فراج القرقاح (دونك الميدان)!!
السلام عليكم ورحمة الله وبركاته ,,
الأخ/ فراج القرقاح ,, ودنا بطاروق للإستفاده , ماعليه صبحناك هههههههههههه لكن الغرض الإستفاده ..
مرحبا ترحيب يافراج يكفيك وزياده=مرحبا في مرحبا بالأوله واللي بعدها دونك الميدان ياشاعر على صبر وجلاده=وأكثر العربان قالت من بحث حاجه وجدها |
يامرحبا ومسهلا ياماجد توني شابك واشوف الطاروق
استلم
البقى ياشاعر ٍ فيه الوفا والطيب عاده=من هجوس ٍ فالملاقى ماقصر يوم ٍ جهدها لي مع اهل الطايله والعز ياماجد شهاده=والجنازه في نعشها ليتها راحت لحدها |
صح الله السنتكم
يا شعااااااااااااااااااااااااار واصلوووووووووو متابع وفي صف النشيط منكم |
الاخ ماجد العجمي
والاخ فراج القرقاح صح الله اللسنتكم ولا هنتو واصلو وحنا متابعين تحياتي للجميع |
أرحب أرحب مسموح طال عمرك
شفت لي طرقي على ذاك الجبل يقدح زناده=واردً بعض العدود وبعضها ماقد وردها لو بغيت الصدق واضح في بياضه عن سواده=لحيته كبر الجبل والعاقبه ماقد حمدها |
أرحب أرحب يامسفر متابعتك فخر لاعدمتك
|
أرحب يبومحسن .. صح بدنك .. ومتابعتك مهمه
|
البقى البقى
التمعن والتفنن من فنون اهل القياده=والبلد ماغرها ياماجد العجمي ولدها يمكن ان انه من اهل التجويد واصحاب الرياده=والله اعلم من ديار ٍ ياصحيبي قد هجدها |
....
مسفر بن خنز فهد بن محسن الله يحيكم ولااهنتوا على المتابعه |
يمكن ان انه من اهل التجويد واصحاب الرياده
والله اعلم من ديار ٍ ياصحيبـي قـد هجدهـا انااااااااااااااااااااااااااااااااااااااا اشششششششششششششششششهد يابن قرقاح وهاتووووووووووها هاتوووووووووووووووها في صفك يابن قرقاح وشد حييلك ياماااااااااجد |
.....
حياك الله ياسقام ولاهنت على المتابعه شكري وتقديري |
ياسلاااااام واسمح لي على التأخير الجهاز لك عليه
ناركم في ظلعكم بنحطها مثل الرماده=والعوارف عارفه ماهمها من هو نشدها صاحبي عيَّا يطيع العلم ماخذته عناده=مار أظن قحطان جبت ألها مصيبتها ونكدها |
أرحب أرحب ياسقام .. الصف واحد مايحتاج
|
طيب طيب
ابتلشنا في فكر سقراط وعقول البلاده=والمشاكل كاثره يافكرة الله في عددها والله انه مايحول من ظهر ريمه شداده=حجتك ياماجد النشمي ترا يبطل سندها |
طيب .. طيب
الديوس اللي لبنها حطك ابجوف السعاده=وش يحدك تنكر الخيرات يا هاللي جحدها والله أنه مابلاك ألا شياطين القراده=إحتروا يومن نشوف بربعكم كثرة زبدها |
طيب طيب طيب
ماتزين الروح من غير التهجد والعباده=والبيوت العامره ماشيّدت غير بعمدها مايضر اهل الوزارات الكبيره والسياده=هرجة ٍ مايندرى من نوها ولاّ بردها |
ماتزين الروح لين أنك تريح بالوساده=والعلوم إياك وأحذر لاتزود في عددها العميل اللي يتوجد وده بشربه وزاده=كلمتي ماهمني مادامه اللي هو نقدها |
ما يطب السوق غير اللي لقى منه استفاده=وبنت ابو زيد الهلالي ليت ماجد ماقردها قمت احدك في يمين الخط ماجيت بركاده=ليتها ماكبرت الوغدان عاثت في بلدها لاهنت ياماجد وصح لسانك وابيض وجه والعذر على القصور وانا ماجيت الا للاستفاده منك واللي شرواك |
صح السانك يافراج ولاهنت وكان فيه قصور ولا شي
أعذرني طال عمرك عليها وإلى لقاء آخر .. مدخل : وبنت ابو زيد الهلالي ليت ماجد ماقردهـا هههههههههههههههههههههههههههه الله يسامحك بس |
الله لايهينكم يا شعااااااااااااااااااار
|
أرحب أرحب يامسفر .. لاهنت على المرور
|
الوقت في المنتدى حسب توقيت جرينتش +3 الساعة الآن 11:40 PM . |
مجالس العجمان الرسمي