|
مــــعــــقـــــول
أهداء لكم جميعا وأتمنى أن تحوز على رضاكم،
معقول خلٍ راح ما هو على البال = ومعقول حب صار ما بيننا أنداس ومعقول في الهجران أبقى على آمال = ما دمت أنا عارف نهاية هل الياس لا والذي يرعاه من حيث ما زال = ما شوف أنا غيره حبيب من الناس ولا ملى عيني من الأرض مثقال = كيف النظر يطلع من عيون عُمّاس يكفيه فخر أنه تحكم برجال = يا شينها نظرات شامت وبلاس توي عرفت البعد وشلون يغتال = وعرفت في وقته مفاهيم الأفلاس اشرب هماج الماء وأقول أنه أزلال = ياويل حالي . كيف ما عندي أحساس؟! أشتقت له شوق البدو لترحال = ينوون براق سرى له تقباس واشتقت له شوق تمكن من الحال = سيطر على جسمي نفض فروة الرأس |
لا هنت يا بخيتان قصيدة رائعة ومعبره صح لسانك يا السنافي.
|
الله لايهييييييينك يابخيتان وصح لسانك ياذيب
|
الاخ الشاعر \ بخيتان اليامي صح لسانك يابخيتان .. ولاهنت يالغالي على هذه القصيد الرائعة تحياتي لك يالغالي اخوك \ فهد بن محسن |
صــــــــــــــــــح السانك يا ابو فارس لا هنت يا الغالي |
ابوحمد الشامري صح الله بدنك أخي العزيز، وأنت ماتهون والله يعطيك العافيه. أشكرك على المرور الذي زاد من وروعتها. تحياتي وتقديري، أخوك |
صح لسانك يابخيتان على القصيده الرائعه تسلم يالسنافي |
توي عرفـت البعـد وشلـون يغتـال
وعرفت في وقتـه مفاهيـم الأفـلاس اشرب هماج الماء وأقـول أنـه أزلال ياويل حالي . كيف ما عندي أحساس؟! أشتقـت لـه شـوق البـدو لترحـال ينـوون بـراق سـرى لـه تقبـاس واشتقت له شوق تمكـن مـن الحـال سيطر على جسمي نفض فروة الرأس يا سلام عليك يا بخيتان كلمات رائعه من شاعر جمع الاحاسيس بفطرة شاعر |
يامرحبا ياراكان، صح الله بدنك يالغالي وعسى الله لايهينك على مرورك. الله يحيّك ويشرفني مرورك على صفحاتي المتواضعه. كل الاماني الصادقه بالتوفيق لك أخي العزيز راكان. أخوك |
الاخ العزيز فهد محسن، صح الله بدنك والله يعطيك العافيه على مرورك. مرورك على صفحاتي المتواضعه والتعليق هو من وجهت نظري الروعه الحقيقيه. تحياتي وتقديري اخي الغالي فهد. أخوك، |
تايه الغربه، صح بدنك والله يعطيك العافيه يابو سالم. مرورك أسعدني، وأشكرك على هذا المرور الدايم. تحياتي وتقديري لك، |
أبن وعيل صح الله بدنك، ولاهنت أشكرك على المرور والتعليق. تحياتي وتقديري، أخوك |
مونامورا، صح الله بدنك ، وأشكرك على مرورك وأطرائك تحياتي وأحترامي لك يامونامورا ، أخوك |
الشــاعر / بخيــتان اليامي
تسلم يمينك ... قصيدة رائعـة من شاعر أروع يسعدني انتظار جديدك اختك بنت_الغلا |
بنت_الغلا، صح الله بدنك وأشكرك على مرورك وتعليقك. لك مني فائق الاحترام والتقدير يا بنت_الغلا، أخوك |
بخيتـــان ..
يا سلام سلم .. لا والذي يرعاه مـن حيـث مـــــا زال ما شوف أنا غيره حبيب مـن النـاس قوه وجزاله تسلم ولا هنت يا السنافي |
الوتد، الله لايهينك وعساك سالم وغانم. وجزالتها هو في مرورك أخي الغالي. تحياتي وتقديري لك، أخوك |
صح الله لسانك يا بخيتان اليامي
لاهنت عالقصيده الجزله |
محمد الشامري، صح الله بدنك يالغالي وعسى الله لايهينك. أشكرك على مرورك وأطرائك وأتمنى لك التوفيق يامحمد. أخوك |
| الوقت في المنتدى حسب توقيت جرينتش +3 الساعة الآن 12:59 AM . |
مجالس العجمان الرسمي