رد: [ شذى الجوري ]
العوض ولا القطيعه ..!
دايم يعوّضني خياله .. اذا غاب = وانشد عنه : وشلونه .. وكيف حاله؟ عاده على خبري ليا شافني .. ذاب = لا جيته لحالي وشفته لحاله خايف ومتوتر .. وعينه على الباب = مع اني اغلا ما ملك .. من حلاله والا لبس من ضيقة الصدر .. جلباب = واشتال من دنياه .. فوق احتماله مدري .. لكني حاسب لقلبه حساب = واقدّره .. ولا آتمنّى بداله فان غاب زوله .. والوصل ماله إعراب= يالله عساني .. ما انحرم من خياله! :0015: |
رد: [ شذى الجوري ]
حرب الافكار النادره
لـ عيونك ..!
بيني وبين اكثر الشعار .. حربٍ ضروس = الكل منا يبي له .. فكرةٍ نادره حجّمتهم بالقريحه .. والغلا .. والهجوس = والفضل لـ احساسك ولـ عيونك الخادره! :a36: |
رد: [ شذى الجوري ]
قلبي المفجوع ..!
ايوه كذا .. يا قلبي المفجوع = دوبه مشى دمّك بـ شريانك اتلى العهد .. قدام كم اسبوع = اقرا تفاصيلك .. وعنوانك متحطّم .. وضامر .. وميت جوع = وانا بعد ميت على شانك لو لا قِدرْك .. وحقّك المشروع = ما شالك احساسك .. ولا عانك! :a36: |
رد: [ شذى الجوري ]
طلّع آله حاسبه
واحسب ..!
هلا مليون × مليون × مليون × مليار = هلا باللي خذا .. اغلى حاجةٍ فيني .. وراح بها وجودك في حياتي اوكسجين .. ومويه .. وانوار = ولا يشبهْك فالدنيا شبيه .. الا سحاب ابها! :a36: |
رد: [ شذى الجوري ]
...
هدية يوم ميلاده .. ما كانت نفس ما حبّيت=على خده يسيل الدمع من بطشي وطغياني ..!
:0015: |
رد: [ شذى الجوري ]
....
العام كان الشوق في قمة الذوق = اشتاق لك .. حتى وانا جالسٍ معْك والحين لو تقول .. هو عاد به شوق = صدّيت .. ما كنّي اناظرْك .. واسمعْك اخاف اقول اني من البعد .. مخنوق = واذوّب احساسك .. وقلبك .. ومدمعْك! :0015: |
رد: [ شذى الجوري ]
../
عليك من قلبي .. سلام وتحيات = كبر السما .. والارض .. والبحر .. وإلخ حبك بقلبي .. له دروب ومسارات = ماهوب حب الأب .. والأم .. والأخ كنتي علي .. من سابع المستحيلات = وصرتي سوات الفخ .. ثم طحت بالفخ قطعت من شانك .. جميع العلاقات = واقول لا مرّت علي صورتك .. اخ! :a36: |
الوقت في المنتدى حسب توقيت جرينتش +3 الساعة الآن 05:31 AM . |
مجالس العجمان الرسمي