يا سلامي عليكم يا مشاكيل يـام=والعرب يا جماعه حاسب احسابها
عارفين الحلال وعارفين الحـرام=والشرر والضرر ما نفتح ابوابها
أنت هداج وحدك ما عليك السلام=يام قدام وجهك تفتـل أشنابهـا
وسط شبه الجزيرة ثابته يا غلام=والحذر يا فتيلتهـا ومشهابهـا
انت مثلك ما اظنه يا ابن عمي يلام=شجرة العود الاول تاكـل اعنابهـا
كلنا في حدود الشرع نبني الخيـام=انت خصم القضيه وانـت طلابهـا
كل واحد سكن في المملكه ما يضام=والفهد للجزيرة سورهـا احجابهـا
هات حجتك عندي وأختصر للكـلام=والذيابه عليكـم تضـرس أنيابهـا
كل مسلم نوي الحجه لبس له حرام=خيمتن ما تذري نقطـع اطنابهـا
حجتي للقبايل مثل شهر الصيـام=غير رب البشر لا تخضع ارقابها
ساد فهد العرب للمسلمين الأمـام=أحتمي أرضه وخصمه ياكل أترابها
القبايل لهم هيبه نهـار الزحـام=وأنت من روسها وألا من أذنابها
تمدح العم غير النور يجلي الظلام=كلمتك يا عميل الخير وش جابهـا
من قطر للكويت و لا سعد للوجام=ما تحوم الصقور ان شافت اعقابها
دفنوا روسكم من فهدنا يا النعام=ليث شبه الجزيرة خلص أنشابها
لا تدق الطبول ولا تشيل الحسام=أنت وحدك تخاف الناس وتهابها
اسبر الحر الاشقر في سما نجد حام=حام فوق الجزيرة واعتلي اهضابها
والله ان لي مع الاجواد عز ومقام=والمدينه وشرهتها علي اصحابهـا
كل ما قلت يا هـداج صـح المنـام=رحت صوب البسوس وشلت مشعابها
عارفين اللئـام وعارفيـن الكـرام=وأهل مكة تراهـا تعـرف أشعابهـا
لو صبرنا علي الواقع ثلاثين عام=القصور القديمـه مـا تلوابهـا
مدتي ما تحملها يديـن الليئـام=انتم اعيون للوالي علي اعرابها
قالوا الناس كثر الطق فك اللحام=وأنت بقعاء يبي يمشخك مخلابها
مدتك ما تفكك من حلوق الهوام=منيتك من عيون الذيب وأسبابها