شفنا العجب في زمنا . . يالله الخيره=وعشنا الفتن . . والقتل يالله ياكافي
روس البنادق تقادح نار وذخيره=والله يستر من اللي ياعرب خافي
والواقع المر صاب القلب بـ / الحيره=الذبح بين العرب . . والغرب متعافي !!

عطني امل في شوفتك رغم ( الفراق)=واعيش متهني . . ولو ماحصل شي
كوني بعد فرقاك ياصاحبي ضاق=واشوف من بعدك . . مماتي وانا حي
ماودك نعانق بعض . . حب واشواق=ونعيش دنيانا حبيبي . . كما هي

اليوم ذاعوا في المحطات الخبر=الموت غيب ياعرب روح (سلطان)
يالله تلهمنا الصبر . . ثم الصبر=وفوق الصبر نرجيك يارب سلوان
ووسع على (سلطان) من ضيق القبر=واغفر ذنوبه وامنحه منك رضوان

حسبي على زولك وحكيك وممشاك=فتنت كل الناس من زود زينك
كل الغنج . . كل الدلع في محياك=والموت كل الموت . . يكمن بـ / عينك
تدري خفوقي . . كل ماغبت ناداك=وإن ماحصل لقياك . . يذكر سنينك
ياشينها الدنيا . . حبيبي بلياك=يالله عسساني مانحرم منك . . وينك !!

ايه ( الحزن ) طغى على كل الرياض=والثوب الاسود . . مكتسيها كلها
والدمع من زود الحزن . . يذرف وفاض=بقدوم ابو خالد . . وهو ميت لها