته لي 14t وبالصف لازم اقعد علي اليمين جدام طاوله المدرسه لزوم المساعده من دفتر التحضير مال المدرسه a25هل عندك لعبـه موجوده من صغرك إلى الآن واذا كنت محتفظ فيها ؟ وماهي ؟ أيهـ عندي دبدوب حيل حيل غالي علي من جدو الله يرحمهـ وللحين محتفظهـ فيهـ عندي هو صار عندي اغلى الناس :a36: إيش اكـثـر حلاوة كنـت تحـبهاا ؟ هههههههه حلاوة البقر الحمراء والصفراء ^_^ايش اسم اول مـدرسـه أو مدرس درسك ؟ مالكم امل اذكـر :53t:هـل كـنت تـعانـي مـن اخـطاء فـي مخـارج الحـروف ؟ هههههههههههههههه كان يبيلي مترجم لبدلياتي وكان بيني وبين السين مشكله وثار a13موقف بطفولتك ما تنساه ؟ وليـه ؟ لاتعليق :(أجمل رحلـه طلعت فيها بطفولتك ؟ طلعاتنا العايلهـ الكريمهـ كلها لمزرعتنا الوفرهـ دايم انطر الخميس والعطل بفارغ الصبر عشان نروح ونهيص هناكـ ..مكان معلق في ذاكرتك من طفولتك ؟ ولماذا ؟ الوفرهـ .. واحتفظ بالسبب لنفسي حرهـ مو لازم تعرفون كل طفولتي a25مين أقرب صديق في طفولتك وهل كانت بنت ولا ولد ؟ كانت بنت خالو اقرب وحدهـ لي فديتها :a36: أشكركـِ عزيزتي علي استضافتي واتمني اكون خفيفهـ عليكم :) ولاتحرمينا من مواضيعكـِ المميزهـ دائما ~ :a36: |
رد: طُفولة عضو ، وذكرى طفوُلته..مِين يتْورط ..!
ناثرة الورد :21t:
هههههههههه وش ذا طلعت العلوم ..ماتوقعتك أبد شقية ..! صدق ان المظاهر خداعه خخخخخخخ<< بتتصفق هع تسلمين يالغلا .. أضحك الله سنك وسعتي صدري مع هالمواقف الحلوة ~ |
رد: طُفولة عضو ، وذكرى طفوُلته..مِين يتْورط ..!
:
بانتظاآر صاحبة الحضور الرآقي : عزوتي دوسرية .. ياليت تتحفينا بمشاركتك ~ : ملحوظة .. ياليت الكل يختار من يجاوب بعدهـ ~ |
رد: طُفولة عضو ، وذكرى طفوُلته..مِين يتْورط ..!
ِِِAL 3ajmiah
تسلمين على الاهتمام والروح الطيبة وننتظر العزيزة عزوتي دوسريه . |
رد: طُفولة عضو ، وذكرى طفوُلته..مِين يتْورط ..!
السلام عليكم ورحمة الله وبركاته AL 3ajmiah تسلمين على الدعوة ويعطيك العافية على الجهود الرائعة بكل مجلس إيش كآنت لعبتك المفضلـه وأنت صغير ؟ العاب عرايس نشيد كنت تحبه أيام الطفولـه ؟ وسويره راحت البر تجيب العيش الاحمر وتحطه في الصواني علي جيه خوالي خوالي يا دلالي شخصيه كرتونيـه كنت تحبهآ ؟ بولياناسالي كيف كنت أيام طفولتك شقي ولا مؤدب ؟ مؤدبه و شوية شقاوه ماهي المواقف اللي عرضت فيها أهلك للإحراج ؟ ما اذكرهل كانت شخصيتك قوية أم مغلوب عليها ؟ احس عاديه موقف حصل في طفولتك كان له دور في تغيير مجرى حياتك ؟ ما اذكر أكبر عيديـه جمعتها كم ؟ ومن مين ؟ والله ما اذكر يوم كنتِ صغيره إيش كآنت تسريحتك المفضلـه ؟ عنقوصينمن كـآن يدلعك أكثر أبوك أو أمك ؟ أبوي الله يرحمه ويغفر الله بس الأن أمي الله يحفظها لي وجعل يومي قبل يومها اســم دلعك بالطفولـه لحد الآن ينادونك فيـه ؟ وماهو ؟ ما شفت وش سؤالتس ؟؟؟D: لحقت تتابع المجد؟ ولا سبستوون ولا القناة الاولى بالصبح والعصريـه ؟ لا بس لجيت بيت خوالي ;) طبعا اشوف توم جيري والبطه السود فقط بطفولتك كنت تبكي إذا ماجلست بالاول بالطابور أو الفصل ؟ أذا ما حصلت الأول الثانيه ;) هل عندك لعبـه موجوده من صغرك إلى الآن واذا كنت محتفظ فيها ؟ وماهي ؟ لا :) إيش اكـثـر حلاوة كنـت تحـبهاا ؟ حلاة مصاص غندور وحلاو البقر الصفراء والحمراء ايش اسم اول مـدرسـه أو مدرس درسك ؟ مدرستي ما اقدر اصرح لكن ابلة زهره رياضيات هـل كـنت تـعانـي مـن اخـطاء فـي مخـارج الحـروف ؟ لا ابد الحمد الله موقف بطفولتك ما تنساه ؟ وليـه ؟ كنا معزومين بيت خوالي عموما اهلي ركبو سيارتهم بيمشون انا كنت لاهيه العب بالحوش المهم مدري وش اللي خلني افقد اهلي يوم طلعت شفت سيارتنا ماشيه انا وقف قلبي والله اني قمت اركض الحق السياره بدون حذيان ( لان ما احب اطلع من بيتنا مايكون ابوي معي ) انهرت ذاك اليوم حسيت انتهيت من الدنيا أجمل رحلـه طلعت فيها بطفولتك ؟ ولله كثير الأماكن وكات الأحلى مع أهلي وخصوصا الطلعات اللي مع بنات أخوي مكان معلق في ذاكرتك من طفولتك ؟ ولماذا ؟ مزرعتنا اللي عند بيتنا كنت احبها لان ابوي وعمي كل صبح يتقهون فيها وانا وأخواني والبنات نلعب فيها مين أقرب صديق في طفولتك وهل كانت بنت ولا ولد ؟ مافي الا بنت أخوي انااكبر منها بشهر:a36: |
رد: طُفولة عضو ، وذكرى طفوُلته..مِين يتْورط ..!
واترك الخيار لصاحبه الموضوع ِِِAL 3ajmiah فديتها
|
رد: طُفولة عضو ، وذكرى طفوُلته..مِين يتْورط ..!
الغروب
الله يسلمك ياارب ..ع متابعتك .. كوني بالقرب دوماً .. لا عدمتك ~ |
رد: طُفولة عضو ، وذكرى طفوُلته..مِين يتْورط ..!
عزوتي دوسريه
وعليكم السلام ورحمة الله وبركاته لبى قلبك يالغلا والله يحفظ لك والدتك وكل غالينك .. ويرحم والدك وجمييع موتى المسلمين ياارب ~ يعطيك العاافية ع الإجابة وتلبية الدعوة ~ |
رد: طُفولة عضو ، وذكرى طفوُلته..مِين يتْورط ..!
ضيفتنا الجاية الحبوبة .. هي انسانة طالما عذبت الجميع بتحقيقااتها الممتعه
جاك الدوور يالغلا " راعية اطيب قلب " .. ياريت تشاركينا يالغلا .. وتختارين اللي بعدك بما أن لك خبرة في الصيدD: |
رد: طُفولة عضو ، وذكرى طفوُلته..مِين يتْورط ..!
بسيطه بسيطه التحقيقات واجد والدور راجع عليك ياحلوه ههههههههههههههههههههه مشكروه حبيبيت على اختيارك مع اني مبسوطه وانا اقوم بدورالاختيار بس لعيونك كل شي يهون بس طفولتي مالها داعي بتموتك ضحك إيش كآنت لعبتك المفضلـه وأنت صغير ؟ كل شي اللعب فيه << مسليه عمرها حتى الكوره<< اخونها كلهم عيال ماعندها خوات نشيد كنت تحبه أيام الطفولـه ؟ سارعي لللمجد العليا شخصيه كرتونيـه كنت تحبهآ ؟ كابتن ماجد<< والهدف اللي يشوته اليوم ولا يوصل الا الاسبوع الجاي كيف كنت أيام طفولتك شقي ولا مؤدب ؟ اما مؤدب موب حوالي بس الحمد لله اللحين عاقله جداً ماهي المواقف اللي عرضت فيها أهلك للإحراج ؟ كسرت قزازة سيارة جارنا بالكوره ولاخلاصنا منه لين صلحها ابي هذا ابسط شي والباقي فضايح << الستر زين ههههههههههههههههههههههه هل كانت شخصيتك قوية أم مغلوب عليها ؟ شايخه في اللي اصغر مني بس امام الكبار مغلوبه على امري موقف حصل في طفولتك كان له دور في تغيير مجرى حياتك ؟ ما اذكر صار لي شي من هالنوع أكبر عيديـه جمعتها كم ؟ ومن مين ؟ 200 ريال 100 من ابي و100 من جدي الله يطول بعمره يوم كنتِ صغيره إيش كآنت تسريحتك المفضلـه ؟ من عرفت نفسي وامي تحط شعري قرنين لين وصلت المتوسطه وفكيته من كـآن يدلعك أكثر أبوك أو أمك ؟ والله كلهم << انا البنت الوحيده اســم دلعك بالطفولـه لحد الآن ينادونك فيـه ؟ وماهو ؟ مافي دلع الله يرحم الحال فيه عيارهD: لحقت تتابع المجد؟ ولا سبستوون ولا القناة الاولى بالصبح والعصريـه ؟ القناة الاولى بالصبح والعصريـه بطفولتك كنت تبكي إذا ماجلست بالاول بالطابور أو الفصل ؟ ايه وبقوه لازم الاول<< بس انا خدمني خالتي كانت مدرستي في صف اول هل عندك لعبـه موجوده من صغرك إلى الآن واذا كنت محتفظ فيها ؟ وماهي ؟ لا ماعندي إيش اكـثـر حلاوة كنـت تحـبهاا ؟ كل انواع الحلوة احبها ايش اسم اول مـدرسـه أو مدرس درسك ؟ العاشره هـل كـنت تـعانـي مـن اخـطاء فـي مخـارج الحـروف ؟ لا موقف بطفولتك ما تنساه ؟ وليـه ؟ بابا كان موقف سيارته بموقف السيارة داخل البيت وكنا نلعب غميمه ورحت واتخبيت في السياره من بعد الظهر ولا صحيت الا بعد العصر الا وانا مع بابا في الدوام بغى يروح فيها المسكين خوفته بسم الله عليه أجمل رحلـه طلعت فيها بطفولتك ؟ كثيره والله كل مكان نسافر له رحلتنا كان حلوه مكان معلق في ذاكرتك من طفولتك ؟ ولماذا ؟ مافي شي مين أقرب صديق في طفولتك وهل كانت بنت ولا ولد ؟ اخوي اللي اكبر مني والى الان وانا وهو اصدقاء والعضو اللي بختاره هو انتي ِِِAL 3ajmiah طلعتي بلاوينا يالله خلينا نشوف طفولتك |
رد: طُفولة عضو ، وذكرى طفوُلته..مِين يتْورط ..!
راعية اطيب قلب
هههههههههههههههههه الله يقطع شيطانك .. أماا يوم تنأمين بالسيارة خخخخخخخخ فطسسست عليك من الضحك .. ولا لما كسرتي قزاز سيارة الجيران ههههههههههههههه الله يعين أهلك عليك شكلك كنتي شيطونه صغنونه .. وتبينهم بعد يدلعونك ..!.. عيارة وتخب عليك a25 أسعدتني مشاركتك يالغلا .. ووسعتي صدري الله يوسع صدرك بالعاافية ~ ... بالنسبة لاختيارك .. العضوة الجاية بدهاا تروق ع ما تجاوب ..^,^ |
رد: طُفولة عضو ، وذكرى طفوُلته..مِين يتْورط ..!
بلاك ماتدرين ليه انا كسرت سايرته ولدهم ضربني واخذ اغراضي اللي شاريه من البقاله واخواني مافي احد منهم قمت كسرت سيارت ابوهم << لاتلومينها المسكينه ماقدرت على الولد حطت الحره بسيارت ابوهم |
رد: طُفولة عضو ، وذكرى طفوُلته..مِين يتْورط ..!
هههههههههههههههههههههههههههه دبه عذر أقبح من ذنب خخخخخخخخخخخخ
الله يقطع شرك ليتي كنت أعرفك يومني صغيرة مظلومة .. كان اصادقك وتفزعين لي ^^ |
رد: طُفولة عضو ، وذكرى طفوُلته..مِين يتْورط ..!
