تعرفنا وسولفنا وقلنا لـ / الحياه ، احلام ! = نمت معنا ، وتجمعنا ، [ ولا نقدر نحقّقها ] !
وبدينا نحس بـ / الاشواق لو نبعد 3 أيّام = سقا الله ليلةٍ من طولها نحسب دقايقها !
اقول : انت الفرح ، واحساس قلبك مصدر الالهام = يقول : انت السعاده معك شف [ رفّة بيارقها ] !
لو ان عمر المحبّه مثل عمر الحبر بـ / الاقلام ؟ = نثرت الحب فـ / اوراقي ، ولا يقدر يشقّقها !
ولو قلبي قسا من قو قسوة تالي الاعوام ؟ = جمعت همومي اللي ما تطاق وقلت لك : طقها !
انا وشلون بـ / انسى قصّتك لاهبّت الانسام ؟ = لاجيت اسج شفت [ احداث يومي ] لي توثّقها !
يذكرني غروب الشمس بعدك ، وألعن الاوهام = ويطري وصلك فـ / بالي لاجات بـ [ وقت مشرقها ] !

ماعاد لي فـ / الصمت قوّه ولاحول = والبوح ؟ ودّي به ، ولا اعرف طريقه !
وانت الذي عن حالة الصمت مسؤول = حقيقةٍ [ يا صعبها ] من حقيقه !
يا معايد جروحي من الحول لـ / الحول = طيفك يعايد ناظري بـ / الدقيقه !

تعال سولف [ علي ] ، وعطني اخبارك = يا اللي من العام تذبحني ، وتحييني !
مجبور اطوّف لو انها زادت اعذارك = يا متلف الحال بين الحين والحيني
يا صبر قلبي على هجرانك ، ونارك = ويا كثر ما اجر صوتي لاجل توحيني !
ياهيه قلّي ما جاك الشوق ؟ ما زارك ؟ = لو انّه زارك ؟ طلع صوتك يلاحيني
ما شفت طير يحوم بـ / حيّك ، ودارك ؟ = شهرين ما غير يكفخ بـ / الجناحيني ؟
يا قرد حظ الهوى ماهو بـ / متبارك = [ يا كم صاحين به ، ماهم بـ / صاحيني ] !