رد: (( مساجله من ابداع الشاعر ))
يالفرس ماهو يشارك غير انا وياكي=مادري عن باقي الاعضاء مع موضوعك وين باقي الشعراء اللي لهم ادراكي=ماتبيّن حد من نوعي ولا من نوعك!! نوعي = الشباب نوعك = البنات |
رد: (( مساجله من ابداع الشاعر ))
كفيّت يامحمد عن باقي الناس............... لو كان بعض الناس اعتب عليهم
لو فيه موضوعي نقص ن فلا باس.........المشكله وافي ولا نيب اجيهم حرف الميم ممزوجه بعتب |
رد: (( مساجله من ابداع الشاعر ))
مادري ياختي وش القصه وويش الحيله=حيث انا عضوٍ جديد ولا اعرف لو واحد ساعديني نرفع التقرير هذي الليله=للاداره يوجدون لوضعنا هذا حد |
رد: (( مساجله من ابداع الشاعر ))
من بغاني لقاني مانيب اللي اجيه................ يرحب اللي يجينا والشر مايجري عليه
حرف الهاء |
رد: (( مساجله من ابداع الشاعر ))
هذا مهو باللي عليه اتفقنا=الهاء يابنت الاجاويد ممنوع ياما تلعوزنا معه في ورقنا=والحين بالحاسوي يطلع لنا قطوع |
رد: (( مساجله من ابداع الشاعر ))
هههههههههههههههههههههههههه
المفروض نكتب عنوان الموضوع مساجله بين محمد والفرس محمد اعجبتني اخر مشاركه لك :) |
رد: (( مساجله من ابداع الشاعر ))
هههههههههههههههههههههههه
لعوزتك الهاء لا ذق ما ذقت انا والمهره ارهقتنا الهاء حلوه الابيات الاخيره ضحكت ضحكت يعطيك العافيه عليها |
رد: (( مساجله من ابداع الشاعر ))
عييت علي الاحرف ماغيرها الهاء.................جتني تبختر واتمشى واتعدي
قلت ارحبي يابعد حروف الهجاء....................تنكرت لي وانتي حرفي يابعدي كذا يمشي الحال يامحمد حرف اليـــــــــــاء |
رد: (( مساجله من ابداع الشاعر ))
هه يمشي نص ونص سعيّد اخو مبارك اهم شئ ضحكتوا واستانستوا
يا والله اللي ماربي فك هالضيقه=من هاء لاياء والاحرف كثيراتي ناخذ لنا مع بيوت الشعر تحليقه=في جو الاشعار والتعبير عن ذاتي |
رد: (( مساجله من ابداع الشاعر ))
محمـــــــــــد
اجل الياء انضمت للهاء هههههههههههههههههههههههه سعيد اخو مبارك هاه:) ههههههههه بصراحه انا اشوف سعيد غييييير ومبارك غير مبارك طيب طيب وين عاد اروح انا الياء لي معها علاقه حميمه خلك على الهاء يامحمد |
رد: (( مساجله من ابداع الشاعر ))
ياصاحبي ترى الحروف محميه................... ويفكها ابيات من اقلام شاعرها
اذا الله عانني واجيبها حيه....................وان كانها ماتت بالله مررها يالله ابسط ياعم حرفن زياراته قليله بس تكفى كلش ولا الياء والهاء هاك حرف الالـــــــف |
رد: (( مساجله من ابداع الشاعر ))
لا الياء ولا الهاء كلهم ماحبهم والغريب انهم يجون في ابياتي تلقائياً سامحوني على التاخير - رحت لي مشيوير
البارحه ثلاثميّه وخمسين=كيلو بعيدٍ عن دياري واهلها زيارةٍ لرحام واقراب غالين=من قبل لا تاتي الدوامات وألهى |
رد: (( مساجله من ابداع الشاعر ))
ارحب رحب بك وبجيتك ملايين.................من عقبكم صفحه ولاحد عرجها
بنشدك نشده وبنشد اللي مقيمين............... ليه الفرس محدن يمر بمرجها ان كان به نقص ن مافيه ثنتين................يشرّّعلى نقصي ويقرب فرجها اما اذا تمت ولا به معيبين....................ادسّها فالقلب بحزنن دمجها هالك حرف الالف ويعطيك العافيه |
رد: (( مساجله من ابداع الشاعر ))
ابداً حشا لله ما منّش إقصور=وموضوعش من احلى وارقى المواضيع لكن ظروف الناس يمكن لها دور=ويمكن يبون الفرفشه والتناويع وانا معش موجود فارح ومسرور=واشري معش ببيوت الاشعار ابيع |
رد: (( مساجله من ابداع الشاعر ))
الله الله صح لسانكم ..
