![]() |
رد: ((ماهو بخل لكن مبدأ!!))
حيااااك الله أخوي صدى الحزن في أي وقت وبإنتظار مرورك القادم بإذن الله :) |
رد: ((ماهو بخل لكن مبدأ!!))
|
رد: ((ماهو بخل لكن مبدأ!!))
تعجبني صراحتج سراب :)
أنا عن نفسي أخليه يشيل الأغراض عشان أعطيه الإكرامية يستاهل لو كان راتبه 100 دينار .. نحتسب الأجر في الموضوع :) عجبني اسلوبج في الكتابه .. مبدعه كما عهدناج تسلمين يالغالية بانتظار جديدج .. |
رد: ((ماهو بخل لكن مبدأ!!))
شكرا يا سراب على هالموضوع : هو ماهو عجز ولا بخل بنفس الوقت : لكن المشكلة : انك تشتري من الجمعية و تلقاها 3 اكياس : شوية صح ...!! وتقدر تشيلها منت عجزان : لكن تلقا هالحمالي او العامل شايلها و ناطرك عند باب الجمعية : وانت اتشوفه ابن الحلال مجتهد و يبي يخدمك "طبعاً علشان الاكرامية" : الواحد من يشوفه ، يخليه يشيلها و يعطيه المقسوم : وبعضهم اي شي تمده ايدك يرضا فيه : : : والموضوع متميز : الله لا يهينش على المناقشة الطيبة : الله يعطيش العافية وشاكرلش : ولا تحرمينا من هالمشاركات المتألقة |
رد: ((ماهو بخل لكن مبدأ!!))
أخي الكريم/ صدى الحزن أنا أرى أن طول الرد المحترم على موضوع لايستحق العذر منه لأنه يشرف صاحب الموضوع وأنا لم أتطرق للموضوع لمجرد المرور بل لرؤية الموضوع من عدة إتجاهات .. إذ بعضكم يخالفني وبعضكم يوافقني والموضوع للمناقشة (ماهوبخل لكن مبدأ) جعلت العنوان هكذا .. إذ والدتي العزيزة ترى عدم اللجوء للحمالي بخلا وقد قلت لها غاليتي البخل لا يقاس من جهة واحدة .. وأنا إن لجأت له أعطيه بالطبع ولاأكسر بخاطره .. واللجوء له فقط عند الحاجة ومسألة إستغلال العمالة للمواطنين .. (والعكس صحيح طبعا ) يكون بظنهم أن الكويتيين كلهم بدون إستثناء يلعبون بالفلوس لعب وهنا يبدأ نقطة تجرأهم .. إذ يلجأون لوجوه الحزن .. ولسان اللهب لنيل مرادهم من وجهة نظري .. أتمنى محي العمالة من بلادنا إذ لا يأتي من ورائهم إلا المصائب الكبيرة ويدخل لبلادنا أعداد هائلة .. لتزيد نسبة الكسل والإعتماد على الغير وبلاوي أخرى لاتعد ولاتحصى وهناك منهم طبعا من لديه عزة نفس .. وأخلاق حميدة .. وعلى دين .. لكنهم قلة! وهم كالتفاحة الطازجة بين أكوام من التفاح الفاسد كل الشكر لمرورك الطيب وعلى إبداء رأيك الكريم هنا وشرفني تواجد قلمك الراقي وجزاك الله خيراً |
رد: ((ماهو بخل لكن مبدأ!!))
تسلمين يالغلا ماأدري أنا أخالفج الراي .. وأحترم رايج :) عموما شرفني وأسعدني مرورج الحلو هنا إطرائج لقلمي شهادة أعتز فيها .. خصوصا إن كانت من أخت غالية على قلبي 0012 :21t:جزاج الله خير:21t: |
رد: ((ماهو بخل لكن مبدأ!!))
في هذي صدقت! إحراج إذا كان ناطرك .. ماتقدر تكسر بخاطره .. والأغلبية يرضون بالمقسوم بس أنا ذكرت اللي حصل مع البعض .. إن في بعضهم جريء ويطلب شي ماهو من حقه! إن عطيناه فللأجر .. ماعطيناه ماله حق يطلب شرفني مرورك الطيب أخوي عبدالله أل شيبان وشكرا جزيلا لإبداء رأيك الكريم والذي أحترمه وجزاك الله خيرا |
رد: ((ماهو بخل لكن مبدأ!!))
