دخول البنات في الصراع الانتخابي تأييد أم رفض ؟؟
السلام عليكم ورحمة الله وبركاته الموضوع بدون مقدمات الصراحه انا ابي رايكم في دخول البنات في انتخابات الجامعات والكليات ؟؟ يعني دخول بنت من بنات القبيله في الصراع الانتخابي بالمجال الجامعي ؟؟ هل هي ايجابيه ام سلبيه ؟؟ وهل تأيدون هالفكرة ؟؟ وسلامتكم اتمنى ان تكوون الاجابه بدون مجاملات ؟؟ ومن دون دبلوماسيه ابي رايكم الصريح ...... والسلام ختام |
رد: دخول البنات في الصراع الانتخابي تأييد أم رفض ؟؟
للرفع فقط ولي رجعه عقب تعليقات الاعضاء
|
رد: دخول البنات في الصراع الانتخابي تأييد أم رفض ؟؟
شكرا للمرور وبإنتظار تعليقات الأعضاء وتعليقش (:
|
رد: دخول البنات في الصراع الانتخابي تأييد أم رفض ؟؟
أنا ضد ترشيح المراءه
كون مكان المراءه البيت لكن في التطبيقي مكانها في دراستها لاهنت يابو سيف وبارك الله فيك |
رد: دخول البنات في الصراع الانتخابي تأييد أم رفض ؟؟
انا ضد ترشيح المره لان المره مكانها بيتها وان اكبر نعمه لها هي اطفالها في تربيتهم وملاحظتهم ولا لتركهم عند الخدامه اللتي لا يعرف مذهبها
والمره ليس هناك مشكله بدراستها لكي تعلم اولادها اما من خلقت الدنيا والمره مكانها البيت يسترها وتقوم بعمال زوجها لحين وصوله |
رد: دخول البنات في الصراع الانتخابي تأييد أم رفض ؟؟
\ معها في مياديين الدراسه ولا ضر في ذلك لان دخولها مافيه اي شي يعيبه ولا شي يحرمه ان كان في حدود وضوابط وعدم مخالطة الرجال بـ شكل مباشرر فـ هي هدفها الاول والاخير توصيل مشاكل المرأهـ في ميادين الدراسه وتحقيق اهدافها ولا تأتي من باب ( الرجال قوامون ع النساء ) فـ هي لم ترفع صوتها ع صوت الرجل ولكن توصل احتياجاتها بـ شكل غير مباشر \ طبعاً ذا رايي الشخصي واحترم اراء الباقيين ولاهنت اخوي ع الموضوع \ |
رد: دخول البنات في الصراع الانتخابي تأييد أم رفض ؟؟
وعليكم السلام ورحمة الله وبركاته
يعطيك العافيه أخي المحترم على الموضوع الشيق والبناء .. أنا مع التصويت في الإنتخابات والدعم والتأييد وضد الترشيح !! أرجو أن يسود النقاش الرقي بالطرح والأسلوب المحترم والإبتعاد عن التجريح !! شكرا .. لي عوده مع تفاصيل أكثر ومبررات .... |
رد: دخول البنات في الصراع الانتخابي تأييد أم رفض ؟؟
ياستير
يا ستير بو يوسف موضوعك جميل وطيب وراقي ورأيي إن الفتاة لا تشارك لا من قريب ولا من بعيد ومداخل الشيطان كثيرة وملتوية والكيس من دان نفسه وإبتعاد عن الشبهات مطالبون فيه حفظنا الله وحفظ بناتنا من شر العولمة |
رد: دخول البنات في الصراع الانتخابي تأييد أم رفض ؟؟
ياساتر يالسنافي :/
كل هذا وأنا مادري ؟ :) عالعموم اسمعوني تراني مطوله :) أول شي أنا عضوه عامله في القائمة الأم الائتلافية وفي كلية العلوم العلمية ولي فخر أني عضوه من أول سنه لي في الجامعه لي آخر كورس وأنا خريجه هالكورس وباقيلي صوت وحيد باجر ان شاء الله أصوت :) أولا كل أهلي من أكبرهم لي أصغرهم على علم ودرايه بالموضوع .. ولله الحمد ما أسوي شي من دون علم أهلي طبعاً .. رضا الله من رضا والديني . ثانياً أنا اخترت القائمة الائتلافية لأسباب عديده .. ماكانت قبلية