|
لا...تبــــوق....ولا....تخاف..((يوميات رمضان)) متجدد..!!اكشن
لا تبوق ...ولا تخاف..
هو موضوع متجدد... في هذا الشهر الفضيل. نود من خلاله تسليط الضوء على شيء قد يكون واضح والآخر قد يكون غير واضح . بين السطور .. غمز ...ولمز... يحبة...قلبك...!! تابعونا...!! يوما" بيوم... ونتمنى تقديم ... شيء يحوز على إعجابكم ونتطلع الى الفائده..!! دمتم لله أقرب...1bh1 |
رد: لا...تبــــوق....ولا....تخاف..((يوميات)) متجدد..!!
كلاكيت
((1)) أكشن..!! .,,..,,..,,..,,..,,.. بسرعه بسرعه ( س. ف ) قوموا ...قوموا الصلاة..!! يعني صايمين انتوا ووجيهكم..!! أخواني ترى ... توضوا والحقوني..!! صلينا.. بعد الصلاة.. س الى الحين نايم ف ..اتوقع (يبي له مخمس على علباه) .,,..,,..,,. الدور التربوي ..جاكم.. يا أخي انت وياه يعني صايمين لا صلاة ولا عباده..13 ساعة نايم فاليوم ...وتقول انا صايم اصبح 11 ساعه الباقيه منها 4 ساعات ماسك نفسك فيها بس من الاكل... قريتوا قرآن ... سمعتوا احاديث... جلستوا فالمسجد تذكرون الله ...!! ((طبعا" مجمل الإجابات )) لا...لا...لا...لا..!! أجل وش هوله..صايمين ..!! انتوا بعض الأحيان تنامون الى المغرب ونقوم نقول نبي غدا ...!! أصبح إن حنا صايمين فالعطله ((الصيفيه))..؟ خوش مبدأ..!! رجعنا البيت...!! (الأهل) جابك الله يا ملاذي ..... السواق صايم وحر ...تكفى وانت طالع جيب هالاغراض معك...!! ؟؟ يعني أنا نصراني مثلا"؟؟ حتى انا صايم ..ومن اللي قال لكم إني بطلع في ذا الحر ..!! كيفك ...ترى ما فيه ((فيمتوا)) ولا ((سمبوسه)).. وشوربة الدجاج مع الذرة ما لقيناها امس بالجمعيه...!! لا كذا ..قاصديني من جد ..كل الأشياء اللي أحبها مو موجوده...أمرنا لله... بنروح..!! بس ترى آخر مرة أروح إذا تبون شيء قولوا قبلها بيوم...!! ((طبعا")) قاعد اتمتم..!! هذا أول يوم ...وحنا بنص الشهر الله يستر ... والحكومه ماتدري إن فيه رمضان.. ياأخي خلهم ينزلون نص الراتب اليوم ... قابلين ماعليه..!!((الله كريم))..!! إي ..ترى مافيه بسكوت ولا ((دريم ويب)) ولا حليب نستله..!! أقول .. كاتبين على بيتنا حلويات الخباز وأنا مدري...!! اللي بجيبه... فيمتوا .. وشوربه... وانا بالطريق...!! الوالد يتصل..!! درن درن.. الو .. سم ..يبه.. أقول جيب أغراض البيت ..كلها لا تروح مرة ثانيه وانت ما تشوف الطريق.. سم طالع عمرك...!! إنتهت المكالمه...!! جينا...الجمعية ...الأم الحنون في رمضان..!! الله الله ..ولا عربانه..للعلم عربانه يعني اللي ندفها لما نجي نشتري...!! ((شكو)) أخاف قاعد اعلم ...ناس من المريخ كلكم تقولون عربانه... لاتسون لي فيها... هاي كلاس..!!:) المهم ...أغراضي شوي.. والقط السله...والناس في حالة حرب والتخزين ...فالبيوت قادم... أحس باقي على منع التجول .. ساعات معدوده...!! اللهم يا كافي..!! رجعنا..بعد عناء الصراحه...!! أذن..العصر .. مشينا نصلي...!! بعد الصلاة .. قال لك بسوي فيها مطوع.. ومرشد اجتماعي ماسك اخواني بطرف المسجد ...وانصحهم.. واقول لهم ...احاديث...!! وإلا واحد منهم ...مو محترم ... يقول لي... جلوي ترى نص احاديثك من جنبها... وفيها غلط ... وترى حديث ((لا إله إلا الله عدد ما كان وما يكون وعدد الحركه والسكون)) ضعيف ..وليس له متن..صحيح.. أنا... تنحنحت.. وقلت طيب ..يومك تدري في كل هذا ليه ما تصلي.. ((بطلع من الموقف )) أخوك الصغير ... يعدل لك ...مستحيل.. وانا ...ودي بالمخلاص...!! الأكيد يوم طلعنا..يعني بضبط معه...لا يقول حق أبوي قلت له... ف وين البلي ستيشن...قال عند امي.. خاشتها.. شرايكم نلعب...؟ قال ..لا أنا ابي أقرا قرآن ((طراق ثاني))...ماشيء..!!أوريك.. قرب الفطور ... أذن.. أفطروا.. اللهم إني صمت ...وعلى رزقك أفطرت... اللهم تقبل مني صيامي !! شوي...إلا مقيم الصلاة.. إلحق يا ولد ... لحقنا الصلاة...بيتنا قريب من المسجد...!! رجعنا..وإلا شايلين الفطور... ((حسافه)) بكمل بس يالله بالليل ...بتوحد فيه..!! شوي ..إلا نوبة الدوخه اللي مهيب صاحية...!! ((المدخنين يعرفونها زين )) والله العظيم ما ادخن ...!! لا العشاء قريب ..والترواويح ...!! بعد الصلاة...!! نبي نروح لخوالي نسلم عليهم ونبارك للجماعه....!! اقول..!! سوووا ....ورق عنب ع السحور... الرد..!! مافيه ...جيب وانسوي...!! اقول.. مو لازم .. :) دمتم لله أقرب..!! |
رد: لا...تبــــوق....ولا....تخاف..((يوميات رمضان)) متجدد..!!
ملاذي
دايم وانت مبدع بما تقدمه شي مشهود لك لاهنت على الموضوع اللي قدمته وجعلك تسلم على كل حال وننتظرالجديد من مواضيعك الطيبه |
رد: لا...تبــــوق....ولا....تخاف..((يوميات رمضان)) متجدد..!!
اقتباس:
من ما يشرفني ..كلمات الطيبه....!!! تابعونا...فهناك..المزيد..:) راح انافس القنوات الفضائية.... :) دمتم لله اقرب.. |
رد: لا...تبــــوق....ولا....تخاف..((يوميات رمضان)) متجدد..!!
باللغه العاميه البسيطه
موضوع خطير .! |
رد: لا...تبــــوق....ولا....تخاف..((يوميات رمضان)) متجدد..!!
