جيت اسألك باللي عزيز(ن) جلاله = إلهنا نعم المثيب المحاسب
المجتهد في المدرسه كيف حاله = لو ينجح المهمل وهو قيل راسب
واللي من اجل الربح سلَم حلاله = وجات الخساره في محل المكاسب
واللي ل:ابوه ألطف بقيَة عياله = يبغي رضاه صار بدل الرضا .. سب
ياصاحبي خلك محل العداله = واحكم لخلق الله بحكم مناسب
مادام في السله تفيد الصقاله = من قبل يعدمها الصدا والرواسب

الله من هاجس ٍ قامت بروقـه تلـوح = في ليلـة ٍ ضيّقـت بالـي تفاكيرهـا
أسهر عيوني وجدّد مرمسات الجروح = من كثر ما استقبل الافكـار واديرهـا
والهم قامت دلاله في ضميري تفـوح = ليـن اجبرتنـي وعنّتنـي بتبهيـرهـا
والعبره اللي تجي بين الضلوع وتروح = من كثر ما اكنى وجعها بان تاثيرهـا

اشوفك ( متصل ) يابسمه ايامي وانا موجود=واكابر عنك .. واشوفك تسوي مثل ماسوي
عليك اللوم كبلّت المواصل والهوى بـ قيود=الين انهيت نسمات المحبّه .. واختلف جوّي