|
ليه المكياج طيب؟
سلام لكل بنات حوى:
الكل يصيح من المضايقات للبنات او الحريم المتزوجات سوى في الكويت او الخليج العربي ككل وهذي مشكله عويصه نظرا لاسطوره الحرمان وسوء التربيه وخلافه!!!!!! هذا الكلام ماهو مقنع بالنسبه لحضره جنابي لانه مثل ما الشباب يغازلون وهذا غلط طبعا بس المشكله في اللي يشجعهم يغازلون في الاسواق على سبيل المثال لا الحصر. يعني انا استغرب ان البنت اذا جت تبي تروح السوق حطت ميكب حق عرس وكحل وزحمه وكعب وشى واجد على شان السوق صراحه انا مااقتنع انها تبي تتسوق هذي تبي تغازل . وحتى في الجامعات يالجامعيات حاقطه الملابس وفلميكب ورايحه الجامعه وش ذا الكلام ترى الشباب دم ولحم خفوا علينا مع اني انا يالكاتب ما احب المغازل وامقت العاده الشينه هذي لانها تدل على عدم تحضر ومساخه. ترى يا جماعه الكلام الذرب زين واللي يبي يتعرف ماهو بالطريقه اللي صايره بالاسواق وانتوا يالبنات لا تحطون مكياج اوفر لانه يخرب البشره يامال الذهاب. ويطفش العرسان كثر الدواره بالاسواق وكمثر المكياج يطفش المعاريس والملاغه . الله يوفق الجميع |
أخـــــوي الرايق...أنا معاك بكل شي... بس لامانع من الميك اب الخفيف؟؟؟؟ لإخفاء العيوب مثل(غير صفاء البشرة,البقع السوداء,......إلخ العيوب) وانتوا يا الشباب في اسوقة غير متوفر فيها محل ملابس رجالية ولا حتى عزكم الله الجواتي وتدخلون؟؟؟؟؟؟؟؟؟؟؟؟؟؟؟ليش؟ والبنت لاحطت مكياج انتوا على طول بتلاحقونها؟؟؟؟؟ كلامك مو منطقي يعني البنت تحط مكياج تفسرة تفسير واحد انة بس عشان المغازل... في اسباب واجد عشان تحط مكياج.......ووسع تفكيرك اخوووووي الـــــــــرايــــــــــق,,,, تقبل ودي أختك >>الريــــــمـــــــية<< |
ودك مقبول بس كلامك ماهوب في محله
حتى العطر يابنت الناس حشى تقول مسويه دعايه من كثر ماتحط الوحده منكم وما اعمم لكن هذا الواقع وبعض الشباب والله انه عله مالها مداوي يفقع المراره بعضهم يخش محل ملابس خاصه حريميه ؟ لاحول هذا خياله واسع يصلح مخرج |
الاخ الـــراااايق
مشكور على الموضوووع الطيب والله انك صاااادق وانااااا معك اخوي بذااا النقطه بعض وليس الكل البنااات اذااا رااحو ا السوووق المكياااج اللي ابيييتهم كل تحطه مدري ليش هل لانهااااااااا جييييكر وتخفي الجكر؟؟؟؟؟؟ والاا مدري وش القصه ياااا عرب احناااااا نااااس وعرب والسواياهذي مي لينا هذي لدول الغربيه وما اظلم البناات بس حتى الشباااب انشاااءالله مو مقصرييين من ذا الناااحيه يطفشووون البنت والله لو انهاااا جااايه السوووق بنعاااال الحماااام((كرمكم الله )))) يلحقووونهاااااااا وانااا عندي نصيحه للبنااات عن المكيااااااج والله المكياااج يتعب البشره (((اول ما تجييين من السوووق اغسلي وجهش )))ههههههههههههههههههههههههههههههههههههههههههههههه هههههههههههههههههههههههههههههه والله الزييين زييين بدووون مكياااااااااج (((((>>>>>>يعني حلوه:p)))) خلاااص يااا البناات اذااا فيش فيش كحله وحمره بس:p |
لا وصاير هالايام عبايات مخصره موضه جديده وبراقع فيها لمعه
الشاب معذور والعنوسه اذا زادت السبب انتوا يالبنات انتوا اللي تخربون على روحكم وشاكر مروركم يالريم وانت يالظبي |
مشكور اخوي على طرحك...