اقتباس:
وتعقيبك دمتم لله اقرب |
رد: لا...تبــــوق....ولا....تخاف..((يوميات رمضان)) متجدد..!!
وااااااااااااو بجد استمتعت وضحكت مواقف نتعايشها ونراها .. ابداااع وبسااطه تشدنا للمتابعه وااصل فانا سأظل من متابعينك لـــ روحك حدائق ورد |
رد: لا...تبــــوق....ولا....تخاف..((يوميات رمضان)) متجدد..!!
موضوع جداً ممتاز
تقبلوا مروري وإعجابي |
رد: لا...تبــــوق....ولا....تخاف..((يوميات رمضان)) متجدد..!!اكشن (1)
شكرا" لكل المتابعين....
وشكرا"....على الرد الجميل.... أتمنى أن أكون عند حسن ذائقتكم...!! دمتم لله اقرب.. |
رد: لا...تبــــوق....ولا....تخاف..((يوميات رمضان)) متجدد..!!اكشن (1)
كلاكيت.. ((2)) أكشن..!! .,,..,,..,,..,,.. السلام عليكم ورحمة الله - السلام عليكم ورحمة الله ((لا إله إلا الله وحده لا شريك له ,له الملك وله الحمد , يحيي ويميت وهو على كل شيء قدير)) سبحان الله والحمدلله والله أكبر.! يالله ..أخذت زاوية ..من المسجد وصرت أقرا..قرآن.. أشرقت الشمس..صليت ركعتين ... طلعت...من المسجد (صلاة الفجر) أفا...؟ ((نعالي اجلكم الله وينها..إي صح)) دخلت من الباب الثاني..!! .,,..,,..,,..,,.. وصلت البيت..!! دور دور ....المفتاح وينه...!! أفا... ناسيه داخل البيت..؟ ((وش السوات ...والله البلشه)) درن درن..الجهاز مغلق...! درن درن ...محد يرد..!!درن درن... محد يرد ..!!نايمين,,!! شغل السيارة...!! روح ..ل خوالك ..لين ربي يفرجها..!!.,,..,,..,,. وصلت عند خوالي محد صاحي ...العموم نايم ..!! خذيت لي زاوية ...ونمت..!! الأكيد ..تلفوني ((درن درن..)) الوالد ..أنت وينك.. منت فالبيت..!! أنا عند خوالي .. وش تسوي عند خوالك ...ماعندك بيت ..!! قم تعال أبيك...!! ((الساعه 10 الصبح)) شغل السيارة ..وإرجع البيت ...((يالله صباح خير..)) طقيت الباب وفتحوا ..ماشالله ألحين تفتحون ..!!! الوالد.. عندنا فطور اليوم ...لذاك الرجال.. رديت على القوة ...ونعم فيه..!! الوالد ... أدري انه ونعم... رح جيب ذبيحتك...!! وترى البيت مافيه خضرة..!! ((صدمة... بعدها رفعة حجاج الأيمن)) الصراحه... تعومست... أبي أنام ..شوي..!! الوالد ...سمعت ... والا أروح اجيبها أنا ... لا تقوم تعقد حجانك...((إخلص)) سم طال عمرك...!! (ياربي .... انا لو إني رايح مع خالي ل مكه مهوب أصرف) الوالد .. وش تقول..!! سم... يبه... أقول سبحان الله والحمدلله والله اكبر...!! ((إي خير إنشالله))....رح مني وخل مني البقيط...!! مفتاح غرفتي وينه...!!؟؟؟ يوووووووه... نسيته...هو وجوالي عند خوالي... بروح اجيبه...!! دخلت...اخذت دش... ولبست..!! وعلى سوق ((الغنم)) الوالد ...درن درن .... سم يبه...!! إسمع جيب ذبيحة تجمل مهوب تجيب لي ذبيحه امحق الله يمحق راسك...!! (ابشر سم طال عمرك إزهلها...) .,.,..,.,.,.,.,., وصلنا السوق....!! الوضع... حر + رطوبه+ بنقاليه...وصايم.. أهم شيء إني صايم..!! صرت ادوج... بين ((الخرفان والغنمات..)) صرت هايدي...على الغنمات وانا مدري..!! ومستغرب قبل ...لما ادخل السوق...!! العالم ((تمسكك تبيك تشتري منها)) ألحين يناظرونك ... كأنك تبي منهم سلف..!! ولا ينادونك... اكيد ما ينادونك يبيعون الواحد على 80 من قبل سنتين تبيهم ينادونك...!! المهم ...وقفت عند واحد على كم ذا ((الخروف))رد علي..((تمانيه تمانين)) وشهو ...وش اللي ثمانيه وثمانين...!! رد على والله الأزيم ..آخر آخر سبآه تمانين... أخاف قسط موتر وانا مدري...ترى كله خروف... ربي اللي خالقه...!! رد علي.. هزا كلوا سوق ((سيم سيم)) خل خروفك عندك...!! وادوج ابي أقل من ذا السعر...!! حسيت إني ...بضيع وقتي... الجماعه واقفين على ((سعر واحد )) وأرجع على الأول ...عطني الشكوى لله ..... وغثني ....وصار يتفلسف علي...!! والله والله ...أنا مافي أخود بلوس جياده...!! هذا رمزان لازم ...كلوا صير(( خايف من الله)) أٌقول ..لا تبربر...واجد اخلص علي... يعني غير رمضان ...(تدرع فالحله)!! رحنا المقصب...!! قصبناه...مشينا البيت...!! نزلت الذبيحه...!! أذن صلاة الظهر...!! (نزلت البيت... بطلع حرتي في س .. ف..) وينهم...!! راحوا المسجد... طيب...!! صليت...!! وشفتهم ... س + ف تروحون معي... نجيب الخضرة...!! ف قال يالله يحب الطلعه... س دايم ماله خلق (سوداني)...!! رحنا... محل كان يدعى انه سوق الخضار.... فقط آثار ...لبقايا فتات من ((الورق الاخضر...))أكثر ما في ذاك المحل... (القرع)....يقول لي المصري إحنا مسوين تخفيض على القرع.. قلت ...واضح... لانه مكوم عندك...!!! سلام.. رحنا الكوت ...السووووق الكبير.... وناخذ ...الخضرة ... صح إنها غاليه...بس أرخص من الجمعيه ...على الأقل فيها مكاسر يروح ويجي الكلام فيها...!! رجعنا...البيت...!! أذن...العصر... رحنا نصلي ...وفيه شيخ بعد الصلاة....يحدث..!! عن خلق الصائم في رمضان.... ويركز على فئه...وهم... ((المدخنين وعصبيتهم الزائده في نهار رمضان)) طبعا" أنا أعاني منها... كون الوالد الله يحفظه من المدخنين...!! وبيني وبينكم ..ودي يقطعها...!! جلسنا... و س + ف معي....نسمع...!! ويقول حلول جميله... جدا"....لهم.... كي ينسوا .... تلك السيجارة اللعينه على حد قوله...! والسبل كثيره... ولكن من المطبق فالحياة العمليه...!! بعدها ...قرينا شوي.... قرآن.... ورجعنا البيت...!! ((الأهل ... بسرعه جيب الأغراض هذي من الجمعية..)) أبوك...والله بيعصب... لو ما سويناها...!! وانا ..