|
مواقف مضحكة
شباب ، بنات ما راح اطول لاني مشغول حدي بس أبي كل واحد منكم يصير له موقف مضحك يجي يكتبه هنا ، ويله راح أبدأ بنفسي بس أبيكم تشاركون بكل صراحة.
مرّه طالع من فندق كراون بلازا ( يعني من رواد الفنادق مسكت) عاد تدرون اهم ياخذون سيارتك لما توصل الفندق ويعطونك ورقه ويصفون لك سيارتك بالمواقف وطبعا يكونون كاشخين ولابسين لبس معيّن وكببابس خاصة، المهم وانا طالع ولاّ هذا الهندي مقابلني جاي صوبي ، قمت أنا طلعت الورقه ومديتها عليه ، أبتسم ابتسامة خفيفة وصد عني وراح (طنشني بالعربي) انا عصبت ولاّ بجيّة واحد ثاني من اللي يصفون السيارات (مصري) يضحك قلت له: ليش الحمار ما خذا الورقة قاللي : لا لا لا لا لا ياباشا ده ما بيشتغلش معانا ، قلت له : أجل وين يشتغل ؟؟وانا اتطنز. كان يقول : ده كابتن طيار تبع الخطوط الهندية لسه واصل ومنزلينه بالفندق. وانا ما سكت للحين اناجر يعني مو منحرج : طيب ياأخي اللي يسوق الطيارة مو عجزان لا يسوق السيارة !!!!! طبعا غسل ايده مني وراح يجيب سيارتي . وانا حيل راهي ماد على الكابتن المفتاح . أخاف بس بيجيب سيارتي. ولاّ شرايكم؟؟؟! |
هههههههههههههههههههههههههههههههههههههههههههههه
الله ياسعد كابتن طيار تبيه يجيب سيارتك هههههههههههههههههههههههههههههههه زين انه راااح وخلاك وابشر عن قريب اذكر لكم موقف عجزان لا اكتبه الحين لاهنت على الفكره الحلوه |
يا محمد كلها سواقه يعني بذمتك اللي يسوق طيارة عجزان من السيارة ؟؟؟ بعدين صحيح أني حبّطت فيه وحطمت معنوياته لما مديت عليه المفتاح بس المفروض يخلي روحه رياضية ويجيب السيارة !! ولاّ شرايك ؟؟
وتسلم على المرور |
صراحه يا ابوفهد الهندي ماعنده سالفه المفروض مايطنش
|
اييه هذا الكلام ، والله انك على الدين يا بومحمد
|
هههههههههههههههههههههه
والله انكم مشكله صدق تبون كابتن طيار يجيب سيارتكم؟؟ زين اقرا هالموقف اللي صارلي وعطني رايك انا لي ولد عم متنح هو فيه آآآيه في القران الكريم تقول (( كعصف مأكول)) ولد عمي يقول لا ((كعصفور مأكول)) هههههههههههه المهم نفهم فيه مو راضي يفهم تنح الشامري واجيك ذااك اليوم انا واثنين من الربع في البر مخيمين ربعنا اهل المخيم وااجد بس انهم رايحين مافي المخيم الا انا واثنين بس المهم حان وقت صلاة المغرب واميتهم ((انا الامام)) المهم عند الركعه الثانيه جاااو اهل المخيم كلهم فيهم شيبان وفيهم مطاوعه المهم انا من قرادة حظي قريت نفس السوره اللي عليها الجدل ويوم جيت عند الآيه ((كعصف مأكول)) وانا اللي اخفف واقولها شوي شوي عشان ما اخطي واشوا عدينها بدوون اخطاء عقبها خلصت من السوره وبركع بدااااااااال لأقول الله أكبر قلت عصفوووووووووووووووووووووووووور كذا رافع ايديني ورافع صوتي عصفووووووووور ههههههههههههههههههههههههههههههههههههههههههههههههه يوم اللي وراي كلهم تسدحوا شيبانهم وشبانهم وعدنا صلاتنا جاني تنقيد من الشيبان بس انهم عاذريني يدروون انه بسبب المتنح آآآآسف على الاطاله |
هههههههههههههههههههههههههههههههه
هذا من كثر الخشوع يامحمد الشامري |
مرحبااااا أميرة نجد
والله ان كلامش ذا ملغووم لكن انتي فاهمه غلط انا مابغيت اخطي مشكوره على المرور الي اسعدني |
هههههههههههههههههههه والله عجبني موقف اخوي محمد الشااااااااااااااااااااااااامري ههههههههههههههههه.....