صحيح فيه بنات تتزين في السوق بشكل لافت..وان دل على شئ فهو قلة الالتزام بالدين انا ماأحزن عليهم اذا ضايقوهم شباب...ما ادري ليش يتذمرون اصلا!!! هم اللي جابوه لانفسهم الحجاب عباده..واجبه على المرأه..لايجوز زخرفته او تزيينه..فما بالك في اللي تتمكيج والادهى والامر تظهر وجهها وتفتن الخلق.. بس اللي يحزني اكثر اني اروح مع جدي (الله يحفظه ويطول عمره) لمراجعته في مستشفى ويجيك اجنبي مايسوى التاليه من الغنم..ويستخف دمه علي!! اجنبي حده قطاع شاورما!!! بس الشكو على الله..وش نقول!! |
والله انا معاك بهالموضوع و صدق صدق صدق يالبنات لا تلومون الشبااب اذا شفتوهم بالاسواق
لان الصراحه يشوف الهوايل مكياج و عفسه بالوجه و تنوره قصيره و لا جنز بالقصب البسته و لا عباية مخصره لازة بالجلد و النقاب الي (تكفه لا تطيح) و كححححل و خمبقه بالوجه شنو يعني بتصيرين حلوه غصب بعدين مثل ما قالت اختي ظبي السلاطين الزيين زيين والشين شين لو صبغ وجهه (ويا حلو اللبس المحتشم للسفور و يا حلو العبايه والنقاب السنعه للمنقبات) يعني لمن تشتكون يالبنات من الشباب و تحرشاتهم ..... والله ترا الشاب اذا شاف وحده محتشمه يستحي يتحرش ولا يحط عينه بعينها بس لمن يشوف الهوايل لا تلومونه واشكركم على هالموضوع الي بخاطري من زمان ولحد يزعل ملاحظة : ترا هالكلام على بعض البنات مو الكل |
عجبني موضوعك وحبيت اشارك طبعا هذي اول مشاركه لي.
صراحه انا ضد المكياج في السوق وفي اي مكان عام لعدة اسباب لانه اولا فتنه وتبرج وبعدين يضر البشره خصوصا الي ما تقعد في البيت وشلون بتصير بشرتها الله يستر . وبعدين والله يقلل من الجمال والملح التلطيخ الزايد بالمكياج والزين زين والشين شين. اما بالنسبه لمغازل الشباب وملاحقهم لبنات ما له دخل المكياج هذا مرض اعذرني عند الشباب اسئلني انا ما عمري حطيت مكياج لا في السوق ولا في اي مكان عام و بس والله ما سلمت منهم ربنا ولك الحمد الله يهدي بنات وشباب المسلمين امين وشكرا شيوخ ذلتهم عيوني |
التلطيخ سمه من سمات بنات الخليخ
|
السلاااااااااااااام عليييييييييييييييكم
بالنسبه لموضوعك معك حق فيه بنات والله انا انا بنت اني لاشفتهم استغرب وضعهم ليه كل هذاا مدري هو لفت نظر هو غيره مدري وعلى قولتك بعضهم متزوج وبزرانها يلحقوونها الله يهديهم ولايبلانا بس هذا مايبرئ موقف الشباب ياخي انا والله مرات اروح مواصله ومصفوق وجهي مية الف صفقه وحالتي حاله ولااسلم لو معي من والمشكله مايفهمون ياخي صديت عنك من اول مره يعني ضف وجهك وفارق يومك تتبعني ليييه ابي افهم ليه الملاحق والله سؤال موجه للمغازلجيه البنت ماعطتك وجه تلحقها ليه ؟؟؟؟ والله يامرات اني احتاج للسوق بس استحي اروح له مع خالاتي ولا نسوان خوالي يصير لي معهن موقف ولاشي وانحرج انا حتى لو مايتكلم بس يلحقني والله انحرج من اللي معي احس يقولون ياليتها ماجات معنا وابتلشنا فيها << احس انهم يقولون كذا وانا وش ذنبي والله بس علشاني بنت ولا ماحطيت مكياج ولا تخصرت ولاشي واللي يغث زياده والله ثم والله اني اشوف بنات متكحلات والبراقع مطلعه الخد كله حتى الحواجب قامو يطلعونها بس والله انهم يتركونهم ويتبعونا شي محير ليه كذا يعني عالاقل لاشفتو وحده مع امها ولامع عجوزها احترمو اللي معها والله مهي جايه للمغازل بتتقضى يعني ياشباب فكونا شركم حنا يالبنيات اللي مالنا بهالسوالف والمصاخر اللي منتشره والبنت يبين عليها اذا هي راعية هالسوالف او لا ادري طولت بكلامي بس ماعليه خذ وخل كلام يقرقع بقلبي والله نقوله كل مارحنا للسوق وحنا راجعين بالسياره نناقش هالسالفه والله يهدينا ويهديهم ويكفينا شر بنات الحرام وعيال الحرام وشر كل من فيه شر شكرا |
