مجالس العجمان الرسمي
الصفحة 1 من 2 1 2
عرض 40 مشاركات من هذا الموضوع لكل صفحة

مجالس العجمان الرسمي (http://www.alajman.ws/vb/index.php)
-   بوح المشاعر (http://www.alajman.ws/vb/forumdisplay.php?f=25)
-   -   كفـــــــــــــــــاح مهندس ... (http://www.alajman.ws/vb/showthread.php?t=38968)

أميرة الإحساس 08-01-2009 02:53 AM
كفـــــــــــــــــاح مهندس ...
 








اليوم وانا راده من الدوام تذكرت قصة حقيقية قريتها من زمان

لاهي من نسج الخيال ولا فلم امريكي ..! اثرت فيني حيل


خصوصا لا زاد ضغط الدراسة .. وكل ما اذكرها إهون علي

بعض التعب إذا حاشني او اليأس .. فقلت من باب الفايدة ليش


ما اذكرها اهني عل وعسى تهَون على بعض الناس عقباتهم

وتعطيها دافع انهم يشدون حيلهم اكثر ومايحوشهم اليأس..







من راوي القصة ..


بالتحديد ثلاثة ابتدائي صبي صغير مستواه العلمي عادي


ويمكن إكون أقل من العادي .. قاعد بالصف مع اثنين من ربعا


وطبعا لعب الجهال.. قبللا إيجي المدرس (طقني وطقك) !

وعلى ايامها الكل متأثر بالمصارعة .. فتلقى كل واحد متقمص

شخصية مصارع وحييل طق بالثاني
16t ! .. وهما بعز


اللعب .. ولا مدرس الرياضيات داش ..! طبعا وقتها الكل عارف

الرياضيات وما ادراك ما الرياضيات:020: ..
ومدرسيين اول مايقصرون حييييل أليفيين :p..
إدش الواحد فيهم الصف ومعاه


مسطرة اطول منه .. ومايتعامل إلا بأفتح إييدك .. ! ..
المهم شاف المدرس فلم المصارعة جدامة :eek: Live !

ومنو ..



صاحبنا راوي القصة ماسك واحد قاعد إطقه z10.. !

طبعا جن المدرس ! ..

(بس يا ..... انته وهو .. ويمسك اذانه إلوتهم حيييل)

ليين صارو حمر ..

جان إقوله (بص ! إنشوفتك تعملها تاني .. أكسَرك !) ..

طبعا المسكين بجيته بعينه http://img249.imageshack.us/img249/7134/120ow1.gif




راح قعد مكانه ! ..





بلش المدرس الشرح .. وحط مسأله على اللوح ..



جان إقول ميين عاوز إحل المسأله دي ؟ ..


(طبعا ايام اول كل واحد يرفع إيده أنا ..أنا ..أنا .. زيين مايحوشون وجه المدرس)


وآخر شي إنقي واحد مو رافع إيده ! ..



صاحبنا خانقتا العبره وقاعد ساكت ماله خلق إشارك ..




ماد البوووز :(..


شافه المدرس جان إقوله ؤووم حل المسأله ..


وهو طبعا عنده عقده من شي اسمه رياضيات ..


توهق البطل .. ماعرف إجاوب ! ..


جان إقول المدرس حق كلإلي بالصف ..


عاوز الكل بصوت واحد يقووول للطالب ده



ياااااا كاااسلااااان !!! ..:eek::eek::eek:



وللقصة بقية.. ;)


راح أخلي القصة على شكل سلسلة عشان لايصير ملل :cool: ..













حـــوران 08-01-2009 05:45 AM
رد: كفـــــــــــــــــاح مهندس ...
 
I'm waiting

شكلها بتكون حلوه , كملي باقي البارتات بسرعه لاتعلقينا

:)

عبدالله آل عامر 08-01-2009 06:44 AM
رد: كفـــــــــــــــــاح مهندس ...
 
متابع...
:
لاهنتِ أختي اميرة الاحساس على القصة مقدّماً
:
1bh1

مناحي الصميل 08-01-2009 06:54 AM
رد: كفـــــــــــــــــاح مهندس ...
 
لي متى ننتظر :)



بـ نشوف شصار ويا الكسلان



أميره...شكرا:)

أميرة الإحساس 08-01-2009 07:33 AM
رد: كفـــــــــــــــــاح مهندس ...
 
حـــوران ..

عبدالله العامر ..

مناحي الصميل ..

شاكره لكم تواجدكم ..

وإنشالله تنال اعجابكم القصه ..

ملاذي 08-01-2009 08:29 AM
رد: كفـــــــــــــــــاح مهندس ...
 
علقتينا....!!

يا اختي العزيزه ((يوم إندمجنا))........؟


ع العموم ...

حلو التشويق ....؟؟

ننتظر بفارق الصبر ..

بصدق دمتي لله اقرب...

الغروب 08-01-2009 01:01 PM
رد: كفـــــــــــــــــاح مهندس ...
 
اميرة الأحساس

دائماً التميز والتشويق يرافقها

وننتظــــــــر يا اميرتنا :)

أميرة الإحساس 08-01-2009 02:32 PM
رد: كفـــــــــــــــــاح مهندس ...
 
جلوي محمد جلوي

أسعدني تواجدك :0015:..

:: الغالية الغروب ::

التميز هو تواجدج بمتصفحي المتواضع:21t: ..

أميرة الإحساس 08-01-2009 02:56 PM
رد: كفـــــــــــــــــاح مهندس ...
 
مساء الخير :0015: ..



وصلنا عند آخر شي ليما المدرس قال حق الطلبة .. ؤوولوو كلوكوو بصوت واحد ياااكسلااااااان ...

كل الطلبةطبعا قامو بصوت واحد إقولون له يااا كسلاااان ..
وهو العبرة خانقتا a8..
أول مارد البيت قال حق امه :: يمه ابي اصير متفوق في الأمتحانات الجاية ..
وخصوصاالرياضيات ..