♪ ♫ ♪ نبـــدأ بالأسئلـه .. بسم الله إيش كآنت لعبتك المفضلـه وأنت صغير ؟ جيران << يعني كل بنت تلبس عباية امها وتاخذ معها طفلة ولا عروسة ونمثل اننا نزور بعض ونسولف سوالف حريم .. هذي يبي لها مجموعة بنات ^^ نشيد كنت تحبه أيام الطفولـه ؟ كثير .. أذكر منها : سأل الطفل الحائر شادي .. ياأستاذي أين بلادي ..؟! شخصيه كرتونيـه كنت تحبهآ ؟ ماركو .. ومريانا .. وزورو .. وساندي بل ~ كيف كنت أيام طفولتك شقي ولا مؤدب ؟ هااادية جداً a22~ ماهي المواقف اللي عرضت فيها أهلك للإحراج ؟ لا أذكر ... إن شاء الله إني ماقد فشلتهم :53t: هل كانت شخصيتك قوية أم مغلوب عليها ؟ وســط .. موقف حصل في طفولتك كان له دور في تغيير مجرى حياتك ؟ مافي موقف محدد .. بس اللي اعرفه اني كنت هادية ومنسية لين تغيرت وأثبتت وجودي بنفسيD: أكبر عيديـه جمعتها كم ؟ ومن مين ؟ ماأذكــر يوم كنتِ صغيره إيش كآنت تسريحتك المفضلـه ؟ مثل وحيد القرن .. نافورة ^_^ من كـآن يدلعك أكثر أبوك أو أمك ؟ كلهم .. الله يحفظهم ويطيل بعمرهم ع طاعة ~ اســم دلعك بالطفولـه لحد الآن ينادونك فيـه ؟ وماهو ؟ كل يوم لي اسم دلع a22 لحقت تتابع المجد؟ ولا سبستوون ولا القناة الاولى بالصبح والعصريـه ؟ القناة الاولى بالصبح والعصريـه بطفولتك كنت تبكي إذا ماجلست بالاول بالطابور أو الفصل ؟ مايفرق معي ~ هل عندك لعبـه موجوده من صغرك إلى الآن واذا كنت محتفظ فيها ؟ وماهي ؟ لا إيش اكـثـر حلاوة كنـت تحـبهاا ؟ توفي وشيبس تسالي بالكاتشب ~ ايش اسم اول مـدرسـه أو مدرس درسك ؟ أ. أسماء درستني بأولى ابتدائــي هـل كـنت تـعانـي مـن اخـطاء فـي مخـارج الحـروف ؟ كل العائلة الكريمة كنا ننطق الـ ( ل , ر ) ياء يعني لو بقول : بنروح > بنيوح , نلعب > نيعب نبقى كذا لين 6 سنوات :) موقف بطفولتك ما تنساه ؟ وليـه ؟ أذكر لما كنت بأولى ابتدائي .. مرة الوالدة قالت لي أرتب غرفتي .. المشكلة كان منشر الغسيل بغرفتي بحكم اننا كنا ساكنين بشقة .. المهم نظفت كل شي وباقي ثوب للوالد كان منشر اخذته ولا ادري وين احطه ..؟ .. قمت اخذته وحطيته بشنطتي .. وبعد حطيت سيارة صغيرة لعبة أخوي وملعقة << ياسنعك يااشيخةa22 .. المهم لما رحت للمدرسة وفتحت الشنطة لقيت العفش وخفت ان اي وحدة تشوفه .. حطيت شنطتي بحضني كل ذاك اليوم والمشكلة لما جت الفسحة قالوا انهم بيسوون تفتيش وقف قلبي ..!.. يااطوله ذاك اليوم بس الحمد لله عدى ع خير محد درى عن سري اللي يفششششل ^_^ أجمل رحلـه طلعت فيها بطفولتك ؟ أذكر طلعات البر والكشتات ذاك الوقت خاصة إذا كان فيه ربيع كنا نستاانس وننبسط خاصة اننا كنا مجموعة ناس كثيرين أصحاب الوالد وكانوا مثل الاهل .. مكان معلق في ذاكرتك من طفولتك ؟ ولماذا ؟ العمارة اللي كنا ساكنين فيها .. ماكنت اركد بالشقة .. والوالدة الله ياجرها دايم تدورنا .. يااما طقااق بين البنات والعيال ولا ناشبة بناس أسكن عندهم بس طبعاً ياسواد ليلي تجيني العلقة من الوالد ومع ذلك كانت ايام حلوة ~ مين أقرب صديق في طفولتك وهل كانت بنت ولا ولد ؟ بنت :) .. وللآن احنا صاحبات وعلى توااصل ولله الحمد~ ♪ ♫ ♪ : |
رد: طُفولة عضو ، وذكرى طفوُلته..مِين يتْورط ..!
ضيفتنا القادمة .. هي المبدعة الرآئعه
m!ss-83 حيااك الله يالغلا ~ وياليت ترشحين اللي بعدك وأكون لك شاكرة ..! |
رد: طُفولة عضو ، وذكرى طفوُلته..مِين يتْورط ..!
استمتعت بمتابعة طفولتكم وذكرياتكم الحلووه
وبانتظار [ مسس ] [ العجميه ] يعطيج العافيه ع الفكره :21t: |
رد: طُفولة عضو ، وذكرى طفوُلته..مِين يتْورط ..!