انا من المواقف الي صاااااااااااااااااااااارت انه لما كنت صغــــــــــــــــير انا ولد عمي نفس عمري كنا في البر مخيميــــــــــــــــــــــــــن....... ثم كانوا الرجال شابين الضو وويشوون عليه لحم..................... وكان اللحم خلاص قرب يخلص..........المهم كانوا مزينين كل شئ الجماااااااااااااااااااعه.... وخلو اللحم عقب الصلاة وراحوا يماااااااااااااارسون هوايه الرمااااااااااااااااااااااااااااايه ...ز عاد انا ولد عمي شفناها فرصة وجينا مفجوعين نبي نسرق من اللحم المشوي ........... والسعاااااااااااااااااااابيل خلاص موصله حدهااااااااااااااااااااااااااااااا....... عقب شفنا الجو تمامممممممممممممممم ثم نروح وناكل من اللحم وما كان عليه ملح ههههههههههههههه وحسينا طعمه ساااااااااااااااااامج ............جاكم العنيد هو خشته ثم يسوي نفسه عبقري وقال يا ذياب يا ولد عمي وش راااااااايك نحط عليه بهاااااااااااارات ومحد بيدري فينا .................المهم ما نعرف وش البهارات رحنا نبشنا في العزبه كلهااااااااااااااااااااا لين ما لقينا ملح وقهوة مطحووووووووونه قام العنيـــــــــــــــــــد وسوى القهوة على اللحم على باله الغبي انها بهارات وملح ههههههههههههه زياااااااااااده.... ثم يوم طعمنااااااااااااااااااااااااااه حسينا الطعم غريب وخفناااااااااااااااااااا من الرجاجيل الصناديد ههههههههههه ما درينا وش نسوي...قال ذياااااااااااااااااااااااب يا العنيد يا ولد عمييييييييييي اقول لك وش نسوي نغسله بمااااااااي... قلت لااااااااااااااااااااااااااا يا الدجه الله يرجك بيروح الطعم حق الشوي..........قال اجل ويش الحل؟؟؟؟؟؟؟؟ قلت طلع سروااااااااااااااالك وانا بطلع سرواااااااااااااالي وبنمسح فيه اللحم المشوي من البهاااااااااااارات عاد الله يكرمكم ما ييحتاج اشرح لكم عن سراويلنا يوم كنااااااااااااا صغااااااااااار الريحه حلوووووووووووووووووة حيل والالوان والسروال يقعد فينا سبع ولا ثماااااااااان ايام هههههههههه ثم مسحنا اللحم فيهااااااااااااااااااااااااااا ثم يجون اهلناااااااااااااااااا وحسوا انه فيه شئ صار الوضع مهوب طبيعي................ عقب قرب الشيبة الي هو جدي يبي ياااااااااااكل من اللحم ومجرد ما انه كل اول لحمه ههههههههههههههههههههههههههه قال وعععععععععععععععععععععععععععععععععع زااااااااااااااع وش ذا الطعم وش ذا التيس وععععععععععععععع زااااااااااااااااع ماااااااااااااااااع هههههههههههههههه ثم يطعمون البااااااقين الا ونفس الحاله ...حرمواااااااا ياكلون شئ ذيك الليله.......... عاد جا دور يشوفون منهو المجرم .............. ههههههههههههههه قال ابوي كني سمعت صوت ذا الدجة الاقشر العنيد هنيا ........... جابوااااااااااااااااني باذاني هههههههههههههههه وما كان امامي الا اني اعترف وصفقني كففففففففففففففففففف حااااااااااااااااااااار عمي هههههههههههههه ثم يصفق ذيااااااااااااااااااب الي عيا يعترف الله يذكره بالف خيرررررررررررررررررررر ..... السالفه ذي صارت لما كان عمري 8 سنواااااااااااااات وسوااااااااااالم ... |