وش علي خليه يعصب عليكم ... عادي خليه يفطر عليكم اليوم أنا من الصبح وانا اكرف ... (((خخخخخخخ))) بعد طلايب ...رحت الجمعيه...والصراحة ما احب اروح الجمعية... أحس يضيق صدري ... زحمة... والعرب (مغلوثين) اللهم يا كافي...!! جبت الأغراض...!! حطيتها....فالسيارة....ركبت اشغل.... أشغل ((لا مو وقته)) رطوبة وحر .... وعندنا فطور والوالد .... كل شوي درن درن ...وينك اخلص عجل..!!! وافتح غطاء السيارة...الكبوت... وأحرك ...أصابع البطاريه.... وأشغل وتشتغل,,, الحمد لله .... رجعنا... البيت... باقي ... ساعه على الفطور.... وسار الإستنفار.....!!! أبوي من صوب...فالمجلس...والأهل مختبصين فالمطبخ...وأنا ياما رحت هنا .... ويا ما جيت هنا.... والاهل كم باقي كم باقي.... والوالد ...عجلوا علينا.... بالفطور... أخاف ... بتفطر قبل الأذان....((هههههههههه))إكتملت السفرة... والصراحه عقب التعب ذا ( منسده نفسي) أبي ...أناااااااااام المهم ...افطرنا سريع سريع.... وأنا أبي أنكب العيال الصغار...وش سويت... قمت بسرعه... وقلت الصلاة... طبعا" عمك أصمخ ... لا س قام ولا ف قام...!!! ورحت صليت .... وخليتهم ... يشلون السفره... لحالهم...(خخخخخخخ) ورجعت.... نسولف مع الرجال ... ونتقهوا ... خلصنا ...من العزيمه... وأذان العشاء يأذن.. توضيت... ورحت المسجد.... وبعد التراويح...!! جاني مسج... معزوم على سحور ....!!!:) بكرة...!!! أقول لكم ...وش صار....!! دمتم لله أقرب... |
رد: لا...تبــــوق....ولا....تخاف..((يوميات رمضان)) متجدد..!!اكشن
ملاذي
الله لايهينك على الاكشن (2) سجلني متابع للقصص واي شي تنزله والله لايهينك وننتظرك وننتظر جديدك |
رد: لا...تبــــوق....ولا....تخاف..((يوميات رمضان)) متجدد..!!اكشن
ههههههههههههههههه متعه ما بعدها متعه . لله درك يا ملاذي لكن ممكن ملاحظه وانت غني عنها لروعه طرحك وسلاست اسلوبك . حبيت تضيف بدال حرف س سعيدان <<< تذكرت طاش هههههههه وف فهيدان <<< احس لايقه . . واعذرني لمداخلتي الله يسعدك تحياتي لـــ ك |
رد: لا...تبــــوق....ولا....تخاف..((يوميات رمضان)) متجدد..!!
اقتباس:
عندي ثقه آنك راح تكسب المنافسه لجمال مايخطه لنآ خيالك وقلمك المبدع .. ملاذي .. دمت كمـ تحب .. :a36: |
رد: لا...تبــــوق....ولا....تخاف..((يوميات رمضان)) متجدد..!!اكشن
ملاذي .! الله يسعد يومياتك اللي كتابتك لنا عنها تسعدنا .! |
رد: لا...تبــــوق....ولا....تخاف..((يوميات رمضان)) متجدد..!!اكشن
ملاذي
سطور تحمل الكثير مما نعايشه بحياتنا صياغة سهلة وقريبة للقارئ كما تعودنا من قلمك الذي يرتوي من نبع الواقع ليروي به نفوس المتعطشين لهذا الابداع وفقك الله . |
رد: لا...تبــــوق....ولا....تخاف..((يوميات رمضان)) متجدد..!!اكشن
كلاكيت (3) أكشن. ,..,,..,,..,,..,. السلام عليكم هلا يالله حية... شلونكم ..وش علومكم... مبارك عليكم الشهر يالربع... ((علينا وعليك)) تقبل الله طاعتكم...!! عبدالله ...وينك ماتبين.. ((والله الدوام وانا اخوك)) والله من بدا ...رمضان وعندنا بشركة النفط...((شيداون))والمصنع ...مستنفر...ولا نقدر ناخذ حتى طبيه.... ((الله يعين))...!! محمد: يا رجال هو اللي خارب طبعه ذا اليومين ... عبدالله: والله لا خرب طبعي ولا شيء...تعال الشركة وتعرف... محمد: كلنا نداوم في رمضان ... يعني أنت اللي تداوم بس... عبدالله : يارجال تداوم من 10 وتطلع 1 وتقول دوام ...!! اول ما تقرا جريدتك ... وتشوف معاملاتك ما تتعدى 5 معاملات ومالك خلق لها بعد....!!! (((ههههههههههههه))) طيب يالربع...!! ليه مايكون هناك قرار... بالعمل المسائي... مثل ((بعض أماكن الداخلية )) أقصد مراكز خدمة المواطن....!! يكون هناك مكاتب ....لأعمال ثانوية تخدم أكثر من مواطن صاحب حاجه... يعني نشوف المرور , والهجرة, الجنسية والجوازات نضيف لها .. العدل , المواصلات, الإعلام,الخارجية,والدفاع.. وتكون المعاملات (إدارية بحته) عبارة عن تسليم وإستلام معاملات...!! عبدالله: تصدق لو تصير هالفكرة...قسم بالله تفتك من الإزدحام المروري...اللي كل يوم...!! يكون مجموع وزارات مصغر..!! يخدم أبناء المنطقة... محمد: يارجال... أنت على بالك إنك بسويسرا مثلا..!! اللي شهادة ميلاد ولدك تجيك على الإيميل..!!! أنا: ليش لا... كل شيء عندنا...!! عبدالله : ناقصنا الفكر الحضاري...وعدم الحسد أو الغشل والتحايل...!! الله المستعان...!! أجل ...تقول دوام في رمضان...!! عبدالله : يارجال بغيت آخذ إجازه قالوا عندنا نقص... وصار دوامنا من 7 الصبح الى 7 الليل يومين ... ويوم راحه ...بعدها من 7 الليل الى 7 الصباح ...!! يا اخي وين تتعبد ربك ... وإلا تشوف وش ناقص بيتك...!! ((الله المستعان))...!! محمد: إسكتوا ذاك اليوم... قبل رمضان بيوم رحت الهجرة... وكان رطوبه تذكرون...!! إي إي ...وش صار...!! أبي اقدم معاملة فيزا حق خدامه... وإلا وحده من الموظفات تشرب ماي بصورة غريبه وهي قاعده على المكتب....!! من حظي ... صار رقمي عندها... جلست ...أنطر (التنكر يعبي )...ههههههههههه تقول... وااااي اليوم حر ورطوبة .... الله يعينا على رمضان ...!! ما ادري شلون قلت لها.... إي أشربي أشربي... والله يا بكرة هالحزه تتمنين الماي ماتلاقينه....!! ((هي شرقت بالماي)) ولا ...خلصت معاملتي... عبدالله: زين تسوي فيك...وش دخلك فالعالم إذكروا الله ... وقوموا على سحوركم...!! ((الله يغنيك يابو سلمان)) ((جعل والله فيه العافيه)) محمد: عقب ذا السحور ودك بحلو من كنفاني... عبدالله: أقول يا موظف الوزارة هذا اللي خلا كرشك مترين قدام...!! إلا ما ودكم نتمشى ترى الجو فالليل قام يزين...!! الربع: إي والله...!! أنا: يالله أستاذن... باقي على الفجر ساعه... فمان الله .....