من ينقذ الموضوع عن لا يسكّر . . . . . = . . . . . ويمدّنا بمشاركاتٍ جديده
وانا ومحمد والفرس بنتشكّر . . . . . = . . . . . من حضرته ونقول الله يزيده

بديت مشوار الغياب الضروري=واتعبني المشوار منذُ البدايه
تلخبطت بالراس جُملة اموري=هذي البدايه كيف عاد النهايه!!
ياوين!!؟؟ بلقا من عليّه يشوري=عسى السعد لي فسمعاني لرايه

هذا انت موجود وهلا في وجودك . . . . . = . . . . . لو مانعرفك بس والله غالي
دام ان جدودي يامحمد جدودك . . . . . = . . . . . ياجعل ما للبعد والهجر والي

يامرحبا حيّاك والله يزودك=من حل فضله يالرفيق الموالي
انا اشهد انها معجبتني ردودك=لو إن وصولك كان بعد ارتحالي
واقول يالمحتار كرّس جهودك=في خدمة ابناء عمك بكل حالي

ياقلب تكفى لاتعذبت في الحب=قلي ولاتخجل واخليك ترتاح
لو اشعل من اجلك على صاحبي حرب=واغزي معك بجيوش ياقلب وسلاح

حب ٍ يموت وتلقا غيره وغيره=وحب ٍ تموت وعينك تشوف فرقاه

هذي الحياه وتشوف فيها العجايب=تعطي قدر موزون ويقال لك هات
تعطي قدر مداتك ويقال خايب=ماتعرف المعروف وتجزل المدات؟
ان كان شَفَك من الخلان طايب = فانا شَفَي من الوله قد مات
وان بغيت الموده ذادرب صايب=ابغيه مثلك ولا للجمعا شتات
انا بدرب الاخوه ودرب الحبايب =والزعل ننساه وللحكي سَجات

توّك قبل شهرين قلت المحبّه=تشفق ليا من غبت وتقول وينك
واليوم تاتي تقول مالي وطبّه=من بعد ما صار الهواوي رهينك

كنت احسبنك ياحياتي تنبه=للمسأله لو حلها في يدينك
واثرك من اللي يقول خله وكبه=ياشين قولك بالخفايا وشينك

كم لي وأنا عن شوفكم أغطي اعيوبي = وحلفتوا اللا شوفة اللي فالحشا يبقى
واللي بغا مني القضا حقٍ وكتوبي = وشحيلة اللي في رضاكم طاح مايرقا

انا على شانه قطعت الدروبي =وعيني جنوبيه لو الروح شرقا
واصبحت من هجره شبيه مغلوبي=وآخر مايطري لي على البال فرقا

الشمس لا مالت هوا للغروبي=وقلبي يميل هموم وجروح حرقا
لعبتها من صدق وانت اللعوبي=ياللي سرقت القلب والروح سرقا

متى بتقبل يامنى العمر صوبي= ولامتى يبرق على الارض برقا
الله يغفر مامضا من ذنوبي=والله يجعلنا الى الطيب نرقا

الا متى يقبل منى العمر صوبي=ولا متى يبرق على الارض برقا
الله يغفر مامضا من ذنوبي= والله يجعلنا الى الطيب نرقا

صح بدنك ولاهنت وصح السانك :)

اسمحوا للي لفاكم عقب غيبه=بالسلام لكم ومعكم اقبلوا به
اقبلوا به بينكم يا ذالشبيبه=ابن عمٍ يمكم جت به دروبه

والبقا باللي يرحب في مجيي=اشهد انه صدق والله والبقابه
مثل قول الشمري (يابعد حيي)=بان لي مَعْدَنْك نسل اسود غابه

هاضني بعض اخوياي وشدّني بابداعـه=والمـشـاعـر دايـمــاً بقـلـوبـنـا مـكـسـيـه
ياهمـامـي يامراسـيـل الـهـوى واتبـاعـه=انقلـوهـا وابعثـوهـا بـالـوصـل محـمـيـه

هات ياعبدالرحيم ابن الجباره=بيت او بيتين واعطي لك بدلها
تكتب انت بفن مخلوط بشطاره=وحن نجيب بيون تبغي من عدلها

هذي جهالة فكر وعلوم شيطان =عمى بصيره يالعقول الجهوله
الله حسيبك ياللي اغتال وجدان = تبّت يديـــــنك ياعدو الطفوله

همٍ بصدري ملتجي يالجباره=مايفرجه ياكود من قيل رحمن
الواحد اللي كل كونه اناره=بالشمس ونجومٍ لها اشكال وألوان

نعتز باسمه يامحمد طهاره = سبحانه المعبود مبدع بالاكوان
الاوله عبد ولاهي حقاره = لكنها خصلة من خصال الإيمان
والثانية جبابرة بالاشاره = عشيرتي لها من الوزن أطنان

نطلبك تشاركي وتآزرينا=حيثك انتي صاحبة الفكر هذا
مايصير انك تجينا تشاهدينا=جيبي إلنا بيت مع بيتٍ محاذا

ذكْرك معمم وصل لحد سينا = لو تبدل رقم هيكل ماخفانا
والحكي يمسي خبر يصبح يقينا = ومرحبا بالبارق اللي قد لفانا
بالفرس والفارسة منا وفينا = وانت يالمحزم ترى بلسم شفانا