ههههههههههههههههههههههههههههههههههههههههههههههههه
والله عندي مووقف رااح يسعد سنوونك يامحمد الشامري....والله البارحه كان عندنا بالجامعه فعاليات ومن ضمن هذي الفعاليات كان مسويه اذاعه باسم الجامعه يستقبلون فيها الطلبات الاهداءات المهيييييمم يجيك الاخ العنيد مايشووف الدرب>>>لاتلومونه ماشااف خير رااح االاخ وكان وده يهدي اغنية ياحي..المهيييم جاااء مسرع الا طرربيقبققبقبق تعربشت كنادره بالاسلاااك الا والاخ منسدح بالارض تقوول جعل" نوع من خنفساء" يوم انك تجي صوبه .. طبعا لا اخفيكم انا الاخ كان ماسك الجوال ويتصل على خويه ووده يسمعه الاهداء جواال ..طاار في صووب ...والكتب طارن الا وهن في البركه...وشكل النهائي للعنيد تقوول ضب مستعد يهج......طبعا الجمااهير طاحوا ضحك والاخ قاام وهو يسحب سيقاانه وبسرعه قاام يلقط وجهه.. طبعا العنيد بيدخل وبينكر هالموقف ........خل يحلف انه ماصار امس |
هههههههههههههههههههههههههههههههههههههههههههههههههه هه
هههههههههههههههههههههههههههههههههههههههههههههه هههههههههههههههههههههههههههههههههههههه ههههههههههههههههههههههههههههههه هههههههههههههههههههه الله يسعد ايامكم اثنينكم كان والله انسدحت على الكيبورد من الضحك موقف وراء الثاني هههههههههههههههههههههههه العنييييد والله من اللقافه وانت صغيروون وقرادة الحظ وانت كبيييير ههههههههههههههههههههه لاهنتو يالربع على المشااركه الحلوووه والله مت ضحك هههههههههههههههههه |
سااااااااااااااامي الرووووووووووووووووووووح اقول اسكت احسن لك لا افضحك ذلحين انت وخشتك لو اعلم بسوالفك والله بتصير علووووووووووووووووووووم..... المهم انا ما انكر الي صار لي البااااااااارحه بس عااااااااااااااادي كل العرب تطييييييييييييييييييييييح طاحت عليك طابووووووووووقه
|
ههههههههههههههههههههههههههههههههههههههههههههههه
هههههههههههههههههههههههههههههه هههههههههههههههههههههههههههههه الله يرجكم كلكم انتم وهالمواقف الي ...والله مادري وش اقوول طيب هذا موقف صاارلي وكان عمري وقتئذٍ سبع سنوات كنت أذهب معي أبي غبشة وأرجع معه كان عندي معتقد أنني إذا حلفت بالله أنني أفعل شيئاً أفي به لو كان هذا الأمر يكلفني حياتي ,,,يهم خامتني غلط ووكنت أخاف من أبي أشد ما يكون الخوف لأن الله قد منح أبي قوة في الشخصية وقسمات وجهه تجعلني أخق وقد منحه الله بسطة في الجسم ويداً تقول إنها مرزبة اللهم احفظ لي أبي ومرزبته الشريفة... فكان أبي دائماً يردد هذه المقولة إذا أراد ضربي إما أخرجت قلبك وطلعتك بنت رجال وإلا خليتك مجنونه ووديتك لشهار الله يسامحك يا أبي كنت تمارس معي إرهاب طفولي أنا لا أنكر أنني كنت عناديه ...