رد: [سجل حضورك ببيت أو بيتين من أبداعك الخـآص|لآ للنقل|..!!
مررحبا :)
اللي همه بدنياه نشر الآلم ونشر الوجاع = ذا انا بدعي عليه الصبح وقبل لانقول للشمس الوداع لين اشوفه طايح جثه وعليه الغراب يحوم = لان من مثله وجوده بعالمنا ضياع هذا حلمي ياحبيبي ان فكرت ترجعلي بيوم = بس لاتنسىاني ماكرهت الموت كثر الانصياع وماعشقت لذة حياتي كثر عشق المستحيل المعدوم = بس والله اني اعشقك واهاوك الى حد النخاع يعني بشرحها بساطه ودون تفكير وهموم = خلنا نرجع مثل ماكنا قبل يوم الوداع شخابيط :) :a36: |
رد: [سجل حضورك ببيت أو بيتين من أبداعك الخـآص|لآ للنقل|..!!
مرحبا :)
يقول : مجنونه ؟ ، واقول : البلا فيك = جنّنتني في الحب وهذي سواتك امشي مع العالم اهوجس ، واناديك = من وين ما سقت القدم ذي جهاتك ! لو هالبشر تدعي خفوقي ؟ بـ / يدعيك = يرفض كثير قلوب ويحفظ [ غلاتك ] وصّيتني في الحب والحين اوصّيك = احفظ وصاتي ، مثل ما احفظ وصاتك عقب البطا لاجيتك بـ / شوقي ابيك = مثل ما رحت القى صفاتك ، صفاتك الشوق ، والغيره ، كلامك ، تغلّيك = مزحك ، وجدّك ، لاتغيّر سماتك عشّاق هـ / الدنيا ليا اهتزوا ؟ ابغيك = من بين هـ / العشّاق [ تعلن ثباتك ] ! http://www2.0zz0.com/2010/11/11/22/559362096.gif |
رد: [سجل حضورك ببيت أو بيتين من أبداعك الخـآص|لآ للنقل|..!!
مرحبااا
في غيبتك مالي مع الناس جلسات=ماغير افكر باللي ( بينك وبيني ) مالي سوى ( صوره ، ومقطع ، وشيلات )=إتهدي روعي لاتزايد حنيني |
رد: [سجل حضورك ببيت أو بيتين من أبداعك الخـآص|لآ للنقل|..!!
يا مرحبا :)
الالم واللّيل يا الحظ العنيد = كفنّوا [ فرحي ] ، وانا اعلنت الحداد ! اجتهد لـ / البسمه اللّي بدون قيد = ولانفع مع هالزمن كثر اجتهاد ! :a36: |
رد: [سجل حضورك ببيت أو بيتين من أبداعك الخـآص|لآ للنقل|..!!
الله من خاطر خفا سدة أحراق قامت على صدرة بــــنوح ومجاريح فى ليلت العشرين والقلب خفاق رما مجاديف الــغــرام وقال تصريح أحبك كثر ورد ٍ نماوهداة عشاق وأحبك لوتبعدنا وبان الهجر والتسريح |
رد: [سجل حضورك ببيت أو بيتين من أبداعك الخـآص|لآ للنقل|..!!
المشكله تكمن بـ نظرة عيوني=تعكس شعورٍ مابي الناس توحيه بالذات لامن لاحضوا وانشدوني=عن سبة اللي في عيوني مواريه ضاع الجواب وبدل الهم لوني=ودموع عيني بينت شي مخفيه :0015: |
رد: [سجل حضورك ببيت أو بيتين من أبداعك الخـآص|لآ للنقل|..!!
مرحبا :)
واللهْ مدري ليه انا [ نيّة فراق ] ؟ = رغم انّي احب الوصل واعنا له ! نيّة فراق اللي له الروح تشتاق ؟ = والله ما تطري عليّه وانا له ! كل الغلا ، كل الوفا ، كل الاشواق = نال الخفوق اللّي عسيرٍ مناله ! :a36: |
رد: [سجل حضورك ببيت أو بيتين من أبداعك الخـآص|لآ للنقل|..!!
وش عاد باقي ماجمعته من الزين=لا بالخليج ولا بنجد العذيه في موق عيني صورتك يخزي العين=مرتع جمال وكلها قابليه فرقت عن بيض الصبايا بثنتين=العود غض وخشتك يوسفيه |
رد: [سجل حضورك ببيت أو بيتين من أبداعك الخـآص|لآ للنقل|..!!
حقوق الغلا اكبر من بيوت التشراهي=على اللي ورى حدب الحنايا سعى نشره تصدرت في قلبي وعدٌ الوله راهي=وانا وانت في عدٌ الغلا خشره ولهويت قلبي لين خليتني لاهي=أسبه من سهوم المحبه ولا تشره |
رد: [سجل حضورك ببيت أو بيتين من أبداعك الخـآص|لآ للنقل|..!!
أكنٌ للماضي من ايام الطفوله لحترام=وانتي مجرد فعل ماضي للأسف ماهوب زين والحمد لله يوم حنا ماتبادلنا الغرام=ولا تعاهدنا الغلا ولا تصافحنا اليدين |
الوقت في المنتدى حسب توقيت جرينتش +3 الساعة الآن 01:13 AM . |
مجالس العجمان الرسمي