يامنطق الشعر ، ياموجّز معاناتـي = ماملت اذنك من احزاني واهاتـي
حاجات واجد احاول إني اذكرهـا = واذكر نهاياتي ولا اذكر بداياتـي
الضحكه اللي قبل عامين موجوده = هي اخر اللي ذكرته من محطاتـي
فقدت واجد قبل لاترحل الضحكـه = وفقدتها بعد ماماتـت طموحاتـي
اسمع بكلمة حزين وكنت ما أصدق = واليوم صارت قناعه من قناعاتي
حزين لكن ماهي بنهايـة الدنيـا = عارف وواثق بان الاجمل الآتـي
اسمي على اذهان خلق الله ثبتـه = باني صديقً تشرفنـي صداقاتـي
اصحابي اصدق عباد الله واوفاهم = نعماً بصدقي ونعمـاً باختياراتـي
واللي نساني كذا ، واللي تجاهلني = اشيلهم وبهـداوه مـن سجلاتـي
ماني بجابر قلوب الناس تغلينـي = مادام عقلي يوازن رتم خطواتـي
وقناعتي في حياتي اجمل اشيائـي = اللي تبدد همومي فاصعب اوقاتـي
حتى إذا سالت دموعـي ترجعهـا = بالعزه ، لصوتي وتذرف بنبراتـي!!