لا احد يزعل
السلام عليكم
اختي ملكعه (بدون زعل) انتي المفروض اذا رحتي السوق تطلعين بموكب وحراسه شدعوه (انا اذا رحت مواصله وجهي مصفوق مية الف صفقه ويلحقوني )اجل اذا رحتي السوق وانتي شبعانه نوم شنو راح يصير اتوقع حتى اهل المحلات بيلحقونك ههههههههههههههههههههه. |
فهد لي عوده لك بس
مستعجله اللحين بعدين اتفاهم معاك :cool: |
انا جيت << احلفي
خيو فهد اشكرك على التعليق على ردي بس لاتحسبني يوم اقول هيك اتميلح لك ولالغيرك ابدن مافكرت فيها والله بس هذا شي واقع ويصير معي ومع غيري وانا اقصد بكلامي انهم ماعاد يخلون احد بحاله هالخبلان بس يشوفون سواده تمشي راحو وراها والله يهديهم ويهدينا |
موضوع رائع للنقاش
والجميع تحدث فيه وتشكر يا كاتبه لاكن عندي سؤال يا ملكعه ؟؟؟ لو أنك رحت السوق بعباة راس وغطوه وانتي عارفتها طبعاا واكيد مغطاه كل شي و ادسوس ودلاقات يكرم من يقرى... اتوقعيين احد يلحقش ؟؟؟ |
هلا بك شبيب
واللحين من قال لك اني البس عبايه مخصره ومطلعه القذله والحواجب والله عباتي راس بس الغطوه والدسوس الكذب خيبه ماالبسها بس ان كنت حاطه مكياج والله حطيت غطوه لاتتبلاني وانا اختك ولاتظلم حظك وانا اشوف لبسي محتشم والله وعيوني مااغطيها الا لاشفت فيها فتنه او امر بين الرياجيل اما اني البس غطوه والله مااحب ولااعرف امشي فيها احب السفر والنور الله ينور علينا دنيا واخره ويهديني انشاءالله بس من ناحية لبسي محتشم ولله الف حمد عليه |
السلام عليكم
اختي ملكعه والله انا كتبت ردي من باب المزح ولا ابيك اتميلحين لي ولا لغيري والله يسترك عليك. اختي المشكله لها عدة اسباب واولها المكياج والملابس وانا استغرب من ردود بعض الاخوان والخوات مثل (مكياج خفيف. لتغطية العيوب والبقع السوداء)واحد الخوان كتب (لبس محتشم للسفور )شلون تركب محتشم مع سفور ما ادري. السبب الحقيقي في نظري طريقة كلام بعض البنات تلقاها اول ما ادش المحل الكل يسمع سوالفها وضحكها وتنادي خوياتها لين كل الي في المحل يعرفون اساميهم ويعرفون شنو راح يشترون (عيب)ودك ان المره ماينسمع صوتها. الشي الثاني تلقى البنت لبسها محتشم بس انها عينها قويه وتخز الرجاجيل ما يجوز البنت المفروض انها تغض بصرها علشان مايطمعون فيها الي في قلوبهم مرض. الله يستر علينا وعليهم بستره . |
اقتباس:
حياش الله يا ملكعه وانتي فهمتيني غلط وانا اسأل السؤال هذا لجميع البنات المتظايقات من الشباب الي يلحقونهم والله ايديم السترعليش يارب والحشمه بس انا قصدي لوهم اسود وبسود كان محد لحقم الا عاد الحركات الي انتي خابره ولاني بقادر احكم الناس كلها كلن له لبسه وله طبيعته واتمنى لش التوفيق في الحياةالدنيا والستر دوووم يارب >>>>>> قلب مدرس عربي :) :) ولاهنتي يا ملكعه |
اخوي فهد والله ماجا منك شي يزعل ابد وادري انت تمزح بس الله طرحك بوحده حكيها واجد :zip:
وانا معارضه لفكرة المكياج للسوووق لانه ماله داعي لاخفيف ولاترقيع عيوب مدري تغطيه ليه هي رايحه تتقضى ولارايحه تستعرض !! وبالنسبه للبس المحتشم والله ياختك فيه بنات محجبات والله لبسهن محتشم وماشاءالله وابرك من النقابات والبراقع والصقور وطقتها والله يستر علينا وعلى بنات المسلمين خيو شبيب الله يحييك ويبقيك وشكلي كذا فهمتك غلط والله يسمع منك ويسلمك ربي ويجعل التوفيق مرافقي ومرافقك احرجتني يامال العافيه:wilted_ro |
يــأروحي يالراقـــي على ذا الكـــــلام الخطيــــر