وقعد يدرس الولد وكان كل يوم يدرس رياضيات .. اكثر ماده يدرسها!! ..

قدم إمتحانات الشهر الثاني ..وجا وقت توزيع الدرجات :rolleyes:..

دش مدرس الرياضيات .. جانيقوول.. فيه طالب معانه عمل مجهود جبار

يستاهل إنه الواحد يصفئله ..

تعرفو هو ميين

.. طبعا الكل بلا منازع قاعد إئشر على الأول عل الصف ..

قال لأه مش هو ! ..

قالواكييد فلان كان هم شاطر .. ؟

هم قال لأه مش هو ! ..

قال واحد ماراح تتوقعونه جانيقوول إسم صاحبنا (الكسلااان) .. !

قاله يا فلان ؤووم .. يوم قام .. قال حق كل إلي بالصف .. صفقوله:002: .. !

طلع الثالث على الصف :eek:... !


طبعا السؤال إلي يطرح نفسه ..

ليش قصته بلشت من مرحلة لإبتدائي .. ؟؟

لكل شخص مفترق طريج بحياته .. ويمكن إكون أكثر من مفترق ..

تبتدي متقدمه أو متأخره .. وكل تجربه تبني علاقة بين الماضي والحاضر

عشانيعرف الواحد شلون يتعامل مع مستقبله وشلون يقدر يتعض من ماضييه ..



المهم مرت لسنينوقدر يتخرج من الثانوي بامتياز مع مرتبة الشرف :cool:..

لا وتخصص رياضيات بعد ;).. ! !

وطبعا مثل كلواحد عقب مايتخرج .. يبي يدش كل الكليات بوقت واحد !

يوم بيدش هندسة .. يوم شلي بلهندسة وعوار الراس بوفلان قالي انه الهندسه

ماتوكل خبز .. والمهندسين صارو ترس الديره ..

يوم بروح علوم اداريه .. يجي له واحد .. من صجك ؟! الحين عقب التعب

والمعدلالعالي إلي يبتا اتروح علوم إدارية.. ! ويين الطمووح !

(طبعا مادري شنو الطموح إليكان يقصده .. يمكن يبيي إصيير رائد فضاء) ! ..

وكل يوم على هل حال يفتر بيين التخصصات ..

آخر شي قرر انه يدرس بره

(MIS (Managment Information System

وبالتحديد في امريكا .. راح التعليم العالي وقدم اوراقه

.. وبنفس الوقت قدم على جامعة لكويت .. بس هل مره هندسة ..

كتحصيل حاصل لا اكثر ولاأقل ..

وهو همه وتفكيره انه يكمل بره لكويت ... وطبعا انتو عارفيين

في بالجامعة امتحانات قبول ..

وعشان إدش الهندسة مرتاح يبيلك تجتاز الثلاث مواد

(الرياضيات , الإنجليزي والكيميا) ..

فقال خل أقدم شخسران .. وراح لإمتحانات ... أول ماوصلته الورقه إلي فيها

تضليل حق الأجابة .. مايبييلهمن اول الورقه ليين آخرهه تشييير:020: !! ..

ماله خلق يتعب نفسه ..

ما كان مهتم إنه يدرس بالكويت فقالليش اتعب نفسي وقرا !

(هذا الغرور ليمين ياخذ الواحد z10) ..

مرت لأيام وطلعت نتيجة التعليم العالي ..

ماحب يشوفها بنفسه .. قال حق صاحبه إذا رحت هناك .. دق عليوقولي ..

وصل صاحبه التعليم العالي .. قاعد يدور بين الأسامي .. مالقى إسمه ! ..

دقعلييه .. قاله :: ترا جنه اسمك مو موجوود :53t:...

:: انت متأكد :eek: !! جيك عدل ! .. مو وقت غشمرهترى !! ..

:: مو قاعد أتغشمر .. تعال بنفسك شووف ! ..

طبعا جنه واحد صكه طراق مومستوعب إنه مانقبل ..

وخصوصا انه معدله كان عالي ! وكان حاط آماله في هل تخصص ! ..


.. !! للقصة بقية >> tty6





:a27:

ملاذي 08-01-2009 07:20 PM
رد: كفـــــــــــــــــاح مهندس ...
 
ومازلنا...نتابع....!!

صاحبنا..اللي يبي.يصير رائد فضاء,,,,!!


أميره...!!

الهندسة ماتوكل خبز....!!


((ماشي)) كأنها... نغزه... لبعض الناس....!!!


وأخيرا"...!!

دمتي لله اقرب...

أميرة الإحساس 08-01-2009 09:29 PM
رد: كفـــــــــــــــــاح مهندس ...
 
ههههههههههههههههه

بصراحه انا ما اقصد شي ،،

وحتى مجال دراستك ما أدري إذا كان هندسة أو لأ:53t: ..

و السموحه منك :p،،

والمفروض مايهمك اي شي ينقال ،،

مادام انت حاب مجال دراستك وعملك ومستمتع فيه a22 ،،

وبالتوفيق إنشالله ،،


:::::

جلوي محمد جلوي ،،

تشرفني متابعتك للموضوع :21t:..

حـــوران 09-01-2009 02:28 AM
رد: كفـــــــــــــــــاح مهندس ...
 
^
^

في انتـظار الباقي يــــا مهندسه :)

القرناسة 09-01-2009 09:28 AM
رد: كفـــــــــــــــــاح مهندس ...
 
صايره حبابه :p

زور ابن الزرزور اللى عمره ماجذب ولا حلف زور ...الخ


اتغشمر معاج


وانا متابعتج

بس هــاهــ لا تعلقينا مثل ابو فزاع << للحين بقلبها :p



ومشكوره حبيبتي على اختيارج لنا لذكر هذه القصه

1bh1

أميرة الإحساس 09-01-2009 02:12 PM
رد: كفـــــــــــــــــاح مهندس ...
 
حــــوران ..


يسعدني تواجدك ومتابعتك ..


