|
::يــــا مــســـافـــر ::
بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين أول شئ لا احد يألف علينا :) نبي تعرفنا عن أي ديره سافرت لها المدن اللي زرتها الفنادق فترة الاقامه الاسعار عملة البلد جو هالبلد التذاكر خطوط الطيران سافرت عليها مواقف حلوه او غير ذلك واذا فيه صور يكون أحسن يعني معلومات نفيد بعضنا ونستمتع انتظر تفاعلكم اتمنى لكم التوفيق... |
رد: :: مــســـافـــر ::
أبدأ معاكم
بالـــصـــيــن وللاسف الصور في كاميرا صاحبي التاريخ : شهر 12 /2009 المدينه : كوانزو الفندق : هيونتان فئة 4 نجوم سعر الليله تقريبا 12 دينار فترة الاقامه : ثمان ايام الاسعار والعمله : عمله الصين الريممبي الاسعار مقبوله نوعا ما بس التسوق هناك عجيب ورخيص بالنسبه لاسواقنا .. الخطوط والتذاكر : على الخطوط القطريه -( كويت دوحه ترانزيت 2ساعه - دوحه كوانزو ) في الذهاب الرحله تستغرق 6.15 ساعه من الدوحه لكوانزو الاياب الرحله تستغرق 9.45 ساعه من كوانزو الى الدوحه :( سعر التذكره من الكويت 300 دينار الجو : بارد تقريبا7 درجات مئويه المواقف : انا ويا خويي كنا صاكنا الجوع ورايحين لمطعم يمني بس قلنا ناخذها مشي بدال التكسي المهم معانا اسم المحل وكل ما سألنا هالصينين (طبعا نكلمهم بلغة الاشاره :) ) وما عندهم الا الدجه ضيعونا زاد علينا الجوع قلنا ندخل مطعم صيني ونجرب اكلهم طلبنا طبق طلع طبق سحالي مع حشرات لاعت كبودنا وما قدرنا ناكل ذلك اليوم ورجعنا للفندق بدون أكل :( عسى الله يعز النعمه واللهم لك الحمد على نعمه الاسلام وأرجع لكم بسفره جديده |
رد: :: مــســـافـــر ::
لاهنت يا فهيد على الموضوع والله انك جبت الصواب طال عمرك في اثارة الموضوع انه يكون كل شي موجود الشواهد
والمعروف ان الصين بلد رخيصه في البضايع والديره كلها رخيصه اما العيشه واكلهم الله يعز النعمه انت يمكن الخامس اللي يقول الكلام هذا انا لابعد جيتها بس اللي يروحون يقولون العن ام الغشات في العيشه الله يديم النعمه ولاهنت على الموضوع |
رد: :: مــســـافـــر ::
{ مسـاء الخيـر .. راح اشاركم ان شاء الله كل يوم بسفرهـ جديدهـ : المدينهـ : طبعا المفضلهـ عندي واللي مااقارن بينها وبين غيرها { لبنـان } الفنادق : رحت كذا مـرهـ بس احسن فندق جـربتهـ كان { كورال سويتس الحمرا } بحط طورهـا وبحاول اخذها من الموقع نفسهـ لان احنا كل صورهـ حاطين فيسنا بس جد انصحكم فيهـ خاصهـ اذا مع الاهل حلو لان السوق تحتهـ بالضبط وامـان :) هـذا المـدخل :  غـرفهـ النـوم الكبيـرهـ :    المطعـم :  والمطعم لهـ قعدهـ خارجيهـ رووعهـ واكلهم حلو .. فترة الاقامه : 3 أيـام ... الاسعار : امممم بالليلهـ 100 دولار .. عملة البلد : انا كنت كلهـ اتعامل بالدولار ... التذاكر : انا محمولهـ مكفـولهـ واتوقع كانت 13 .. خطوط الطيران سافرت عليها : الخطوط الجويهـ الكويتيهـ .. مواقف حلوه او غير ذلك : طبعا بالثلج صرنا فلم تهزئنا مايمدي اوقف علي طول الا طايحهـ مرهـ ثانيهـ وطبعا من ضحكـ اختي وبابا الناس كلهم صار يطالعوني ويضحكوني اول مرهـ اشوف وحدهـ تطيح 13 مرهـ ورا بعض :( ~ أبـو محمـد ~ { موضوع ممتع وشيق يعطيكـ الف عافيهـ علي هالطرح الرائع ولا تحرمنا جديدكـ المميـز .. لي عـودهـ قريبا بسفرهـ ثانيـهـ ~ |
