|
الليل يامجالس العجمان :)
السلام عليكم ورحمة الله وبركاته مساء الود والمحبه:) بعد اذنكم اذا سمحتولي ارحب باخوي الكونكورد على طريقتي الخاصه :)
ياسلامي سلام ٍ بليا عدد في ليال السعد مني ازكى سلام=والمجالس ترحب بمن جالها والمجالس ترحب بمن جالها اسمحولي بقدم روايع شهد والمعاني جدد في حضور الكرام=مرحبا ياصحيبي على جالها مرحبا ياصحيبي على جالها ومع الله:) |
رد: الليل يامجالس العجمان :)
الله الله
صح لسانك يالسنافي ومترقبين الشاعر .. :) |
رد: الليل يامجالس العجمان :)
صح لسانك يالرسام..
وبالانتظار .. |
رد: الليل يامجالس العجمان :)
صــــــــــــح لسانـــــــــــك و ننتظر الكنكورد على أحر من الجمر. |
رد: الليل يامجالس العجمان :)
الله يبقيك يالرسام وصح السانك طرق من العيار الثقيل:) واسمحلي عالتأخير استلم طال عمرك
والبقى يالمرحب بصك وسند.. من صدوق الوعد.. يارفيع المقام = والركايب بدت تنقل احمالها والركايب بدت تنقل احمالها لاح برق الغمامه وحن الرعد.. قل لجند البلد.. يكربون الحزام = من ورث بنت صوغان يحمالها من ورث بنت صوغان يحمالها |
رد: الليل يامجالس العجمان :)
راشد العتل + مهرة النسيان + مسعطر لاهنتوا على المتابعه وخلوكم في صفي الرسام شكله اقشر:) |
رد: الليل يامجالس العجمان :)
صح لسانك يالكونكورد ومتابعين .. :)
|
رد: الليل يامجالس العجمان :)
صح لسانك يالكونكورد ولاحد يطير بنا :)
ويلااا بانتظاركم .. |
رد: الليل يامجالس العجمان :)
الرسام والكونكورد
طاروق رائع وشعراء أروع ومبدا كايف ومردوده كايف وصلوا يالنشاما وأزهلوا الصفين وتقبلوا سلامي واشواقي |
رد: الليل يامجالس العجمان :)
راشد العتل + مهرة النسيان + مسعطر + سعد الخويطري لاهنتوا على المتابعه :) شاكر لكم |
رد: الليل يامجالس العجمان :)
ارحب ارحب الكنكورد :) منور وانت اللي من العيار الثقيل :) <<< ما تقدر تصيدني صح السانك
اتصاغر ليا شفت انا لومتد ... في عيوني هدد .... ماعليّه ملام= فرق مورد الجيب باشكالها فرق مورد الجيب باشكالها لا تراكى الجبل للهوا ما فند... قوت ٍ فالوتد... الهمام الهمام=والمحيطات نعرف وش اهوالها والمحيطات نعرف وش اهوالها ومع الله :) |
رد: الليل يامجالس العجمان :)
الرسام & الكونكورد
صحة اللسنكم سجلوني متابع |
رد: الليل يامجالس العجمان :)
اتصاغر ليا شفت انا لومتد ... في عيوني هدد .... ماعليّه ملام = فرق مورد الجيب باشكالهـا فـرق مـورد الجيـب باشكالهـا
لا تراكى الجبل للهوا ما فند... قوت ٍ فالوتد... الهمـام الهمـام = والمحيطات نعرف وش اهوالها والمحيطات نعرف وش اهوالها الله الله سلمت يالرسام ولاعدمناكم يالذيابه :) وصلوا والليل الليل يـ الكونكورد :) |
رد: الليل يامجالس العجمان :)
مرحبااااا مساكم الله بالخير جميع كونكورد&الرسام صح الله السنتكم شعار مافيكم حيله وفالكم المليون سجلوني متابع الليل ياكونكورد تحياتي للجميع |
رد: الليل يامجالس العجمان :)
الشبح + دهمي لاهنتوا على المتابعه
انت اشوفك تبي تجتهد ياولد.. بس لا تبتعد.. عقب صارت زحام = لا تقفّي ونفسك على حالها.. لا تقفّي ونفسك على حالها في عيونك هدد بس اشوفه رمد.. لا تهد العمد.. وانت وسط الخيام = بهّر دلالك وسوق فنجالها.. بهّر دلالك وسوق فنجالها |
رد: الليل يامجالس العجمان :)
الله الله
صح لسانكم يالشعار .. الرسام والكونكورد .. تابعوا الابداع . |
رد: الليل يامجالس العجمان :)
انت اشوفك تبي تجتهد ياولد.. بس لا تبتعد.. عقب صارت زحام
لا تقفّي ونفسك على حالهـا.. لا تقفّـي ونفسـك علـى حالهـا في عيونك هدد بس اشوفه رمد.. لا تهد العمد.. وانت وسط الخيام بهّر دلالك وسـوق فنجالهـا.. بهّـر دلالـك وسـوق فنجالهـا الله الله الله ياسلام الله عليك سلموا لاعدمناكم |