قرناسه ..

تشرفني متابعتج ..

وإنشالله بنكملها للأخر ..

أميرة الإحساس 09-01-2009 08:06 PM
رد: كفـــــــــــــــــاح مهندس ...
 
بسم الله الرحمن الرحيم


ونكمل الحدوووته ...




:: انت متأكد !! جيك عدل ! .. مو وقت غشمرهترى !! ..


:: مو قاعد أتغشمر .. تعال بنفسك شووف ! ..


طبعا جنه واحد صكه طراق مومستوعب إنه مانقبل ..


وخصوصا انه معدله كان عالي ! وكان حاط آماله في هل تخصص ! ..



راح ثاني يوم التعليم العالي وستفسر عن الموضووع ..


جان يقولون له .. هل تخصصبالذات وايد ناس مقدمه علييه .. !



وماقبلنا إلا جم واحد ومعدلاتهم وايد عاليه


محمد :: شمعنا يعني قبلتو بس جم واحد ..! وهم أنامعدلي عالي !! ..


:: إيي أخوي بس .. إلي مقدميين كانو وايد وماقدرنا ناخذهم كلهم ..


لأنه ملتزميين بعدد معين ..


مشى من عندهم وهو حدا ضايق خلقا ..


رد البيت وقعد يفكرشراح يساوي الفتره الجايه ..


او وين راح يدش ..


وقتها الف فكره وفكرهجت في باله .. وكان حييل محتار وين يروح ..


آخر شي قرر ! ..


ماراح هم يكمل بجامعةلكويت !! (العناد راكب راسه) ..


قرر .. إنه بيقعد كورس .. ويقدم الكورس إلي بعده




بعد فتره مو طويله طلعت نتيجة القبول بجامعة لكويت ..


محمد إنقبل هندسة ! بس المشكله ولا إمتحان قبول نجح فيه كلهم سقط فيهم


(بس لأنه معدلة العالي كان شايله عشان جذي إنقبل) !..


طبعا كان عادي مو مهتم وايد لأنه هدفه بره لكويت .. !


بس أهله يوم درو بالخبر ستانسو حييييل ..


وقالو له احسن لك إقعد إهني شلك في بره ..



والهندسة من احسن وأرقى الكليات إلي عندنا ..


محمد :: يمه .. يبه .. انا ودي أكمل بره طموحي بالتخصص إلي بروحله ! ..


أبوه :: يا وليدي تخصصك كمهندس أحسن .. وإحنا ودنا تكون عندنا نفرح فييك


ونكوون مطمنيين علييك ..


محمد :: إنشاالله إلى الله كاتبه بيصيير ..


طبعا ماحب إنه يجادل زياده عشان لاتصير ردة فعل عكسية .. ! ..




تمر لأيام وتبلش الدراسه .. كل مواده تمهيدي طبعا ! ..


وما خذا إلا إنجليزي .. ورياضيات .. !



كيميا ما يحبها فما خذاها .. ! ( دلع زايد) ..


وربعا إلي وياه اغلبهم نجحو بالقدرات فما خذو تمهيدي ..


دشو على طول على مواد العلوم .. (يعني سابقينه الحين بكورس) ! ..


يقول اول كورس خذيته لعب .. ما كنت أداوم .. كلا إهياته بره الكلية ..


ما أدرس .. لأنه حاط في باله الدراسة بره !!

وينتهي الكورس ..




ويسقط بكل مواد التمهيدي Fa ..


عادي ماني مكمل إهني ليش أحاتي ! ..






جا وقت التقديم الجديد حق التعليم العالي ..


راح محمد التعليم العالي ..


وقعد يجيك على التخصصات إلي نازله ..


مالقا فيها تخصصه الي يبه .. !! لحظة .. !


شفيهم مو منزلين التخصص ! ..


محمد :: لو سمحتي أختي تخصص MIS ليش مو موجود ؟؟ ..





للقصة بقية>>

][ .. خــجــل .. ][ 10-01-2009 02:10 AM
رد: كفـــــــــــــــــاح مهندس ...
 
بانتظار التكمله اميره :)



والله يعطيك الف عافيه


:)

ناصر الحميداني 10-01-2009 02:17 AM
رد: كفـــــــــــــــــاح مهندس ...
 
قصه رائعه وومشووقه

بس شكله مو بس صاحبنا كسلان

حتى انتي اميره كسلانه
يلا قوولي القصه بسررعه لاتعلقينا

يلا كل اللي بالمنتدى يقوول لاميره

كسلاااااااانه

تقبل احترامي

أميرة الإحساس 10-01-2009 01:26 PM
رد: كفـــــــــــــــــاح مهندس ...
 
خجل

الله يعافيج حبيبتي
يسعدني تواجدج :0015:

ناصر الحميداني

يوز عني ولا ترى ماني مكمله القصه a25
حياك الله أخوي كل يوم تعال

أميرة الإحساس 10-01-2009 02:28 PM
رد: كفـــــــــــــــــاح مهندس ...
 
بسم الله الرحمن الرحيم ..



نكمل ..



جا وقت التقديم الجديد حق التعليم العالي ..

راح محمد التعليم العالي ..

وقعد يجيك على التخصصات إلي نازله ..

مالقا فيها تخصصه الي يبه .. !! لحظة .. !

شفيهم مو منزلين التخصص ! ..

محمد :: لو سمحتي أختي تخصص MIS ليش مو موجود ؟؟ ..

::إي إحنا عندنا تعاون مع ديوان الخدمة المدنية .. إنهم يزودونا بالتخصصات النادرة إلي بالديرة ..
والي محتاجها سوق العمل في المستقبل ..

محمد :: إي بس MIS تخصص جديد وسوق العمل يحتاجه في المستقبل ؟ ..

:: بس وايد إحنا دزينا من هل تخصص .. فعشان جذي هل مره ما نزلنا ..

محمد :: وليين شهالوهقة ! وينما أطقها عوجه ! ..