فمان الكريم...!! وصلت ..البيت ...!! خواتي الصغار.... نبي( سكيتي) والثانية أبي (آي بود) والثالثة..(أبي بارني)...!! بارني شنو.....؟ بارني ..البباي...!! طيب...كل هذا ... بسويه على شرط...!! بس قبل هذا ....حفظتوا شيء من القرآن....؟ كملوا حفظكم ...وأبشروا...!! يالله يالله ..باقي 10 دقايق.. إشربوا ماي...ولا توجعكم بطونكم...!! سلمان.... فهيد.... مشينا المسجد نصلي...!! عقب الصلاة...!! رجعنا...البيت...!! يالله ....أنا بنام.... فهيد: تكفى إلعب معي بلي ستيشن... مابي..بروح أنام.. ذاك اليوم أقولك لك ..إلعب معي مسوي مطوع تقول أبي أقرا قرآن...!! يالله تصبحون على خير...!! :) دمتم لله اقرب... |
رد: لا...تبــــوق....ولا....تخاف..((يوميات رمضان)) متجدد..!!اكشن
اينما يوجد التميز والابداااع توجد انت ...ْ~ دااائما رااقي ومتجدد بمواضيعك ...ْْ~ مجهووود تشكر علييييييه ...ْْ{~ ربي يعطيك الــــ 1000 ـــف عـــافييييييه ..ْ\ كون بخير لنكون ..}~ . . |
رد: لا...تبــــوق....ولا....تخاف..((يوميات رمضان)) متجدد..!!اكشن
جلوي
مبدع مبدع مواضيع ابداع اللهي لايهينط على كل حال وننتظر الجديد منك والممتع |
رد: لا...تبــــوق....ولا....تخاف..((يوميات رمضان)) متجدد..!!اكشن
شكراا يا غروب على هذي الابداعات الرائعه
|
رد: لا...تبــــوق....ولا....تخاف..((يوميات رمضان)) متجدد..!!اكشن
شكرا" لكل المتابعين احبتي ....
إن وفقت في شيء يرضيكم ويمتعكم... فمن الله ....!! وغن لم أوفق فيه....فمني... وأطلب منكم العذر...!!!! :::::::::: دمتم لله أقرب... |
رد: لا...تبــــوق....ولا....تخاف..((يوميات رمضان)) متجدد..!!اكشن
ياجلوي ماقدمت الا الشي الزين
وهي عادتلك طال عمرك وحنا متابعين كل جديدك وانت خابرينك ماتنزل الا الزين |
رد: لا...تبــــوق....ولا....تخاف..((يوميات رمضان)) متجدد..!!اكشن
متابع ومستمتع :)
|
رد: لا...تبــــوق....ولا....تخاف..((يوميات رمضان)) متجدد..!!اكشن
الله يسعدك يا خووي كما اسعدتنا حروفك وروحك . . |
رد: لا...تبــــوق....ولا....تخاف..((يوميات رمضان)) متجدد..!!اكشن
كلاكيت (4) أكشن....,,..,,..,,.., المنبه...درررررررررررن!!! الساعة..10 الصباح سكر المنبة... ونام شوي بس غفوه.. والغفوه ..تتبع غفوه...!! ((أكلم نفسي...وانا مغمض عيني)) يالله قوم ...يالله فز وقوم... وراك البنك... خلص وإرجع نام على كيفك...!! .,.,.,.,.,..,.,. قام البطل.. ((بفتح الباء وليس بضمها)) ديروا بالكم... !!! وتحمم... وطلع..يالله صباح خير يالله .. وانا بيني وبينكم... ما اقول دعاء الركوب... أنسى او ماتعودت اقوله...!! بس فيني شيء... مدري حلو او مو حلو ... إذا كنت مقدم على شيء...!! أقعد أستغفر ربي لين أوصل... حتى وانا انطر دوري..تلقاني مرتبك ... وانا انطر...!! ((إعتراف جديد..)) رحت ...البنك ..ومعي أوراقي..!! اخذت رقم ...خدمة العملاء..!! طن ...طن... جرس الأرقام ..وصل دوري..!! يالله ....السلام عليكم وصباح الخير... كل عام وإنت بخير...!! كلها قلتها مرة وحده... ماخليته يرد علي.. كان أخونا من جنسية ((عربيه))...!! تعرفون ...ماخذتنا الجنوبيه ...:) المهم..!! آمر أخوي كيف أقدر أساعدك...!! أبي ((قرض)) أسأله عن القرض ومعلومات شخصيه ...مالكم عازه فيها..!! المهم...!! جات طلباتهم...!! صورة بطاقه مدنية... صورة شهادة الراتب... إستمرارية عمل... شهادة إلى من يهمه الأمر... كشف حساب...مضى علية ...شهر على الأكثر... حسن سيرة وسلوك...!! إعتماد توقيع...من قبل الجهه المختصة...!! ويمكن كفيل...!! اهم شيء كفيل...!!! أنا..خزيته ((نـــــا ظرته... بإستغراب)) ... وقلت له ((بس))..!!! قال: لو فيه شيء ثاني ..راح نقول لك... ويمكن يوافقون عليك ويمكن ...لا...!! إنتظر الرد...!! قلت له...عفوا" ليش كل هذا انا لما تخرجت ... وابي اقدم على وظيفة... ماسويت كل هذا...!! قال :: هيدي مصاري لازم نظمن حقنا...!! قلت ... ولما اجيب هالاوراق كلها...يمكن توافقون ويمكن لا...!! قال الأمر عند ((الرئيسي مو من عندنا)) قلت ماشي..وقمت...قلت بصوت خافت...مابقى إلا ((بطاقة التموين يطلبها)) قال: عفوا" شو...!! قلت: أقول عساك من عواده...!! سلام...!! من الدور الثاني ..لين السيارة ..وأنا اتحلطم...على حالي... وش ذا الطلبات... وش ذا الحظ... وش..ذا مابقى إلا يقول نبي صورة مكشوف الرأس خلفيه زرقة... ((مرتكب جريمة أنا))..!! شغلنا... السيارة...!! ورحت البيت... قلت خلني أصلي وأنام أحسن...!! رحت المسجد... وبعد الصلاة... قالي ...جارنا ((فواز)) تعال فيه شيخ راح يحدث بعد شوي... ربع ساعه... قلت أبشر...!! تصدقون...قال شغله... حلوه...!! قال : نحن في رمضان نسارع إلى ختم القرآن ...!! ونبدأ في أول رمضان بهمه... وبعد ذلك تذبل همتنا... شيئا" فشيئا"... وعندي حلول... لأحبابي فالله..!! القرآن.. 604 صفحات... اليوم... خمس صلوات... الشهر فيه 30 ليله...!! يعني..؟؟ 30ليلة× 5 صلوات في اليوم...= 150 صلاة...!!! طيب ...؟؟!!! لو قسمنا...!! 604صفحات القرآن الكريم... على تلك الصلوات...!!تعلمون ما هو الناتج...!! 604÷150= 4 صفحات أي لو يقرأ كل بعد صلاة ((4 صفحات)) يختم القرآن في شهر...!! يعني ... صفحتين ..وجه وظهر..فقط كل بعد صلاة...!! ولو ...