رد: :: مــســـافـــر ::
اقتباس:
اما الغشات فخذ وخل ياكثرها في الصين :) اشكرك على هالمرور الطيب يا طيب بانتظار سفراتك يـــامـــســافر اتمنى لك التوفيق... |
رد: :: مــســـافـــر ::
اقتباس:
سفره ممتعه دام فيها ضحك ووناسه وعسى دوم هالوناسه بانتظار سفراتك يـــا مســـأفر أتمنى لك التوفيق... |
رد: ::يــــا مــســـافـــر ::
وين رحت يـــامـــســـافر
بـــريــطانـــيــا التاريخ : شهر 10/2009 المدينه : لندن الفندق أو السكن : شقه غرفه وصاله في مباني وست بارك او بارك وست :) في شارع العرب (اجويرود) سعر الاقامه لمدة اسبوع 450 بوند فترة الاقامه : 9 أيام الاسعار والعمله : الجنيه الاسترليني (بوند) الاسعار في الفتره اللي كنت فيها هناك تعتبر جيده خاصه للتسوق لان كانت فيه عروض وخصومات رائعه بس التكسي يذبح وبعض المطاعم غاليه نوعا ما الخطوط والتذاكر : الخطوط الكويتيه سعر التذكره (الله اعلم على حساب الدوام:) ) الجو : الحراره ما بين 14- 18 درجه مئويه المواقف : بما ان الجو هناك يساعد على المشي والتكاسي ( نهيبه ) كنت ماخذ خريطه معاي واروح اتمشى بين هالشوارع والمباني وانتقل من مترو الى مترو المهم في احد الايام عبرت الهايد بارك متوجها الى السفاره الكويتيه ومن بعدها متوجها الى (هارودز) كنت اعرف انه مو بعيد بس طالت المسافه !! والشوارع تغيرت علي دخلت شوارع جديده علي وماشفتها من قبل !! طلعت قالب الخريطه اليمين صار يسار واليسار صار يمين :( ضعت :( بس اللي يسأل ما يتهوش والحمد لله وصلنا بالسلامه بس بعد ما مشيت ما يقارب 10 كيلو او اكثر :( بانتظاركــ يــامـــســـافر |
رد: ::يــــا مــســـافـــر ::
فهيد من حظك انك جيت وقت الخصم والتنزيلات ولا كان صلخوك بالاسعار
واما التكاسي للعن والديهمما اغلاهم لاهنت على وضع السفره اما مية كيلو مشيت ياولد اشهد ان ارجيلك تكسرت يوم وصلت تمغطت على السرير من التعب |
رد: ::يــــا مــســـافـــر ::
8
8 100 كيلو بل بل اقولك 10 كيلو او اكثر يعني ممكن 15 - 20 كيلو مو 100 لو اني ماشي 100 كان فنقشت:) وينك يـــامـــســـافر |
رد: ::يــــا مــســـافـــر ::
ماعليه شف 10 صارت 100 لاني ابغي اقيل
بس عادي لو تمشي ميه لان الجو بارد ولا تتعب ولا تهلك ولا تعطش الجو بارد وممطر يعني عادي بس صراحه متابعين على موضوعك المميز وننتظر الجديد |
رد: ::يــــا مــســـافـــر ::
اقتباس:
صدقت عن الجو فسبحان الخالق عجيب والتميز لا يكتمل الا بحضورك ومشاركتك اتمنى لك التوفيق... |
رد: ::يــــا مــســـافـــر ::
ويـــن رحـــت يـــامـــســـافــر
تـــــركـــــيــــــا التاريخ : شهر 7/2008 المدينه : بورصه - أزمير - اسطنبول الفندق : بورصه (أناتوليا) - ازمير ما اذكر بس كان منتجع رائع - اسطنبول ما اذكر اسمه بس عند تقسيم قريب فتره الاقامه : اسبوعين الاسعار والعمله : العمله هي الليره التركيه الاسعار تعتبر جيده مقارنه بالكويت والتسوق فيها ممتع والطبيعه رائعهوبالنسبه للمواصلات توجد فروقات في التكسي فتجد التسعيره مختلفه من منطقه لمنطقه . الخطوط والتذاكر : الخطوط السعوديه كويت