يكفيش يالفرس تواجد محمد هنا ..:) والله ماعرف اقول شعر ولا كان اذيتش ... فيكم الخير والبركه ياثنين :) |
رد: (( مساجله من ابداع الشاعر ))
والنعم به محمد
مايقصر وجعله على القوة |
رد: (( مساجله من ابداع الشاعر ))
عيت حروف القصايد في عيوني لا تشيب=كل ماطابت هجوسي جاها علم ونشّها ماصويب إلا الذي من دورة الدنيا صويب=إللي لا طارت حلومه ولا قعدت في عشّها ضاع وقته بين صابت أو عساها ماتخيب=ماخذا من الشام حاجة واليمن ما دشّها ويالبيب العقل ياللي مامثل عقلك لبيب =الوصل غصون رحمة والهجر محشّها |
رد: (( مساجله من ابداع الشاعر ))
العمر في وقتنا ذا يسرق بنا سرق..................وان جيت تقضي حاجة ما قضت لك
ياصاحبي ياللي على المخاليق لك فرق................ اهديك عمري سرق والروح جت لك حرف الكــــــــــــــاف |
رد: (( مساجله من ابداع الشاعر ))
كفايه كفايه ماتقولون ياعذال=انا والله اني ماستمع هرج عذالي مادام ان حكايتكم فقط بس قيل وقال=انا ماستمع فاللي تقولون بالغالي |
رد: (( مساجله من ابداع الشاعر ))
يالله ياللي سترك على كل المخاليق............انك تلبسني من العف سترك
حرف الــــــــــكاف |
رد: (( مساجله من ابداع الشاعر ))
وش سالفة حرف الكاف سرى علينا!!؟؟
كريم العطا يعطي بلا من كان اعطاك=لكن خلقه يمنون ياللي بيعطونك فإذا احتجت لا تطلب سواء الرب ذاك وذاك=ترى في نهار الحشر ماهم يفيدون |
رد: (( مساجله من ابداع الشاعر ))
ايه سرى علي وعليك حرف الكاف
هي مايات والله يعينك كم بكيت الدار واللي سكنها.................... من عقبهم يانسني من وحشة الروح حرف الحاء |
رد: (( مساجله من ابداع الشاعر ))
صح لسانكم
>> متابعه لكم تراني امدحوني في بيت ههههههههه اضحك معكم .. :) |
رد: (( مساجله من ابداع الشاعر ))
حياك يامهره وحياك الفين ................حياه منهو خوي ن لي مديمي
حرف الياء |
رد: (( مساجله من ابداع الشاعر ))
ياهلا بالمهره ومعها الفرس حيّاها=الخوات اللي بيوت الشعر تستهويهم
|
رد: (( مساجله من ابداع الشاعر ))
محدن على فرقا المحبين قاوى...............مير الله يجيب الفرج والمعونه
ياللي قوى فرقاي ويش انت ناوي................ارحم رفيق ن مارضى بالمهونه حرف الهاء حرف الهاء حرف الهاء حرف الهاء |
رد: (( مساجله من ابداع الشاعر ))
هذا هو الحرف اللي آطق منّه=وانتتي تجيبينه وانا لازم اجيب حرفٍ ملعوزني وانا آصد عنه=وان جا مثل هالحين سويت ترتيب |
رد: (( مساجله من ابداع الشاعر ))
بالله قلي وشهي حيلتي وياك....................دامني جبت لك حرف قل جابت الحرف
هذي حروفي جاتك وماتعدّاك....................واسمح لامن الهاء اسرفت فيها سرف يعني بحكانا زين انها طلعت والله يعينك تتحملني حرف الفاء |
رد: (( مساجله من ابداع الشاعر ))
آسف على التأخير كنت بالدوام مشغول لدرجة ماقدرت افتح الجهاز