تود ختم القرآن مرتين في الشهر دون إهدار همتك ..!! إقرأ قبل كل صلاة وبعدها... صفحتين صفحتين وجه وظهر...!! وهكذا...!! أنا : الصراحة عجبتني الفكرة...!! وانا بيني وبينكم... بعض الأحيان...أشوف الكمية كبيره... وأبي أخلصة وأختم .. بس ما عندي وقت.... الأهل يبون والبيت يبون...و الناس تبي ...!! والشغل واجد...!! وصرت بادي فيها... من أمس...!! والحمد لله ... أوكي...!! طلعنا... من المسجد قال لي... جاري.. أفطر عندنا اليوم ... قلت لا تبي تكسب أجري...:) لو إنك عجمي ما عليه بس منت عجمي... ضحك... وقال أجل بفطر عندك... قلت له... وانا أضحك...ما فيك أجر ..وإلا كان عزمتك...!! ضحك...وقال عندنا اليوم الفطور طيب...!! قلت على القوة..أبشر...!! رجعت...ونمت...!!! أذن العصر... رحت صليت...!! وانا ... إلى ألحين ما صحصحت...!! صرت أقرا قرآن لين 5 العصر رجعت ....ولبست...!! وكشخت...!! وقلت للأهل ترى بفطر عند جارنا...!! لاتحسبون حسابي...!! قالوا... ليه ما قلت من أول..!! قلت لهم... شدعوه... مسوين خروف عشاني مثلا"...!! يالله سلام...!! وافطرنا عند جارنا الله يكثر خيره...!! ورحنا الصلاة... ورجعنا وانا ودي بالقهوه... وتقهوينا لين العشاء ورحنا إلى المسجد...!! أول ما خلصت...!! ويرسل علي...واحد من الربع..مسج... فيه لعب كورة...بعد التراويح ...تلعب...!! رديت عليه...ألعب وألعب وألعب...!! بروح أبدل ... ملابسي ..وأروح الملعب... برب... أقولكم وش صار ..بالملعب...!! دمتم لله أٌقرب...!! |
رد: لا...تبــــوق....ولا....تخاف..((يوميات رمضان)) متجدد..!!اكشن
متآبعين بآستمتاع ..
توني آدري اللي ماهوب عجمي مافيه آجر .. << بطبق القاعده .. :p نتحراك .. آهم شي لآحد يجينآ مهزوم .. :p |
رد: لا...تبــــوق....ولا....تخاف..((يوميات رمضان)) متجدد..!!اكشن
:002:
|
رد: لا...تبــــوق....ولا....تخاف..((يوميات رمضان)) متجدد..!!اكشن
يوميات حلوه :p
متابعه .. ويعطيك العافيه 1bh1 |
رد: لا...تبــــوق....ولا....تخاف..((يوميات رمضان)) متجدد..!!اكشن
كلاكيت
(5) اكشن.... .,,..,,..,,. يالله يالله .... بجيكم... ياخي خلص متاخر وتسولف حاجزين بفلوس .... هذي والله النشبه...بربط (جوتيي) شفيك انت...!! يالله جيتكم... وين ربعي ... ربعك هذولا لا لا ابي معكم....لا اقلب وجهك هناك...هم ناقصين هين بحط عليك قول يا وجه..(العنز) إستريح... ههههههههه باص .... محمد اقطع بينهم عبدالله...ارفع خطك خطك العب يا اخي لا تطول الكوره ارفع راسك.... يووووووووووووووم خلص الحجز النتيجة 3-1 علينا ولا سجلت قول... :( هين الوعد الجايه اوريكم حاطيني مع شيبان تجر كروشها.... خخخخخخخخخخخ رحت البيت تحممت .... ولبست نزلت الا يقولون حماتك بتحبك هالحلو وهالفطاير والشغل السنع بديت اطقطق ... والا يقولون لا تاكل بنحط السحور قلت يالله تسحرنا ..... وجلست مع الاهل والله يا جلسه اهلي وناسه تاخذ راحتك ههههههههههه اذن اذان الامساك بسرعه اشربوا ماي ورحت صليت الفجر ورجعت من الصلاة الا الوالد بوجهي ..... الله جابك بكرة عندك شيء !!! ((طبعا" حتى لو عندي لازم اسوي اللي ييه ))اقصر العنوه وقول ....لا ما عندي !!! طيب روح السنترال شوف تلفون بيتنا ما رجعوا الخط شوف وش سالفتهم طيب ابشر.... أي .... ومر على دربك جيب التموين ما خذيناه ابشر .... أي ومر المنطقة التعليمه نبي نقل لمدرسة اختك الصغيره ...!! ابشر ((وقلت له)) بعد فيه شيء قال لا ... قلت ما تبيني اغسل السيارات الصبح مرة وحده قالي ... على شحم دايم اجيب الكلام لنفسي (ههههههه) المهم قمت الصبح كالعاده (ذيب ما شالله علي)ورحت ...السنترال سلام عليكم تلفونا وش صار عليه كم رقمكم... ×××××××××× أي هذا لازم يطلع له مقاول من الوزارة انا تنحت؟ ليش بتبنون كيبل جديد ضحك... قال لا المقاول يعني مناقصه بالعمل حفر وفحص الكيبل تحت الارض الله وانشالله متى يرجع خط بيتنا قال الله يصبركم انطر اسبوعين الى شهر قلت : طيب ابي خط جديد شغال ... ضحك قال : اذا الكيبل خربان الى بيتكم شلون نوصل لك خط اساسا"؟؟؟ حسيت اني : غـــــــــــبي (هههههههه) قلت صح يالله قواكم الله وعساكم من عواده.... ابي احسن صورة الغباء عندهم.... لووووووول طلعت ومريت خوينا راعي البنك.....ابي اقدم فيزا وقلت له امانه اذا طلبات تعجيزيه قول من الحين بمشي قال: لا اصلا" تقدر تطلبها من التلفون.... قلت والله يا سلام ....والله انكم متطورين... المهم قدمت الطلب وقال بعد 3 ايام تكون جاهزه لباب بيتكم....!! ((حلو)) طلعت ...الحين وين اروح...؟ بروح ....المنطقة التعليميه.... جيتهم قلت لهم .... ابي انقل اختي الى المتوسطه الثانية اللي بالمنطقه.... قالوا...لي... تغير مكان سكنكم.... لا المدرسه الثانيه اقرب لكم.....لا مفصوله من المدرسة بقرار......لا اجل شنو سبب النقل...؟ الصراحه ابوي قال لي...سبب... بس إستحيت اقوله...!! وقلت لهم .... لاني مؤجر في نفس قطعة المدرسة الثانيه والبنت عندي ساكنه....!! وهذا غير صحيح...!!! خخخخخخ قالوا ...جيب ما يثبت انك ساكن هناك...!! ونشوف اجراء نقلك...!! طلعت وانا افكر... واقول ...والله لو اقول لهم ان السبب...!!! إن البنت تبي صديقاتها اللي بالابتدائي ....!! بشوتوني مع الباب... بس ربك بيسرها.... المهم..... رجعت...البيت... وأذان الظهر ... يأذن... صليت ورجعت البيت... نمت ... وكنت حيل تعبان....!! الصراحه ..نسيت احط المنبة ومحد قومني... ما قمت إلا 6 المغرب... أعوذ بالله من الشيطان الرجيم.... طافتني صلاة العصر... لا حول ولا قوة إلا بالله... توضيت وصليت ... ونزلت.... أخواني الصغار .... يلعبون بالصاله والعيال يحطون السفرة .... وأنا متنح الى الحين مالي خلق احد .... افطرت ... ورحت بسرعه الحق صلاة المغرب.... وجلست اقرا قرآن شوي.... ورجعت ...وقلت لهم ... حطوا لي ...أكل باكل ما كليت شيء... كليت وتقهويت.... واذان العشا يأذن... قمت ورحت المسجد وصليت...!! وبعدها... قالوا لي....الأهل ترى فيه اشياء ناقصه.... قلت لهم انشالله وانا جاي ..... بجيبها.. قالت إختي الصغيره... جاي وإلا قهوه... قلت لا كف على وجهك... يا سخافتك بس... وطلعت... رايح للربع... شنو ...بتجون معاي بعد .... خلاص... بروح ... أعلمك..بكرة...وش صار....!! برب..!! دمتم لله أقرب... |
