قال الذي فـي محفـل العيـد غنـا=في كلمة يطرب لهـا كـل قصيـد
والحمـد للـي عزنـا فـي وطنـا=في العام عيدين وذا ثالـث العيـد
فـي ظـل قايدنـا زبـون المجنـا=النادر اللي في المهمـات صنديـد
شيخ الشيـوخ اللـي بامانـة ومنـا=خليفة المنصـور واخوانـه العيـد
هـو درعنـا كـان الليالـي رمنـا=اللي فرد بالطيب والمجـد تفريـد
مفراص مـاص ماضـى مستسنـا=الين من الماهود وأقسى من الحيـد
ويعيش شيـخ هـو ذرانـا واملنـا=سبع السباع وكيد من ينقـل الكيـد
حمد حميد الـراي فـي كـل فنـا=ولي عهد الدار سعـد المضاهيـد
قايـد جمـوع فـي اللقـا ماتونـا=خذ من كرم حاتم وسطوات ابو زيد
يعيـش شيـخ نـزح الغـدر عنـا=وجيش على آمره يخضع السيد والبيد
واليـوم جازتلـي علـى مـا تمنـا=والشعر جاله في ضميري مواريـد
مع لابـةٍ فـي العـز منـا وعنـا=مريـةٍ تستاهـل المـدح وتـزيـد
يشهد لهـا التاريـخ وانـس وجنـا=لطامـة العايـل بكثـح البواريـد
ظفـران يـوم الشـر منـا ومـنـا=أهل المناسـف والـدلال البغاديـد
عدوهـم لازارهــم مــا تهـنـا=وصديقهم له فـي الثريـا مقاعيـد
حنـا وهـم مـن يــوم عشـنـا=وكناسيف لنا نلطم به الخصم ويبيد
يـا ميـة يـوم السـوابـق تعـنـا=فازوا على العالم بكثـر التحاميـد
واخلاصهم مـا فيـه شـك وظنـا=لا دور الزلـة كثـيـر المناقـيـد
يفداهـم اللـي بالمـواجـب قـنـا=أهل الوفى والجود والجد والجيـد
ويـام سـواة طويـق ظـلٍ وكنـا=خضّاعة لروس الطغـاة النماريـد
أهـل بيـوت فـي الحرايـب تبنـا=ريف على الصاحب وللخصم تنكيد
واليـوم حنـا فـي فرحكـم حفلنـا=يا من بكم نفخر على الخصم ونسيد
تمت بذكـر اللـي بعطفـه شملنـا=والعفو لاقصر كلامي عـن الميـد
وصلوا عدد مـزن رعـوده تحنـا=على رسول حـدد الحـق تحديـد