سار القلم يكتب مبادي جوابي=منّي على (غليفص) سلام ٍ بتكرار
تكرار ما يحصيه عدّ الحسابي=سلام ٍ أديب ٍ بـ / التماثيل بيطار
بيطار ما خولجت بأول شبابي=أيضاً ولا شايب مع الناس هذّار
أثني على (( العجمان)) صدق ولا بي=الا محلّة حي حيين الأذكار
قوم ٍ سعدهم باللّقا ما يغابي=لا جاء نهار ٍ فيه وارد و صدّار
يوم ٍ غطى شمسه كرار و ضبابي=و الدّم من بين الحفيفين نثّار
لا فرّعن منقّشات الخضابي=قل يا سلام و شبت النار بـ / النار
((سنام يام ٍ)) مخلصّين النشابي=و كبارهم بـ / نفوسهم تاتي صغار
رجال ٍ اكرام ٍ يكثرون الرحابي=بـ / الضيف و اللّي (لآل مرزوق) ينجار
اختص ( ابو محسن ) شريف الجنابي=تاجر شرف ما جمع المال تَجّار
صلب ٍ صليب الراس عسف الصعابي=وظيفة (غليفص) عمى عيون الأشرار
يقدّي السرايا بـ / الخطر ما يهابي=( إغليفص ) العمّارة عمى الراي دمّار
شاب المثل بـ / القيل يا رجال شابي=و صلّوا على طه النبي عد الأمطار