رد: لا...تبــــوق....ولا....تخاف..((يوميات رمضان)) متجدد..!!اكشن
ملاذي
تسلم يمناك على ماقدمت وننتظر الجديد منك وكل اللي كتبت متابعينه |
رد: لا...تبــــوق....ولا....تخاف..((يوميات رمضان)) متجدد..!!اكشن
الحمد الله قرات كل ما كتبته رغم عناء اللهجة بس فهمت وفهمت :a27:
وحسيت حالي اتابع طاش ماشاء الله وش ذا صبر وحلات كلامك وروحك المرحة وسلاست التعبير الممتاز ولأكثر من الرائع صرت هايدي...على الغنمات وانا مدري..!! ضحكتني هذا العبارة هههههههههههههههههههههههههD: هي يوميات الصائم لكنها حلوة وممتعة رائع رائع ومتابعة لا تحاكي صح فطورك وربي يحفظك |
رد: لا...تبــــوق....ولا....تخاف..((يوميات رمضان)) متجدد..!!اكشن
ماشاء الله عليك وااصل يا مبدع . . بس زعلتني ماحطيت لو كوول واحد :( |
رد: لا...تبــــوق....ولا....تخاف..((يوميات رمضان)) متجدد..!!اكشن
كلاكيت
(6) أكشن..!! الله وأكبر ...الله وأكبر.. الله وأكبر ...الله وأكبر.... لاتخافون ...مسلم من زمان بس هذا (آذان العصر) قمت توضيت ... وأطلع أروح المسجد ...!! وش ذا الرطوبه...أعوذ بالله من الشيطان الرجيم ... ربي إرحمنا برحمتك...!! صلينا ... وبعد العصر دايم الإمام الله يجزاه خير يحدث... يقول .. كان الرسول ((صلى الله علية وسلم يعجل بالإفطار ...)) ويؤخر السحور...!! وبعضنا ...إستغفر الله ... يسوي العكس بالضبط... مايقوم إلا ((بعد ما يأذن))... قالك ..أنا صايم... وياكل السحور أول الليل ..يقول .. ياخي يوجعني بطني فالليل.. إذا تسحرت متأخر ...!! وبعضهم ..ينطرون الفجر ..والبعض الآخر ماينتظرون الفجر ... ينامون قبل الفجر بشوي... ((يقص على نفسه تعبان)) المهم... حدثنا الإمام ... وطلعنا من المسجد...!! رجعت البيت ... وجلست مع اخواني ...كانوا مندمجين مع مسلسل... هذا ... وش قصته...!! .,,..,.,.,., هذا ذبح واحد دخل على بنت زوجة ابوه... ولقاه ماسكها .... ويهاوشها ... قام وتهاوش معاه ... وذبحة بسكين بالغلط...!!! أنا سكت..؟ وكانت تدور في رأسي أسئله.؟؟؟ الحين هالبزران وش عرفهم ... بالسوالف هذي..؟؟ شلون ...هالبزر صار يشرح لي ...الوضع.. وهل هو يعي مايقوله...!! أو انه يسرد أحداث فقط ...!!!أنا قلت لهم ... بمداعبة... ممكن تفرونه على قناة الوطن.. ربعي يلعبون في بطولة الروضان وابي أشوفهم... أول شيء...رفضوا...!! وقلت أمانه... وصرت أترجاهم...!! بيهم يتركونه... بالطيب...!! لأن الإكراه ... يعود بسلبيات كبيره...!! وتسليط قاعدة كل ممنوع مرغوب يتمكن من عقولهم...بس برضاهم... راح ينسون الأمر ...!! المهم... شفنا المباراة..وكنت أقول لهم هذا اعرفه ... وهذا اعرفه...!! وأنا ما أعرف أحد فيهم...!! المهم ... خلصت المباراة... قلت لهم ... منو يلعب معي... ما أبيهم يشوفون.. التلفزيون...!! جات أصغر خواتي... وإستحوذت على جهاز التحكم... وقلت جاك الفرج...!! بتصايح وتسوي عرس فالصاله... لو أحد غير على قناة mbc3 قلت لهم ...خلاص ما ابي العب بروح غرفتي... وأدري راح يناشبونها.... وبالفعل ناشبوها.... وقلت روحي قولي لأمك .. وجاتهم...تهاوشهم...خلوا إختكم الصغيره .... على كيفها.... لووووووووول (شرير) وكلهم يشوفوني... بنظره يعني قول شيء.... صرت اسولف معهم...انتوا وينكم امس ومن هالحكي ...!! لين .. حطوا ... السفره...!! يالله روحوا المطبخ ساعدوا امكم...!! قالوا : إمش معانا... يالله ... حطينا الفطور... الوالد ...موجود ...!! أول سؤال... جبت ((التموين)) (((!!!!!! نسيت والله!!!!!!!))) بجيبه بعد التراويح....!! المهم ... افطرنا وصلينا...!! رحت بسرعه...اجيب ملابسي..من المغسلة... وكومار يقول : بابا حساب هذا شهر مايعطي... قلت ..إنشالله واحد إسبوع واعطيك حسابك .... بدلت ولبست... ورحت الصلاة... صلينا التراويح ... طلعت ...وسلمان يقول بروح معك... يالله مشينا... جينا التموين ...أمحق تموين نبي التموين عطنا بطاقتك... بس ترى مافيه عدس ولا معجون ولا سكر لا حليب... @!@ أجل وش فيه...!!! فية رز ودجاج ... ما شاء لله عطنا اللي عندك الشكوى لله ...!! والحكومه تقول ... وتصرح ...وفرنا كل السبل في شهر الخير والبركه... مانشيت بالخط الكبير....!!!رجعنا.... والوالد ... درن درن ... هلا يبه...سم ... ترى عند عمك عشا.. لا تنسى تجي... على القوة إنشالله وعندي خبر....!! سلمان تروح معي العشا.... إي يالله مشينا....!!! بروح لعشا... عمي ... وإذا رجعت ...بقول لكم...!! وش صار...!! دمتم لله أقرب... |
رد: لا...تبــــوق....ولا....تخاف..((يوميات رمضان)) متجدد..!!اكشن
ملاذي كالعاده
لانعليق مبدع مبدع ولاهنت وتسلم على كل حال وننتظر الجديد منك يالمبدع |
رد: لا...تبــــوق....ولا....تخاف..((يوميات رمضان)) متجدد..!!اكشن
عوآفي مقدماً ..
