وجدي على اللي ضاعت .. أيامه .. هِبا . ! = في عالمٍ .. ما شاف منّه .. ( فايده ) . !
من عاده صغيّر .. وعاده ما حِبا . ! = متعايشٍ بين .. الظروف .. الكايده . !
ما بين موت ( إبيه ) , ( وأخوانه ) .. رَبا . ! = رغم الشعور .. انّه فقد .. ( سنايده ) . !
ما حسّ بأحلام الطفولـه .. والصِبا . ! = كنّ القِدر .. حوله .. ( بِنا ) .. حدايده . !
كفى يا حظٍ .. ( بالِغ السّيْل الزُبَا ) . ! = ما قدّ حصل منّك .. وشفنا .. فايده . ؟؟

من منطلق .. ( عاشق .. ولازم أهنّي ) . ! = ومن مبدأ .. ( الأشواق ) .. جاتش رساله . !
المستلم .. ( أنتي ) .. والإرسال : ( منّي ) . ! = مرسول أعبّر بالتهاني .. خِلاله . !
حلّت سنة 2009 .. ( وظنّي ) . ! = ماخاب فيش .. ( ولا اشتكى مِنش .. حاله ) . !
ولبّ الكلام اللي بيوصلْش .. ( عنّي ) . ؟؟= ( كل عام وانتي بخير , وأمن , وسهاله ) . !

أفضلت فيني يا زماني .. ( ولا هنت ) . ! = أحييتني .. من بعد ما كنت .. مَنسي . !
لا يا زمن .. من..( تجربة عمري ).. أيقنت .. ! = إن الحزن .. فيني .. ( ولو بان ضرسي ) . !
كنت .. \. وأبيك تركّز بمفردة ./ .. ( كنت ) . ! = أحبّها.. ( لكنّ ) .. ماخاب حَدسي . !
أحسنت فيني يا زماني .. ( وبيّنت ) . ! = ان قلبها .. ( بالزيف والغدر ) .. مَكسِي . !
واليوم .. عقب اللي حصل .. فيني .. آمنت. ! = إني أجاملها.. على حساب نفسي . !

عِرض غزّه .. يُغتصب .. قِدم العيون . ! = والشرف والمجد .. ( مِنّا ) .. يشتكي . !
( أولمرت ) .. يضرب ويقطع .. ( فالمتون ) . ! = والعرب ما عندهم .. غير الحكي . !
اليهودي في ذرا .. ( بوش الحنون ) . ! = والصليبي .. لليهودي .. يِرتكي . !
كم .. وكم من .. ( أرمله ) .. تُذبح بِهون . ؟! = خلفّت أيتام .. تبكيها .. بكي . !
عِرض غزّه .. يُنتهك .. قِدم العيون . ! = والشرف والمجد .. ( مِنّا ) .. يشتكي . !

قم يا قصيدي حان وقت الفخر ... حان = وأبنتقي مِنك البيوت .. الجزايل
أبغيك .. شاهد حقّ .. وثابت .. وبرهان = واحضّرك لا قيل .. ( وين الدلايل ؟ )
لي لابةٍ حلّت على كل ميدان = اليوم .. والا بالسنين الأوايل .. !!
يابوك .. حن ( عجمان ) .. والا قيل عجمان ؟ = يحضر لك التاريخ صايل .. وجايل .!
سيفٍ مجرّب لا حضر كل شيطان = اليا ضربنا .. يعتدل كل مايل . !
ربعي .. هل الوادي مواريث فرسان = اهل المراجل .. متعبين الأصايل .
حتى انشد .. ( التركي ) .. الى عهدك الآن = يضرب .. لك أفعال ( المعيضي ) مثايل
انشد وتلقى علوم وأفعال .. (( راكان ))= حرٍ تفاخر به كبار القبايل
من وادي العجمان .. لحدود نجران = الى الحسا وديار نجدٍ وحايل
لا جاء نهارٍ وإعتلى فيه .. دخّان ؟ = ويشاف فعل الرجل .. بين الفعايل ؟
أبشر بقومٍ لأعتزوا .. ( ثار بركان ) = حتى معاديهم اركبّه تهايل
وفعول ربعي يوم .. ( جوده) و ( كنزان ) = ويوم (العيينه) .. وقعنا له هوايل
يوم اغدروا في ذبحة .. الشيخ ضيدان ! = جينا .. بطشنا بكل .. خاين وعايل
الين صاروا عبره لكل خوّان = ولكل .. من نفسه تبيه إيتحايل
وفينا الجبان .. اللي عن الهوش عجزان ؟ = اليا اعتزت بنته ؟ .. يسوّي هوايل
( اهل القنازع ) بالملاقا .. لنا شان = لا ثارت الهيجا .. وجينا فصايل
هذا كلام الصدق .. وماني بغلطان = ( وبأعيدها لا قيل ويش انت .. قايل ؟ )

