يا صاحبي مالي على البعد نيه ..=وإن كنت ناوي يا غناتي .. توكل !
البعد .. حله سهل .. نصبر شويه .,=ولا الكرامة لا تُوطت ما تنحل ..
صح إن نار البعد في الصدر حيّه ..=والدمع من عينيّ يا صاحبي هل ..؟
القلب يسقي الدم نارٍ لضيه ..=والدم يمشي فالشرايين ويعل .!
كله سبب [ فرقاك ] يالسولعيه ..!=يا أم العيون الخدر والموق الأشعل ..؟
تدري شهم أعمالي المنزليه ..؟=أحفظ هداياك الفريدة من الفل ..!
وتدري متى تسمع لضحكي دويه ..!=لا شفت صورة طيركم المدلل ..
وتدري متى إكوا ثلاثين كيّه .؟؟=لا صحت بإسمي كنّك تدور الظل ..
الله يجازي كل نفسٍ دِنيه ..=ويسامح الي ضحكته .. مالها حلّ !!

تدري وش الي ذبح عامر وغربل به ..؟=إنه يحبكـّ خفا من بدّ هـالعالم ..!

يا صاحبي كانك تبي الصدق ..؟ مليت .!=مليت من حالٍ خفض مستواها ..
لا جيت بنشد عنْك [ حيٍ ] ولا [ ميت ] ..؟=تِقسي مراسيلك وتسلب شذاها .!

أمحق ربع ما دخلوا رأس مسمار .!=تمزهلت[ لوسي ] ودقته كله

حسبي على الي ذكرها لي وأنا سالي.!=عن طاري الحب .. والعشّاق .. والفرقا ..!
مزيونه وبنت قومٍ صيتهم عالي ..=تودي الزين وتجيبه .. وله ترقا ..

سلامات مسبوقة[ بباقه ] ورود وخير..=غدا الشر يالشيخه .. وبالأجر مأجوره..
برغم المسافات الطويله .. وضيق السير..= ما تمنعني الزحمه من الفوز بالدوره .!

فالح مع أهل الوباء .. وينشر أخباره .!= ما يدري .. إن العلاج مرده .. بياتي ..
يا ليته يشارك [ المحزون ] في ثاره ..=جفت شرايين قلبي .. من معاناتي ..
يومٍ لي .. أجول غاره .. وأكسب الغاره ..=واليوم الآخر يجول .. وعند هقواتي ..
الله يردّ الي .. مدري عن هوا داره .؟=يصد .. و .. يجفا وأنا أجمع له من شتاتي .!
كن العشق موتره والقلب هو قاره ..=ومن دق [ سِلفه ] وأنا موْكله في ذاتي ..
والحين يا فالح أسرع جيب لي أخباره ..=وإترك هل الإنفلونزا في قناعاتي ..

لو الزمان يعود يا صاحبي .. عام ..!=كان الرجآ في .. كآآمل .. الزين [ موجود ]
واليوم لو تجمع عبيده .. مع .. يام ..=الجود من الماجود .. وابليس مجحود ..

يوم إتصل واحدٍ غلطان في رقمي ..=وفز قلبه على طاري .. بني هاجر ..!
عرفته بغلطته .. وأظهرت له إسمي ..=ولا زال من دون إسمه .. محتمي .. وحاجر .!

سلام مني يكفخ الريش ويطير=للشاعر الي ظهّر الحب شيبه
سلام يا مبارك ولد طيب الصير = يوم إن ولد اللاش ملعون صيبه
إن كان قلبك عذّبوه الغنادير=خويّك من العام ودّع طبيبه
ما والله أقفى قبل ما يدهن السير =كلن من العشّاق ماخذ نصيبه
أنشهد إنه دافن الحب في بير =شفق على خلّه .. كلامٍ يصيبه
في ذمتي لا مرني زوله عصير = يضيق بي ثوبي وطرّيت جيبه
أضحك لـ قال وسط راسك سعاطير .!= وحبوب ما طحنت وطحنت بطيبه
لا ما حسبت حساب بكره وش يصير =عدّاني عيوبي وأنا دست عيبه
وحل الفراق الي رمانا .. مناصير .!=وكلنّ من الخلّين ودع حبيبه
ما عاد فيها غير .. حشمه .. وتقدير ..= وعايش حياتي في صدوفٍ .. عجيبه .!