والله آنك صآدق هالبزران صآروا يفهمون آكثر منآ لا ويشرحون لك بالتفصيل الممل وكنهم فاهمين اللي يقولون .. وهالقنوات ماتقصر كل شي شين يعرضونه بهالشهر الفضيل آستغفرالله يستقلون قعدت الناس على سفره الفطور .. الله يكون بالعون ويحفظ بزرانا والله يستر من اللي جاي .. متآبعه بكل آستمتاع .. لآعدمنآ هالابداع واليوميات المشوقه .. |
رد: لا...تبــــوق....ولا....تخاف..((يوميات رمضان)) متجدد..!!اكشن
شكلك راح تنافس طاش وبينك :) . . تحياتي لك |
رد: لا...تبــــوق....ولا....تخاف..((يوميات رمضان)) متجدد..!!اكشن
:002:
|
رد: لا...تبــــوق....ولا....تخاف..((يوميات رمضان)) متجدد..!!اكشن
كلاكيت (7) اكشن... .,.,.,.,.,,..,,,,, السلام عليكم مبارك عليم الشهر..وعساكم من عواده.. كنت في ذلك المجلس مستمع.. لطرح ...به من المناوشات الشيء الكثير ..... بضربة تحت الحزام لذلك العضو .... وبضربة أسفل القفص الصدري لذلك الوزير.... وبضربة... كوع لتلك النائبة.. والمسلسل يتوالا... وهذه هي ...اطباع دواوينا... تطرقوا... إلى مواضيع...كثيرة... من زيادة الرواتب , إلى تلوث أم لهيمان, إلى إنقطاع الكهرباء والترشيد.... إلى آلية توزيع أرباح الجمعيات التعاونيه.. إلى تقديم الإجازات الدراسية..وعدم منح البعض بعثات دراسية... إلى ..القروض وإسقاطها... وأنا .@@ سرحان في وادي.... وأقول ...!! لو كل من أخذ فأس ونجر ... ((ماظل فالوادي شجر)) أحد ..الأشخاص تطرق إلى سوق الأوراق المالية...وإندماج شركات مدرجة ...إلى البورصة العالمية تحت هيمنة شركة آخرى مما يستدعي قانون... ((كرت أحمر ..مخالف))... هذا اللي فهمته... وأنصت إلية وإلى كلامه... أبي أعرف وش السالفة... وإقفال السهم... وإدراجه بعد إغلاق الربع الاول من اليوم ... الصراحه..حوسة...!!! بعد كل هذه ((المهاترات)) إتضح لي..شيء.. الأخ ..اللي مسوي فيها.. محلل في قناة العربية... وكأنه مذيع في برنامج ((أوراق وأعمال)) مايفهم بالبورصة ولايدل وين سوق الأوراق المالية بالأساس.. يحمل شهادة...((×××××××)) يجيد القراءة والكتابه...أبشركم... ليس لدية أدنى فكرة عند بنود وقوانين البورصة ...!! ((عرفت بعدين إنه من ربع ...إفتح فمك ..يرزقك الله)) الأكيد ... إستدرت..((حلوه إستدرت)) على التلفزيون... أشاهد .. أشياء غير ..تلك ..اللي أسمعها ولا لها فائده...!! وإذا...ببرنامج...!! ((شوووووجي)) فايز ..إنت فايز...فايز..... خسر خسر خسر خسر خسر .... وليس تسويق للبرنامج ... بقدر ما هو... أحداث وإستغراب....!! وعند... إمساكي ب((الرموت كنترول )) لتغيير هذه القناة.... لأن هناك مباراة ...في دوري أبطال أوروبا..بين.. سمبدوريا الإيطالي.. × فيردر بريمن..الألماني.. إلا بشخص...لا أعرف كم عمرة..ولكن.. أكبر من ((والدي))... يقول..!! خله.....نبي نتابع... البرنامج... شاهدته بنظرتي المعتاده.. ((رفعت الحاجب الايمن)) وإذا.... هو ...أبو فلان... ضحكت وقلت... تابع شوجي...يا أبو فلان...!! بس أربك ... تعرف إنجليزي عشان تشارك فالبرنامج... الرد صعقني.. لأني لم اتوقع رده... قال: إي والله قلت لولدي يدق أربنا نشارك .... بس ما دقوا علينا....!! قلت ..إقصر السالفة...وإطلع....!! خرجت...من الدوانية ... أكرمكم الله حياك الله.... وليتني لم أدخل.... المهم...توجهت... إلى المطار.... لأخذ ..((شريحة مفقوده ))....لي طبعا".... وشاهدت ... شيء جميل... حركة المطار تكاد تكون مهجوره...!! ماشالله ...أهل الكويت... راكزين في رمضان....!! هذا ما قلته لأحد ...أصدقائي في الهاتف.. وأنا متوجه إلى شركة الوطنية للإتصالات.... ليرد علي... برد قد يكون فيه من الصحة الشيء الكثير.... ((أهل الكويت كلهم خارج الكويت إلى الآن)) تبيهم يجون بالحر والرطوبة... لية...وضحك... ((ههههههههههههه)) أتممت عمليتي المبتغاه... ورجعت...!! ولم أتسحر ... ((بسوي دايت))لوووووووووول لنا سالفة قادمه مع الدايت وأهله... المهم... اكلت ..ورق عنب وبعض من الفواكة... وشربت ماي... وأذن.. أذان الفجر.... صليت... ورجعت... بنام .... وإذا ...بشخص قريب لي... يتصل... ((بكرة الساعه 10 .. دق على ذاك الرجال... يبيك ضروري)) وروح له...يخلص سالفتك..... أبشر ...!!! فمان الله.... خلاص بروح أنام ..الساعه 10 عندي قومه... برب... ((للعلم..)) كنت متعمد في كتابتي بالفصحى لعدم تملل ...القارىء بالعامية.. دمتم لله أقرب... |
رد: لا...تبــــوق....ولا....تخاف..((يوميات رمضان)) متجدد..!!اكشن