طيب يالرااقي .. شدراك أن المكياج . يخرب البشره بسرعة أعترف ثاانــي شي . كلامك منطقي وسليم وانا اوافقك الرأي وثالث شي . يالرااقي ياما وياما شاافت عيني كم بنت حاطة على وجهها ( صبغ ) قصدي مكياااج ورابع شي . بالنسبة للعباية المخصرة ياما وياما شاافت عيني كم عجوز مخصرة العباية يعني حركة . وخامس شي . يامـأ ويامـأ رحت للفحيحيل وشفت الهواايل في ( القواايل ) >>> يقراء رد ملكعه ويقول ياالبية يالبرااقع وبس حتى لو انها شيينة البرقع قاابله ربـــــــــــي ؟ تحياااتي للجميـــــع |
|
رد: ليه المكياج طيب؟
ليش العنف في الرد خذوا الموضوع ببساطه
واعتبروها حريه شخصيه |
رد: ليه المكياج طيب؟
فيصل ابن هتلان
عادك حي تاخرت عليك بالرد خذيت شرك لكن اعذرني مشاغل |
رد: ليه المكياج طيب؟
الصراحه راحه
انا تعليقي فيه بنات وفيه شباب يروحون لي السوق بغرض المغازله والوحده او الواحد اذا راح جاء بكل جماله من مكياج وتخصير وكحله والشباب الواحد محلق ويلبس الغتره والعقال وراز وجه( مايدري انه قفل) اتقول ليله زواجه..........البنت تمشي تسحب رجيلها تقول تمشي على بيض......... ظاهر وعسى حدها بس في مغازله وما مغازله ......... مايدرون ويش عقباها ولكن انا مع بعض البنات الي يبتلونهم الشباب وشبابنا اليوم يشوفون بنت معها جوال متعطره من ريحه العجوز الي معها هههههههههههه خلاص يفكرون انها جايه تبغى المغازله وهذا خطاء وربي اني اكره الشباب الي يطردون بنت ما لها ذنب يا اخوي استح على وجهك كيف تطارد وحده شريفه تخيل ابوها ولا اخوها يشوفها وهي تكلمك تقول ابعد عني اكيد يدخل الشك في قلبيه وهذا شي مؤذي صراحه ............... والبنت الي جايه تبغي المغازله اكيد بتعرفها من اسلوبها من حركاتها من اشاره منها وهذي حاجات متجهل الشباب والبنات .. والله حرام والله حرام انك تبتلي بنت شريفه مالها ذنب ....... البنت والمراه في السوق اذا تحجبت يكون افضل ,,,,,,,,, وبعيده عن الفتنه والمضايقات............ ..........زولكم مني كل احترامي ...... |
رد: ليه المكياج طيب؟
شكــــــرا الرايق على الموضوع ..
موضوع مهم يشغلنا ويجعلنا نتجادل دائماً .. مع وضد :) أنا من وجهة نظري المكياج مو المشكلة بالموضوع .. المشكلة المبالغة في الشيء .. يعني فل ميك أب وعباية لمعه .. وعطر .. واكسسوارات .. وضحك بصوت عالي .. أشياء كثيرة نستنكرها .. أنا عن نفسي ما أحب الميك أب .. ينرفزني بصراحه بس هذا مايعني إني أحطه بالمناسبات بالأعراس مثلا .. وبالزوارات بشكل خفيف .. بس فل ميك أب هذا اللي أنا ما أحبه .. ولا المكياج مو مشكلة مثل ماقلت لك ان المبالغه هي المشكلة .. وعند وضع المكياج طبعا ولو كان بشكل خفيف يجب على كل بنت تغطية وجهها أمام الرجال منعا للفتنة وغيره من الأمور اللي عارفينها . تقبلوا احترامي . |
رد: ليه المكياج طيب؟
يــعطيك العــافيه اخوي الــرايق عــلى هــالموضــوع المهم
وانـــا صــراحة ضــد الي يحــطون مكــياج للـــسوق وفي بــعض البــنات مــاتحتط مــكياج بس سبــحان الله يبــين عليهــا جــايه الســوق لشنــو والطيــور وانــا اخــتك عـلى اشكالهــا تــقع وثاني شــئ الاحـــظه البنــت الــي اتســبح بعــطر ولا مــو أي عــطر العطر الــي ريحة قـــويه مــاتدري ان اي احــد يعــجب او اشم ريحــة هالــعطر انها تــصبح زانـــيه احلــى شئ الــبنت المــستتر الي تخـــاف ربهــا وتذكــره دوم فــوقه وقــبل لا تسوي شئ اتخــيله قدامها وطبعا لكل قاعده شواذ لان في البعض اتحط مكياج لانها اتكون جايه من مناسبه وضروري تاخذ لها شغله بس البنت المحترمه يبين عليها مهما يكون ولاهنت اخوي الرايق |
| الوقت في المنتدى حسب توقيت جرينتش +3 الساعة الآن 02:41 AM . |
مجالس العجمان الرسمي