راح سأل ربع إلي يدرسون في امريكا عن التخصصات إلي كان ومنزلينها .. يمكن يغير رايه !..

محمد :: تعال بغيت أسئلك عن جم تخصص منزلينهم التعليم العالي ..

:: تبيني أريحك .. كل إلي موجوود حجي فاضي .. اختار أي تخصص وقدم عليه ..
وإنرحت أمريكا تقدر تحول على كيفك ! ..

محمد :: لا والله ! ليش الحياة سهلة جذي !! وانا معقد نفسي وحالتي حاله ..

راح محمد قدم على تخصص (طبعا مختاره بس جذي , الهدف إنه بروح هناك ويحول) !

.. مرت الأيام وطلع القبول .. طبعا مثل كل مره يوصي أحد يجيك له .. مايحب يشوف بنفسه ..
عشان الصدمة ! ..

محمد :: ها بشر ؟ ..

::لحظه قاعد اجيك .. اقول ..مبروك إنقبلت ! ..

محمد :: أي شي صج !

:: شفييك والله إنقبلت !!! ..

طار من الوناسه .. طبعا ماكو فايده التوسوس ماكله لازم يشوف بعينه ! ..

يقول قمت خذيت السيارة وطرت التعليم العالي .. يوم شفت اسمي قلت الحمد الله رب العالمين ..

إلي كنت ابيه وصار .. راح يبشر أهله في القبول ..

ستانس و بالخبر .. وبنفس الوقت كانو مترديدين بسالفة التحويل وهل مضمون هل الشي .. !

.. النتيجة طبعا طلعت بنص الكورس الثاني ..شسوى صاحبنا جان يسحب عل الدوام ! .. وياخذ هم Fa بموادة (تمهيدي طبعا) .. !

الحين ربعه سابقينه بجم كورس ..؟؟ (أثنين) يعني سنه كامله .. ! ..


في التعليم العالي ..

محمد :: أختي إلي انقبلو في البعثات شنو المطلوب منهم ؟ ..

:: شهادتك الأصليه .. أخذت التوفل ..

محمد :: لأ ..

:: عندك سنه كامله عشان تاخذ التوفل .. بلش من الحيين قدم حق الامتحان ..

محمد :: انزين شهادتي الأصلية بالجامعة ؟ ..

:: لازم تسحب أوراقك من الجامعة .. ماتقدر تكمل بالبعثة إلا وشهادتك الأصلية موجوده ..

رد البيت قعد إفكر .. الحين راح أسحب شهادتي .. يعني راح أطلع من الجامعة ..

وإن دروا أهلي بالموضوع .. حدهم ما راح يرضوون .. !

التوفل انا لحد الحين ما اخذته و ماكو شي مضمون ..

قعد جم يوم يفكر .. وبعدها قرر ..

محمد :: لو سمحتي اختي بغيت اسحب شهادتي الأصلية .. شنو المطلوب مني ؟ ..

:: مو مطلوب منك شي .. بس انت عارف إنه اذا سحبت شهادتك ..

يعني معناته انت مو طالب بجامعة لكويت ..

وحتى لو بترد مو مضمون إنك تنقبل مره ثانية ! ..

محمد :: إي ادري بهل شي بس شسوي انقبلت بالتعليم العالي

ومضطر إني اسحب شهادتي الأصلية عشان أكمل باجي أوراقي ..

و ياخذ شهادته الأصلية ويطير البيت ..

محمد :: الحين شراح اقول حق أهلي ! .. الحين يوم صار إلي ابيه قمت احاتي ! ..

إي صح لقيت خوش فكره ! ..



محمد :: يبه .. شرايك ودي أشتغل وانا ادرس .. ؟

منها اعيين نفسي على مصروفي.. ومنها اضيع وقتي بشي مفيد ! ..

أبو محمد :: ويين ودك تشتغل ؟ ..

محمد :: ابي مكان أقدراستفيد منه بعد التخرج ..

ابو محمد :: خلاص خلني اشوف لك وأعطيك خبر ..

بعد جم يوم .. دق عليه أبوه وقال له روح حق فلان .. انا كلمته عشان تشتغل في المكان لفلاني ..

محمد :: حلو خوش مكان ! .. جزاك الله خير يبه وعسا الله لايحرمنا منك ...

وبلش دوام بالصيف .. طبعا مايدرون اهله إنه ساحب أوراقه وطلع من الجامعة ! ..

راح المكان إلي يشتغل فيه وقالهم :: أبي اداوم صبح وعصر ! ..

قالوله :: انت مو بالجامعة ؟ ..

محمد :: امبله بس موقف قيدي لأني نقبلت بره ..

وقاعد يجابل التوفل ! .. و يبلش دوام صبح وعصر ..

إذا رد الصبح منالدوام عبالهم اهله إنه بالجامعة ..

فما حسو بالوضع .. وهذا إلي كان يبييه ..

وتستمر السالفة ليين الكورس الأول ..


خذا موعد حق امتحان التوفل في شهر 9 ..

مرت لأيام ودشينا بشهر 9 ..

وصاحبنا قاعد يدرس حق التوفل .. فجأه .. !

وهو قاعد يطالع التلفزيون ..

ولا الأخبار .. امريكا تتعرض لهجوم من قبل إرهبيين ..

طيارتين يدشون في مبنين التجارة العالمي ..

محمد :: أوخ شصار ! شنو هذا فلم ولا صج ..

يفرفر على باجي القنوات .. !!!

محمد :: اف ! إي والله صج ! ..

قامت يدق على صاحبه ..

:: الوو ..

محمد :: قاعد تشوف إلي صاير بتلفزيون !! ..

:: إي حدي منصدم ! ..

محمد ::حدا مو وقتا !!!! إنزيين شراح إصيير الحين ؟؟

:: مادري علمي علمك الله يستر .. !

ثاني يوم .. ولا يسمع خبر إنه الطلبه الكويتيين قاعدين يردوون من أمريكا ..