يعطيج العافيه اخت سراب عالموضوع حلو الواحد انه يخدمك وحلو كذلك انك تخدم نفسك مافيها اى اشكال لكن على الاكراميه او البغشيش ولو انى ماحب هالمسميات انا اعطى الشخص بدافع الصدقه ودفعت بلاا لكن ياختى الكريمه تقولين اعطى الصدقه للى يستاهلون ولا اعطيها بنغالى ..؟ اسمحلى حرام مهما كان هذا يعتبر من المساكين وانسان فى غربه ابخل عليه (( او على قولتج مبدا )) بربع دينار ولا حتى دينار عشانه ما يستاهلها ...؟ هل تضمنين بيوت الزكاه توصل صدقتج للناس المحتاجه فعلا ..؟ بالاول والا خير صح مثل ماقلتى على النيه والاجر عند الله يعنى مرات تعطين لناس ماقدمولج خدمه على سبيل المثال اذكر مره طفاسه طالبه سندويشات من بو خضر وكنت عند المحل كليت وحده والباقى قعدو كان اشوف واحد من هالاسيويين مادرى شنو بكستانى واناديه واعطيه والله لو تشوفينه شلون طار من الفرحه مشكوره ماما مشكوره كسر خاااطرى انا وحده يكسرون خاطرى سواء كان حمالى ولا غيره بمقدورى اعطيه عطيته ومشكوره حبيبتى على الموضوع :21t: |
رد: ((ماهو بخل لكن مبدأ!!))
المبدعة /سراب
موضوع يلامس حياتنا اليومية دوما مما يجعلنا نجيب عليه من واقع وليس من فراغ في الحقيقة انا اوافقك الراي تماما ولكن في حالات نادرة اخالف رأي ورايك مع ان الاكياس بسيطة جدا الايام وظروفها شكرا لك على المواضيع الجزلة التي تتحفيننا بها لاحرمنا الله من روعة مواضيعك |
رد: ((ماهو بخل لكن مبدأ!!))
ماأدري تحسسوني ماعندي رحمة .. ترى هم انا ينكسر خاطري:( غاليتي! إنتي تتكلمين من باب الرحمة .. وأنا أتكلم من باب الحذر إنتي تتكلمين من العاطفة .. وأنا أتكلم من باب العقل لابأس إن إجتمعا أنا إذا رحت الجمعية ماأعطي إكرامية .. لأني أشيل أغراضي بنفسي لكن إذا إضطريت للجوء للعامل أعطيه طبعا إذا مرات إشتريت من الجمعية .. أحسب حساب الخادمة في البيت هذي نفس ومثلها مثلنا تشتهي .. ومحبوسة بالبيت المسكينة .. وفوق هذا شايلة البيت فوق راسها .. كذلك نفس الشي السائق إذا رديت من الجامعة .. أكون جايبة وياي كاكاو ولاعصير لإخواني الصغار هذا كله لو فعلته ألايحسب أجرا عظيما جبر خاطر خادمة وسائق .. بتقاسم أكلنا معهم .. وفرحة قلب طفل الصدقة لها كذا طريق .. أنا أتخذ الطريق الذي لاأحتاج أكون فيه حذرة بيوت الزكاه.. صحيح غير مضمونه لاأريد التطرق لموضوعهم .. فهو يحتاج إلى صفحات مافعلتيه مع العامل إن شاء الله في ميزان حسناتج ودفعت بلا :) بالنسبة للبنغالي!! أنا للتو انتبهت..الظاهر أخي / ناصر أل صويان يقصد بالبنغالي..العمالة بشكل عام وأنا رديت عليه .. على أساس إنه يتكلم عن الشعب البنغالي فقط خادمتنا في البيت أندونيسية .. والسائق هندي أنا ماأقصد العمالة كلهم في ردي وردي اللي كان عن البنغالي أقصده .. وذلك للعامل البنغالي فقط عزيزتي!! أتمنى يكون عندج معلومات كافية عن البنغاليه وأنهم سبب رئيسي لمعظم المشاكل الأمنية في الكويت شاكرة لج مرورج الطيب وجزاج الله خير شرفني تواجد رأيك الكريم هنا :21t: |
الوقت في المنتدى حسب توقيت جرينتش +3 الساعة الآن 08:11 PM . |
مجالس العجمان الرسمي