ولا طائفية ولا مصلحه !! اخترتها لأني شفت نفسي فيها وشفت انها تمثلني وأفتخر فيها ... استفدت أشياء وايد بحياتي ومريت بتجارب قليله لكني استفدت منها بس مثل تجربتي وخبرتي مع القائمة بحياتي ما استفدت .. أولا وقبل كل شي أنا استفدت شي مهم جداً وهو اخلاص النيه لله في كل الأمور .. بالقائمة لجان الطالبات مفصوله تماما عن الطلبه الشباب .. يعني مالنا احتكاك لامن قريب ولابعيد ويا الطلبه !! تعلمت شلون أساعد البنات .. تعلمت إني ما أرد أحد اذا كنت أقدر تعلمت شلون أنظم وقتي بين البيت والدراسة وشغل القائمة مع العلم ان دراستي صعبه ومتعبه ولابات وتأخير وبالانجليزي ومع هذا صبرت وتحملت .. تعلمت شلون أكسب اللي جدامي وأقنعه بمبادئي وفكري تعلمت ما اسكت عن الغلط تعلمت اسلوب الحوار الجاد والهادف تعلمت شلون أكسب خصمي بذكاء !! تعلمت شلون أبرز هوايتي وموهبتي .. تعلمت أني بحاجه للحوار والبوح والصمت معاً تعلمت من بنات العلمية ان الحش صفه سيئة والأغاني مرض !! تعلمت أتخلص من عادات سيئه فيني .. تعلمت شي مهم جدا .. أهمية المرأه بالمجتمع ودورها كأم وزوجه واخت !! تعلمت وخلال دراستي الخمس سنوات الجامعية إني اتعلم لعشر سنين جدام :) والحمدلله على كل حال .. شكرا .. |
رد: دخول البنات في الصراع الانتخابي تأييد أم رفض ؟؟
طبعا هذا رأيك بدون مقدمات وإختصااار
أجل بمقدمات وبالتفصيل شلوووونa25 |
رد: دخول البنات في الصراع الانتخابي تأييد أم رفض ؟؟
اقتباس:
ولا يشينك يابوخالد ولاهنت على المرور والتعليق الراقي منك وعزالله صدقت المرأة مالها الا بيتها بس بهالزمن قليل ماتلاقي بنت موو موظفه لازم اتتوظف لأنها صاارت مسؤووله مثل الرجال a25 اكييد الدراسه من حق البنت بس عن الترشيح في قائمه انا ما أيد لأنه ايكوون هناك تواصل مع رئيس الاتحاد والشباب اللي بالقائمة وهذي وجهة نظري أنا لاهنت بابن زريق على التعليق وجهة نظر احترمها ... |
رد: دخول البنات في الصراع الانتخابي تأييد أم رفض ؟؟
اقتباس:
يامرحبا بأخي الفهد ولاهنت على مرورك وتعليقك الطيب والله انك صادق انا اكبر نعمه للبنت انها محشوومه عند أهلها ووعند رجلها والبيت اصلا وظيفه وأحسن وظيفه للمرأة بس ألحين وقتنا هذا صارت المسؤوليات اكثار واكثر الحريم موظفات وطبعا في وظايف محترمه مثل وزارة الأوقاف والمدارس الخ والتدريس حق البنت ومايختلف فيه اثنين لاهنت على تعليقك ووجهة نظر محترمه |
رد: دخول البنات في الصراع الانتخابي تأييد أم رفض ؟؟
اقتباس:
مرحبا اختي فخر ابوها مشكورة عالمشاركه وطبعا شي طيب انه اتوصل المشاكل اللي يواجهونها البنات في الكليه ولكن من وجهة نظري هناك العديد من الطرق الأفضل يعني اكيد ان احد الطالبات لها صلة قرابه من اعضاء الإتحاد وتووصل له المشاكل اللي يعانون منها .... وثانيا حنا يا القبائل لنا عادتنا وتقاليدنا يعني محافظين اكثر وهناك من الطالبات عادي الوضع عندهم فخلوهم بدالكم ينزلوون احسن :) واكيد مافيها عيب اذا كانت ملتزمه وفي حدود مظبوطه بس ماأعتقد انه مايصير على الأقل تواصل بين البنت ورئيس الاتحاد يعني اكيد بتكوون هناك مشاكل ويجب ان يكوون هناك تواصل وجهة نظر محترمه واشكرش على مشاركتش :) |