تدري وش أكثر حاجةٍ .. تستفزّك . ؟! = وتوقّع بقلبك .. ولا يمكن تطوف . ؟!
واحد قبل .. ( عامين مرّوا ) .. يعزّك . ؟! = واليوم .. يمرّك .. بس .. ( ماكنّه يشوف ) . !!

الله يرحم حالة الحب .. أوّل . ! = طعمه , ونيّاته , وحِلمه , وأمانه . !
واليوم لا والله .. ( الأوّل .. تحوّل ) . ! = ماعاد لك .. ( يا حبّ ) .. فالقلب خانه . !
أبسط وصوفه .. لا وصفته . ؟ .. ( يهوّل ) . ! = تحبّ من قلبك .. وتلقى خيانه . !؟!

ان كان .. ( إيدي ) .. صافحت .. نذل .. وخسيس . ؟! = حرام حُرم الدمّ .. لأقطع .. ( كفّها ) . !

لا تقلّب .. أحزاني .. عليّ .. ( ثم .. أنكبك ) . !! = في كلمةٍ .. أجهل ..( مَدى مفعولها ) .!!
لِذا .. أنا هنا .. أعتذر .. وأبلّغك . ! = يمكن .. معي تمسك غلط .. وأقولها .؟!!

مهرةٍ .. ( عينينها ) .. عين الظبي . ! = لا مشت جنب العذارى .. فارقه . !
شفتها .. بين البراقع .. والعِبي . ! = كنّها .. شمسٍ عليهم .. ( شارقه ) . !
مُلفِته .. والعين .. ؟ .. ( تسبيها .. سَبي ) . ! = حارقه .. كّرت الصبايا .. حارقه . !

لا لا تعذّر لي .. معاد أبغي .. ( عذر ) . ! = ومعاد انا أبغي .. لا سؤال .. ولا جواب . !
أستأذنك .. بيّحت ما .. ( كنّ ) .. الصدر . ! = وسجلّتك .. بـ/دفتر .. ( علاقتنا ) .. غياب . !
صبرت .. مافيه الكفايه .. ( والصبر ) . ؟؟ = ما عدّل أوضاعي .. ولا صلّح خراب . !!
ما همنّي .. قلبك .. سِمَح والا .. ضِجَر . ! = ولا همنّي .. هذا .. خطأ .. والا صواب . ؟!
وش العذر .. دام .. ( الخيانه .. والكِبر ) . ؟! = امعتّمه قلبك .. مثل عَتم .. السحاب . ؟!
وش العذر.. دامك تعرف ان .. الغدر = نكّس علاقات .. ( وبعد ) .. قطّع رقاب . !!
حفرت لي حفره .. وصارت لك .. ( قبر ) . ! = معاد تنفعني .. مشاريه وعتاب . !
عزّااه .. يوم ان كنت لك .. مثل .. البحر . ! = أتقاسم همومك .. وأذوق من العذاب .. !
أبغيك تذكرني .. ( انا ) .. بدّ البشر .. ! = أبقى معك .. وإن بانت لـ/دنياك .. ناب . !
واليا .. طلبت .. أقول لك : ( تآمر أمر ) . ! = حتى تحدّيت المهالك .. والصعاب . !
واليوم .. طعناتك .. تلقّاها .. الظهر . ! = ماكنت حاسب .. للغدر .. أيّة حساب . !
لا هنت .. وما قصّرت .. ولك .. ( كل الشكر ) . ! = وعلى حسب ما يعمل المؤمن .. يُثاب . !
أستأذنك .. بيّحت .. ما .. ( كنّ ) .. الصدر . ! = بأرحل .. وسجلّني .. ذهاب .. بلا .. اياب .. !!

