اقرب يا بندر الله لا يهينك..
السلام عليكم ورحمة الله وبركاته .. . .
الا يامرحبا ترحيبةٍ فالمستوى الممتاز=مواريها على الستين عشر وفوقها سبعه . ليامنك قريت الكفّ يا بندر فلا يعتاز=نقول العرف ما نستغربه لا جاك من نبعه . |
رد: اقرب يا بندر الله لا يهينك..
أتشرف بمجارتك وكانك موجود سرها يالسنافي . . وأستلم :
يدوم الك البقا والخبز خله ف يد الخباز =الايالشاعر اللي لازحف يزحف على ربعه أنا مؤمن بحكم الله ومن يومن بحكمه فاز = أقول والقدر ماتعرف بنصه ولاربعه |
رد: اقرب يا بندر الله لا يهينك..
ياسلام
صحت السنتكم ولاهنتووو متابع وواصلو |
رد: اقرب يا بندر الله لا يهينك..
اقتباس:
الشرف لنا , ولكن أنا ما أدري وش تقصد بالمجاراه , هل تقصد إنك ماتلعب محاوره؟ أم إنك تطلب المحاوره المباشره؟ وحقيقه كان بودّي أستفسر عن هذا الموضوع عبر الرسائل الخاصه , ولكن كما ترى مشاركاتي لا تأهلني لإستخدام خاصيّة الرسائل الخاصه. أتمنى التوضيح. |
رد: اقرب يا بندر الله لا يهينك..
يامرحبا أقصد انا معك باللي تبي محاوره مباشره أو غيرها
وأما قولة مجاراه فالقصد اني بجاريك بمحاورتك ( مدح ) والله يجملنا معك وأرسل نفداك |
رد: اقرب يا بندر الله لا يهينك..
أرحب أرحب يامشعاب
ومرورك ومتابعتك تشريف لاعدمناك |
رد: اقرب يا بندر الله لا يهينك..
اقتباس:
اتضحت الرؤيا الآن, وافي يابندر على كل حال .. إستلم ..
زحفنا بالوفا والطيب والإيضاح والألغاز=ولا تزعل يا بندر كان خبزي ما ألحقك شبعه . ترى اللي يتلو الآيات ما يفقه وش الإعجاز=سوات اللي ليامن شاف ذيب يقول ذي ضبعه . |
رد: اقرب يا بندر الله لا يهينك..
اقتباس:
مرحبا يامشعاب.. صح بدنك ولاهنت على المرور الكريم. تحيّاتي. |
رد: اقرب يا بندر الله لا يهينك..
ياسلام
صحت السنتكم ولاهنتووو متابع وواصلو |
رد: اقرب يا بندر الله لا يهينك..
ترا منته بنصر الله ولا نته حاكم شيراز = وحزب الله ماحرر ياجماعه مزرعة شبعه
يامفراص الحديده من حديدك ماتجيب أنجاز = حديدك مع جبال طويق ياخفه وياطبعه |
رد: اقرب يا بندر الله لا يهينك..
ياسلام يابندر ابداااع كما عهدناك
صح السانكم جميعا وواصلوا والصف صف بندر |
رد: اقرب يا بندر الله لا يهينك..
اقتباس:
أنا مانيب نصر الله و اظنك نصر أهل الأهواز=ولا أدري مرجع الاهواز من يتبع ومن تبعه . تيسّر لا تعسّر لو نبي رش اللهب بالقاز=يمين الله لشتتكم جميعا فأول القبعه. |
رد: اقرب يا بندر الله لا يهينك..
أرحب ياهادي ,, شرفتنا بالمتابعه يا الأمير.
العقيد مرحبا الف,, صح بدنك يا الأمير وسجلني في صف بندر معك. تحيّاتي للجميع. |
رد: اقرب يا بندر الله لا يهينك..
الا يانصرة الشيطان لاتلعب معي جمباز = ابا اخرب لك البسام واخرب لك السبعه
عليك أجنب البندق تبي تنحاز ماتنحاز = ولو أن الحلوق الجايعه فبطونها شبعه |
رد: اقرب يا بندر الله لا يهينك..
الله الله الله شعراااء يستحقوووون المتاابعــــــــــــــــه ,,,,,,,,,,,,,,,,,,,,,,,, |
رد: اقرب يا بندر الله لا يهينك..
اقتباس:
تبي تلعب مع الحر النداوي يافريخ الباز=تبصّر فالسوابق و إحسبوا كم جبعه وجبعه . بعد هذي نبي نقلبك يا بندر على الهزاز=بعد بان الصباح وكل رجّالٍ لقى وبعه . |
رد: اقرب يا بندر الله لا يهينك..
اقتباس:
شرفتنا بمرورك ومتابعتك لاخلا ولاعدم. تحيّاتي. |
رد: اقرب يا بندر الله لا يهينك..
الا ياحر من حرك يجيك عقابها ركاز = صحيح الخبل لامنه شعم ناره حرق صبعه
غليم ربعنا لامن دبك نشغله بالمزاز = ولا ياهل الصحف لابد مانجدد لكم طبعه |
رد: اقرب يا بندر الله لا يهينك..
صح الله لسانك يامفراص
وتشرفت بمحاورتك ودعوتك وبيض الله وجهك وختامها عندك ونلتقي قريبا باذن الله الله لايشينك |
رد: اقرب يا بندر الله لا يهينك..
مرحبا ومسهلا بالجميع
وحضوركم ومتابعتكم ومروركم تشريف لاعدمناكم |
رد: اقرب يا بندر الله لا يهينك..
اقتباس:
صح بدنك يا الأمير, والشرف والله لنا. وبما إن البدايه عندي فالختام يبقى في ردك. ولكن بسألك يا بندر هل سبق وجمعتني أنا وياك محاوره؟ والشكر موصول للجميع . تحيّاتي. |
رد: اقرب يا بندر الله لا يهينك..
يامرحبا بك وأول مره ألعب معك والخير في مقبلات الليالي باذن الله ولاهنت
|
رد: اقرب يا بندر الله لا يهينك..
ابدااااااااع شعارانا
بندر العجمي + مفراص الحديد الله لا يهينكم من المتابعين :_applauso: \ اسكيت |
رد: اقرب يا بندر الله لا يهينك..
بندر/ وجهك أبيض طال عمرك ولاهنت.
اسكيت/ من قال مايهون, شرفتنا بالمرور الأكثر من رائع. تحيّاتي لكل من ألقى بنظرته علينا. |
الوقت في المنتدى حسب توقيت جرينتش +3 الساعة الآن 07:00 PM . |
مجالس العجمان الرسمي