اليوم ميلاد الفراق الي مضى له كم عام = اليوم تجديد الجروح الي على القلب حضرت
اليوم ذكرى العشق وانسام الهوى والانسجام = افراح صبحي روحت واحزان ليلي ما سرت
اللي حصل سبب لعقل الحب حالة انفصام = يضحك ويبكي كل ماهبت على البال وطرت
ذبلت زهور الحب واستاحش من الغصن الحمام = وطارت على كف القدر غفوه ولكن مادرت
هادي وحيد بغربتي رغم الالم والازدحام = اراجع ايام الفرح ياما في حقي قصرت
نسيت حتى ضحكتي نسيت حتى كيف انام = ساهر على اوراق الحزن والعين للضيق سهرت
خيم في بالي ذكراها بعز(ن) واحترام = وربيتها بين الضلوع العوج طفله وكبرت
كنت الدفا لاحست فبرد الالم بين العظام = وكانت تفرحني لامر اسمي عليها وذكرت
وكانت ضياء الكون في رهبة مجاهيم الظلام = وكنت الشعوراللي ليا نسنس عليها وشعرت
وكنت الهوى واسمى معان الحب وجنون الهيام = وكانت غيوم الشوق في دنياي بالحب امطرت
وكانت عيون الحب واحلام الامل واحلى مرام = وكنت الهدوء الي فامواج الغلا يوم بحرت
راحت وشاعرها على الاطلال يعجز بالكلام = ودايم مع الذكرى دموعه دون خده وحدرت
علميبها ساعت مشت يوم انتهى كل الغرام = في داخلي اقول معقوله على الفرقا قدرت
اليوم عيد فراقنااللي مضى له كم عام = كل عام وهي بعيده عن عيني ولا يوم حضرت

محد

طيب لمن تهدي /