تدري وش اصعب شي ممكن تعانيه؟=لاصرت single لكن همومك groub
وتدري وش اقسى شي ممكن تسويه؟=انك تماشي لك بشر وانت مغصـوب
وتدري من اللي غارق ٍ في بلاويـه؟=اللي يحس انه نقـيّ مالـه عيـوب

يوم صارت ساعـــة الفرقا على مثلي عجوله =اغتنمت من الدقـــــايق لحظتينٍ كلها لك
قول كل اللي تقول وطـــول كل اللي تطوله =بس انا طالبك طلبه خلني دايــــم ببالك
وكل هرجٍ مايسر القلب تـكفى لاتقوله =انت في عيني وحيد وانت في قلبي لحالك
لاتعلم بالغلا والحب مايمرح عذوله =اذكر اني قـد عطيتك كلمتين وقلتها لك
القصيد ان مانحنى لك يستوي عرضه وطوله =والقوافي والجروح ودمـــعة اللقيا حلالك

المشاركة الأصلية كتبت بواسطة الغروب (المشاركة 1047930) ‏قضى ليل الهوى طلابه متصفح عامر بالاحاسيس الطيبة سعدنا بمسماه وسوف نستمتع بما يحويه محتواه اتمنى لك التوفيق .

ياوطناّ .. كان شبّ الحرب واشعل نـاره=والله إنّ ارواحنا فـي خدمتـك مرهونـه
كان شبّ البرّ والاّ الجـوّ جابـه غـاره=دونك ارواح الرجـال وسنّتـك مسنونـه
إيه يالموت الحَمَر .. قرّب بدون ستـاره=ماشحنّا باللقاء .. طعـم الهـلاك ولونـه
وش نبي بارواحنا والموت يضرب طاره=مرحبا بالموت من دون الحـرم وركونـه
اطهر ارض الكون تكرم عن خراب الفاره=كان جت متـسلله .. وافكارهـا مدفونـه
اركدي يا اهل نوايـا الخبـث يالغـداره=اركـدي يالشرْذمَـه وبحرّتـك مغبونـه
ياسلاتيـح اليمـن يالخـمّـه الـهـذاره=رايكـم ماتملكونـه والخبَـر توحـونـه
تحسبون الحرب هيّن مثـل فلـم الحـاره=ماحسبتوا غيض قـوم ٍ موتهـم يردونـه
حقكم ماهوب حـرب ولا تعََـب طيّـاره=حقكـم جلـد الظهـور وقدركـم تلقونـه
والوطن شامخ لو إنّ الحرب ولّـع نـاره=والله إن ارواحنا فـي خدمتـه مرهونـه

المشاركة الأصلية كتبت بواسطة انا منك (المشاركة 1047952) لك مني تحيه عذبه مثل مشاعرك تقبلي مروري

[ قضا ليل الهوى طلابه ] ..

أنا على يقين بـ / أني سأجد [ نفسي ] هنا ..! :)

شكراً بـ [ حجم السماء ] على هذا المتصفح

متابع ـتي ، وتقديري :a36:

المشاركة الأصلية كتبت بواسطة خالد وبس (المشاركة 1047970) قضى ليل الهوى متصفح جميل .. واتوقع كل ما هو جميل اتشرف بالمتابعه ، بـ اعجاب ! تحياتي لك :a36:

المشاركة الأصلية كتبت بواسطة لقاء السحاب (المشاركة 1048008) تسلم الايادي اخى يعطيك الفيييييييين عافيه لاعدمنا طلتك المميزه

المشاركة الأصلية كتبت بواسطة نيَـة فراق ..! (المشاركة 1048040) [ قضا ليل الهوى طلابه ] .. أنا على يقين بـ / أني سأجد [ نفسي ] هنا ..! :) شكراً بـ [ حجم السماء ] على هذا المتصفح متابع ـتي ، وتقديري :a36:

الجرح ماهو خاطر شوي ويروق=الجرح حتى لو تشافى يعلّلك
واذاك متحمس متاهات وطروق=أنا تعبت أشد حيلي وأحاولك
سماي ماشي شمس ورعود وبروق=والريح ماهبّت ولا يجري الفلك
والقلب ناشف بحر .. وشقوقه شقوق=وشلون بيكوّد سحاب ويبلّلك
][ ياظامي أنا أظما .. ومتشبع حروق=واذاك ظامي للمواصل أنا هلك ][
هلك .. ووقف في وجهي الأصل والذوق=والمجتمع والعرف والفقر وأهلك
متعومس .. وحزن النبلاء مرموق=يعني لو أحتاج لك ماجيت أسألك
اللي علي أشكي .. وأعاتبك برفوق=وأقولك ودي ماعاد أتأملك
من دورة الأيام ياخوك مخنوق=الوقت مشاني من السلك للسلك
أزل خطوه بس ما أزل منطوق=ولو صارت أبا أحب خشمك وأجاملك
يبقى البني آدم مجرد ومخلوق=ملك .. ولكن في الحقيقه بلا ملك
والناس عوق الناس .. والدرب مسبوق=تتعب على أشيا فـ الآخر ماهي بألك
كذاب قايل : كل مطرود ملحوق=سنين وأنا أطردك وأزريت لا أوصلك
كنّك تطيش وكني أدور في طوق=كل ماوصلت آخرك يطلع لي أولك
ياليت ما في خاطري شوق وفروق=ما كان حسيت ان أنا بس منك الك
الشوق ماهو رعشه وقبضة عروق=وماهو اللي من شينك فـ عينك يجمّلك
وماهو شعور يخالج الروح برفوق=ولا هو سحر ولا أدري والله شاقول الك
كنّه سحابة حلم وتطير بك فوق=وتطير .. ولا ودّك انها تنزلك
الشوق هذا .. والا أنا شوقي البوق=ماقد حصل في شوق هذي ولا تلك
][ تدري وش أسوّي الى أضناني الشوق=أسوي بعيوني كذا وأتخيّلك ][
وأقربّك واتوق .. واتوق .. واتوق=وأكثّرك وأحلف ما عاد أقلّلك
وأصوّرك في الموق .. وتكبر على الموق=وتطيح مع دمعي على ايدي وأقبّلك
هذا غلاي اللي مع الدم مدقوق=ولا عاد تسأل عن شعوري بزعّلك
محبة ماهيب من طارف السوق=لو انك توكل .. كان والله لا آكلك
جيتك حقوق ورحت ماعندي حقوق=وان قلت ما أحبك أبجحد مواصلك
أحبك ؟ ألا يابري حالي وعوق=من كثر ماحبك أخاف اني أقتلك

الا ياوجودي كيف ابصبر على فرقاه=تولعت به ولاعة البزر في جده

انا ليا مني تضايقـت واحزنـت=من ضيقتي تحزن لحزني جماعـه
لذا أكابر لأنـي ادركـت وايقنـت=اني حريـق وخايفيـن اندلاعـه

آه كيف الدمع يرقا العيون وينزوي =ماقويت اخفي مواريه وازريت اسبله
مابقا لي صوت والصدر ضيقات بدوي=كل ماهامت يمينه زمانه يخذله
يطوي سنينه ورا اللال والبيدا طوي=لين صارت خطوة القاع ذل ومهزله
ومن غدا مقبل حياته وموته مستوي =مافرق في وسط عينه رضاه من زعله

المشاركة الأصلية كتبت بواسطة لبيك (المشاركة 1048337) الله الله ابداع اختي قضى ليل الهوا طلابه سجليني من متابعين صفحتك المميزه :)

اشتاق لك .. والشوق من زود في زود=شوقٍ تعدّا شوق ابـو دبـاس لدبـاس
وفكري وقلبي يـا بعـد قلبـي شهـود=اني بحبك .. غاديٍ (كتلـة احسـاس)
واني قبل عرفك وانا سهـود ومهـود=القلـب متحجّـر .. والاريـاق يبـاس

تقول وشلون حالك وانت مشقيها=لاتنشد ان كان مافي القلب ماويّه
حالي مثل مانت شايف وش تبي فيها=الله عليمٍ عن احوالي ومافيّه