رد: دخول البنات في الصراع الانتخابي تأييد أم رفض ؟؟
اقتباس:
مشكوره على المشاركه اختي بنت العلميه وراي محترم واحترمه يعطيش العافيه عالمرور |
رد: دخول البنات في الصراع الانتخابي تأييد أم رفض ؟؟
اقتباس:
مرحبا بك يا السنافي ومعاك ابو سيف:) رايك طيب ولاهنت عالمشاركه وانا بعد عندي انها مااترشح نفسها احسن خل تبتعد واتريح نفسها احسن وش لها باللجه وعوار الراس البيت يمدحوونه a25 الدراسه زينه بس انها اتشارك بالصراع الإنتخابي ما أييده طبعا قصدي الترشيح مشكور اخي السنافي عالمشاركه |
رد: دخول البنات في الصراع الانتخابي تأييد أم رفض ؟؟
لي عوده
14t |
رد: دخول البنات في الصراع الانتخابي تأييد أم رفض ؟؟
بإنتظار العوده انا هم بتزهب للمصارعه 16t
|
رد: دخول البنات في الصراع الانتخابي تأييد أم رفض ؟؟
^^
اوكي بس اول بسالك سؤال؟ انا هالسنه كنت بنزل اسمي بالترشيح مال احد قوائم كليتنا بس للاسف صار لي ضرف واجلناها للسنه الجايه فا السؤال؟ لو شفت اسمي فلانه بنت فلان العجمي مرشحه القائمه الفلانه لكليه العلوم شبتسوي..؟؟؟ |
رد: دخول البنات في الصراع الانتخابي تأييد أم رفض ؟؟
انا عادي صارت هالكورس انا أخر كورس بالتطبيقي وجاني واحد من الشباب تعال صووت حق بنت عمك قلت بنت عمي منوو ؟؟
قال نازله ويانا بالقائمة عجميه إيقولها بإستهزاء انزيين قلت له وش تبيني أسويلك قال تعال صووت .... قلت له انزين مافي أحد من بنات عمك نازله قال امعصي احد من بناتنا ينزلوون الصراحه عطيته ظهري ومشيت قالي تعال صووت مشييت ماردييت علييه .. المهم اللي بوصله اني لما قريت اسم العجمي طالبه نازله من ناحيتي ما أهتميت لها مشيت و قلت هذي بكيفها وجهة نظرها وخليتها بس من ناحيتي انا لو اختي بتنزل منعتها هذا اذا هي مفكرة تنزل لأنها لوو شنوو مافكرت تنزل وسلامتج هذا طبعا وجهة نظري وكل واحد له وجهة نظر :) |
رد: دخول البنات في الصراع الانتخابي تأييد أم رفض ؟؟
اممم
يعني هالبنت وطت راسك بالكليه لمن نزلت اسمها؟؟ |
رد: دخول البنات في الصراع الانتخابي تأييد أم رفض ؟؟
ماعاش اللي يوطي راسي يا بنت أصل
اصلا ما أنولد اللي يوطي راسي انا قلت اني ما أهتميت لها ويعني لوو انتي نازله بدالها هم ما أهتميت لج هههههههههههه باين عليج بنت أصل من كلامج :) |
رد: دخول البنات في الصراع الانتخابي تأييد أم رفض ؟؟
ليش بنت الاصل تقعد في بيتها و بس
تدرس و تقعد عشان تقعد في البيت ما يصير تشارك وترشح و تنتخب و لا تصير مو اصيليه؟؟ او اي تصوت للناس بس هي لا ما تطلع تظل في الخفا يعني... اذا لها صوت او فكر لا خشيه و لا تصيرين مو اصيه و فيش و فيش >>قلت ش^^ ولا عيب على الاصيله و عادي لغيرها يعني اللي بوصله شدخل الاصل في هالسوالف هذا افكار و اراء و وجهات نظر تختلف من شخص للثاني مالهاعلاقه باصل و فصل انا مثل ما يوقلون عندي مؤهلات و ابي ارشح عمري ويليت انا قلت هم اختاروني لا لا عيب ما يصير بعدين اصير مو اصيه عيب بنت الاصل و الفصل بنت يام ترشح عمرها جذي يعني..؟؟ |
رد: دخول البنات في الصراع الانتخابي تأييد أم رفض ؟؟
مشكورة على تعليقش قلت ^^ش ^^ ؟؟؟؟؟ !!!!!