جده (ترانزيت ليله) فندق عروس البحر الاحمر على ما اذكر جده اسطنبول سعر التذكره 230 دينار الجو : معتدل المواقف : بعد الاستمتاع في بورصه وشلالاتها وطبيعتها الجميله وخاصه القرى الجبليه حولها انتقلنا الى منتجع في ازمير وعند الوصول هناك المفاجأه البوك (محفظه النقود ) ضايعه :( ادور يمين يسار مني مناك ما فيه فايده (( بس اشوى عندي كاش )) بالجنطه وبعد يوم والنفسيه تعبانه احد الاصدقاء (( فكر تعب نفسه )) قال ليش ما نتصل بالفندق في بورصه ونسألهم دقينا عليهم وبلغونا انه لقوا البوك بس اللحين شلون ارجع لبورصه:( بعد يومين انتقلنا الى اسطنبول واتصالات مع الفندق في بورصه ابلغونا انه تم ارسال البوك الى عنوان فندقي والحمد لله بعد اربع ايام وصل بحمد الله البوك بعد ما ( عكر مزاجي ) بانتظاركــ يـــامـــســـافـــر |
رد: ::يــــا مــســـافـــر ::
ويـــن رحــت يــامـــســـافر
لــبـــنــان التاريخ : شهر 7/2009 المدينه : بحمدون - بيروت الفندق : شيراتون بحمدون سعر الليله 70 دينار فتره الاقامه : اسبوع الاسعار والعمله : العمله هي الليره اللبنانيه والدولار الامريكي الاسعار تعتبر غاليه مقارنه بباقي الدول العربيه من حيث السياحه والتسوق فيها ممتع لكن غالي يعني اغلى من الكويت والطبيعه رائعه واماكن الترفيه والسياحه متعدده وبالنسبه للمواصلات غاليه نوعا ما. الخطوط والتذاكر : الخطوط الكويتيه سعر التذكره 185 دينار الجو : معتدل وجميل بالليل (بحمدون) اما بيروت حار نهارا ومعتدل ليلا المواقف : كانت تعبان شوي واول ما ركبت الطياره بدت الكحه تزيد اللي حولي كلهم خافوا ( يحسبون انفلونزا الخنازير ) وانا اقول للمضيف لو سمحت ماي ابي ارقع السالفه على اني شرقان بس الجماعه كلن قام يصد ويبعد عني :) و قبل لا نوصل مطار بيروت الطياره مدري شفيها وكل اللي بالطياره حولي قاموا يقرون قرآن ويتشهدون والحمد لله وصلنا بسلامه . اما هناك الحمد لله ما صار لنا شي او موقف . بانــتــظـــاركــ يــامــســـافـــر |
رد: ::يــــا مــســـافـــر ::
مساك الله بالخير فهيد
اما تركيا ضيعت البوك العن ام النكبه بس ربي رحمك بالشنطه وتعيش وتكل غيرها يافهيد |
رد: ::يــــا مــســـافـــر ::
اما لبنان يوم ركبت قمت تكح اختلعو العن ام الموقف السخيف
اشهد ان مالها داعي ويعني مرقع عطني ماء بس والله ان حلاة السفره بالمواقف اللي تصير من النكبات على شان ماعاد تنساها تبطي في قلبك ولاهنت يافهيد على الموضوع |
رد: ::يــــا مــســـافـــر ::
وين رحت يـــامـــســـافر
مـــالـــيـــزيــــا التاريخ : شهر 8/2007 المدينه : كولالمبور - مرتفعات جنتنج - جزيرة بينيغ الفندق أو السكن : صن واي لاجون - منتجع ماينز - فندق ناسي اسم في المرتفعات - هوليدي ان في جزيرة بيننغ - فندق فيدرال في شارع العرب الاسعار يعني متوسطه للسكن فترة الاقامه : 18 يوم الاسعار والعمله : الرنجت الماليزي الاسعار في المجمل رائعه وتعتبر رخيصه - بس المجمعات الكبيره اسعارها شوي غاليه الخطوط والتذاكر : الخطوط القطريه - نسيت الاسعار الجو : الحراره ما بين 28 - 30 مئويه طول السنه ممطر ورطب في بعض الاحيان المواقف : في جزيرة بيننغ معلومه مهمه :) ( ما اعرف اسبح ) اخذت لي جت سكي ودخلت البحر شاد حيلي المهم المره الاولى عدت على خير طمعت رحت مره ثانيه وحجزت لي جت سكي بس الموج هالمره كان نوعا ما عالي دخلت البحر على اني قياده ما اطول عليكم طحت من على الجت وما اعرف اسبح شنو صار ما راح اقولكم :) |
