|
الشاعر البركان الثاير .. تفضل ولاتهون
الاخ الشاعر البركان الثاير اسعد الله اوقاتك بكل خير .. واسعد الله اوقات الجميع بكل خير ودنا ناخذ معك شوط قصير طال عمرك .. قبل مانغيب عنكم فترة قصيرة ان شا الله استلم طال عمرك
الوضع مزري وظن الوضع متدهور = وما الوم انا صاحبي البركان لاثور وحسبي على اللي يخلي دمك يفور = والراس مرفوووع والرايات مرفوووعه
سلام الله على البركان لاثور على الشعار = ليا منه حظر في الملعبه تاقف جماهيره تحياتي لكموليا منه نواهم حطهم مابين غار ونار = عسى الله يكفي بشره عسى الله ياتي بخيره |
يا سلام يا ابن محسن على ذا الطاروق انا بصفك من ذا الحين طال عمرك
|
صح لسانك يا فهد بن محسن على ذا الابيات الجزلة وانا متابع لك طال عمرك ولا يهون البركان الثائر.
|
هلا بك وحياك الله لا هنت واستلم
الوضع طيّب وكل الناس مخبوره=واللاش يا صاحبي ما يعتبر شوره لكن يبغي علي سطح القمر دوره=والراس مرفوع والرايات مرفوعه هلا يا مرحبا البركان توّه يا فهد ما ثار=هلا بالشاعر اللي تعجب السامع تعابيره عداك اللوم يا الطيّب وربعك يكرمون الجار=وحقك ما غدي له يا فهد لو حبّة أشعيره |
ابو جابر المري لا هنت
|
ابن عجيمه الضاعني
لا هنت |
مرحبا ومسهلا يالبركان استلم لاهنت
الناس راحت على ماقيل طرطاقي = ياجعل ربي يعوضني على الباقي ولا انت شاعر وشعرك دايمٍ راقي = والراس مرفوع والريات مرفوعه
عسى الله ينصر المسلم عسى الله يدحر الكفار= وكني شفت انا الشيطان يضرب في مزاميره تراك انته مهاجر ياولد وانا من الانصار = لزوم احشمك ..واقدرك.. يارجل في الديره تحياتي لكم |
الاخ \ ابو جابر المري
الاخ \ ابن عجيمه ضاعني الله لايهينكم على المتابعه ,, وتشكرون كل الشكر تحياتي لكم |
لا هنت يا فهد
راشد يقول الصبي وأن طاب من خاله=يا فهد هاذاك فنجالي وفنجاله والبحر موجه يبي يصفق علي جاله=والراس مرفوع والرايات مرفوعه
تهيّض يا فهد وأقرب من الدله وشب النار=وطيري لا طلع للصيد محد(ن) قاضب(ن) سيره ولو حنا تحالفنا ترانا نحكم الأشوار=تري الطيّب يقولون العرب يكرم مساييره |
الله لا يهينك يا فهد بن محسن
والله لا يهينك يا البركان الثاير وننتظر منكم المزيد |
الله لا يهينكم ياالربع وماقصرتوووووووووووو
|
ارحب يالبركان استلم لاهنت
النعم والله يحوزه خالك وجدك = ولاهوب انا اللي على الزلات اباحدك وياليت ردي يناسب فكرك وردك = والراس مرفوع والرايات مرفوعه
وقلي لو تكرم وش حصل يارجل ولا صار = تراها جاتكم وضحى ,, ورجعت عندنا منيره وانا ضد العميل اللي يحاول يكشف الاسرار = ولكن لا تطير ياولد حذرا من الطيره تحياتي لك |
يا سلام سجلوني متابع الله عليكم مبدعين
|
لا هنت يا فهد ومشكور وتشرفت باللعب معك نشوفك علي خير
النفس يا ذيب ماموره ومنهيه =مانيب من يجزي الحسنات بالسيه الله هو الله وحده يعلم النيه=والراس مرفوع والرايات مرفوعه
أنا بمشي يا بن محسن وبترك للهموم الدار=وبنصي واحد(ن)مانيب ناصي واحد(ن)غيره ولو غبنا ولو جينا ما والله تختلف الأفكار=علي الجوال أكلم ولد محسن طيّب السيره |
اعزاز لا هنت
|
الساهر لا هنت
|
الاخ البركان الثاير
الله لايهينك ,, ويطول عمرك ويرحم شايبك تسلم يالغالي ولاهنت وتشرفنا باللعب معك تحياتي لك |
هداج لا هنت
فهد لا هنت |
صح السانك يافهد وصح السان البركان
ولاهنتوا على هالابيات |
For Fahad Mohsen are you 201001
|
صح السانك يافهد وصح السان البركان
ولاهنتوا على هالابيات |
| الوقت في المنتدى حسب توقيت جرينتش +3 الساعة الآن 07:32 AM . |
مجالس العجمان الرسمي