انا في البدايه قلت أحترم جميع وجهات النظر كل تنسان وله جهة نظره وانتي ماثمنتي كلامش !! في بعض الكلمات ماتنقال ؟؟ لأن المناقشه يجب ان تكوون بحدوود الإحترام وبعض الكلام ماهو برشفة ماي تنشرب وخلاص !!! المهم انتي لج وجهة نظر وانا لي وجهة نظر << جذي يعني >> اشتطلع هذي بعد شر البلية مايضحك:) شكرا عالتعليق والمشاركه الثريه ..... |
رد: دخول البنات في الصراع الانتخابي تأييد أم رفض ؟؟
><
في شنو ما ثنمت كلامي؟؟؟ سوري مقدما بس شنو تقصد |
رد: دخول البنات في الصراع الانتخابي تأييد أم رفض ؟؟
و نرد لمحرو حديثنا
اوكي كلن له وه نظر ما رديت علي انا ابي اعرف وجهه نظرك ما وصلت لي ما رديت على "جذي يعني" هل انت قصدكما يصير تدخل الاصل في الترشيح؟ وانت معارض "الاصيله" ترشح عمرها...... شنو اعتراضك عليه ليش من اي ناحيه ...؟ |
رد: دخول البنات في الصراع الانتخابي تأييد أم رفض ؟؟
بنت الأصل كلامج عدل ومافيه شي ..
تابعوا نقاشكم متابعتكم .. |
رد: دخول البنات في الصراع الانتخابي تأييد أم رفض ؟؟
على فكرة حنا طلعنا من حدود الموضوع
انا فهمت وجهة نظرش وأحترمها يعني حتى الأعمى بيقرأ بيدري اي كلمه المهم مشكورة عالمناقشه :) |
رد: دخول البنات في الصراع الانتخابي تأييد أم رفض ؟؟
هذي حدود الموضع
ما طلعنا من شي انا ماشفت وجه نظرك للحين ..؟؟ |
رد: دخول البنات في الصراع الانتخابي تأييد أم رفض ؟؟
أنا اشوف انكم طلعتوا من صلب الموضوع : والاصل ماله شغل بالترشيح : الأخ "ضنا مرزوق" ما قصد شي ولا طرا الاصل بالموضوع : اتمنى عدم فهم الموضوع بالخطأوعدم الخروج عن المعنى الاساسي : انا اشوف وجهات النظر متكهربة و بدا الموضوع ينحدر بمشادة كلامية واتمنى كل عضو يتكلم بوجهة نظره ولا يطلع من صلب الموضوع و لا تدخلون الاصل بالسالفة : وبالنسبة للموضوع : انا ما اؤيد ان البنت تخوض الانتخابات سواء كانت طلابية او غيرها من المحافل النقابية والبرلمانية : مهما كانت واي اصل تكون : لأنه بخوضها لمثل هالانتخابات لابد ان تكون فيها مشاركة للرجال وكلكم تعرفون النظرة الدينية بهالخصوص : بحكم ان الدخول بمثل هالامور قد يحدث منه ان تتجه الا مؤتمرات و مناقشات و اعتلاء للاصوات بين الرجال والنساء : ولن اتكلم عن الجانب الديني : فكل من به جانب ديني يعلم ان دخول النساء غير صحيح : : : واتمنى من الاخوة الاعضاء الارتقاء بمستوى الحديث و عدم الكلام الجارح : واسمحولي على الاطالة |
رد: دخول البنات في الصراع الانتخابي تأييد أم رفض ؟؟
بصراحه انا مع الانسان اللى عنده علم وخلق ودين وفكر نظيم وسليم ..انسان
يراعي ربه فوق كل شي .. شخص عنده مؤهلات يقدر يخدم فيها مجتمعه بعيد عن المصالح وتلميع الذات .. وهالشي مايختلف عندي بوجهة النظر سواء كان امرأه او رجل .. واكيد ماله شغل بالاصل والعرق والمذهب اذا اهتمينا بالاشياء هذي اكيد بكون عطائنا للذات ولمصلحة فئه معينه وليس للمجتمع باكمله وعلى كل مرشح يتذكر انه محاسب امام الله والمجتمع وانه الصوت امانه تسلم على الموضوع ..:21t: |