في كل الأشياء والأماكن والأزمان=اشوفها ماشوف بنتٍ سواها لو جيت في سوقٍ من الناس مليان=والله مانظر غيرها من غلاها |
رد: (( مساجله من ابداع الشاعر ))
الوقت يجري والعمر بي يجري ....................والايام تحسب والعمر ما جابه
يا صاحبي بالله ليتك تدري.....................بالنار اللي في الحشى شبابه ارحم رفيق ن ناطرك من بدري................ارحم فواد لهيبتك هيّابه ماهوب ضعف ن بي ولكن مدري................يضعف فوادي لاطرى احبابه شحالكم الحرف ذا هو هاء اي والله هاء ابرك حرف معيي يتعداني .. وفي ابرك وفا |
رد: (( مساجله من ابداع الشاعر ))
هديتك لي بغيابي الطعن ليّه ليش؟=وانا هاقي انك تطعن اللي بيطعنّي مادامك كذا فإطعن على راحتك حتيش=اخذ راحتك بالطعن لا تنزعج مني |
رد: (( مساجله من ابداع الشاعر ))
يحكي الهم واللسان يحكي به..........................ولو حتى احكي به ماهوب منزاحي
حرف الحاء او الياءاعتقد حاء |
رد: (( مساجله من ابداع الشاعر ))
والله يالفرس انا اشوفه ياء لكن ولا يهمّش نجيب الحاء وآسف على التأخير
حكم الشريعه ينص بقتلـة القاتـل=ياقاتل الشوق فيني ويش اسوي بك قتلت شوقي يوم انك جيت لي خاتل=ماجيـت بالقـوه آجـوّد تلابيبـك والحين جيت لعضلاتك علي فاتـل=ماعاد ينفعك قدني ماقـدر اسيبـك |
رد: (( مساجله من ابداع الشاعر ))
كريم العطايا والذي بي عالم.................. رحيم حليم وهو للذنب يغفر
امرغ وجهي بالتراب وداعيا................. فمن غيرك اللهم للكسر يجبر حرف الراء تمشي الفصحى والا |
رد: (( مساجله من ابداع الشاعر ))
رحت للدكتور كود انه يشوف=حالتي ويصير تشخّيصٍ لها قال طبك من لما ذيك الهنوف=اللي يشكي دقّها من جلّها |
رد: (( مساجله من ابداع الشاعر ))
ياصباح المعزه على صبح راعيه................ياصباح الذي يدمح لي الزله
يدمح وانا ادمح ولاني بشاكيه....................مرضيني اني في جناحه وظله انا اتاسف شديد الاسف على الهاء |
رد: (( مساجله من ابداع الشاعر ))
صار خير
هم قلبي كل ماقلت خف يزيد زود=من بلاوي وقتي ومِنْك والله يالفرس من سبايبك انتي الهاء علي دايم يعود=مانفعني يوم اجنّبْه دايم واحترس |
رد: (( مساجله من ابداع الشاعر ))
سلامي على اللي يغظ الطرف عني.................يمشّيها ويمررها عشاني
سلامي واحترم فيه احترامه.................... ولاني بصابر" لوهو فمكاني يعطيك العافيه ارب الياء بعد ماتسوي لك قلق انا قلت من زمان الحرفين ذي ملازمتني والله يعينك |
رد: (( مساجله من ابداع الشاعر ))
صباح الورد
الفرس وش قومش على محمد ؟؟ محمد تبغي اتولاها لك ابشر >> :) لاهنتتتتوا.. |
رد: (( مساجله من ابداع الشاعر ))
مهره والله لو اتوليني مهوب شين
ذبحته بذا الحرفين بس والله كذا تجي معي اعتذر يا محمد |
الوقت في المنتدى حسب توقيت جرينتش +3 الساعة الآن 11:46 AM . |
مجالس العجمان الرسمي