ثلاث سنين من عمري وانا واقف على بابك = ثلاث سنين وأنا اسأل غيابك ويش تفسيره ؟
ثلاث سنين وانت اللي غيابك يشرح عتابك = ثلاث سنين ودلالك تقهويني من الحيره .. !
ثلاث سنين يا عيني ودمعك يجرح اهدابك = ثلاث سنين وضيوف الفؤاد انت ومساييره !

في عيوني خوف من [ بكره ] كبير = حضنك الدافي حبيبي / يقتله
الله أعلم فيه وش ممكن يصير ؟ = [ لا يموت القرب ، ويعيش الوله ] !

لا شفتني [ متضايقه ] يوم من شي ؟ = عشان خاطر / خاطري ، لا تكدّر !
حزني كذا ، دايم معي ويش بـ / ايدّي ؟ = وانا معاك [ اتجاهله ] قد ما اقدر !
تحبّني ؟ وش له تزيد الوجع في ؟ = مابي أشوف دموع عينك [ تحدّر ]

بين ما أشوف منك ، وضيقة البال = كم لي أغض عيني ، وانت كم لك :
[ تستثير الطعون إقفاي ، وإقبال ] =وأتجاهل طعونك ، وابتسم لك .. !
يا رفيقي ترى ما هذي بـ / حال = لا تطش بـ / يدك [ شملي ، وشملك ]
راحة البال لو تشرى بـ / الاموال ؟ = اشتريها لو ادفع [ كل ما أملك ] !

لـ / الجفا ماضين ، ما لـ / الوصل عوده ! = دامها حظوظ الزمن [ ما حالفتنا ] !
انتهينا ، والهوى ذبلت وروده = والهجر سالت سيوله واجرفتنا .. !
القلوب اللي مباديها حقوده .. ؟ = فرّقتنا عن هوانا ، وصرفتنا :(
كن قلبينا على الحب امحسوده ! = ما بقا احدٍ ما درى في [ سالفتنا ] !
فرحهم بـ / فراقنا ؟ جاوز حدوده ! = سدّدوا كل الدروب لـ / معرفتنا !
كل منّا دمعه يجرّح خدوده = نشتكي وقتٍ هبوبه خالفتنا
ناقص الاحزان ؟ فرقانا تزوده = والزمان [ ايامه السوده ] لفتنا :(
دام واجه حبّنا شيٍ يكوده .. ؟ = نبعد و [ ذكرى الغرام ] موالفتنا !
الله يفرّج لنا من فيض جوده = مدّته ، عن مدّة العالم [ كفتنا ]
نمضي لـ / دنيا المفارق دون عوده = دامها حظوظ الزمن [ ما حالفتنا ] !