سوّوّ لـي الكيـف و أرهو لـي ْمـن الدلـّة =البِنَّ الأشقر يـداوي الـرّاس فنجالـه
كيـف لنـا نحرقـه بـ/الـنـّار و نـزلـّه ..!!=و اليا إنقطع لو ورى (صنعا) عنينـا لـه
البارحـ الليـل ما غمضّـت بـه كلـّه =أراقب الصبـح جالـس و آتحـرى لـه
ابعث شريط ٍ مضـى و أطويـه و افلـّه =و اقول : ( مَـن يحفـظ التاريـخ لأجيالـه .؟ )
قـل ( لـ /العراقـي ) : يفتـّش جعبتـه قـلـّه =يلقى بها شـي ما يطـري علـى بالـه
الهـمّ و الغـمّ و الطـاعـون و العـِلّـة =حقـّه ْلحالـه كفايـه حقـه ْلحـالـه
من صفعة ٍ ذاقهـا بانـت بهـا الخِلـّة =يذكر ( هزيمـة شهـر شعبـان ) و هلالـه
قـام الثعـل يشتغـل و يشاغـل الشلـّه =(عزّت) و (طـارق) و عـد (عـدّي) و أمثالـه
يذبـح و يصلـخ يـده حمـراء و مبتلـّه =شـي يخلـي جبيـن الحـر ينـدا لـه
يا نـاس يا ويـل مـن هـذا زعيـم ٍ لـّه =الشعب في وضع يؤسف له و يرثى لـه
شعب ٍ شرب كُره و أكل كـُره كـُره ٍ لـّه =يتفل على صورتـه ويـدوس تمثالـه
تبت يـدا ابـو لهـب تـب ٍ و تب ٍ لـّه =و اللّي معـه بـ /الحطـب للقـوم حمّالـه
مقبـل علـى طبختة ٍ بـ /الحيـل تعملـّه =يوخذ بها الثار و الثـورة ْتسـوى لـه
حتـى (نسيبـه) ولـد خالـه تحيـّلـّه =لغّم لـه الهليوكبتـر و أنشـدوا خالـه
الله ما يهـمـل الـظـالـم و يمـهـلـّه =و أن طال به عمره اخس شوي و أردى له
الحُكـم منهـار و الأحــزاب منحـلـّه =ما اخس مـن حالة ٍ فيهـا ولا حالـه
من ردى حظه فـي أهـل بيتـه يزولـّه =صار الشجر قوم في عيونه يورى لـه
من كثر ما يرتميـه يخـاف مـن ظِلـّه =و من يعلم الغيـب لـو (عـدي) قتّالـه
(صدّام) .. انا بنشدك وش انـت حـيّ ٍ إلـه ..؟؟=مثلك يموت بغبنه و موته اشـوى لـه
ما عـاد تملـك مـن السلطـه خبـر لله =خارج عن السيطـرة دولتـك منزالـه
جمّع عظامـك سـوات مجمـع الجلـّة =و احرق بهـا مـا درى (بغـداد) بـ /ْرجالـه
(الجيـش) يـرزح تحـت ذل ٍ مـن الذلـّه =و (الشعب) مسكين تضحك لـه و تغتالـه
و (إذاعتـك) يا سويـد الـوجـه منشـلـّه =ماعـنـدك ألا يــا لالاله يــا لالا لاله
أي بلّه اسمعك زيـن أي بلـه اي بلـّه =و ليـا تبيـّن عـدو بِنـّا و حنـّا لـه
ما تـدري إنـّا نعقـد الحبـل و نحـلـّه =بـ /العسـر و اليسـر حـلاّلـه و فتـّالـه
نعسف الصعب ثم يجيك مزيّن ٍ دلّه =اديـب ما يشتكـي عرقـوب جمّـالـه
ما نقتنـع بـ /الهجـاد ْنصـبـّح الحـِلـّة =مـع الغطاليـس رجلـيـّه و خيـّالـه
و الـدار ماهـيـب يـا (صـدّام) محتـلـّه =ما استعمرت قبل حكم ( العـود و عيالـه )
و اليوم عنهـا نسـن السيـف و نسلـّه =من شط و أخطى الطريق نصلّح أحواله
و (الفهد) تخسى عنـْه منـت ْبقبيـل ٍ إلـّه =وطى برجلـه علـى غاربـك بنعالـه
منتـه بكفـوه ولا شـرواك كفـو ٍ إلـّه =(الفهد) يكرم عـن المشبـوه و اشكالـه