واحب النقاش واعرف اسباب كل شي بس كنت حبوبه وطيبه والقطو ياكل عشاي>>>ههههههههه وذات مرة وأنا في منزلنا في ليلة باردة من ليالي الشتاء حلفت إني لأطلع فوق السطوح وسط ذهول أمي وإخوتي والوالد وقتها لم يكن موجوداً فسألتني أمي عن السبب فقلت .. يا أمي يا حبيبة قلبي أنا حلفت إني لا أطلع فوق السطوح وأنزل كذا جاء على بالي وتعلمون أنتم أن البيوت الشعبية من الصعوبة إن الإنسان بإمكانه أن يطلع لسطوحها وكانت الوالدة تخشى أن يصيبني أذى جراء هذه العملية المهيييييييم ركبت ونزلت وها انا بصحه وعافيه. ....وفي نهاية الاسبوع جاا الوالد وطلعت معه>>يومني صغير كنت متعلق بالوالد بس الحين صار العكس ههههههه المهيييييييم ونحن بالطريق مااعرف وش صاار للسياره وقالت ماني مشتغله>>عسى بس ماحلفت هههههه طيب ويجي الوالد ويفتح الكبوت ويحرك فيه ثمن ناداني وجيت معه..وهي تخمني وأحلف وأقسم في نفسي إني لأخلي أبوي يسكر على يديني الكبوت...،،،المهم وأنا واقفه والوالد يتهيأ لإغلاق الكبوت وأنا أرقب الوالد في حذر لعلي أبر بقسمي وماهي إلا لحظات والكبوت على وشك الانغلاق وأبي يقول لي ابتعدي وبسرعة فائقة وأضعت يدي تحت الكبوت والوالد الله يحفظه معاد يدري ويش يسوي قال لي : أنتي وش فيك الله ياخذك قلت له وأنا أبكي واضعةً يدي عند ركبتي حلفت ...فأخذ الوالد يضحك ضحكة ممزوجة بالسخرية والغضب وهو يردد : اللهم اصلحهاا وإلا أخذهاا. ووالله إن قصص الحلف معي كثيرة ولكنني تعبت من الكتابة ويكفيكم هذا القدر من الدلاختيي. >>>>>>>طبعا حاولت اكتب بالفصحى قدر المستطااع ... |
ههههههههههههههههههههههههههههههههههههههههههه هههههههههههههههههههههههه اجهلك الله يرجك رجة انتي وذاااااااااااااااا المووووووووووووووقف المضحك حقيقه هههههههههههه الله يستر على السياااااااااااااره .....وعلى ايديك هههههههههه
هههههههههههههه |
ههههههههههههههههههههههههههههههههههههههههههههههه
الحمد لله اثرش خبله من يومش صغيره هههههههههههههههههههههه ماودش تحلفين انش ماعاد تسجنين السمي ههههههههههههههههههههههههههههههههههههههههههههه يعطيش العافيه عالموقف الحلو والمضحك |
لا يامحمد كلامي مافي اللغام ليش قالولك ارهابيه
بس كانت مزحه يالغالي وحقك علينا اما عن المواقف فهي كثيره لكن مافي بالي شيء الان. |
الأمام محمد الشامري راح نعيّنك إمام المنتدى هذا اذا رضى احد يصلي وراك هالمرة عصفور ما المرة الجاية وش تقوول ، الله يستر.
شكراعلى المرور و موقف جميل بس ركز بصلاتك المرة الجاية سعد |
طباخنا الماهر (الشيف ) العنيد .....الله لا يحدنا على وحنا طاوينا الجوع ، وشكرا على المرور
|
سامي الروح ( الفضيحه) يا أخي استر على ما واجهت ولا تفضح العنيد ، جعل الصديق ما يطيح بلسانك.
شكرا للموقف وللمرور |
العنيد نكرانك باطل لان (طاحت عليك طابووووووووووقه) طالعه من قلبك.