رد: ::يــــا مــســـافـــر ::
ليش ماراح تقول اسلم عادي ترا حنا متابعين
اكيد كنت بتغرق جاك سباح وطلعمك ولا وش يعني بس والله من الخضار يافهيد والطبيعه في ماليزيا طول اشهر السنه لاهنت طال عمرك |
رد: ::يــــا مــســـافـــر ::
اقتباس:
حياك الله اخي الكريم مثل ما قلت يا خوي حلاة السفره بالمواقف اللي تصير وفعلا مهما صار ما تنساها اتمنى لك التوفيق... |
رد: ::يــــا مــســـافـــر ::
اقتباس:
وردودك تزيد الموضوع تميزا وابداعا اما احد اقذني ولا درو عني بس صار موقف ثاني يوم طحت من على الجت ماني بقايل :) وفعلا مثل ما قلت اخوي كنج الوادي ماليزيا تتميز بطبيعتها وخضرتها الجميله ولي عوده باذن الله بسفره جديده بأنتـــــظــــاركـــ يــــا مــســــــــافـــــــر اتمنى لكم التوفيق... |
رد: ::يــــا مــســـافـــر ::
شكلـي انا ويـاكـ يابومحمد اللي بس نسافر والا شنو D: سفـرتي هالمـرهـ راح تكـون للقاهـرهـ وخذينا قطار رحنا للاسكندريهـ قعدنا فيها يوم تقريبا هذا اذا مو اقل ^_^ التاريخ : 24/ 7 /2009 المدينه : القـاهـرهـ و الاسكندريهـ .. الفندق : ستي ستـارز بمدينهـ نصـر .. الفندق حدهـ روعهـ وعالمي وكالعادهـ لازم في سوق تحتهـ عشان بابا مايتعب معانا :) بحطلكـ صور للفندق هذا الفندق ومدخل السوق طبعا هو لهـ مدخلين رئيسي بروحهـ ومن السوق لهـ مدخل :  مدخل الفندق اللوبي :  هذا الفندق من ورا مسبح و مطاعم :  هاذي السينما حدها تونس طبعا تحت داخل السوق :  سعر الليله : اتوقع انها كانت 220 دولار .. فترة الاقامه : اربع أيام :) مااطول فديتني اخاف امور الدولهـ تتهور بدوني D: الاسعار والعمله : اذا ماتتعرف تتعامل مع الشعب راح ينهبونكـ بس كشكل عام اسعارهـا حيل حلوهـ والعملهـ جنيهـ .. الخطوط والتذاكر : الخطوط الجويهـ الكويتيهـ وكالعادهـ التذكرهـ ببلاش مدري ب5 .. سعر التذكره الجو : كان الجو بارد حلو بس بالاسكندريهـ كان حيل روعهـ .. المواقف : وانا بالاسكندريهـ يعني مسقويهـ واتشيحط قدام اختي لاني انا عارفهـ لهم وابوي مدرسني عدل عشان مايستغلوني مريت البقالهـ قلتلها ابي كرت ب50 جنيهـ كان تقولي 55 جنيهـ يعني انا فالحهـ قلتلها نصب عيني عينكـ مامداني اكمل الا قبت علي بغت تاكلني بقشوري من الخرعهـ بغيت احب راسها طبعا مصخرتني اختي ذاكـ اليوم :) والموقف الثاني كنا رايحين الاهرامات وانا طلبت حصان طبعا اختي احترت تبي تقلد وتسوي فيها قويهـ واحنا نقنها يابنت مني مناكـ مو راضيهـ حضها ركبت حصان مرجوج راح فيها طبعا من الضحكـ انا وبابا ماقدرنا نسوي شي صج ايام تونس :) وانطرونا انا وفهيد بمغامراتنا الجايه :a28: |
رد: ::يــــا مــســـافـــر ::
{ أبـو محمـد } والله لو اني معاكـ بالطيارهـ وتكحكح كان قطيت نفسي من الطيارهـ :( |
رد: ::يــــا مــســـافـــر ::
ناثرة الورد
