بيني وبينك بدت قصة غــرام= فلسفة بوح وترانيم وأنين
إسكن أركانك برقه وانسجام =واشتكيلك من عذابات السنين
لاقيود 00ولا تعاليم 00ونظام =كيف مابغى تظهر حروفي تبين
ركني الهادي على الدنيا سلام =شف بواقي روحي مقطوع اليدين
شاف حلمه لاح مابين الغمام = ومدها يده وأثره ماله يدين
وغمض عيونه على همه ونام = وقال يا دنيا على منتي تبين

والله إني صرت أحبك غصب عني = حكمة الله يوم سكنك فـ / فؤادي
من عرفتك دمع عيني مايكني = منعرفتك والحزن شربي وزادي
ليت رجلينك بدربي ماوطني = كنت مرتاحه وجو القلب هادي
قالها (عبدالمجيد ) ومعه أغني = أيش جابك من بلادك لـبلادي

البادي أظلم واستمع للي يليه =الحل عندي هاك مني حلها
من قلط افراش (ن) يجي يجلس عليه = نفس (ن) ذليله موتها أحسن لها

صحيح من يروى من الحب يضماه = واللَي خسر فرصة عمر ما كسبها
وأنا حبيبي لاتذكرت لاماه =عصريَة (ن) تسوى البنوك وذهبها
كني يتيم (ن) هل دمعه من أقصاه = مذكر (ن) له لعبة (ن) قد لعبها

أحسب إن ما للجمايل على الدنيا جحود = لين حطيت امعروفي بناس (ن) وجحدوه
أشهد أن اللي يفعل الجود فاللي مايجود = مثل من حجج على غاربه ذباح أبوه

ياحسين ديران الجماعه مريفه = واللي مع الاجناب كنه على نار

يمنى بلا يسرى. تراها ضعيفه = ورجلٍ بلا ربعن على الغبن صبار

الطير بالجنحان محلى رفيفه = وليا انكسر أحدى الجناحين . ماطار

وإن لمحنا طايره في الجو نلحقها جهاله = وإن تعدت راحت إيدينا لها تومي تعالي

كنت أفكر قبل عام إني ملك = لو 00بغيت 00 أكتب دواوين !![ 0 أستطيع 0 ]
لكن الليله _ قسم برب الفلك : = إني أكتب 00 شطر والثاني : [0 أضيع 0 ]

دريت ان وقفت بين آمالي وحظي سور =وعذر الواقفين أحيان قولة (تونا ممدين )
ولكن عرفت أن الصبر مايجبر المكسور = وحل 00 امعادلات الناس 00 من آدم 00 ليوم الدين
أنا كيف أبلعك ياريق وكل ماله يضيق الزوور = مثل ماينطوي كوني كأول يوم للتكوين
أبي الراحه مثل جاير 00 تضايق 00 واعترف بالجور = وأبي لوحة حياتي تنرسم مع كامل التلوين

اللي بقالي مع الأيام 00 وفيته = والضيق لو ينهمر تسرقه ودياني
ماهي كبيره علي والحزن 00 غنيه = ولاهي غريبه إذا وقتي تحداني
الخوف - واللي تطوف الخلق في00 بيته = لاعشت زهرة شبابك وأنت وحداني !!
كم جرح خذته من الأحباب 00 ضميته = وجروح قلبي زكاة لحب خلاني
مطعون ؟ عاااادي ،، جفا الأقراب !! داويته = تعبان !؟ مبطي ،،ردى الحظ !؟خاواني
صدمه !؟ بسيطه ،، هوان الحال!؟ مريته = مقرود !؟ خلقه ،، وإذا حرمان !! عَداني
ما فاح همَ لك الله ما تقهويته = ما مر حزن بغيري ما تبلاني !
ياما وياما من الخذلان 00 عديته = إلا بصاحب 00 بعد عشره تناساني!
أزريت لا أنسى غيابه لين ناديته = والموت لامن تجاهلني وجافاني !
وينه يجيني 00 وكل عتاب كنيته = ياليت يدري بعد فرقاه وش جاني!!
من كنت طفل وأنا أرجاه في بيته = شيبة 00 واثره على هالحال خلاني !!
حتى جناح العتب لرضاه ذليته = ما طرت عده فرح من ذل جنحاني
ياقب صبرك 00 ترى كل شي سويته = ما كان أفضل من اللي كان بإمكاني
لو بي قوة على الهجران؟ خليته = لو بي ذره من النكران ؟ يفدااااني
الجرح أرحم 00 إذا يرجع من أغليته = مجروح !!! فدوه 00و لكن صعب وحداني