العشق لو يعرف حدود ومسافات = ماشفتني اعشق خيالك من بعيد !

0015

حبك طعجني في خفوقي بقوه = يا شين طعج الحب في القلب شيناه !

:a37:

امزح معي في كل حاجه .. وسولف = الا الفراق ارجوك .. ما ينمزح فيه !

0015

آتحدّى واحدٍ ماعاش قصة حب .. صعبه = كل كائن حي .. قد شاف الغبينه .. من غرامه !

:cool:

قبل امس انا سويت للقلب .. فورمات = وطاحت جميع اسماء .. من كان فالقلب
طاحت ولاباقي ياكود انت .. بالذات = اثر الغلا لازال من بيننا .. صلب !

والله مااحب انسان .. مغرم بغيري =حتى لو انه .. من شيوخ العشيره
مصيري اتعب .. لين أواجه مصيري =واجنّبه .. وارضي غروري .. بغيره!

0015

انا ارضى انك تهمشني .. وتنظر لي .. على اني صلف = ولكن ما اتحمل شوفتك تضحك .. مع غيري
قسم بالله .. والا اقول لك .. مالك عليّه حلف = لك الله لومعي جرئه مايدفن سرّي .. (ف) بيري!

0015

اتوه في حضرة سموّه .. واتوّ ه = ناسٍ تبي شوفي .. وانا قايل ٍ .. لا
ومدري متى بيحس .. حضرة سموّه = ويرتاح قلبي .. ويتأقلم .. ويسلا!

1bh1

اذ اكتشفت ان الخيانه .. مهمه = وتحتاجها من شان .. تاخذ بثارك
هل يعقل احد يغش .. لحمه و دمه = ابسالك !! والا انت .. حر بقرارك !

0015

هل تعلم .. ان عيال آدم وحوى = تذابحوا .. لجل الغلا والمحبه !

a8

مصير الايام تكشف لك .. عن احساسي = واشواقي .. اللي من اعماقي اجيك بها
واذكّرك .. يوم جيتك .. مرتفع راسي = وعوّدت .. اصدّق احاسيسي واكذبها!

0015

ياليتني اعرف خفايا المعاليق = والقى لصدر اللي احبه .. اشاعه
اما لقيت انّه .. انسان ذويق = ويحبني .. من بد كل الجماعه
والا اكتشفت .. انه على غيري مويق = وانا مجرد في رفوفه .. بضاعه
من شان مااتعذّب .. وافك الصناديق = جواهري .. ماهيب ساعه وساعه!

0015

مشاعري حيه .. وروحي رضيه = شاعر .. وعندي احساس .. وشعور .. والسان
فيني تنا قض .. وانهزام .. وحميّه = انسان ..! والا قول .. مجموعة انسان!

1bh1

والله انه ماذبحني .. فالغرام القاسي = وانغماسي .. في متاهات الظلام الحالك
غير لا جيتك .. وانا مشتاق ادربي راسي = واكتشفت .. اني رهين لقسوتك .. واهمالك!

:(

ياحبيبي .. لا تساومني على معلوقي = لاتعذبني .. وانا اللي كافي .. شري خيري
راس مالي .. ضحكتي .. واخلاقي .. ومنطوقي = ادفن احزاني بها .. واعيش كني غيري
كلما عرّض علي طيفك .. وشفته فوقي = ارتفع راسي .. لطيفك .. وانقلب تفكيري!

1bh1

تذكر مراسيلي .. وغمزة عيوني = وتذكر جميع ابداعي .. اللي بدعته
وتذكر احاسيسي .. وزفرة شجوني = ودمعٍ كشف ستر العيون .. ودمعته
ياكثر ناسٍ عقب عرفك .. يبوني = واكيد مرّك كل علم .. وسمعته
لكن ورب البيت .. ماجوا دوني = ولا فيه حبٍ غير حبك .. جرعته!

1bh1

بين اندفاع الشوق .. ومعاند الخل = حربٍ بدون شعور .. تطحن رحاها
والله لولا الهم .. والشك .. والذل = اني لا ابيّن كلمتي .. وآحماها!

1bh1

لاتستهين بضيقتي .. وانفعالي = وانت تعرفني زين .. وانا اعرفك زين
يمكن تحصّل لك حبيبٍ .. بدالي = لكنّ منت بلاقيٍ مني .. ((2))!

0015

ما ابيك تنظر لي .. بنظرة مداراه = ابيك تنظر لي .. بنظرة براءه
انا بدونك .. عايشٍ في معاناه = والقلب عقبك .. مايسرّك اداءه
ينبض على طاريك .. ويقول: عزاه = كنه يدوّر من وصالك دواءه!

0015

الطريق اللي يودي له .. لقيته = بس لابه جرئه .. ولابه ميانه
كل يوم اجلس .. واعاين باب بيته = والبلا ان الباب .. مغلق للصيانه!

0015

يا نفس .. عن بعض المشاريه شومي = عيشي .. مثل ما انتي منوّل .. عزيزه
يكفيني القى شي .. من قوت يومي = ويكفيني ان العز فيني .. غريزه!

0015

يامفاهيم القصيد اللي على عظمة لساني = الحيا يجبرني اموّه واعيش انسان غامض !