بيني وبين القمّه .. ( العهد الوثيق ) . ! = يوم العرب .. ما قدّروا .. ميثاقها . !
أداحم الميدان .. وأشقّ الطريق . ! = ما همنّي كذب البشر .. ونفاقها . !
ومع الخوي .. ( لأحتاجني ) .. وجهٍ طليق . ! = عوايدي .. ضيم الدهر .. ما عاقها . !
أسوق ما دوني .. لأجل عين الرفيق . ! = يوم ان غيري للخوي .. ما ساقها . !

يقولون : كيف الحال .. وأقول : ( ما من حال ) . ! = عقب صدّته عنّي .. وأنا حالتي حاله . !
تعبت , وتكدّرت , وعليّ الهموم .. ثقال . ! = وانا خابره .. ( ساهي ) .. ولا جيت .. في باله . !
وهمّي .. لو انه .. نازلٍ .. ( في مَتن رجال ) . ؟! = عليّ الحرام .. انّه بــ/يبطي .. ولا شاله .. !!

على غِرار الحكمه اللي تقول .. ( من جدّ وَجد ) .. !! = ومن منطلق : تبقى .. ( الكبار كبار ) .. والأصلي فريد .. ؟؟
أبحث عن خويٍ .. يجمّلني .. ويبقا لي .. سند=واجحد تماثيل .. الرجال اللي .. يناسبها جحيد . !
اهل الحكي .. , واهل النميمه .. , والمكر .. , واهل الحسد .. ! = واهل الطعون الخافيه من خنجرٍ .. صنعه حديد .. !
الصاعد العالي ( نزل ) .. والنازل الواطي ( صعد ) .. !! = من بعد ما كنّا حرار .. اليوم أصبحنا عبيد .. !!!
بأشوم عن اهل الردى .. والنفس أعاهدها .. عهد ! =وشهو الذي بيضرّني .. لو عشت بالدنيا ( وحيد ) .. ؟؟
يالله عفوك .. يا كريم .. ويا معين .. ويا صمد .. ! =الإمّعه في ذا الزمن .. أصبح على غفله ... ( عقيد ) .. !
أشفق على اللي لا زهمته قال : .. ( أبشرررر بالسعد ) .. ! = واليا نخيته يعتزي .. ويصير لك عون وعضيد .. !
فيه الشكاله والمروّه مبطيٍٍ .. عاده ولد .. ! = كنّ المراجل وسط دمّه .. من وريد .. اليا وريد .. !
إي والله ان وقعه على صدري مثل .. وقع البرد=مطنوخ راسه بالمواقف .. حامي .. ورايه سديد .. !!
وعلى غِرار الحكمه اللي تقول ..( من جدّ وجد ) = اقولها والصوت عااالي يالردي .. فرقاااك عيد .!

حبيبتي ما ظنتّي تشبه .. بشر . ! = ان كان من ذالجيل .. والا .. الأولين . !
متميّزه بالعين .. وبياض .. ( النَحر ) . ! = وخدودها .. على بعض .. تفّاحتين . !
وانفاسها .. مدري .. خزامى .. أو .. عطر . ؟! = بالمختصر : .. ( روعه ) .. في كل .. الحالتين . !
ولو انها بيدي .. لأعيّشها .. بــ/قصر . ! = ولكلّ باب .. من القصر .. (خدّامتين ) . !
تطلب .. وتنهاني .. ( وتآمرني .. أمر ) .. ! = انا مابين .. ذا اليسرى .. وذا اليمين . !
وفي قربها .. أعيش في نشوة .. نصر . ! = من معركه .. بيني وبين .. الحاسدين . !
دارت رحى ذالمعركه .. كمٍ شهر .. ! = والا الهزيمه .. دايماً للـ/ عاذلين . !

