يا جميلة عساك بحالتي ترحمين=لا تتلين القلب تلّ دلو المحال
بشتكي حالتي لك كود قلبك يلين=..رب باقي لما بأطراف غصنك ظلااال ..؟؟

لاتلتــفت للارض وانــته بعـــالــي الـدور=ولا تلتــفت مـــــره للعــاشــق الهــلاس
تــــرى الكــلام الـذرب مـايلحـقه قصــور=حكــمه مـــن الاجـــداد معـربين الساس

ياصاحبي والهوى ماعادني كبره=كبرت مدري هو اللي صغر في عيني
ماعاد له فالحشا درب(ن) ولا عبره=ولاعاد له موعد وشباك يغريني
يمديك تعرف مدى ضيقي من النبره =ولاعاد يمديك تضحكني وتبكيني!!
اليوم..ضاق الحليم وفاض به صبره =والدم ضاقت دروبه في شراييني
وان ضاق مثلي تعرفه زين وتخبره =اقل من حل حاسم مايكفيني
رح والفضا ماخلقه الله ثقب ابره =واختار لك درب بعده ماتلاقيني!
المنكسر شي ماتقدر على جبره =مهما تحاول وعذرك مايواسيني
لاعاد تنشد وش الحيله؟ وش الدبره؟ =خسرتني والأكيد انك بتبكيني