:cool:

يا ليت لي حيله واعبر .. عـن اللّـي=وسّـع طموحاتـي وحطّـم كيانـي
كم لي وانا ارسلّ له .. وهو ما فطن لّي=لين انتهى فكري .. ووقّف لسانـي
ياقلب ساعدني .. ويـا حـظ قلّـي=وشلون ابوصلّ له .. وانا في مكاني
اهون علي ارحل .. واغادر .. وولّي=ولا يسولف له مع شخـص ثانـي!

1bh1

افرد حجاجك .. لبا والله حجاجك = خالد .. ما يرضى انك تعاني امامه
يا ليت لي حيله .. واغير مزاجك = وارسم على وجهك .. رضى وابتسامه!

0015

عسى هامتي تبقى .. ولا تنحني بي .. غير=لـربٍ خلقنـي .. واعتنابـي .. وجمّلنـي
وانا لو سلمت الهم .. والغـم .. والتفكيـر=ما دخّلت راسي .. في ظلام الزمن .. كنّـي
غريبٍ .. يدوّر له وطن .. والهبوب عصير=تزيد الجروح .. جروح .. وتحنّ .. وتونّي!

0015

ما تقدر .. تهزّني .. وتحط من قدري=وانا شموخي .. يثبّتني علـى القمـه
اشيل في خاطري .. واضمّ في صدري=علوم .. لو قلتها .. في ذمتـي ذمـه
ما كان شبيت نار الظلم .. من حدري=وسببت جرحٍ بظهري .. ما وقف دمه!

1bh1

يا ذو الجلال .. اغفر جميع ذنوبي = انا الضعيف .. اللي ما غير اعاني
عيون خلق الله تناظر .. صوبي = والمشكله ما عندي .. الا الساني
ودماثة اخلاقي وحسن اسلوبي = يمكن تسبّب لي .. كلامٍ ثاني!

0015

لا يطول الصمت .. وتضيع الحروف = حرّك الشفّه وانا كلي .. أذان
المشاعر .. ما تهمّشها الظروف = دوب جات الفرصه .. وآن الأوان!

0015

دوى قلبي .. وبلسم روحي .. وآخر معاناتي = تحت رحمة .. حور عينك .. ونظرتها .. وغمزتها !!

1bh1

صباح .. الــذّ من شفّتكْ .. وازكى من شذى الجوري = صباحٍ فيه شوق .. وحب .. واحساس .. وغلا .. وشعور
اغيب .. وغيبتي صعبه .. واجي واجمّل احضوري = وعلى شوفتك .. اروّق وانبسط .. لو خاطري مكسور!

1bh1

يا حبيبي .. يا معيّشني الغـرام .. الراهـي=والله ان كني عليك .. اموت ساعه .. واحيا
العلاقه ناهيـه .. والحـب فينـا .. ناهـي=ما ينافسنا الغرام .. الا (لميس) و (يحيى)!

0015

صدري قفص .. والقلب يكفخ .. كما الطير = صعبه يحصّل بين الاضلاع .. مخرج
الحب غير .. ونظرتي فالغلا .. غير = وانا من عيون الجماهير .. مُحرج!

0015

بيني وبينه شيّ .. مخفـي ومكشـوف=ونظرات عينه .. في عيوني .. فضيحه
وانا بعد مثلـه .. وذابحنـي الخـوف=تطلع ملامـح قصتـي .. يالقريحـه!

0015

حتى لو ازعل .. وانحرج .. واتضايق=تبقى معاليق الضمايـر .. صناديـق
واضحك مع العالم .. يابلفيـت رايـق=عادي .. وحتّيش لو مرّني .. ضيـق
مبطي .. وفي صدري لهيب وحرايـق=وطفّيتها .. بالرابعـه .. والتوافيـق
ما احب اعيش بجوّ .. ماهوب لايـق=ماخذ على نفسي .. عهود ومواثيـق
امـا حيـاة العـز .. بيـن الخلايـق=والا بلاش اعيش .. مثل المخاليـق!

0015

اكثر العشاق خلف .. الشاشه الغشاشه = ما تبي الا المصلحه .. والحاجه المخشوشه
الهوى منهار .. وعقول البشر .. منداشه = علم اللي .. ما درى انه .. ضايعٍ فالطوشه
يحسب ان الحب: لعب .. ومسخره .. وخشاشه = وانحطاط ! .. ولذّته .. فالشقه المفروشه
والله انه .. لو عرف معناه صح ! .. وعاشه = كان حس .. بقيمة آحاسيسه .. المنقوشه!

0015

سافر .. فمان الله يا اغلا المخاليـق=وتأكد اني معْك .. في كـل ساعـه
اما تشوف الطيف .. مع فكة الريق=والا تشوفه .. وانت بين الجماعـه
في ذمتي ان لك بيت .. بين المعاليق=على الوفا والصدق .. زاد ارتفاعـه
وانا قنعت .. ان المحبه .. توافيـق=واعظم كنوز الارض .. كنز القناعه!

0015

توفّينا .. لكـنّ الحـب عايـش .. والغـلا لا زال=انا وشلون ابنسى .. واتناسى .. مصـدر الهامـي
طلبت الله .. قبل لا اموت .. ينصفني مـن العـذال=ومتّ .. ومات عندي ..واسدل عظامه على عظامي!

0015