|
قرب ياكونكورد ولا تقول منين جاني:)
السلام عليكم مساكم الله بالخير جميع من غير قصور في الشعار قرب ياكونكورد وفالك طيب:) ياسلام الله عليكم عد ماهب النسيم.....ياعساكم في نعيم.....وانت يالكنكورد قرب لي معك ثارنٍ قديم.....يوم شبت نارها.....ولعي يانار في راس الفتيله ولعي.....
سلام للي مالحقنا عطاياه=اللي غرف در البحور العميقه صاحبك ياكنكورد وشلون تجفاه=وانت الرفيق اللي هقابه رفيقه تابعوا واستمتعوا وبدون مجامله:) |
رد: قرب ياكونكورد ولا تقول منين جاني:)
مرحبا الف
ما اعرف اجامل حياك الله وحيا الله النفس الزينه :) ومتابعين ويالله يالله ياكنكورد |
رد: قرب ياكونكورد ولا تقول منين جاني:)
صح لسانك
ويلااا كني اشوف نك الكونكورد شكله يبدع :) بالانتظار .. |
رد: قرب ياكونكورد ولا تقول منين جاني:)
ياسلام الله عليكم عد ماهب النسيم
ياعساكم في نعيم . . . وانت يالكنكورد قرب لي معك ثارنٍ قديم ( يوم شبت نارها ) . . . ( ولعي يانار في راس الفتيله ولعي ) سلام للـي مالحقنـا عطايـاه = اللي غرف در البحور العميقـه صاحبك ياكنكورد وشلون تجفاه = وانت الرفيق اللي هقابه رفيقه الله الله الله مرحبا بك يـ ماعرف اجامل والله يحيك مبدا رائع ويـاطيب الموال يذكرني بـ المووايل القديمه :) وبـ أنتظار المبدع : الكونكورد |
رد: قرب ياكونكورد ولا تقول منين جاني:)
الله الله
الليل الليل مقدر اتكلم كلكم اساتذتي :) ومتاابع مع الجمهوور ولا نيب ماسك الصفوف :) |
رد: قرب ياكونكورد ولا تقول منين جاني:)
:) :) :) :) وين عيّنتني؟؟!! الله يمسيك بالنور انت وجميع المتابعين واستلم مرحبا بك ياصحيب ٍ خابرينه مايتوب .. ماوراه الا الذنوب .. لكن ارحب واحتزم من عقب ماشبّت شبوب .. يوم شبت نارها .. ولعي يانار في راس الفتيله ولعي
يامرحبا ياصاحب ٍ مانسيناه = علاقته ويّا المشاكل وثيقه صاحبك ماينساك وان جيت تلقاه = هذي حقيقه لو عرفت الحقيقه ولحد يتابع:) طاروق خاص:) |
رد: قرب ياكونكورد ولا تقول منين جاني:)
السلام عليكم الرسام - مهرة النسيان - سعود الخويطري - نسل الطويل الله لايهينكم على المتابعه ولاتحرمونا من مروركم وتواصلكم الطيب:) يسعدني و يشرفني الله الله ياكونكورد استلم طال عمرك والبقا بك بس لاتجحد وانا راعي جميل.....يوم شبيت الفتيل.....شلت معك الحمل في دربك ولو ماهو ثقيل.....يوم شبت نارها.....ولعي يانار في راس الفتيله ولعي.....
ياصاحبي ياطيب الوجه والجاه=مشاكلك بالثانية والدقيقه عيشتنا ياصاحبي في معاناه=من ضيقةٍ نظهر وندخل بضيقه وبدون مجامله |
رد: قرب ياكونكورد ولا تقول منين جاني:)
ماشاء الله ..
ابدعتوا عز الله .. صحت السنتكم .. ومتابعه .. |
رد: قرب ياكونكورد ولا تقول منين جاني:)
الله الله
متاابع وغصب بعد :) |
رد: قرب ياكونكورد ولا تقول منين جاني:)
ولعي يانار في راس الثبيتي ولعي
ذكرتوني بمحاورة حبيب ومطلق الله يرحمه واصلو واصلو |
رد: قرب ياكونكورد ولا تقول منين جاني:)
:)
خوش خوش = الله الله صح السنتكم وتراني من ورا الكواليس :D مع الله ياشعار |
رد: قرب ياكونكورد ولا تقول منين جاني:)
ماشاء الله ..
ابدعتوا عز الله .. صحت السنتكم .. |
رد: قرب ياكونكورد ولا تقول منين جاني:)
صح لسانكم يابدون مجامله والكونكورد
والله لايشينكم ومتابع يالقروووووووووووووووووم |
رد: قرب ياكونكورد ولا تقول منين جاني:)
ما اعرف اجامل
الكونكورد صح الساااااااانكم .. والله لا يشينكم واتابع يالقزووووووووووم الكونكورد تراني متااابعه من قناة سمـــا دبي:p |
رد: قرب ياكونكورد ولا تقول منين جاني:)
شكرا لجميع من تابعنا واستلم جعل مهوب صح لسانك:) انت يومك فالبلد ضيّقت حكّام البلد .. كن ماغيرك ولد .. ضعت ثم ضيّعتنا ويّاك ياوجه السعد .. يوم شبت نارها .. ولعي يانار في راس الفتيله ولعي
كم قلت لك ذالدرب ماطاب ممشاه = وتقول نبغيها تولّع حريقه لاعاد تتهم صاحبك وانت بلواه = اللي عشانك باع كل الخليقه وبدون مجامله:) |
رد: قرب ياكونكورد ولا تقول منين جاني:)
امحق صحيب وامحق ولد :)
الله الله صح السانك كنكورد وانا اتحرى الولد :) مع الله يا شعار :) |
رد: قرب ياكونكورد ولا تقول منين جاني:)
امش ماعرف اجامل موجوود بعد
ارحب يارجل والله يعين الكونكورد الله يستر من الباندات ههههههه متابع |
رد: قرب ياكونكورد ولا تقول منين جاني:)
السلام عليكم كل الشكر للمتابعين والمتواصلين معنا وانشالله مافيه باندات:) واسمحولي على التأخير كنت نايم هالايام لا لليلي لليل ولانهاري نهار كله من الكونكورد:( الكونكورد صح اللسانك واستلم طال عمرك يازعيم القاعدة انت اللذي لغمتنا.....عقبها فجرنتا..... في جهادك ماعرفنا وش لنا وش مالنا.....عقب شبت نارها.....ولعي يانار في راس الفتيله ولعي.....