لاهنتي على الموضوع والسفره اما مصر فانشديني عنهم لاقلت بروح المكان الفلاني اي ياباشا على راسي يا باشا ناصبك ناصبك لو انك اصحى الناس ولا قلت ليش هاذا كذا سعره قال ايه يا باشا انتي كريم واده الدماغ يستاهل واسعارها اي بالله زينه مره مناسبه النصب يا قدع يا باشا |
رد: ::يــــا مــســـافـــر ::
اقتباس:
هههههه والله انكـ صادق بكلامكـ كلامهم يفر المخ من رحت عندهم وانا عايشهـ الدور كلهـ يابرنسيسهـ وياشيخهـ رفعت خشسمي لما رديت علي اهلي :p والمصيبهـ ينصب عليكـ ويسوي نفسهـ مسكين ويدعي علي ويقول ربنا علي الظالم عاد انا صار فيني مانعهـ لادعوا قلت الله فوق a25 |
رد: ::يــــا مــســـافـــر ::
اقتباس:
سفره ما شاء الله باين كانت ممتعه وعسى دوم الفرحه لكم وللاهل جميعا اتمنى لك التوفيق... |
رد: ::يــــا مــســـافـــر ::
اقتباس:
|
رد: ::يــــا مــســـافـــر ::
مـــاراح نباعد عن ديرة ياباشا
وين رحت يـــامـــســـافر مـــــصــــر التاريخ : شهر 1/2010 المدينه : القاهره الفندق أو السكن : فندق هليتون رمسيس و شقه فترة الاقامه : 16 يوم الاسعار والعمله : الجنيه المصري الاسعار طبعا انت خليجي ففيه اعتقاد انك جهاز صرف آلي متحرك .. الا اذا كنت عارف الديره عدل وتعرف تتعامل مع ناسها تكون الاسعار عليك اقل من المتوسط الخطوط والتذاكر : الخطوط الجويه الكويتيه - على حساب الدوام :) الجو : كان ممتاز المواقف : بعد انتهاء الكورس والتسوق من المجمعات رح لاحد الاحياء الشعبيه المعروفه باسواقها اللي تجمع ابداعات المصريين واسم المكان :العتبه - المسكي المهم مع زحمه الناس هناك يالله تمشي وبعد دوخة راس لقيت محل عنده حركات عجيبه غريبه فقلت اشتري منه سعرت الاشياء اللي ابي اشتريها هذا بــ20 وهذا بــ15 وهذا بــ10 طلع حسابي كذا قلت له عندك كي نت :) قالي بتقول ايه ياباشا !!!! قلت له اسف اني سألتك بروح شوي وارجع لك(طبعا ما قلت له بروح بنك) :) رحت ورجعت وسلمت الفلوس وسويت شك عالبضاعه وانا طالع قالي باشا الحساب ناقص !!!!!!!!!!!!!!!!! الحبيب طمع فيني ما اطول عليكم بعد شد وجذب .. مني مناك المصري فصل علينا المشكله المحل في منطقه شعبيه مالقيت الا مصر كلها اجتمعت عند باب المحل والسبب صياح صاحبنا البياع (مع ان عمره تجاوز السبعين) يحلف ويمسك القران ويحلف عليه ان قالي اسعار تبدأ من 90 صدمني يحلف بل بل اللحين لاني سالم عالبضاعه ولاني سالم عالفلوس باقي اسلم على نفسي وعلى خويي :) وكأن اللي واقفين على باب المحل ناطرين كلمة السر اللي يحب النبي يضرب :) بكل ذكاء وحكمه ( يا شين اللي يمدح نفسه ) قدرت اطلع سالما معافا بدون اي خدوش او جروح من المنطقه ... بس الفلوس والبضاعه ما طلعت وياي :( ملاحظه : طلعت الفلوس بطريقتي الخاصه :) بانــتـــظـــاركــ يـــا مســــافر |
رد: ::يــــا مــســـافـــر ::
فهيد لاهنت على الموضوع طال عمرك وسفره سعيده ان شاء الله الجايه باذن الله
اما النصب والله لو انك مهب في قريه وسوف شعبي والله لو انك في بسطه ان يسرقك اما الحلف وكل الله ياولد يحلف في عواله وفي امه وفي اللي يملك على ان الف جنيه ياشيخ راتب الموضفين المصاريا يسولف علي مصري يقول 700 جنيه على كلامه لكن زين انك طلعت سالم منهم بس ماجابو فيك العيد وسرقوك وانت تشوف ياباشا ولاهنت على الموضوع المميز |