وفي مشاكل صايره معا الطلبه العرب كلهم ! ..

::تعال دريت ؟ ..

محمد :: شنو شسالفه ؟؟

:: شباب بأمريكا نفس الولايه إلي قاعد تفكر تروحلها .. مكسريين سيايرهم ..
وسمعت إنه الطلبه إلي ردوا ماراح يعطونهم فييز ..
ولي يبي يطلع فيزا جديده مراح يقدر الحيين راح تصير صعبه علييه ! ..

محمد :: ولييين ليش حظي انا جذي..
ماصارت الضربه إلا يوم قررت إني اروح امريكا !!

للقصة بقية >>

ناصر الحميداني 10-01-2009 02:41 PM
رد: كفـــــــــــــــــاح مهندس ...
 
تمتعنا بالقصه المشووقه

والمسكيين حظها عوووج ماعنده حظ

اختي اميره مشكووره على الجهد الرائع

عبدالله آل عامر 10-01-2009 04:55 PM
رد: كفـــــــــــــــــاح مهندس ...
 
وما زلت متابع إلى الآخر...
:
إلى الأمام أختي امير الاحساس
:
1bh1

القرناسة 11-01-2009 02:26 AM
رد: كفـــــــــــــــــاح مهندس ...
 
والله كسر خاطري

هذا الطرق عنده كلها تؤدي الى باب مسكر


وبعدين .. شصار ..؟

أميرة الإحساس 11-01-2009 11:27 PM
رد: كفـــــــــــــــــاح مهندس ...
 
ناصر الحميداني

عبدالله العامر

قرناسة

شاكرة لكم تواجدكم ومتابعتكم :21t:..

أميرة الإحساس 11-01-2009 11:28 PM
رد: كفـــــــــــــــــاح مهندس ...
 
بسم الله الرحمن الرحيم



نكمل قصتنا


شهالحظ .. ليش جذي قاعد يصير !! ..

قعد ضايق خلقه مايدري يقدم امتحان التوفل ولا لأ ..

مر جم يوم وناطر الأوضاع تهدى .. بس ماكو فايده .. كل يوم الوضع يزيد ..

ومبين إنه السالفة مطولة ! محتار ما يدري شسوي !

جامعة الكويت سحب اوراقه منها .. والحين الضربة إلي صارت بأمريكا ما يدري راح تهدي الأوضاع بعدين او لأ ! ..

و قبل لا ينام بليل .. قام توضى .. وبدا يستخير ..

يارب .. يارب .. اللهم إنك تعلم ولا أعلم وتقدر ولا أقدر وأنت علام الغيوب ..
يارب إن كنت تعلم ان دراستي في أمريكا خير لي في ديني ودنياي ..
و عاقبة امري عاجله وآجله فقدره لي ويسره لي .. وإن كنت تعلم إنه دراستي
في أمريكا شر لي في ديني ودنياي عاقبة أمري عاجله وآجله ..
فصرفه عني وصرفني عنه .. وقدر يارب الخير ليحيث شئت ورضيني به ..

ما جاه وقتها النوم بليل .. كان قاعد يحاتي .. ثاني يوم ..

محمد:: الو ..

:: هلا .. درييت !؟..

محمد :: شصاير بعد ..

:: صاحبنا فلان إلي بمريكا ... رد الديرة حولوه على جامعة لكويت ..

يقولون فييزتا منتهيه ومو قادر يطلع فييزا عشان الاوضاع إلي صارت ..

محمد :: يا الله صباح خير ! .. هذي سالفة داق علي من الصبح تقولي إياها ! ..

:: إيما كنت أدري أهوا توا دق علي وقالي بشوفكم ! ..

محمد :: إنزين إنزين .. ! متى واعدته ؟ ..

:: بنتغدى جمييع انشاالله ..

محمد :: OK


على الغدا ..

محمد :: حمدالله عالسلامة ! ..

:: خطاكم السو !

محمد :: شكلا ربعك إلي فجرو بالبرجين ! ..

:: إيي شدراك ! ..

محمد :: جني شفت صورتك وياهم ..

:: هههههه .. يامعود إسكت حدي ضايق خلقي ..

محمد :: يامعود مو بس إنت ! انا أكثر منك أنا شهادتي كلها سحبتها من الجامعة !

يعني إذا مارحت البعثة راح اروح فيها ! ..

:: من صجك !! شكو.. ! وليش .. !

محمد :: طلبو مني التعليم العالي الشهادة الأصليه ولازم أعطيهم إياه ! ..

:: ترى بقولك شي .. بس مو يضيق خلقك ..

محمد :: الله يستر ! .. شنو ؟

:: إحتمال ماكو روحة حق امريكا خلاص ! ..

محمد :: اي شي ! ..

:: الوضع كلش متأزم .. واحتمال حتى فييزا مايعطوني ! ..

محمد :: شبتسوي ! ..

:: إحتمال احول عل البحرين جامعة الخليج أو الإمارات ..

محمد :: وموادك راح يعادلونها ؟؟

:: إي احتمال جم ماده ! ..

محمد :: إنزين واحد بحالتي شسوي ..

:: خلك بجامعة لكويت احسن لك ! ..

محمد :: شلون ! انا ساحب أوراقي !! .. لازم أقدم مره ثانية يعني ! ..

جني طالب جديد .. وإحتمال ما أنقبل ! ..

:: مالك إلا هل شي ..

وتمر لأيام وخلص الكورس الأول ..

ربعه طايفينه الحين بثلاث كورسات ؟ ( يعني سنة ونص صار) ! ..

في عمادة القبول ..

محمد :: أقول لوسمحتي .. بغيت استفسر عن شغله ..

:: إي تفضل ..

محمد :: انا كنت طالب في كلية الهندسة دفعة (...) وسحبت اوراقي
وصارت الأوضاع إلي انتي شايفتها .. والحين في مجال إني ارد قيدي مره ثانية ؟ ..

