الشيب شفته في المرايه وصديت =ماكنت أصدق إن ذا الشيب فيه
أثر الزمان يطوي رحاله ووليت=وراحت سنين العمر وش هي البقيّة
ودارت بــــي الدنيا ولا يوم ونيت=وقضيّتهـــا مابين شمسٍ وفيّه
وقلت توبــــي يا نفس قبل ياليت=ماعـــــاد ينفع ياليت وقت المنيّه

خواطر ليل نكتبها تحت نـور القمـر ولاّ=حت جنح الظلام اللي حجب نور القمر عنا
خواطر ليل وش هاالليل لابقّـى ولا خـلا=يدبر مايحـب ومايريـد ولا إعتـذر منـا
ونحن معشر العشاق لونضحـك ونتسـلا=مجاريح الغرام وعاشقين الليل أبـد حنـا
نهلي به لكن يـروح لا رحـب ولا هـلا=عكس اللي نقابـل بـه إذا قابـل يقابلنـا
مشاعرنا تفيض بالسعـادة والفـرح كـلا=تعاملنا بصـدق ولا لقينـا مـن يعاملنـا
وهذا طبعنا مهما حصـل بالصبـر نتحـلا=ألا ياكثـر مانسـمـع ولـكـن تحملـنـا
ولو إنا تغلينـا مصيـر العشـاق يتغـلا=علينا ثم يحطمنا من أيسرنـا الـى أيمنـا
درينا كم غلا عشق طغى وعن سكته ضلا=ذكـر يـا ناسينـا وتعـرف ماتجهلـنـا
ليا منك ذكرت اللي بقى واللـي بعـد ولا=عرفت إنك بدون إحساس ماتقدر توادعنـا

العشير اللي بعد راح معه القلب راح=وافترق شمل الأحبه بدون اخيارها
ياعذولي كف عذلك وكف الاقتراح=مقدر اسكن في ديار ماهيب ديارها
لو شوتني نارها لين تنجحني نجاح=ابرك الحزات يوم احترق في نارها

اجمع لك الشوق في صدري وارد انثره=واكفكف الدمع في عيني ويرجع يسيل
من اثخن الجرح في جوفي ومن بعثره=غير الزمن وارتجافة قلب طفلٍ ذليل