رد: ::يــــا مــســـافـــر ::
اقتباس:
حياك الله الحمد لله ان طلعت سالم والا الفلوس تروح وترد :( وبانتظارك يا مسافر |
رد: ::يــــا مــســـافـــر ::
ياجماعه محدمن اللي زارو الموضوع سافر ؟
غريبه !!! الفايده من الموضوع مو بس ذكر السفرات او جهات السفر او المواقف الفايده تبادل المعلومات عن بعض البلاد وعملاتها واماكن السياحه فيها واسعارها يعني نبي يكون هالموضوع مثل بنك معلومات ولوبسيط للاعضاء عن الدول اللي زرناها ماراح اذكر اي سفره ثانيه الا بعد ما اشوف احد الاعضاء حاط لنا سفره من سفراته :( |
رد: ::يــــا مــســـافـــر ::
شكلهـ مامن احد يسافر غيرنا حتي انا صارلي احباط :( ان شاءالله بجمع لسفرتي وانزلها هاليومين |
رد: ::يــــا مــســـافـــر ::
كل هالزحمه في المطار وطيارات ومضيفين وشركات طيران واخرتها ما احد يسافر غيرنا :)
عموما ننتظر يمكن احد سافر مني مناك |
رد: ::يــــا مــســـافـــر ::
فهيد مساء الخير
اول شي لايصيبك احباط ولا شي في الموضوع لان المميز دايما متميز ويمكن فيه ناس ماتبي تبين للناس سفراتها كلن وتفكيره مستحيل ان كل العالم هذي ماراحت بس فيه ناس ماتبي تقول شي في الموضوع بس يكفينا انك انت تسافر وترى حنا ننتظر سفراتك الجايه اللي بتنزلها وحنا معك الا الامام في اللي تبي يافهيد لاهنتي ناثرة الورد على التفاعل المميز للموضوع وانت صادق يافهيد الواحد يستفيد ويفيد غيره من السفره في العملات والاماكن السياحيه على العموم لاهنت على الموضوع المميز |
رد: ::يــــا مــســـافـــر ::
ما ابي ما بي
هههههههههههههههههههههه |
رد: ::يــــا مــســـافـــر ::
صور متنوعه من عدة دول من رحلاتي
صور خاصه من كامرتي ان شاء الله يطلع احد من اعضاء المجالس يسافر غيري وغير ناثرة الورد ويشاركنا في الموضوع: البدايه لازم تاكلون وتشبعون لان الطريق طويل:)      كهف من الداخل كنا ندور لنا جني بس مالقيناه :)  8 8 8 هالمساكين اللي كليتوهم مع بدايه الرحله :) |
رد: ::يــــا مــســـافـــر ::
نكمل الرحله بعد ما هضمنا الاكل
      |
رد: ::يــــا مــســـافـــر ::
نكمل معاكم صور من تركيا
    خلصت رحلتنا اليوم وان شاء الله ارجع لكم بصور ثانيه بس عاد نبي احد يطلع مسافر غيرنا :) |
رد: ::يــــا مــســـافـــر ::
هههههههه اما المساكين اللي كليناهم
لاهنت على الصور المميزه هذي الصور لازم نحفظها في حافظه خاصه اول شي لانها نادره ومميزه ثاني شي لان فهيد هو المصور جعل تسلم يمينك من كل شر كما عودتنا مميز والتميز عنوانك لاهنت على كل حال |
رد: ::يــــا مــســـافـــر ::
اقتباس:
شرايك بطعم المساكين ( طبخ ايديا وحياة عينيا ) فيه العافيه ( قطيتها براسك ) عسى الله يسلمك واشكرك على مرورك الطيب يا طيب اتمنى لك التوفيق... |
رد: ::يــــا مــســـافـــر ::
فهد الكفيف
لاهنت على هذا الموضوع ولنا عوده معاكم |
رد: ::يــــا مــســـافـــر ::
اقتباس:
حياك الله اخي الكريم واشكرك على التواجد والمشاركه بانتظار عودتك اتمنى لك التوفيق... |
| الوقت في المنتدى حسب توقيت جرينتش +3 الساعة الآن 07:00 AM . |
مجالس العجمان الرسمي