يا مسافر .. ليه .. طوّلت السفر ..؟! = وانت خابر .. صاحبك .. يوله .. ( عليك ) . !!
لي متى .. يا صاحبي .. وأنا .. أنتظر .. ؟! = مبطيٍ .. ما عانقت .. ( إيدي ) .. يديك . ؟!
من غيابك .. صرت .. ( أقزّرها ) .. سهر . ! = ما لقيك الا السهر .. يصبح .. ( شريك ) . !
البطا أمحق .. وطعم البعد .. ( مرّ ) .. ! = حسّ .. ( بي ) .. الله يرحم .. والديك . !
قلتها .. وأقولها لك : .. وأختصر . ! = كل ما فيني .. ينادي لك .. ( أبيك ) . !

تدري وش اللي .. يعذّبني .. ( ويقضي عليّ ) .. ؟! = لا قلت لك .. أكرهك .. / .. تقول لي .. ( أعشقك ) . !!!

أوّل .. بـ/ . عيد الحبّ .. ( نتبادل الحبّ ) . ! = وكلٍ يسابق صاحبه .. بالهدايا . !
واليوم .. انا ويّاك .. نتبادل .. السبّ . ! = وصرنا نحمّل .. بعضنا ..( بالخطايا ) . !!

تحت ظلّ .. القايد .. أبونا .. صباح .. ! = ( عيّدي .. يا كويت .. يا أحلا .. بلد ) . !

انا خابر ان الشعر .. من ماضيات .. عصور .. ! = مجرّد .. ( مشاعر ) .. لا تأخّر .. ولا تقدّم .. !
ولكنّ .. من باب .. ( الغلا ) .. لا يجي بـ/.قصور .. ! = أباقول لك .. ( أبيات ) .. قدّام .. لا اتندّم .. !
جمعني .. معك حبٍ .. فهق له .. ( سنه ) .. ( وشهور ) .. ! = مثل ما جمعنا .. الوقت .. وأحلامنا .. ( القدّم ) .. !
ومن الحبّ .. يا خلّي .. ترى ماني بـ/.معذور .. ! = ما دام ان طيفك .. والغلا .. جاريٍ بالدمّ .. !
مدام ان قلبي .. ( قصر ) .. ومحبتك له .. ( سور ) .. ؟ = بيبطي .. ولا أظنّه .. مع الوقت .. يتهدّم . !

أموت .. لكنّ .. ماني بــ/. ميتٍ فيك .. ! = بأموت .. لأنك .. يا .. ( أريش العين ) .. جاحد . !
ماهي بتخفاني .. ولا هو .. بــ/. يخفيك .. ! = ( تعدّدت لسباب .. والموت .. واحد ) . !

تدري .. متى .. ( تفرك ) .. كفوفك .. على بعضها .. ؟! = لأجهدت .. روحك .. ( بحُب إنسان ) .. ماهو .. كفو .. !!

أتذكّره .. في صوت .. ( فنّان العرب ) .. ! = لا من تغنّا .. ( إسمحي لي .. يالغرام ) . !!

أشقيت .. ( عمري ) .. في إجابة .. هالسؤال .. ! = هل يا ترى : حبي لها ... ( تستاهله ) .. ؟؟!

لا .. تظنّ .. بإنك .. قادر .. تروح .. منّي .. !! = لأني .. على طول الدهر .. فيك .. ( ناشب ) . !

يا .. ( فلان ) .. أنا بالحب .. طفّيت .. ( ضوّي ) . !! = ولا تحسب إنّي .. جاي .. لجل .. ( أستشيرك ) .. ؟! . !!!
جوّك .. على فكره .. ترى .. ( غير ) .. جوّي .. ! = هذا .. مصيري .. وانت هذا .. مصيرك .. !
بالله .. قلّي .. وش تبيني .. أسوّي .. ؟! = ادري تحبني .. لكنّ .. ( احب غيرك ) .. !!!

يا هاتفي .. وين .. محبوبي .. ترا .. أبطا .. ( عليّ ) .. ! = ماجاك مِنه .. إتصال .. ولا .. وصلّك .. مسج .. !