مشكوووره حبيبتي ع الموضوع الحلو وعلى أختياري 1bh1 بسم الله ابدأ . . إيش كآنت لعبتك المفضلـه وأنت صغير ؟ كل شي كنت ألعبه .. مع البنات تلقيني ومع الصبيان تلقيني بس أكثر أكثر لعبه أحبها " سباق الجري " نشيد كنت تحبه أيام الطفولـه ؟ أغنية بارني << يعنني من مواليد أمس a25 كنت أحب كل أغاني هدى حسين http://img269.imageshack.us/img269/7...p914680526.gif شخصيه كرتونيـه كنت تحبهآ ؟ كثير منها .. توته في المريخ ، بل وسبستيان ، عدنان ولينا ، هايدي ، قرانديزر ،توم وجيري ،بتي بوب .. إذا بعدهم مراح أخلص a22 كيف كنت أيام طفولتك شقي ولا مؤدب ؟ لا مؤدبه مع شوية عناد ;) ماهي المواقف اللي عرضت فيها أهلك للإحراج ؟ أنا صراحه ما أذكر .. بس في موقف توه من فتره قالولي عليه أو بالأصح فجعوني فيه إني سويته و أنا صغيره بس مقدر أقوله .. أتحي http://img143.imageshack.us/img143/451/7byo27d.png هل كانت شخصيتك قوية أم مغلوب عليها ؟ عاديه .. ماني متسلطه ولا مسيكينه :) موقف حصل في طفولتك كان له دور في تغيير مجرى حياتك ؟ وفاة الوالد الله يرحمه أكبر عيديـه جمعتها كم ؟ ومن مين ؟ ما أذكر :020: يوم كنتِ صغيره إيش كآنت تسريحتك المفضلـه ؟ أحب افله لأنه دايم قصير من كـآن يدلعك أكثر أبوك أو أمك ؟ الاثنينtty6 اســم دلعك بالطفولـه لحد الآن ينادونك فيـه ؟ وماهو ؟ لحد الحين ينادوني فيه حتى الصغار ما يقولولي يا عمه ينادوني بالدلع a22 لحقت تتابع المجد؟ ولا سبستوون ولا القناة الاولى بالصبح والعصريـه ؟ الصبح و العصريه بطفولتك كنت تبكي إذا ماجلست بالاول بالطابور أو الفصل ؟ لا ماتفرق معاي هل عندك لعبـه موجوده من صغرك إلى الآن واذا كنت محتفظ فيها ؟ وماهي ؟ كنت محتفظه بأغلب ألعابي لين تخرجت من الكليه وبعدين وزعتها على الجهال صرت بابانويل يومها a25 إيش اكـثـر حلاوة كنـت تحـبهاا ؟ الآيس كريم عشقي الاول و الاخير http://img28.imageshack.us/img28/6452/sama2012.gif ايش اسم اول مـدرسـه أو مدرس درسك ؟ ما اذكر :53t: هـل كـنت تـعانـي مـن اخـطاء فـي مخـارج الحـروف ؟ لا الحمدلله 42t موقف بطفولتك ما تنساه ؟ وليـه ؟ موقف حصلي بالسعوديه أيام الغزو لو شنو يصير مراح أنساه " ممنوع من النشر "15t أجمل رحلـه طلعت فيها بطفولتك ؟ طلعات كثيره و أغلبها كشتات البر tty8 مكان معلق في ذاكرتك من طفولتك ؟ ولماذا ؟ بيتنا القديم عند عمامي لأنه لي ذكريات مع ابوي هناك كثيره وحلـــــوه :) مين أقرب صديق في طفولتك وهل كانت بنت ولا ولد ؟ من البنات : أختي وبنت خالتي من الأولاد : أخوي وولد عمتي وولد خالتي تصدقين ..سؤالج هذا ذكرني بصديقي بالروضه كان اسمه جاسم .. الله يذكره بالخير :rolleyes: إيــــــــــــه .. ذكرتيني باللذي مضى :o و أختار بعدي .. " القرناسه " 1bh1 |
رد: طُفولة عضو ، وذكرى طفوُلته..مِين يتْورط ..!
القرناسة
الله يعاافيك يالغلا ويحفظك.. يالله جااك الدور .. الله يكون بعونك *,* |
رد: طُفولة عضو ، وذكرى طفوُلته..مِين يتْورط ..!
m!ss-83
نفسي تقولين الموقف اللي احرجتي فيه اهلك D: << مع العلم منيب ملقوفة أبد ..!! مشكورة يالغلا ع تلبية الدعوة وإجاباتك الدبلوماسية زين سوينا فيك خير وذكرناك بجسوم a25 |
رد: طُفولة عضو ، وذكرى طفوُلته..مِين يتْورط ..!
8
8 لااااااااا ما اقدر أنا لما دريت فيه حسيت برستيجي خرب على كبر :011: وماصدقتهم الا لما خليتهم يحلفون a24 وايه والله زين اللي ذكرتيني فيه كان خوش صديق كنت أحبه :p وفي انتظار .. " القرناسه " 1bh1 |
رد: طُفولة عضو ، وذكرى طفوُلته..مِين يتْورط ..!
