لا لا تردد جرحك العام ضدي = يكفي زماني لا تزود جروحي
قدمت لك روحي هديه بيدي = ياغالي بالقلب وأنت شحوحي
تذرف دموعي غصب من فوق خدي = مكتوب للعاشق زمان فضوحي
والله لو الود ياشوق ودي = ماصرت أنا بين الخلايق أنوحي
حسبي عليك شلون بيحت سدي = ماهو من الواجب لسري تبوحي
كان الجفا قدك فلا هو بقدي = حبك تراه اللي مسبب نزوحي
ظلمتني ياشوق واعلنت صدي = وهموم تاتيني والاخرى تروحي
أرجوك لا وصلك خطابي فردي = من غيرك بدنياي هو روح روحي
أنا عذابي من زمان التحدي = وين أنت ياوقت عرفته سموحي
عسى مراسيل الرسايل تردي = وعسى معنيني من العام يوحي
ترى من الدنيا تحملت حدي = لا وهني من ذاق ساعة مزوحي

الاخ الشاعر \ بخيتان اليامي

صح لسانك يالغالي .. ولا هنت يالسنافي قصيدة جزله .. وكلمات شاعر متمكن

تحياتي لك يالغالي

اخوك \ فهد