اطلق سراح الرضا وانعم بلذاته=مافي الزعل خير لاتزعل وتزعلني
الحب لاتشتقي وتعد غلطاته=اذكر جميل الغلا واقنع وكملني
القلب لك بالغلا خضرٍ مساحاته=ترعى النوامي ولا بالبال تشغلني
راعي الهوى مايدور غير مشهاته=اعدل معك بالمحبه وانت تظلمني
لاتاخذ الهاجس الخايب بنياته=حاول تخالف شكوك النفس وافهمني
لاتحرق القلب يالغالي بحسرااته=ان كان يرضيك زود الشوق فامهلني
حبي خفايا الحراير من معاناته=ياليتك بهم حبي لك تقاسمني
وان كان شككت في قلبي وغاياته=عندك قضاة الهوى والحب ،، حاكمني

هذا الزمان اللي فلت بعصابه=يزعل عليّه لاطلبته شفيّ
ٍحسبي عليهم عالمٍ نصابه=تدري بحاجة خاطري وتقفيّ

من عذابك انخلق فيني عذابي=مابقالي واستوى غير العذاب
دون بابك حظي المقفي غدابي=ياعذابي لو يطول ابك الغياب

يكفيني ألقاك لامني دخلـت الركـن=شعور ماينوصف وإحساس ماله مثيل

الوداع اللي بعلم العين اعبر من رمدها=والوداع اللي بلا علم لقفص صدري غبينه
والوداع اللي (بلا رجعه) عليّ امر وادهى=والله انه غرغرة سم وسكاكينٍ سنينه

وكنا ليا منا سمعنا ( عبادي )=( تدرين وادري بنفترق ) تنفعل انت

وحدي ولا عندي اللي يفهم أحوالـي=وحدي وأدوّر لنفسـي مـن يسلّيهـا
أستغرب الوقت واسال عن دفا آمالي=والوحده الموجعه من حـظ راعيهـا
وين البشر والشعور اللـي تهيّالـي=وين الحياه الجميله ويـن أهاليهـا ؟
أصحاب ممشاي في حلّي وترحالـي=غابو ورجلي تدوّر مـن يخاويهـا !
وحيـد عـزّاه لعيونـي وعـزّالـي=ودّي بحاجه تمـرّ أبلتفـت فيهـا !
ما أشوف غير الهوى والدمع وظلالي=وجروحي اللي تحاكينـي وأحاكيهـا
هذي السما خاليه , هذا البلد خالـي=صوتي بحاجة بشـر يبغـا يناديهـا
يا ليتنـي بيـن عدوانـي وعذاّلـي=الغربه أرحم من العزلـه وطاريهـا

مرات احس أني من الضيق مخنووق=ومرات أحس اني مضيَق على الضيق

واااعيني اللي تهـل الدمـع وتصبّـه=على فراق ٍ سرق فرحـة تباشيـري
تقول سامح زمانـك والحـزن خبّـه =واقول منهو يعوضنـي مخاسيـري ؟
وشلون اسامح زماني واللـي آحبّـه=خذاه غيري وانا اولى فيه من غيري

عيونك آخر امالي ,, وليلي اطول من اليم=كيف القى كلامٍ عذب ،، يوصف دافي احساسي
عشقتك قبل ماشوفك ،، وشفتك صرت كلي حلم=ابي رمشك يغطيني ,, وابيك اقرب من انفاسي

مشتاق=مشتاق انا لصوته
مشتاق=مشتاق انا اشوفه
واحشني كل شي فيه=واحشني كل شي فيه

يادنيا وين اللي غدى لروحي رفيق=اللي احبه واعشقه واوله عليه
اللي بوجوده عمري مازعل واضيق=اللي ابيع الكون لاجله واشتريه

مشتاق=انا مشتاق

الروح في شوفك عليك اليوم ولهانه=والقلب يفرح فيك الى من شافتك عيني
القلب لعيون الغلا وعيون خلانه=بنسى الزعل كله ولو بعدك معنيني

اشوفك مثل ماشوف النجوم وبعدكم واحد=اناظركم ولالي شرهةٍ في القرب ياخلي
يسافرلك نظر عيني ويرجع لي النظر زاهد=واقول اما يجي ياعين والا رحت له كلي