(الفهد) عـز (العـرب) و (العـُرب) عـز ٍ إلـه =و كم دولة ٍ تستغيث المال مِن مالـه
العـادل العـدل و الإسـلام شـرع ٍ إلـّه =و لبيعة (المسلميـن) البيعـة أولـى لـه
ولاّ انـت مهـزوم لا مذهـب ولا ملـّه =مقطـع اربـع تطيـح بـ /كـل محبالـه
من ما بظلّـك تخـدع (الشعـب) و تظلـّه =مفِسد و يدعى عليك و (فهـد) يدعـى لـه
وين انت يلي لـه (العـذرى) تكحّـل لـّه =يقـوم لعيونهـا و تـشـوم لافعـالـه
من طيب ابوها تبا وصفـه حلـي ٍ إلـّه =يقلط علـى شوبـة البـارود و ظلالـه
ابيـك فـي لازم ٍ قـدك وقـد ٍ إلـّه =(قمر عربسات) يبرا لـك و تبـرى لـه
أمـر ٍ ضـروري و خلـّك مستعد ٍ إلـّه =منته مراسـل تجـي و ْتـروح برسالـه
عنـدك مِهمـّة و قلبـك ما بـرد غـِلـّه =جدول مسيرك تعـرف العـام مدهالـه
اركب على اللـّي قنابلهـا مـن السلـّة =بـ /ْمكبـرات الصـور فـ /الجـو جـوّالـه
اخـذ المـدرّج و تـلّ بريكـهـا تـلّـه =واخفقبهـا خفقـة الكـدرِي ْلمقيالـه
أنحر بها خايـن النهريـن و افطـن ْلـّه=لا ذكِـر بالخيـر فـي حِلّـه و ترحالـه
حـدّدّ مكانـه بتـلّ سكـوب و إنـزل لـّه =إنـزل رويـدا رويـدا و إكبـس الآلـه
حربية ٍ عاديه سـوداً تسلـل لـّه =تسلّلّـت مـن جهـة (عَمَـّان) و ْجبالـه
جاته من الغرب عبر اجوا صديق ٍ إلـّه =تحمل علـى متنهـا حزنـه و سلاّلـه
ترسم هدفهـا علـى اللّيـزر و ترسل لـّه =إشارة الضبط و المضـرب تهيـّا لـه
ما تحمله ترفعه متريـن و تهلـّه =مع ذرة الشمس في قصره تحمـّا لـه
تعطيـه ضربـه تـدك القبـو بالفـلـّة =و الشـرّ فالـه و فـال الله ولا فـالـه
مـن شـدة الانفجـار اقـول : ( بسـم الله )=تهتـز (الأهـواز) و (البصـرة) بـ /زلـزالـه
في سبـّع الأرض تحفر لـه و تدفـن لـّه =من تحت الأنقاض والإنقاذ مـا شالـه
ياخذ سنـه يلتهـب قبـوه كمـا الملّـة =يـذوب صنقـل الساعـة و سلسالـه
ثم خـل غيـره يشـوف و يعتبـر خَلـّه =و اللّي يبي مثلهـا بـ /الحـال تثنـى لـه
الضعف ما حطـه الطيـب سبيـل ٍ إلـه=قد قيـل : ( مَـن لايعيـل ْتجيـه عيّالـه )

يا ما حلا المسرا ْ.. بعيد .. ْعن الأنـذال=في ليلة ٍ يطـرب لهـا كـل سـاري
مسراً .. ْمع فجّ الخلا عـزّ و ْجـلال=متشطّر ٍ ما خضت في عرض غاري
على خطاة مشومـر ٍ يقطـع الـلاّل=تدفـن مداهيلـه هبـوب الـذواري
اجمع من الأبل عشر و تصبـر وبـّال=و اختر فحلها مـع جنبهـا ايبـاري
البل لها في مهجـة القلـب منـزال=منايح القصـّار سفـن الصحـاري
مراجـل ٍ يشقـى بهـا كـل رجـّال=إفـلاس بايعهـا .. نواميـس شـاري
يكفيك (ابن هنـدي) و (مسلـط) و (هـذال)=و من (شمّر العاصي )و (برغش) و (ضاري)
لقيت فـ /الوحدة سكـون و سِعـة بـال=ْبعيد ما عنـدي مـن الهـمَّ طـاري
ارجّع الذكرى على روس الأقذال = و ارقد خلا بين الحجل و القماري
ما همّني جمع المرابي لـ /الأموال = عزيز لو أمسيت جيعان عاري