رد: الليل يامجالس العجمان :)
طيب طيب صح السانك
إعرف البحر وشهو جزر ولا مد .. قس بشبرك وحد .. تو سل الحسام=من وزر وزته يحمل اثقالها . من وزر وزته يحمل اثقالها ابشروا يارفاقه على ام السعد .. جابت إلها ولد .. من مضاريب عام=اسمر ٍ ابركت له و دنالها . اسمر ٍ ابركت له و دنالها |
رد: الليل يامجالس العجمان :)
الشبح
سعد الخويطري دهمي مهرة النسيان حياكم الله ولا هنتوا على المتابعه تمتعونا وتحمسون :) |
رد: الليل يامجالس العجمان :)
لاهنت
|
رد: الليل يامجالس العجمان :)
الله الله
صح لسانكم يالرسام والكونكورد وبيض الله وجهكم جزلين ومتاابعين |
رد: الليل يامجالس العجمان :)
الله الله 777 77 7
البحر قايسينه بـميل وعُـقد.. وانت وسط المهد.. قبل سن الفطام = لا توسوس لك النفس بآمالها.. لا توسوس لك النفس بآمالها بشر ام السعد بالحزن والنكد.. والولد فاللحد.. دافنينه عضام = كيف ترمي على الموت باعيالها.. كيف ترمي على الموت باعيالها |
رد: الليل يامجالس العجمان :)
راشد العتل + سعود الخويطري + بن جويعد + مهرة النسيان مشكورين ومتابعتكم شرف |
رد: الليل يامجالس العجمان :)
الله الله الكنكورد صح السانك وانا بعد صح الساني :)
من طبايع حرار الطيور الهدد .. وانت صيدك شرد .. ما بقا الا صيام=من ذخر له بصل يشبع بفالها . من ذخر له بصل يشبع بفالها اللحد جاير الله ضلام اللحد .. خلها في سهد .. لا يضيع الوسام=رمعتك طير برمان من شالها . رمعتك طير برمان من شالها |
رد: الليل يامجالس العجمان :)
وصح لسانك يالكونكورد .. وبانتظار الرسام :..
|
رد: الليل يامجالس العجمان :)
ولا انت يابن جويعد
ومشكووووووووور على المتابعه والله لا يهينك راشد العتل وبيض الله وجهك |
رد: الليل يامجالس العجمان :)
مرحبا مهره النسيان
وشوفيني :) ومشكوووووووره على المتابعه الطيبه |
رد: الليل يامجالس العجمان :)
الله الله
صح لسانكم يالرسام والكونكورد وبيض الله وجهكم جزلين اخوووووكمـ |
رد: الليل يامجالس العجمان :)
وصح لسانك يالرسام
مافيكم حيلة :) |
رد: الليل يامجالس العجمان :)
مرحبا الف بندر
والله يبيض وجهك على المتابعه ولا تهون مهرة النسيان :) والله العظيم انكم انت المتعه في محاورتنا تحياتي |
رد: الليل يامجالس العجمان :)
الله الله عليكم ياشعاااار
تميزتوا وابدعتوا ,, وينكم من زمان ؟ خوش طاروق .. متابعتي لكم هنا وهناك :) |
رد: الليل يامجالس العجمان :)
صح لسانك يالرسام:) تستاهل واستلم
انت شاوي تظن بخروفك سدد.. والعرب فالبلد.. ودّهم بالسنام = الثقيلات تبقى لجمّالها.. والثقيلات تبقى لجمّالها شاب قافك ولا عاد ينفع بعد.. لو طلبت المدد.. زاد فيه الحرام = انت تاكل بيمناك وشمالها.. انت تاكل بيمناك وشمالها |
رد: الليل يامجالس العجمان :)
بندر بن خضير صح بدنك ومتابعتك مكسب طال عمرك |
رد: الليل يامجالس العجمان :)
حوران مرحبا ومسهلا هنا وهناك:) وحنا موجودين هنا على طول ولا تقاطع ترى مطولين ان شالله:) |
رد: الليل يامجالس العجمان :)
اقتباس:
يا ويلك يا الرسام. |
رد: الليل يامجالس العجمان :)
يامرحبا يالمسعطر والصف يزيد بك طال عمرك بس احرص من الرسام تره اقشر:) |
رد: الليل يامجالس العجمان :)
ما علينا من قشارته و أنا في صفك و أستلم المداخلة المتواضعة :
الرسام ينحد على الرمضا و ينحد.. لا بد لا بد.. نشق الكمام=نصفق به ما قسا من جالها و نصفق به ما قسا من جالها
|
رد: الليل يامجالس العجمان :)
الرسام & الكونكورد طاروق يكيف صحيح واصلوا متابع |
رد: الليل يامجالس العجمان :)
اقتباس:
مافيك حيله:) وش رايك تكمل الطاروق مع الرسام:) |
رد: الليل يامجالس العجمان :)
اقتباس:
لاهنت ومتابعتك هي الكيف |
| الوقت في المنتدى حسب توقيت جرينتش +3 الساعة الآن 03:11 AM . |
مجالس العجمان الرسمي