:: شوف خلني اكون صريحة وياك .. الحالات هذي نادر ما تصير ..
وعادتاً يدخلونها لجنه .. واللجنه هي تقرر إذا تقبلك مره ثانية أو لأ ! ..
انت خلصت مواد ؟

محمد :: لأ .. لحد الحين تمهيدي ..

:: سنه ونص ولحد الحين تمهيدي ! هممم .. مادري بس حالتك راح تكون صعبه شوي ..
قدم أوراقك وخلنا نشوف ..

(ما يدري صاحبنا شنو القدر كاتب له(
) انت تريد وأنا اريد والله يفعل مايريد) ..

للقصة بقية >>

عبدالله آل عامر 11-01-2009 11:34 PM
رد: كفـــــــــــــــــاح مهندس ...
 
الله يعينه :(
:
صراحة القصة صارت تشوّق وننتظر وش صار له؟
:
أقول اميرة كم باقي مرة راح تكتبين وللقصة بقية>>>؟ D:

أميرة الإحساس 11-01-2009 11:44 PM
رد: كفـــــــــــــــــاح مهندس ...
 
لين يتخرج إنشالله :p ..

وإذا تبي نكمل بعد ماتخرج مو مشكلة a13 ..

القرناسة 12-01-2009 12:06 AM
رد: كفـــــــــــــــــاح مهندس ...
 
ناطرين البقيه

:21t:

عبدالله آل عامر 12-01-2009 12:31 AM
رد: كفـــــــــــــــــاح مهندس ...
 
الظاهر إنه بيموت ما تخرّج :p

m!ss-83 12-01-2009 10:13 PM
رد: كفـــــــــــــــــاح مهندس ...
 
خخخخخخخخخخ

علقتيهم عدل D:

توني أفضى أقراه . .

بدق عليج و كملي لي القصه <<< أحرهم a25

يعطيج العافيه 1bh1

كملي ..:a37:

أميرة الإحساس 13-01-2009 11:49 PM
رد: كفـــــــــــــــــاح مهندس ...
 
بسم الله الرحمن الرحيم



نكمل الحتوته ..


تفضلي .. هذي أوراقي .. كل شي داخل هل ملف مع شهادتي الأصلية ..

:: خلاص انشاالله ملفك راح يدش اللجنة .. وبعدها راح تبين الأمور ..

محمد :: مشكورة إختي .. الله يسهل انشاالله ..

رد البيت وما يدري يقول حق اهله إلي صار .. عشان حتى لو مانقبل ماينصدمووون ..

ولا ينطر ليمن تطلع النتيجة ..

محمد :: همممم .. اقول يمه ..

:: هلا حبيبي ..

محمد :: شرايج احول كليه ثانيه ؟ ..

:: ليش يمه ! ..

محمد :: مادري ماني مرتاح بالكليه إلي انا فيها .. احس نفسي مو بالهندسة ..

وبعدين صعبه وايد !! .. وماني قادر اتحمل ! ..

:: يا وليدي هذي بداية طريجك ومستقبلك .. إذا من الحين بالتهرب
ومنت قادر تستحمل شبتسوي بعدين ؟ شد حيلك وراك درب طويل
ولازم تصبر فيه و إلي تخرجو منها مو أحسن منك ..

قعد يفكر .. انا لحد الحين ماقتلها إني ساحب اوراقي وجذي ..

شراح تقولي إذا قتلها إني ساحب اوراقي ! ..

جان يهون ويبلع العافية (ماقالها) ..

مابقى شي ويبلش الكورس الثاني ..

محمد :: ها سجلتو مواد حق الكورس الثاني ..

:: إيي سجلنا مواد تخصص .. الحمد لله خلصنا مواد العلوم..

محمد :: ماشاالله متى مداكم ! ..

:: من صجك حار بحار نبي نخلص يا معود ونتخرج .. !

محمد :: إيه الله يوفقكم ..

:: وانت شصار عليك .. سمعنا من افلان .. انك هونت عن امريكا ؟ صج هل حجي ؟ ..

محمد :: إيه .. يقولون الأوضاع مو مستقره .. اغلب الطلبه قاعدين يردون ..

:: انزين وشبتسوي الحين ؟ ..

محمد :: هممم .. الحين .. مادري ..

:: شلون ماتدري ! .. شفيك جذي صرت .. مالك خلق شي ! ..
مشاالله عليك كنت اتحمسنا دايم .. وكنت شاطر بالثانوي ! .. شلي غيرك ! ..

محمد :: مو عن بس كل واحد له ظروفه الخاصة ! ..

:: الله يعينك ..ياالله انا استأذن ..

اول مره يحس نفسه ماكو هدف ..

كان ضايع رسمي .. !

ثاني يوم .. في كلية الهنسة ..

محمد :: ها بشري ؟ طلعت النتيجة ؟ ..

:: لا لحد الحين مابين شي .. بس لاتحاتي انشاالله امورك تمشي .. في واحد غيرك
بعد نفس حالتك .. وانتو لثنين ملفاتكم راح تدخل لجنة وحده ..
اول ماتطلع النتيجة راح انبلغكم بالموضوع ..

بعد يومين ..

:: الو محمد ..

محمد :: إي نعم .. منو معاي ..

:: معاك عمادة القبول في كلية الهندسة ..

نقز من الفراش !! .. إيي تفضلي ..

:: ممكن تجيي عندنا الكلية ..

محمد :: ليش طلعت النتيجة ؟؟

:: إيي بس يا رييت تتفضل عندنا ..

طار للكلية على طول !! ..

قاعد بره المكتب ينطر .. سمع صوت حس جمبه ..

:: تصدقين في اثنين دشو اللجنة .. بس مسكيين في واحد مانقبل !! ..

:: إيي فقير سمعت عنه .. الله يعينه .. !

قال بس خلاص هذا اكيد آنا ما نقبلت !! ..

:: يا محمد حياك تفضل ..


داخل اللجنه ..

:: ها شكلك مرتبك ..

محمد :: إي والله قاعد احاتي النتيجة ! ..