يالصاحب اللي مالفتنا وصاياه=يسرق ويتهم صاحبه بالسريقه كونكورد لو انه يواضب على دواه=يمكن يطيب ولا يعذب صديقه وبدون مجامله |
رد: قرب ياكونكورد ولا تقول منين جاني:)
ماعرف اجامل حتى التأخير بتتهمني فيه الله يسامحك:) استلم انت ماتعرف تجامل والبشر ماهم سوى .. بعضهم ماله دوى .. انصحك عن بعضهم وتقول لي مالك لوى .. يوم شبت نارها .. ولعي يانار في راس الفتيله ولعي
كونكورد صاحي وانت تعرف مزاياه = عدّى على روس الطوال المويقه خل الحسايف للذي جاه ماجاه = اللي حمل له حمل ماهو يطيقه وبدون مجامله |
رد: قرب ياكونكورد ولا تقول منين جاني:)
ما اعرف اجامل... صح لسانك.. الكنكورد.. صح لسانك.. أبدعتوا و امتعتونا.. لبا كبودكم.. و متابعين.... |
رد: قرب ياكونكورد ولا تقول منين جاني:)
السلام عليكم كونكورد تاتيك التهايم وانت نايم:) واستلم طال عمرك وانت مثلي ماتجامل كلنا نفس المجال.....ولو يضيقون الرجال.....الصراحه والحقيقه عندنا لازم تقال.....عقب شبت نارها.....ولعي يانار في راس الفتيله ولعي.....
والنعم بك والطيب عندك وجدناه=ياشاعرٍ نجمك جذبنا بريقه ماعرف اجامل مابعد وصل لقصاه=ولو بندوه الناس ما هو يعيقه والختام عنك طال عمرك وبدون مجامله:) |
رد: قرب ياكونكورد ولا تقول منين جاني:)
صحت السنتكم ..
وولعتوها .. محاورة شيقه فعلا .. بانتظار ختام الكونكورد .. |
رد: قرب ياكونكورد ولا تقول منين جاني:)
طيب طيب
ما ارعف اجامل << هذا وانت ما توضيت :D وعليييك يا كنكورد مكلج :) صح السنتكم ولا هنتوا اخيكم - اخوكم |
رد: قرب ياكونكورد ولا تقول منين جاني:)
ماعرف اجامل الله لايهينك وبيض الله وجهك اطيب الساعات وابركها اللي شفناك فيها استلم الصراحه في زمنا كنها سب وشتم .. ينكسر منه العظم .. والحقيقه باقيه مادام فالساحه ذمم .. يوم شبت نارها .. ولعي يانار في راس الفتيله ولعي
لاشفت لك وجه ٍ غريب تعداه = هذا طريقك مايوافق طريقه وفي مجلس العجمان للشعر معناه = تاخذ حقوقك من شقيق لشقيقه والله يحييك والمجلس مجلسك انت وشرواك من الطيبين وكثر من ذالالحان القديمه ترى مطلوبه:) وبدون مجامله |
رد: قرب ياكونكورد ولا تقول منين جاني:)
طيب طيب
صح السنتكم ولا هنتوا خوش محراف تبون شهادتي :D في مجلس العجمان للشعر معناه << صح السانك كنكورد احترامي للجميع |
رد: قرب ياكونكورد ولا تقول منين جاني:)
السلام عليكم الكونكورد صح اللسانك وبيض الله وجهك وشكرا على تواضعك ويشرفني ويسعدني تواجدي في مجالس العجمان وكل الشكر والتقدير للاخوان اللي شرفونا واسعدونا بمرورهم وتفاعلهم الجميل:) تحياتي و تقديري للجميع وبدون مجامله:) |
رد: قرب ياكونكورد ولا تقول منين جاني:)
وفي مجلس العجمان للشعر معناه =تاخذ حقوقك من شقيـق لشقيقـه
لاهنتوااا .. وصحت السنتكم وقلوبكم .. |
رد: قرب ياكونكورد ولا تقول منين جاني:)
لاشفت لك وجه ٍ غريب تعـداه=هذا طريقـك مايوافـق طريقـه وفي مجلس العجمان للشعر معناه=تاخذ حقوقك من شقيـق لشقيقـه ابدعت والله،، وبدون مجامله ... صح الساااانتكم وجبودكم ودمكم ...:) |
رد: قرب ياكونكورد ولا تقول منين جاني:)
ما شاء الله شعار
الله الله على الرديه الزينه |
| الوقت في المنتدى حسب توقيت جرينتش +3 الساعة الآن 07:49 AM . |
مجالس العجمان الرسمي