طفـــح كيل الحزن وانا وســط بحر الوجــع غرقان


رياح الصمــــت تعصف بي وتصــرخ كل أطــرافي


.


وحيــــد وداخلي تسكــــن ، أماني مالها عنــــوان


صحيــــت اليوم لكني ، أحــــس الكـــون ذا غافي


.


أنا الهــــارب ويطردني ســــراب البعــــد والنسيان


لبست الـدرب أو يعني عــــرفت أن الزمــــن حافي


.


تخاويني كثيــر أدروب ، تسافــر بي كثير أوطان


محطــــات الألم تعــــرف تقاسيمــي و أوصــــافي


.


عرفــت المــــوج والساحل عرف الريح و الطوفان


عرفــــت البحــــر لكنه ، خذلنــــي فيه مجــدافــي


.


نبت غصن الآسى ذابل ، جنيــت من الغصـن حرمان


سترت الجــــرح لكني عجــــزت آغطــي أكتافي


.


قضى عمري وأنا أبحث عن الأنسان في الأنسان !


أدور عن بقايا شخص يفضح ســــري الخــافي ؟


.


أدور فرحتــي (أبــــره) وســط قشة ألم وأحزان


وأدور في (صقيــــع) الكون بقايا حضنــي الدافي


.


أدور عن حيــاتي بين ، ضيــــق العمــــر والأكفان


أدور بيــــن أكــــوام الخيــــــانه أي شــي وافي


.


أدور عمــر مايعــــرف ، بعمره سيــــــرة الاحـزان


أدور ليل أسكــن به ، ويسكــن داخــــل أللحــافي


.


خســــرت الحلــــم لكني وقفـت بعــــزت الربحــان


مثل ذيك النخـيل اللي تصــــارع سطــــوت السافي


.


سألت اللــيل من فينا قضــــى ليل العنا سهــــران


طلبني الليل في حســــره دخيلك كافـــــــــــي !

قالت بصارحك في لحظة ذهول
وأحس بآخر صوتها صار .. ونّه




قلت ابتدي واللى يجي منك مقبول
تفضلي قولي بتفصيل عنّه




قالت صحيح ان كل شيءٍ له اصول
وان الليالي حكمهن يفرضنّه




قلت الله اللى ميّز الناس بعقول
وكلن له اسلوبه وذوقه وفنّه




وقالت وحب النفس لو صار مجهول
ومشاعري غصب(ن) علي يكتمنّه




ودي على وصله وحبه على طول
لكن مقادير الزمن بعدنّه




واليوم بالي من سبايبه مشغول
في ذمتي وصله على القلب جنّه




قلت الحيا مثل المطر كنه سيول
حسف القلوب وحسف مايشتهنّه




قالت واذا ما الله قسم قلت لحول
يبدأ لهن شيءٍ وهـن مايبنّه




يبدي الفراق اللى على صاحبه هول
والبعد لو ماكنهن يفرضنّه




قالت بدأ في خاطري شي ويجول
واخاف تزعل يابن الاجواد منّه




قلت الكلام ان صار ليّن ومعسول
مايجرح العاشق ولا فيه منّه




قالت نويته وسكتت بآخر القول
قلت الفراق ..؟ وقالت الظاهر انّه