لا واحسافه فيك .. وشلون .. تجفا .. ؟! = قلبٍ .. يبيع الكون .. كلّه .. ويشريك .. !
لا تقول .. أنا آسف .. ولا تقول .. تكفا .. !! = منت بكفو .. إحدٍ .. يحبّك .. ويغليك . !

الله على الأيام .. وشلون .. تجري .. ؟! = خلّت .. ( وسيع الصدر ) .. حالته .. حالـه .. !

الجرح .. له نوعين : ( عَمد ) .. و ( بلا عَمد ) .. ! = أحدٍ بيتعذّر .. والآخر .. بيشرح .. !
والا البعيد .. إليا جرَحك .. يالله الحمد .. ! = الموت .. لا صار أقرب الناس .. ( يجرح ) .. !

تدري متى .. تحسّ .. ( في ضيقة الخُلق ) .. ؟! = لا من هويت إنسان .. ماهو .. بصوبك .. !

أنا معك .. بإنك مثقّف و فاهم .. ! = وأجتزت.. بعثه للدراسه .. مع .. ( قروب ) .. !
لكنّ أنا .. إن كنت .. ماني .. بواهم .. !! = أشوف إن .. عندك .. مع الناس .. عذروب .. !
دايم مع العالم .. ( وراهم , وراهم ) .. ! = عندك شهاده .. بس ماعندك .. إسلوب .. ؟!

والله غريبـه .. !
.
.

السحا الزايد أحياناً .. يكون مشكله !!


:)


.
.

ترى السحا بين الحبايب .. ( يساوي ) .. ! = جسرٍ مهيّأ بينهم .. بس .. مبتور .. !
تبي الدليل القاطع .. إنك .. ( حياوي ) .. ؟! = لا قلت .. ( أحبّك ) .. تقعد .. تلفّ وتدور .. !

.
.

ما دمت .. مخطي .. دون .. قصد .. وتعمّد .. ؟ = لا لا تعّذر .. ( العذر .. وش تبي به ) .. ؟

مسامحك .. والله العظيم .. !

:)

حتّيش .. يعني .. لو حصل مِنك تقصير .. ؟ = ما دام قلبك .. ( خصّني ) .. بإهتمامه .. !
لو واحدٍ غيرك .. خِطا .. دون تبرير .. ؟! = أبتركه .. ما دامه أخطا .. مدامه .. !
( لا لا تعذّر .. وش تبي .. فالمعاذير .. ؟ = مسموح .. وما بيني .. وبينك .. ملامه .. ! )

.
.
.
1bh1

لا تلتفت للي يحاول .. يثيرك .. ! = كبّه .. ولا تسمع .. من القال .. والقيل .. !
وإن قالوا : إن خلّك .. ترى حبّ .. ( غيرك ) .. ؟ = إضحك .. وقلّ : هذي ترى .. ( كذبة إبريل ) .. !

.
.


;)

القناعه كنزٌ ..


لا يفنى .. !


;)

.
.

ترى القناعه .. ( كنز ) .. لا يَفنى أبد .. ! = والرابح اللي .. إقتنع .. في .. قسمته .. !
والا الطِمَع .. يا جعل في عينه .. ( رمد ) .. ! = يلعب براعيّه .. ويقصف حسبته .. !
طمّاع ولا همّه .. ولو كلٍ .. نِقد .. ! = وعادي .. عشان .. ( شويّ ) .. يحذف .. ( غترته ) .. !
شبعان .. ولكنّ منهجه : .. ( عطني بعد ) .. ! = والا النقيده .. مبطي .. وما همّته .. !

.
.

مليان راسي .. من التفكير .. والمعمعه .. ! = مافيه فكره .. ( تمرّ ) .. الا .. وجرّبتها .. !
ما عاد فيني أقاوم .. لا .. ولا أتبعه .. ! = لين الميانه .. مع السوّاق .. طيّحتها .. !
إلين ما مرّني .. ( والزين ) .. راكب معه ..! = وقّف يسولف معي .. وأنا .. ( تغانمتها ) .. !

.
.