تسلمين مس ع الاختيار 1bh1
حتى انا ابي اعرف الموقف اللي صارلج بالغزو :rolleyes: بسم الله ابدأ . . إيش كآنت لعبتك المفضلـه وأنت صغير ؟ الغميضه والقاري وطبعا الباربي نشيد كنت تحبه أيام الطفولـه ؟ اغاني هدى حسين والاوبريتات والمسلسلات بس اول اغنيه حفظتها كانت لمحمد عبدو هلا بالطيب الغالي كان عمري تقريبا 3 سنين ونص شخصيه كرتونيـه كنت تحبهآ ؟ شخصيات ديزني كلها احبها وبوليانا كنت اسوي نفس تسريحة شعرها وبعد فلونه .. رحلة عنابه كنت اموت عليه .. بيتي بوب ... الخ الخ كيف كنت أيام طفولتك شقي ولا مؤدب ؟ مؤدبه بس مشكلتي راعية فزعه اجيب لعمري مصايب :p ماهي المواقف اللي عرضت فيها أهلك للإحراج ؟ اذكر موقف مدرسه مصريه طقتني طراق في الابتدائي عشان جاوبت قبل لا ارفع اصبعي a8 واعلم امي وجاتها امي تخانقها جان تقول المدرسه ناديها لي مين هيا بنتك ؟؟ يوم جيت الا المدرسه تلمني دي بنتك واللهي دي قمر وحبيبتي جان طالعني المدرسه قالت انا ضربتك ؟؟ طالعتها جان اقول لا :rolleyes: امي استخفت تقولي مو انتي قايلتلي انها طقتج جان اقول لا ماحصل ماطقتني [واهي صج طاقتني a8] يوم رجعنا البيت زفتني امي ليه تحطيني بهالموقف :o هل كانت شخصيتك قوية أم مغلوب عليها ؟ نوعا ما قويه ومرات اصير امعه :rolleyes: موقف حصل في طفولتك كان له دور في تغيير مجرى حياتك ؟ طبعا اهو ماصارلي موقف قوي عشان يغير حياتي كومبليتلي لكن الغزو من الاحداث اللي اثرت فيني .. لما صار كان عمري 5 سنين ونص قبلها كنت اجهل شنو يعني حب الوطن بس لما صار الغزو 0012 حب الكويت تأصل بقلبي 0012 أكبر عيديـه جمعتها كم ؟ ومن مين ؟ دايم من الوالد الله يحفظه لكن اول واكبر مبلغ جمعته كان عمري 10 سنين 120 دينار ومن وناستي فيها كل من دخل علينا طلعتها له الين صك الباب على ظفري حزتها قمت انط و اوقع من العوار يوم كنتِ صغيره إيش كآنت تسريحتك المفضلـه ؟ لما كنت صغيره حيل بوي كله حاشته لي امي بس لما كبرت عنقوص ولما كبرت شوي وصلت للمتوسطه طحت بالجل كله اسوي كيرلي من كـآن يدلعك أكثر أبوك أو أمك ؟ هو طبعا الاثنين ابوي ماديا وامي معنويا :p اســم دلعك بالطفولـه لحد الآن ينادونك فيـه ؟ وماهو ؟ اسم دلع ماعندي لانه اسمي غنوج :p فما يحتاج يعطوني لقب a25 لكن عيارتي ما زالت بااااقيه منذو الازل الى يومنا هذاااا [ ام صخر ] عاد لحد يعايرني لوول لحقت تتابع المجد؟ ولا سبستوون ولا القناة الاولى بالصبح والعصريـه ؟ الاولى طبعا بطفولتك كنت تبكي إذا ماجلست بالاول بالطابور أو الفصل ؟ بالطابور عادي بس بالصف ايام الابتدائي ضرووري لانه امي مدرسه ومضبطتني tty6 هل عندك لعبـه موجوده من صغرك إلى الآن واذا كنت محتفظ فيها ؟ وماهي ؟ نؤ مع الاسف :( إيش اكـثـر حلاوة كنـت تحـبهاا ؟ كنت اموت على ككاو تولوو اللي كيسه اصفر ومكتوب بالاحمر .. وبسكوت اولكر يذكرني في بيت خالتي لوول وكان في صندوق في حلقوم وحلويات ناسيه شسمه ما اشوفه الا بالمناسبات كنت احبه ايش اسم اول مـدرسـه أو مدرس درسك ؟ لا عاد قويه عفيه مخ دفتر :p هـل كـنت تـعانـي مـن اخـطاء فـي مخـارج الحـروف ؟ لا الحمدلله صاغ سليم :cool: موقف بطفولتك ما تنساه ؟ وليـه ؟ لما دزني ولد خالي من صبّه كان ارتفاعها مترين ما انسى صراخ امي a8 كان في يومها حاسه بسويلي شي فقعدت ع الصبه بين خالتي وصديقتها وسبحان الله دزني على غفله وطبعا مواقفي معاه واجد لانه يغار مني وانا اغار منه 16t لووول مره كنت قاعده بامان الله ارسم ومندمجه مادريت الا جايني طاير وبايده مقص ويقص خصله من شعري a8 أجمل رحلـه طلعت فيها بطفولتك ؟ رحلات كثيره واللي اذكرها حيل روحتنا اول مره لبر المطلاع كانت طلعه مميزه مكان معلق في ذاكرتك من طفولتك ؟ ولماذا ؟ بيت خوالي القديم طفولتي كانت كلها فيه ومحل نحن والاطفال كنت احبه حيل لدرجه اول مره افكر بالسرقه اني اسرق هالمحل لوول مين أقرب صديق في طفولتك وهل كانت بنت ولا ولد ؟ بنت خالتي وبنات خالي و أختار بعدي .. [ لليمين در ] للامام سررر :p :21t: |
رد: طُفولة عضو ، وذكرى طفوُلته..مِين يتْورط ..!
