إن نووا بالحرب فالجمر كلّه يصطلـي=و إن نووا بالسلم فالجمر ما أحد ٍ أشعله
يوم عاد الماء صعيب و شربه منهلـي=شربهم بأيمانهـم فـوق كـل محيّلـه
توفي الديان في ساعـة مـا تهملـي=( لو من أكبر راس منه الخطا ما تقبلـه )
وقفـوا وقفـات منهـا قلـوب تهبلـي=يطلبون العز لـو كـان دونـه مقتلـه
سيفهم من كثر خوض المعارك ينحلي=كثر ما سنوه مـن كثـر راس ميلـه
في الحرايب غالي الروح معهم ما غلي=صلب يام اللّي يجون الحفيف مسبلـه
كل باقي الناس منهو يحلّ و يرحلـي=ما ذكر لي مثلهـم وافـي ٍ بالمرجلـة
كم واحد من حربهم مات قلبه ما سلي=كل من قلبه خفيف ٍ غدوا لـه مجفلـه
لابة ٍ تاخذ من الطيب كلـّه الأجزلـي=هم سندنا كان صعبت علينـا المسألـه