عــطــنــي دلـيـل أنــي أخـــونـــك !!
صباح الخير :)
هذي اطلاله متواضعه _________
الله أكـبـر !! شنت ؟ حتى في سلامك ؟ = ماكنك اللي بغيبتي زادت طعونك ؟ تشكي وانا المجروح منك .. ومن سهامك = وتكذب واشوف الكذب واضــح !! .. في عيونك عطني ( جروحك ) ؟ ,, ولاتنشدني علامك ؟؟= لن ( الجروح ) بخافقي .. فيك وبدونك ! عذروبك انك ! .. ما انت صادق في ملامك = ومشكلتك انك ؟ .. ماتعرف اللي يبونك ! غـلـطـان !!! ,, يومني ترجيت اهتمامك = لنك عديم احساس !!! ,, وهمومك شؤونك ياللي تحسب ان الوفا .. لبسة لثامك ؟ = ترى الوفا ! .. مـاهـوب في شكلك ولونك لامن نويت تغيب ! .. رح واجمع حطامك ! = ماراح احط اسباب ؟ .. في غيبة مزونك انـا الـسـبـب ؟ .. لني ؟ تعجلت بغرامك = ولا انـت ؟ مالك ذنب ؟ .. وارحل على هونك رح في طريقك ماني بحاجة سلامك = دامه ( بدوني ) ... راحــتــك .. ببقى ( بدونك ) من كثر ماغبنتني !! .. قـل احترامك = وحسيت ! بأني (( خنت نفسي )) يوم اصونك تدري وش اللي يزيد شكي من كلامك ؟ = لاقلت لي : .. ( عطني دليل أني اخونك ) !!؟ _____ وسلامتكم _____ |
الله يسلمك
صح لسانك يالذيب |
عـــــــــــــــــطني دليل في كلامك
صح الساااااانك ياالسنافي والله لا ايهينك وفي انتظار جديدك |
صح بدنك يا ابو ابراهيم
لك كل الشكر |
الله الله الله عليك
بصراحه مبدع لاهنت وصح لسانك مليون سجل أعجابي وتقبل تحياتي |
اخي (( سعود بن مهدي))...
صح لسانك طال عمرك.. قصيده رووعه .. تسلم يمناك ... والله يعطيك العافيه .. وسجلني دائما من المعجبين بقصاائدك.. لاهنت تقبل فائق احترامي وتقديري.. اختك..الجامحه! |
صح لسانك
|
:thumbs_up عــطــنــي دلـيـل أنــي أخـــونـــك !!]]]]]]]]]]]]]]]
ألأخ..سعود بن مهدي.. مشكووووووووووووور. قصيد اكثر من رائعه الله يوفقكم امين.............. |
صح لسانك يابو مهدي والله لايهينك تحياتي لك |
صح بدنك يامستغنيه
وشكرا على الثناء |
الله الله
صح الله لسانك يابوعبدالله ودائما لك جو ثاني مع العذوبه والغزل والتميز وتقبل سلامي واشواقي |
رد: عــطــنــي دلـيـل أنــي أخـــونـــك !!
صح بدنك يابن فنيس
ولك كل الشكر |
رد: عــطــنــي دلـيـل أنــي أخـــونـــك !!
لا هنت يا سعودعلى القصيدة واعجبني آخر بيت صراحة
|
رد: عــطــنــي دلـيـل أنــي أخـــونـــك !!
سعود بن مهدي الله لا ايهينك على هالقصيده الرائعه كروعه حضورك يا السنافي
|
رد: عــطــنــي دلـيـل أنــي أخـــونـــك !!
صح لسانك على القصيدة الجزلة
والله لايشينك وننتظر جديدك طال عمرك اخوووووووووووكـ |
رد: عــطــنــي دلـيـل أنــي أخـــونـــك !!
صح بدنك يامحمد
ولك كل الشكر |
الوقت في المنتدى حسب توقيت جرينتش +3 الساعة الآن 11:57 PM . |
مجالس العجمان الرسمي