اقتباس:
زين سووا فيك .. عاد كلّ له من ماضيه مواقف محرجة بس أحيان الأهل يتستروا علينا ولا يخبروننا بمصايبنا a25 |
رد: طُفولة عضو ، وذكرى طفوُلته..مِين يتْورط ..!
القرناسة ..
نورتي يالغلا بتجاوبك ومشاركتك .. بس مو حراام عليك ياأم صخر تفشلين أمك ..! تجيك عانية وتوقفين ضدها بصف المدرّسة ..;) الله يسعد قلبك .. ونّستني إجاابااتك ~ |
رد: طُفولة عضو ، وذكرى طفوُلته..مِين يتْورط ..!
لليمين در ..
حياك الله .. بانتظــــآر مشــآركتكـ ~ |
رد: طُفولة عضو ، وذكرى طفوُلته..مِين يتْورط ..!
نظراً لتأخــر " لليمين در " وغيابه هذه الفترة , عسى المانع خير ..
نؤجل استجوابه لحين عودته .. ::a36: : وتأخذ الدور .. صاحبة الحضور المميز .. والروح الطيبة .. الغاليــة : سارونه الـ ع ـجـ م ـي اتفضلي لاهنتي مشكورة ~ |
رد: طُفولة عضو ، وذكرى طفوُلته..مِين يتْورط ..!
السلام عليكم ورحمة الله وبركاته
لاهنتي يالعجميه على اختياري ولو ان اسألتكم بتجيب العيد فيني بتطلع الفضاايح كلها هههههههههههه بسم الله نبدأ :) إيش كآنت لعبتك المفضلـه وأنت صغير ؟ جمع التيجان والبس على راسي 60 الف تاج هههههههههههه نشيد كنت تحبه أيام الطفولـه ؟ << تخصص اغاني بس a25 شخصيه كرتونيـه كنت تحبهآ ؟ بيتي بووووب طبعاا :) كيف كنت أيام طفولتك شقي ولا مؤدب ؟ شقيه جدااا جدااا جدااا ماهي المواقف اللي عرضت فيها أهلك للإحراج ؟ عزاااااااااااااااااه هههههههههههههههههههه كنا رايحين للحسى نزور جدتي انا واهلي كلناا وطلعت انا واخوي من البيت ورحنا للمسجد الي جمبهم ومسكنا الماايك وانا اغني ((الله واكبر يا حماام)) وطبعا اخوي يعطي الالحاان ههههههههههههههههههههههههههههههه ودخل علينا الاماام وتلنا الين وصلنا عند ابوي هههههههههه هل كانت شخصيتك قوية أم مغلوب عليها ؟ قويييه <<< مدمرة الفريج قبل ههههههههههه موقف حصل في طفولتك كان له دور في تغيير مجرى حياتك ؟ وفاة جدي الله يرحمه أكبر عيديـه جمعتها كم ؟ ومن مين ؟ تبون الصدق ولا ولد عمه ;) كانكم تبون الصدق اكبر عيديه جمعتها هي 10 دنانير هههههههههههههه ويومها ماجاني النوم من الفرحه ههههههههههههه يوم كنتِ صغيره إيش كآنت تسريحتك المفضلـه ؟ طبعار عنقووص والبس اذا شوي 7 تيجان على راسي ههههههههههههه من كـآن يدلعك أكثر أبوك أو أمك ؟ كلهم لبى كبوودهم اســم دلعك بالطفولـه لحد الآن ينادونك فيـه ؟ وماهو ؟ سوسو والين الحين ماشي معي الدلع ذاا :) لحقت تتابع المجد؟ ولا سبستوون ولا القناة الاولى بالصبح والعصريـه ؟ القناه الاولى بطفولتك كنت تبكي إذا ماجلست بالاول بالطابور أو الفصل ؟ اصلا مكاني محجووز من قبل لا يبدا الطابوور D: اما بالفصل ما احب اقعد قدام احب اقعد بالنص هل عندك لعبـه موجوده من صغرك إلى الآن واذا كنت محتفظ فيها ؟ وماهي ؟ اي محتفظه فيها الين الحين الي هي مسجل على بطاريه :) إيش اكـثـر حلاوة كنـت تحـبهاا ؟ هههههههههههههههههههه ذكرتوني بأم جابر البيااعه :( طبعا ((حلاو غندور )) ايش اسم اول مـدرسـه أو مدرس درسك ؟ انا خل اذكر اسم دكتوري الي بالمعهد الحين علشان اذكر اسم اول مدرسه a25 هـل كـنت تـعانـي مـن اخـطاء فـي مخـارج الحـروف ؟ اي والله :( اعاني منه الي هو حرف الـ (ز) انطقه (س) مثل ازرق اقوله اسرق :( موقف بطفولتك ما تنساه ؟ وليـه ؟ اي والله اذكر مره مسكت بنت جيرانا وقعدت ازن على اذنها امشي خل نروح بيوتنا مشي هههههههههههههههه وما وصلنا بيوتنا الا الساعه 5 المغرب D: وللحين فبالي لانها من جد اكلت ضرب السنه بسااعه اي سنه قصدي ضرب قرن بساعه ههههههههههههههههههههههه أجمل رحلـه طلعت فيها بطفولتك ؟ حديقة الحيوان مكان معلق في ذاكرتك من طفولتك ؟ ولماذا ؟ بيتنا القديم لان فيه ذكرياتنا الطفوليه كلهاا مين أقرب صديق في طفولتك وهل كانت بنت ولا ولد ؟ بنت جيرانا الي انضربت هههههههههههههههه والين الحين علاقتنا مع بعض الحمد الله :) <<<< تاخذ نفس عميق بعد الاسئله D: كل الشكر لش غاليتي العجميه على هذا الموضوع الي ردني سنين وراا وعساش على القوه اما العضو الي بعدي انا اختاار ((مانع الوعيلي )) 1bh1 |
رد: طُفولة عضو ، وذكرى طفوُلته..مِين يتْورط ..!
سارونه العجمي ..
يحليلك يوم تغنين انتِ واخوك ف المسجد هههههههههههههههههه والله وطلعت مصايب أطفال زمان يازين أيام الطفوله .. أعجبتني شخصيتك أحس انك موسعة صدرك وبقوة ههههههههه تسلمين يالغلا ع المشااركة ولا هنتي ~ |
رد: طُفولة عضو ، وذكرى طفوُلته..مِين يتْورط ..!
مانع الوعيلي ..
بانتظار مشاركتك ~ |
رد: طُفولة عضو ، وذكرى طفوُلته..مِين يتْورط ..!
انا قلت لش من البدايه انها بتطلع علومي كلها هههههههههههههه
بس مانقول الا ياحلااااات اياامها بس اكرر شكري لش على هذا الموضوع الرااائع ماانع يالله رووح جااي D: |
رد: طُفولة عضو ، وذكرى طفوُلته..مِين يتْورط ..!
سارونه الـ ع ـجـ م ـي
إي والله هذا اللي نبيه طلعي اللي ماعمرك طلعتيه D: .. تسلمين يالغلا الله يحفظك ~ : مانع .. مستنينك *,* |
رد: طُفولة عضو ، وذكرى طفوُلته..مِين يتْورط ..!
السلام عليكم ورحمة الله وبركاته
اعتذر عن التاخير وماكنت ادري وانا بشارك بعد اخوي مانع ان شاء الله وفي انتظار مشاركته وبيض الله وجه راعي الفكرة واشكر القرناسة على اختياري ,,واعتذر منها والله ماكنت موجود وقتها |
رد: طُفولة عضو ، وذكرى طفوُلته..مِين يتْورط ..!
لليمين در
وعليكم السلام ورحمة الله وبركاته عوداً حميداً .. وياهلا بعودتك .. وبانتظاار اخونا ماانع .. الله يجيبه .. الظاهر ماتمشون إلا بغرااماات شكلي ابتبع سياسة راعية أطيب قلب .. عشان محد يتأخر ف الرد ههههههههه |
| الوقت في المنتدى حسب توقيت جرينتش +3 الساعة الآن 01:14 PM . |
مجالس العجمان الرسمي