ولا هنت على المرور |
أجهلك ما راح أعلق على (الوسوسه اللي عندك ) الظاهر ان ابوك الله يحفظه بيخليك تروحين للخيار الثاني ( شهار) بس أقول يارب يجي يوم وتحلفين تعزمينا على حسابك
|
العنيد ، محمد ، اميرة ، اجهلك، سامي الروح تسلمون وننتظر المزيد وشكرا على المرور
|
هههههههههههههه باطل ولا عااااااااااااااطل فضحني ذا الخبل الله يرجه بس اني ورااااااااااه والزمن طويل
|
بقولكم موقفي في سكن الطالبات في الجامعة
كنا نلعب لعبه سخييييفه .. وهي ان نعطي سطار اي حد يدخل من الباب ويكون اللي عليها الدور ورا الباب ومسكرين عيونها ... وتدخل وحده من الباب ما تدري وش هي السالفة .. وتاخذ سطار . المهيييييم .... جا دوري انا عاد ...واقفه ورا الباب ..انتظر ... ودخلت وحده.. وانا عاد ما سكت واقولها ياغبيه وينك ؟؟ .. وعطيتها سطااااااااااااار قولوا منو طلعت ؟؟.... مشرفة السكن http://alajman.ws/uploader/pic/cry.gif |
هههههههههههههههههههههههههههههههههههههههههههههههههه ههههههههههه
الله يسعد ايامش يانور الليالي مالقيتي الا مشرفة السكن هههههههههههههههههههههههههه |
ههههههههههههههههه نور الليالي انا اشهد انك ما قصرتي.........ليتني محلك كان سطرتها تسطير ههههههههههه
|
ههههههههههههههههههههه
محمد...ماافي امل احلف اني ماجي صووب العرجااني>>>اصلا ماا حلى لعبة السجن والمروحه الي رزتهاا فيهااا فهد...الوسوسه على قولتك..لقد اُضطهدتني وانا عمري 7 سنوات>>على عدد سنونك ذا الحين...وضربت أروع الأمثال في الحلف وايفااء والنضال وتمكنت من الانتصار على الظروف أولا وعلى الحلف الذي كان سداً منيعا ...وقهرت الحلف الذي كان كاللقمة التي نشبت في الحلقإن...اذا تفلتها فضيحة وإن بلعتها سمها فيها<<<صح لسانك<<ياشيخه رتبي أفكارك أبو الأسلوب اللي تعرفينه |
العنيد هذا اعتراف منك بأن كلامه صحيح والحين هو اللي بدا فيك البادي اظلم وما تحتاج افسر لك. وتسلم على المرور. وتراني خذيت الصورة من توقيعك وحطيتها خلفية بجهازي أسمح لي طال عمرك.
أجهلك إذا كنتي تقصدين سنوني فهي أكثر من 7 لأني مركب طقم عند خوش دكتور اذا تبين عنوانه انا حاضر . أمّا باقي كلامك (..............) الظاهر انك نسيتي تكتبين الترجمة. ومبروك انفكت العقدة بس حسافة قبل لا تعشينا .وتسلمين يا الغاليه. نور الليالي: والله انك مقرودة ضاقت عليش الدنيا ما لقيتي إلاّ المشرفة ؟؟ تسلمين وانتظار المزيد منك |
هههههههههههههههه
حلوه :) |
مو معقولة مواقفكم خلصت الواحد كل يوم تقريبا يحصل معه موقف أو يشوف له موقف مضحك على الأقل عطونا جديدكم لحد يكسل أو يستحي
|
ابشر يابوفهد