:: وشنو متوقع ؟ ..

محمد :: صراحة متوقع إني ماأنقبل ! ..

:: انته تدري انه في اثنين دشو اللجنة عدل .. اهما شافو حالتكم ودرسوها ..
لقو انه حالتك ممكن انه تكمل بالهندسه .. والي وياك رفضو حالته ! ..

محمد :: يعني إنقبلت !! ..

:: إيه مبروك..

محمد :: الله يبشرك بالخيييير !! كنت حدي قاعد احاتي وشنو بقوول حق اهلي ! ..

:: إيي ياالله عاد شد حييلك .. هذي فرصة لك الحين .. لازم اتعوض إلي فات منك ..

محمد :: الوو ..

:: ها بشر !! ..

محمد :: هياااا انقبلت مره ثانية !! ..

:: لا والله مبرووووووووك ..

محمد :: الله يبارك فيك ..

:: ياالله قولي شراح تاخذ مواد الكورس الجاي عشان اساعدك بالجدول ؟ ..

محمد :: شنو نسيت إني مو مخلص تمهيدي !!

:: لا والله ! شلوون متى بتخرج عيل ! .. تدري انه الهندسه تعطيك سنة وحدة
استثنائية ! ويمكن كورس زياده ! وانت الحين طاف علييك سنة ونص
! والكورس الثاني هم تمهيدي يعني ! سنتين !! ..

محمد :: لاتقعد اتحبطني ترا مو ناقص .. خلنيا حسبها عدل وبعدين اصيير خيير ! ..

رد البيت وقعد يحسب المواد إلي لازم يخلصها وشاف جم وحده كل كورس لازم يآخذ عشان يتخرج ..

بعد جم يوم ..

محمد :: تعال ماقتلك سويتلي خطة حق التخرج ! ..

:: صج زيين ! متى اتخرج ؟ ...

محمد :: على حسبتي انشاالله كاس العالم الجاي انا متخرج ! ..

:: اي كاس عالم 2010 ! ..

محمد :: لأ 2006 ! ..

:: انت من صجك ! يمدييك ! ..

محمد :: انشاالله .. على حسبتي لازم آخذ 15 وحدة كل كورس ولازم ما اطوف ولاصيفي ..
وكل صيفي لازم آخذ مادتين ! .. وفي صيفي راح آخذ ثلاث مواد ! .. ولازم ما اسقط ابو لا ماده ! ..

:: مادري آينشتاين قاعد يحاجيني ؟ ..

محمد :: لأ محمد الفلاني ..

:: صدقني راح تنضغط ! ..

محمد :: ادري بس شسوي لازم اسوي جذي عشان اتخرج واللحق عليكم
يصير سنة متأخر عنكم ! ..

:: وتدري انه مواد الهندسة يقولون مو سهله ! ...

محمد :: بسوي إلي علي والباجي على الله ..

اول كورس ..الحمدالله نجح بالأنجليزي والرياضيات ..وبعدها دشينا بالصيفي ..

ودش بمواد العلوم .. فيزيا 1 كالكلس a

كان مستوعب الوضع في البداية ..

ليين جاء اول امتحان له في مواد العلوم !


(( عند الامتحان يكرم المرء او يهان ))


للقصة بقية :) >>

أميرة الإحساس 14-01-2009 11:58 PM
رد: كفـــــــــــــــــاح مهندس ...
 
نكمل ..




(اللهم لا سهل إلا ماجعلته سهلا وانت تجعل الحزن إذا شئت سهلا) ...



بسم الله .. أول سؤال .. هممم .. شهالسؤال .. شكله معقد ! أخلي حق آخر شي



احسن لا اضيع فيه وقت .. السؤال الثاني .. همممم .. لحظة جنها ماره علي



هالمسئلة .. لأ غير مو نفسها .. فيها ترك هذي يبيلي افكر فيها عدل .. اكملها بعدين



.. السؤال الثالث .. القانون ناسيه .. اكمل السؤال إلي بعدا وإذا تذكرت القانون اردلها



مره ثانية ! .. السؤال الرابع .. الخامس .. السادس ... لي آخر لمتحان مو حال إلا



مسئلة وحدة ومو ضامنها بعد ! ..



:: بائي من الوئت خمس دئايئ ! خلصو إلي في إديكو .. لأني حسحب الأوراء ! ..



وليين !! انا ماحلييت شي شلوون الحيين !! .. دكتور عطنا خمس دقايق زياده ! ..



:: مافيش ! انا ؤلت خمس دئايئ .. يعني خمس دئايئ .. إلي مش حيسلم .. ياخد وارئتو معاه البيييت !! ..



شاالله حادني وماخذ عند هل دكتور ! .. تدري شلوون .. ماكو إلى سياسة التشيير !! دام فييه اختيارات ..



:: إديني ورئتك ..



محمد :: تفضل ..



بعد الامتحان ..



:: ها بشر شسوييت بالامتحان ..



محمد :: اسكت لاتسئلني ! حدي زفت ! ..



:: من صجك !



محمد :: شنو من صجي..! ماشفت الأسئلة كل واحد اصعب من الثاني ! أول مره اشوف امتحان فيزيا جذي ! .. شكلك كنت نايم بالأمتحان ! ..



:: لا ماكنت نايم صح كلامك لأسئلة كانت صعبة .. بس يعني كلش ماحلييت شي؟ ..



محمد :: بلى .. مسألة وحده ! ..



:: بس مسألة وحده !! ..



محمد :: إيي .. ونص مسأله حاط فيها القانون بس ! .. الله يستر ..



:: شنو مادرست عدل ؟ ..



محمد :: لأ كانت دراستي عادية ..



:: غلطان ترى الفيزيا بالذات يبيلها حل مسائل .. وكثر ماتحل مسائل .. كثر ماتفهم شلون الأسئلة تجي ..



محمد :: ماشاالله عليك ! توك تقولي ..



:: مادري عبالي تدري ! ..



