طاروق..... والمجال مفتوح
ياسلام الله ودار اصحابنا قايم سعدها=ربعنا الى كل ماجوب النشاما يدركونه المثال إقول من دور على الحاجه وجدها=والرجال الطيبه درب المراجل يسلكونه |
صح السانك يابدر وانا والله ودي العب معك لكن مثلك شايف اللعب مع
شعار ثانين ولكن الربع فيهم الخير والبركه |
تسلم ياحبيب والمجال مفتوح يالغالى محددنا احد
|
ابشر بالسعد طال عمرك
ولي الشرف ... والمعذره توني والله اشوف موضوعك الحين تحياتي لك |
ابو محسن افززززززززززززع ترانى عفست محاوراتنا الاولانيه هههههههه ابى اسوى تعديل علىيها يعنى ببروز البيوت والظاهر انى عفستها ههههه لا تواخذنى ياخوك اصبرو على ايام لين اعرف الشغلات المهم وبعدين يامرحبابك يابو محسن لنا الشرف فيك
|
الاخ بدر ارحب والله يحييك ,, والف مبروك على التنسيق:) يالغالي استلم لاهنت
مرحبا بك يالمسلم عد ما يبرق رعدها = والعذر كان المنادي ربعنا مايسمعونه تحياتي للجميعالمراجل كايده يابدر مانحصي عددها = وانت فزت بكل طيبٍ في المجالس يذكرونه |
البقا بالشاعر الى ماتمايل لا سندها=ون وصفته حر(ن)اشقر فعله وشكله ولونه بنت ابو زيد الهلالى بنشدك منهو ولدها=العرب لا واجهو فهمان مثلك ينشدونه |
استلم يابدر لاهنت
الطويله كايده ماكل رجالٍ صعدها= وانت تعرف دقها مع جلها واللي تبونه تحياتي لك يابدربنت ابو زيد الهلالي ليتها ماتت وحدها = والاوادم لو تعرفه والله انهم يزعجونه |
هههههههههه صح اللسانك اى بالله يازين الستر هههههه صح اللسان ابو محسن
|
انت قاضبها بعلباها وقاضبها بيدها=دونها واقف فهد والموت لحمر فى عيوونه انت طيب والسوالف معك تحلا يابعدها=اسر ياليل المعانى فيك للسارى مرونه |
استلم يابدر لاهنت
والله اني ودي ان الناس تصدق في وعدها= وان قسى شعري ترا قلبي وفعلي في الليونه انبسط لاشفت مثلك عارف الناس وبلدها= يكسب ارضاء الناس واسمه في المعالي يكتبونه تحياتي للجميع |
الحبال إحلها الى يافهد بيده عقدها=والاذاعه فى هوى الجمهور والى يطلبونه ندخل الغابه ونذبح نمرها ونذبح فهدها=قبل ما غشام وحبيب ثمرها يقطفونه |
هههههههههه خلنا انمازح الربع شويه غشام وحبيب شعار اكبار تحياااااااتى لهم وللجميع
|
خذ راحتك يابدر .. وهم يستاهلون من يمزح معهم وصح لسانك
ودي انها ماتعقد بس وش في إيدي ويدها= والاذاعه لو ضبطت ارسالها هم يحرفونه لادخلت الغابه انعم في سهلها وفي رغدها= واعرف ان الذيب مايضحك ولو بانت سنونه تحياتي للجميع |
الله الله
صح الله السنتكم ياشعارنا واصلوا وحنا متابعين |
صح بدنك يامولع
نتشرف بمنابعتك يالغالي تحياتي لك |
الحرار الى تصيد الصيد تشبع فى هددها= كل حر(ن) يضرب ابمخلاب ضربه مايخونه خيمتك ياراعى الخيمه تجود فى عمدها= جاك سيل(ن) يارعى الخيمه تحدر من مزونه |
لاهنتوووو يالشعااار واصلو وحنااا متااابعين
الله عليك يااابو فيصل لادخلت الغابه انعم في سهلها وفي رغدهـا+ واعرف ان الذيب مايضحك ولو بانت سنونه |
صح اللة السنتكم ياشعار
واللة لا يهينكم |
صح اللة السنتكم ياشعار
واللة لا يهينكم |
(المولع) (وعجمى ومردد) (وغاشاااااام) لا هنتو ونتشرف بمتابعتكم
|
الاخ عجمي ومردد صح بدنك يالغالي ولاهنت على المتابعه الاخ غشام صح بدنك يالغالي ولاهنت على المتابعه استلم يابدر لاهنت
صاحبي هذا ملكع كل ماجاها لهدها = وفيه حر(ن) يابدر ذا الناس ماهم يقضبونه انت شفت البرق يارجال ماجاكم مددها=كان به سيل فحنا له زبار يشربونه تحياتي للجميع |
الله الله صح الله السنتكم وكني سامع اسمعي تطرونه:):)
|
انتم ارجال(ن)تقوم بحق من جاهاوقصدها=ون لقيتم حب قمتم فى رحاكم تطحنونه وانا مانى بعبد الاصنام مثل الى عبدها= اعبدالله والله الى كل خلقه يعبدونه |
هههههه هلا بحبيب ايه انت وغشااااام حفناكم بس بالعلوم الطيبه
|
حبيب حياك الله واللي ذكر اسمك بدر مو انا :) استلم يابدر
والله اني من سلالة قوم مارجلٍ نقدها = تقدر العاني وضيف الله لازم يكرمونه تحياتي لك يابدر ولاهنت يالغالي .. اطربتنا واطربت المتابعينوتشُرف يابدر في كل من جاها وقصدها= والسلام ختام شعري لو بغيتو تنقدونه وصح لسانك يابدر تحياتي للجميع |
صح الله اللسانك يابو محسن ومدام فيها السلام ختام تحياااااتى لك وللجميع
|
رد: طاروق..... والمجال مفتوح
مبدعين وصحت ألسنتكم جميع بدر و فهد أو فهد وبدر و لا هنتوو وو اصلووو
|
رد: طاروق..... والمجال مفتوح
لاهنتو وبيض اللة وجيهكم ياربع
\اسكيت |
الوقت في المنتدى حسب توقيت جرينتش +3 الساعة الآن 02:05 AM . |
مجالس العجمان الرسمي