كلاكيت (8) أكشن.. .,,..,,..,,..,,..,,. المكان... فالصالة.. الوقت.. 6.26 الحالة.. كل واحد ..ساكت ومعه (تمر) يدعي ربه...!! والصغار.. يشوفون.. المدفع.. عشان ..يبدون ((أكل))...!! .,,..,,..,,.. أذن... لا..ما أذن... شوف المدفع..ما ضربوه... مالك شغل بالمدفعه... لك شغل بمسجدك... لا.أنا بنطر المدفع... أنا ماني ناطر... باكل ..وبفطر.... (حديث بين سلمان وفهيد))...!! أفطرنا... وصلينا...ورجعنا...!! وجلست ..أكل ((مرقوقة لحم)) الصراحه ما أقاومها إطلاقا".... بعدها...بطني عورني شكلي كثرت... المهم... قمت وعاني ربي إلى غرفتي... تقول حامل بالشهر الثامن.. لووووووووول تحممت...بدلت.. وطلعت.. نروح المسجد...!! نصلي العشا والتراويح... طلعنا... من الصلاة... ودائما"... إحساسي ما يخيب كنت حاس إن عندي مسج في تلفوني... ((إقلط..الربع بيجتمعون عندي بعد التراويح...)) يالله ...!! عليهم...!! سلام عليهم... وعليكم السلام يالله حية... العهد قريب ...!! جلسنا نسوبف وين رحت وين جيت...!! وصوت ال BLACKBERRY صجنا..((طن طن )) حطه سايلنت ....!! المهم ... على طاري .. البلاك بيري... هم ...بيقطعونه يالربع..وإلا كلام فاضي..!! محمد: لا ماراح يقطعونه...بس يبون يسوون عليه رقابه... عبدالله : أي رقابه يا عمي .. محمد: والله الناس صارت تستخدمه بصورة بشعه...وتشهير بالناس... والأدهى من كذا... الجماعات اللي مايخافون الله ... فالناس..صاروا يأخذونه..وسيلة..للإتصال..!! سعد: الحين كل تطور بالتكنلوجيا بيصير راح يسوون عليه حظر وبلبله وقيل وقال...!! انا: مو المقصد ..كذا المقصد ... كل شيء فالدنيا له خير وشر وانت وطريقك...!! محمد: إي بس هم الدولة تعمل على عدم المساس بأمن الدوله أو حتى أفرادها وأشخاصها...!! عبدالله: والله إنه زين وينفع وبس... سعد: قسم بالله انه حق بزران.... عبدالله :هذا رايك.. محمد: انا مستغرب...وقت ما نكون صايمين العالم ...حتى فالبلاك بيري تكون صايمه من القذف والنميمه... والكلام اللي ماله داعي.... بس ...يقول الله وأكبر... تشوف..(BC)..ضغط بالعالم... انا: ربي يرفع عنهم ولا يبلانا...!! سعد: يالربع كم أسعار التذاكر بروح مكه انا وأمي.. محمد : افتح الجرايد وانت تعرف ...الله ما كثر العروض.. عبدالله: سعد الحين زحمة وتعب وغاليه...!! سعد: اكيد زحمه رمضان وخير ... والعالم تبي الثواب... مو مثلك..تنطر العيد عشان تهيت... ((لوووووووووووووووول)) قويه ..سعد...ملعوبه...كاكاكاكاكاكاكاكاكاكاكاكا...!! يالربع...علوم التوظيف قبلوا الدفع الجديده...وإلا بعد...!! عبدالله: والله يقول لك... رجال ثقه مافيه شيء إلا 1/9 محمد: إلا وانت الصادق..مافيه شيء إلا بعد العيد...!! الله يكتب اللي فيه الخير...!! سالم: يا ولد ... يبون يبيعون..(إبراهيموا فيش) عبدالله: أقول إستريح انت ولاب توبك ...وإبراهيموا حقك... رجال وش كبره إسمه إبراهيموا... ((هههههههههههههههههههههه)) خل منك الاب توب وسولف مع ربعك.... وانت مقابل هاللاب ..!! سعد: تفضلوا على سحوركم... يالله ..بسم الله ...!! الله يغنيك..ويرحم والديك... (عوافي) نغير التلفزيون...!! مسلسلات...حليمة ...!! عبدالله: ياولد غيره والله العظيم فتنه واعوذ بالله ... وماتستحي على وجهها...!! سالم: لا والله خلها ... يا زين الزين....((فتح فمه)) محمد: ترى من صام رمضان ايمانا" وإحتسابا" ..غفر له ما تقدم من ذنبة وما تاخر..!! أنا :إي والله ترى الصيام مو بس النهار ..صوم حتى في جوارحك... سعد: خلوا هذا مهبول ..حتى من جانا ما رفع راسه من الاب توب..!! يالله .أكرمكم الله ... حياكم الله...!! رجعت البيت ... وهو يأذن...مريت صليت ...ورجعت البيت ... أنــــــــــــــــــــــــــــــــام.....!! سلام... دمتم لله أقرب... |
رد: لا...تبــــوق....ولا....تخاف..((يوميات رمضان)) متجدد..!!اكشن
جلسنا نسوبف وين رحت وين جيت...!! :p << كنت مندمجه بالاكشن الا هالبدليه اللي طلعت بوجهي وقطعت حبل آندماجي << يآلبي .. :p ملآذي وربي مبدع في سرد الاحداث مشاءالله عليك .. ولآهنت على المعلومه << مافيه وظايف الا عقب العيد .. متآبعينك للآخر .. لاعدمنآ بوح قلمك .. :a36: |
رد: لا...تبــــوق....ولا....تخاف..((يوميات رمضان)) متجدد..!!اكشن
لاهنت يا ملاذي بالفصحى اوالعامي الاستمتاع له مذااق خاص عندك . . تقبل مني :a28: |
| الوقت في المنتدى حسب توقيت جرينتش +3 الساعة الآن 12:45 PM . |
مجالس العجمان الرسمي