خذ ذا الموقف بس لاحد يشره هاه مره في الكويت في نص السنه اللي طافت كنت خلااااص ماشي السعوديه بس اني رحت الجمعيه(( الجميعه= سوبر ماركت)) المهم دااااخل واكلم تلفووون وفيه شغله شدت نظري وقمت اشبح فيه (( اشبح = اناظر)) صرت ماشي قدام وملتفت يمين واكلم تلفووون على اني بدخل من باب الجمعيه الرئيسي اللي كل يووم اجيها وادخل منه بس مادريت انهم في الوقت المتأخر يسكورن ذا الباب ويفتحون الثاني ((جمعية القرين رقم 2)) المهم اني جايها واشبح يمين وماشي مدرعم ((مدرعم = ماشي على عماي)) واجي الا قربع في الباب (( قربع = صوت دعمتي في الباب)) دعمه اليمه وطاح تلفوووني وراااح تسع الالف قطعه وقعدت اجمعه والعالم اللي كانوا موجودين انواع الضحك علي...وانا مستحي جدا وناقد على عمري... ومن ذاك اليوم ماعاد شبحت في احد هههههههههههههههههههههههه الترجمه للغلا عشان تفهم كلامي هههههههههههههههههههه |
هههههههههههههههههههههههههههههههههههههههههههههههههه هههههههههه ليتني شفتك يوم درعمت في الباااب ههههههههههههههههههههههه
لالالا امزح ماتستاااهل والله وعلى فكره ترى فهمت من غير ترجمه |
ههههههههههههههههههه
اتحدى انش فهمتي اشبح لين قريتي ترجمتها صح والا ويعطيش ربي العافيه على المرور ولاهنتي |
صح ذي مافهمتها الا بعد الترجمه مدري من اي قاااااااموس بس المهم اني فهمت
الله يعااافيك ان شاء الله |
هههههههههههههههه محمد الشاااااااااااامري الله يسعد ايامك على ذا المووووووووووقف الحلو والله ..بس علمنا منهو ذا الشخص المهم الي كنت تشبح فيـــــــــــــــــه الله يستر بس <<<<<<<<<
انزين الموقف المضحك حقي هو انه واحد من اخواني الصغاااااااااااااااااااااااااار ............كنا انتعشى ثم يزهم عليه أبي ويقول له تعال يا ولد اتعشى ..............قال لا يا بابا مانيب جويع ههههههههههه ثم يقول له والله ان تجي .........قال تاااااااااااااااااايب بس عنوني بطاريتها خلصت ...مقدر افتحها هههههههههه لانه كان نعساااااااااان هو ويبي يناااااام خلاص <<<<رايح فيها الرجال<<<<<<< العيوووووووووووون صارت لها بطاااااااااريات <<<<<<<<الله يرجني محلاني انا ومواقفي .. اخوي سعد فهد الحرمــــــــــــل افا عليك بس التوقيع حقي له الفخر انك تشله وتحطه خلفيه على جهازك وانا اخيك ............... خذه وحطه في اي مكان تبي وبدون ما تنشدني ويكفيه من التااااااااريخ انه عجب سعد فهد الحرمـــــــــــل<<<لك الالاف التحااااااايا.... |
الله يهديك يا محمد غض النظر لا صرت تمشي عشان ما تدعم البيبان.( بس الظاهر انه شي مهو بسهل) اللي خلاك تقربع الباب.
|
يا اخي العنيد ركبوا لعيون اخيك بطارية طويلة الامد عشان لا يدخل باحراجات
اما توقيعك فهو عجيب واتشرف في وضعه خلفية لجهازي في البيت والدوام . وشكرا لمرورك |
يابوفهد فهمتني غلط لبى قلبك هههههههههههههههههههههه
انا قلت شغله ماقلت انسان او كائن حي وش دراكم يمكن اللي شدني صوبه وخلاني اشبح فيه ممكن تكوووون سياره لأني احب الدداسن انا ههههههههههههههه بس وش نقوووول كلن يغني على ليله ولاهنتو يالربع على رووحكم المرحه ولكم ازكى واطيب التحايا من محمد الشامري |
وليلاي اللي انا اقصد والله انها اللي خلتك تقربع الباب واذا نكرت ترى بشهّد حارس الجمعية عليك
|
| الوقت في المنتدى حسب توقيت جرينتش +3 الساعة الآن 12:38 AM . |
مجالس العجمان الرسمي