رد: دخول البنات في الصراع الانتخابي تأييد أم رفض ؟؟
السلام عليكم
وجهة نظري لأختي العزيزه سواء كانت عجميه او غيره انها تبتعد عن الانتخابات وتركز على دراستها وعلى بيتها وهذا من باب مصلحتها لأن الانتخابات مافيها خير واصلاً البنت حلاتها بنوته نعومه مهب دفاشه ونتخابات ومداحم مع الرياجيل وجهة نظر . ومشكور ضنا مرزوق على اتاحة الفرصه لأبداء الرأي |
رد: دخول البنات في الصراع الانتخابي تأييد أم رفض ؟؟
\ مشاركتي بـ هذا الموضوع قبل تكون نقاش هي حل لـ مشكلتي مع العادات والتقاليد اللي تصاحب هذهـ الظاهرهـ فـ انا عضوة اتحاد طلبة التطبيقي هذهـ السنه وافتخر بـ كوني وصلت لهذهـ المرحله والحمدلله اهلي مرهـ متفهمين دوري وانجازي ووصولي للشي هذا وزي ماقالت اختي بنت العلميه هالشي صار مو عشان التعصب ولا عشان امشي ورى حد ذا جا من قناعتي الشخصيه اللي تحتم علي اني اساهم بـ إي شي يقدم تغيير ملحووظ في هذهـ المجالات لكن واجهة صعوبات كبيرهـ من ابناء القبيله واللي لازالت موجودهـ ولازال الكل يتكلم حتىآ اقرب الاقربااء طبعاُ اقصد ابناء العمومه القريبيين .. واخوي حبيت اوضح لك ولغيرك من اللي يمانعون هالظاهرهـ لدينا ضوابط وعقوبات لـ إي فتاة تسمح لـ نفسها انها تواجه الرجال بـ اسم هذهـ الانتخابات وكما بينت في موضوعي الخاص ان كل المشاكل والقرارات توصل عن طريق غير مباشر من العضوهـ للاعضاء .. والله كلكم موب عارفين كيف نظام الانتخابات طبعاً اتكلم عن انتخابات التطبيقي وليس لدي اي علم بـ اي مكان غيرهـ \ وان شاء الله وضحت جزء من اللي بخاطري .. \ |
رد: دخول البنات في الصراع الانتخابي تأييد أم رفض ؟؟
اقتباس:
هلا والله عبدالله ولاهنت عالمشاركه وانا ماطلعت عن الموضوع في مجموعه عجيبه يطلعون من الموضوع وانا وجهة نظري واضحه وامبينها في كل الردود :) رايك طيب ووجهة نظر محترمه وانا الصراحه اتمنى ايكون اهناك شيخ يحكم بالحق :) لازم في فتوى بالأمور هذي وشكر لمرورك |
رد: دخول البنات في الصراع الانتخابي تأييد أم رفض ؟؟
هلا والله اختي قرناسه وجهة نظر طيبه واكيد يجب على المرشح ان يراعي ربه فوق كل شي
لاهنتي عالمشاركه هلابك أخي المفلحي وانا بعد معك يعني وش لها بعوار الناس واللجه صدقت لاهنت عالمشاركه وطبعا كل واحد له وجهة نظر وانا أحترم جميع الأراء ... هلا والله بفخر ابوها اولا : الله يوفقش ويعينش عالمسؤلية وثانيا : انا أقول راح اتشوفين مسؤليات وراح اتواجهين صعوبات انتي في غنى عنها لكن الله يعينش عليها ،، وثالثا : العادات والتقاليد ماهي بعيب بالعكس هذا فخر ان الناس للحين متمسكين بعاداتهم وتقاليدهم والصراحه هذا فخر بحد ذاته ،، وحنا بهالعصر هذا شاللي خلنا ننضعف الا التمسك بعادات وتقاليد غيرنا وهذا خطأ ..... انزين ممكن اتوضحين اشلون التواصل الغير مباشر مع الإتحاد ؟؟ ومشكورة عالمشاركه وأنا أحترم وجهة نظرش ورايش :) |