بعد جم يوم طلعت النتيجة .. محمد الفلاني ؟ .. نعم .. خد .. اف !! 5/24 ! شل درجة !!


(اول مره يشوف درجته جذي .. العاده متعود ايام الثانوي درجاته كلها عالية) ..



هذي اولها ! ..



:: جم خذت ..



محمد :: مو ضروري تعرف .. حدي مزفت ! .. أنت جم خذت ..



:: الله يعينك .. 19/24 ..



محمد :: يالله زيين مشاالله ..



:: إيي الحمد اهم شي إني فوق الآفرج ..



مر جم يوم .. وخذا امتحان ال كالكلس ( كالكلس = رياضيات ) ..



وماكانت احسن من الفيزيا .. وتستمر لأيام وندخل بمتحانات السكند مد تيرم ..



نفس الحاله .. ماقدم زيين فيهم .. ليين وصلنا حق الفاينل ..



محمد :: تعرف حلهل مسئلة ؟ ..



:: إيي تعال عندي ال آيدل سليوشن .. حق كل مسائل الكتاب .. كاهي شوفها ..



محمد :: والله زيين أقدر اصورا منك ..



:: إيي افا عليك إخذا ..



ويبلش يدرس حق الفاينل ..



محمد :: الوو .. اهلييين !!



:: انت ويين غاط ! ..



محمد :: اسكت حدي مبطووط ! ..



:: حسييت بصعوبة الهندسة !! .. قايلك شلك فيها .. لو رايح علوم اداريه ابرك لك ! ..



محمد :: المشكلة على كثر ماتدرس ماكو نتيجة !! .. تخيل باجر امتحاني الفيزيا ! وأحس مو دارس عدل ! شكلي بسقط ! ..



:: يا أخي انت الله يهداك إلي يبت حق نفسك .. حول احسلك !! .. اخذ مواد الكورس الأول علوم ادارية .. جيب معدل فووق 2.33 وبعدين حول الكورس إلي بعده ! ..



محمد :: انت تدري إني متأخر سنتيين !! .. ويين يمديني احول ! ..



:: مالك شغل يمدييك .. اخذ نصيحتي وسجل ! ..



بعد جم يوم .. خلصت امتحانات الفاينل ..



:: ترا باجر راح تنزل نتيجة الفيزيا ! ..



راح يشوف النتيجة ..



بسم الله .. اف F ! .. صكت فيني الدنيا وقتها ..



محمد :: الو يمه .. ترا سقطت بالفيزيا ! ..



:: وييي .. ليش ياوليدي ماكنت دارس عدل



محمد :: .. بلا .. بس قتلج يمه الهندسه صعبه .. وانا موقدها ! ..



:: بس انت يمه مخك نظيف وشاطر ..!



محمد :: يمه الثانوي غيير .. والجامعه غيير ! ..



:: مايخالف يمه .. قول الحمدالله علىكل حال .. وشد حيلك الكورس الجاي ..



ثاني يوم .. رحت اشووف نتيجة الكالكلس ..ولا D !!




للقصة بقية a13 ..

عبدالله آل عامر 15-01-2009 12:46 AM
رد: كفـــــــــــــــــاح مهندس ...
 
يا شين السقوط وطاريه شيناه :(
:
اميرة تراش مسختيها!! :p
:
ننتظر البقية

أميرة الإحساس 15-01-2009 12:48 AM
رد: كفـــــــــــــــــاح مهندس ...
 
:(

ماعادني مكمله ..

عبدالله آل عامر 15-01-2009 12:55 AM
رد: كفـــــــــــــــــاح مهندس ...
 
شدعوة؟؟ a25
:
ترى والله أمزح :a27:

أميرة الإحساس 15-01-2009 12:57 AM
رد: كفـــــــــــــــــاح مهندس ...
 
أدري ..

وأنا بعد أمزح a13 ..

بس ابي اطفرك زياده فوق القصة :p ..

القرناسة 15-01-2009 12:57 AM
رد: كفـــــــــــــــــاح مهندس ...
 
لوووووووووول عبدالله


شفيك على امووره والله ماتقصر ماعلقتناا واجد

بعض النااااااااااااااااااااااس علقونا صج ولا ندري شنونهاية قصتهم :(

كملي ولا يهمج ;)

أميرة الإحساس 15-01-2009 12:59 AM
رد: كفـــــــــــــــــاح مهندس ...
 
8
8

ولا يهمج لا خلصنا قصتنا مسكت قصة بعض الناس وكملتها تأليف a13 ..

عبدالله آل عامر 15-01-2009 01:01 AM
رد: كفـــــــــــــــــاح مهندس ...
 
ماني ناقص :p
:
وقرناسة صادقة أنتي على الأقل مستمرة ولو إن القصة شكلها طويلة :)

أميرة الإحساس 16-01-2009 06:18 PM
رد: كفـــــــــــــــــاح مهندس ...
 
عبدالله & قرناسه ..

شاكرة لكم تفاعلكم مع القصة ..

جد متابعتكم هي الي قاعده تشجعني اني اكمل القصة ..


:)

أميرة الإحساس 16-01-2009 06:20 PM
رد: كفـــــــــــــــــاح مهندس ...
 
بسم الله الرحمن الرحيم



نكمل



:: شهالدرجات ! .. ليش جذي !! .. وين إلي بيدرس وشدحيله ! ..


هذي هندسة مو لعب يا ولدي ! .. شووف ربعك ويين وصولو ! ..


وشووف انت ويين وصلت ! .. باجر كلهم بيتخرجون ويشتغلوون ..


وانت لحد الحيين مجابل كتبك ! ..



<DIV align=center>محمد :: يبه<B><FONT color=#99cc00> ..


الوقت في المنتدى حسب توقيت جرينتش +3 الساعة الآن 05:12 PM .
الصفحة 1 من 2 1 2
عرض 40 مشاركات من هذا الموضوع لكل صفحة

مجالس العجمان الرسمي