رد: دخول البنات في الصراع الانتخابي تأييد أم رفض ؟؟
\ رد إولاً : الله يوفق الجميع ويعيينا .. رد ثانياً : مادخلت هالمجال الا ان حب للمغامرهـ ومواجهة الصعاب ومعرفة كيف الشخص يقدر يحط حلول وضوابط وينتج انجازات تكون ثابته مع مرور الايام .. ونقول الله يعينا ويقدم اللي فيه الخير .. .. رد ثالثاً : ما اقول العادات والتقاليد عيب !! ولكن اقول المفروض ما نعتمد عليها في ما احله الشرع ونحرم شي محلل لانها عادهـ يعاب عليها صاحبها بحكم التقاليد .. \ والحين اوضح لك كيف يكون التواصل الغير مباشر مع الاتحاد وتراني وضحته بصورهـ سريعه في موضوع نقاشي اللي جا بعد موضوع نقاشك ولكن اتوقع الهدف واحد الا وهوو دخول المرأهـ الصراع الانتخابي : كل انجازاتنا وقراراتنا وحتىآ افكارنا تقدم في كتب رسميه منا حنا كـ طالبات وعضوات اتحاد الىآ المسؤولين في كلياتنا ومنها الى اعضاء اتحادنا .. يوجد مشرفات ومشرفين يساهمون في هذا الشي ويمنع منعاً باتاً اجتماع عضو وعضوهـ مهما كانت الاسباب والمشاكل المراد مناقشتها .. ودك تناقش مشكله مخصصين لنا مشرفه من التطبيقي تاخذ قرارتنا ومشاكلنا وكل ماودك تقوله توصله للمشرف الاخر وبدورهـ يوصله للعضوو ومنها للهيئه التدريسيه .. \ اتمنىآ اعطيتك لمحه عن الموضوع والعفوو خيوو واسعدني نقاشك معي :) \ |
رد: دخول البنات في الصراع الانتخابي تأييد أم رفض ؟؟
^
^ ^ مافيش حيله انتي a25 |
رد: دخول البنات في الصراع الانتخابي تأييد أم رفض ؟؟
\ هههههههههههههه اربك اقتنعت بس !! a25 \ |
رد: دخول البنات في الصراع الانتخابي تأييد أم رفض ؟؟
وسعدت أكثر بالنقاش وياج أختي فخر أبوها :)
واللي بوصله أول أخذ رايش وثانيا توضيح بعض النقاط حول الموضوع بم انج عضوة بالإتحاد:) يعني التواصل يتم عن طريق مشرفات غيرج شي طيب :) ومشكورة على رحابة صدرج وعالحوار الهادف منج اللي خلنا نطلع بإستفادة من الموضوع وبالتوفيق اختي يعني الحين اتضبطينا بم انج عضوة بالاتحاد انا خريج a25 الله يوفقش ومشكورة عالمناقشه ،، وعلى قولة عبدالله مافيش حيلة |
رد: دخول البنات في الصراع الانتخابي تأييد أم رفض ؟؟
يعطيج العافية فخر ابوي ..
موفق حبيبتي .. وشدي حيلج نبي نشوفج بالمجلس إنشالله .. |
رد: دخول البنات في الصراع الانتخابي تأييد أم رفض ؟؟
\ والله فرحت اني وصلت نقاشي بشي مقنع وبدون تجريح لاحد واكيد انتو ساعدتوني لانكم تناقشون نقاش سليم والله يوفق الجميع وتتخرج بدوون مساعدة احد a25 والعفوو خيوو سعدت بـ مناقشتك :a28: \ |
الوقت في المنتدى حسب توقيت جرينتش +3 الساعة الآن 12:41 AM . |
مجالس العجمان الرسمي