المساعد الشخصي الرقمي

مشاهدة النسخة كاملة : دونـــــك الحظ وقف ,,,

العرجاني محمد
17-02-2005, 02:46 AM
السلام عليكم ورحمة الله وبركاته هذه مشاركتي الأولى لي معكم و هي عبارة عن أول قصيدة كتبتها وهي قديمة وأتمنى منكم أن تعطوني رأيكم فيها ..




دونك الحظ وقف ياحبيبي وطاح = ماقوى الحظ صوبك يستحث المسير

وقلبي إللي هجرته ياكثير المزاح = مالهج غير بإسمك راجين فيك خير

ليت حبك جرحني ياحبيبي وراح = البلا إن طيف حبك في خيالي أسير

مايفارق عيوني طيفك إللي أستراح = خلف حدب الضلوع ووسط نون النظير

إن تبعدت عنك صابني لك شفاح = وإن تقربت منك أصطليت بسعير

وإن تبسمت رفرف قلبي بلا جناح = وإن تكدرت طرفي لأجل عينك سهير

صار حبك عذابي في المساء والصباح = مالقلبي فكاك ولا لروحي مطير

ياحياتي طلبتك بادري بالسماح = وأرحمي قلبي إللي من عذابك خطير

وش حياتي بدونك لى نويتي المراح = مالها اليوم قيمة دام مابه خشير

حسبي الله على إللي مانواه الفلاح = حظي إللي رماني بين رمضاء وهجير




وســــــــــــــــــلا متكم


محمـــــــــــد العرجــــــاني
ابومحمد الشامري
17-02-2005, 08:02 AM
قصيدة رائعة ومعبرة صح لسانك يا محمد على هذه الرائعة تسلم يمينك على ما خطت لنا
monamora
17-02-2005, 09:32 AM
حياتي بدونك لى نويتي المـراح
مالها اليـوم قيمـة دام مابـه خشيـر

حسبي الله على إللـي مانـواه الفـلاح
حظي إللي رماني بين رمضاء وهجير
صح السانك يالعرجاني :) ننتظر المزيد
العرجاني محمد
17-02-2005, 01:17 PM
صح بدنك ياأبو حمد الشامري ومشكور يالسنافي على مرورك الحلو ياحلو
العرجاني محمد
17-02-2005, 01:18 PM
صح بدنك يا monamora وإن شاء الله تكون القصيدة أعجبتك ,,, ومشكورة على مرورك الجميل ,
أبو محمد
17-02-2005, 02:58 PM
صح لسانك يا العرجاني وبانتظار ابداعاتك القادمة
راشد الذويب
18-02-2005, 01:18 AM
صح لسانك يامحمد

فاضت روح القصيد بهذه الابيات الرائعه

ابحرت بنا في عالم آخر لايصادفنا فيه الا كل ماهو جميل وعذب

تقبل ودي وإعجابي
العرجاني محمد
18-02-2005, 02:06 AM
صح بدنك ياعبدالهادي بن حفيظ والله لا يهينك على المرور الجميل
العرجاني محمد
18-02-2005, 02:07 AM
صح بدنك ياراشد الذويب شرفتني بكلماتك وبمروك الجميل طال عمرك ,,,,
عبدالله الوعيلي
18-02-2005, 02:35 PM
اخي العرجاني محمد

قصيده رائــــــــــــــــــــــعه


يعطيك الف عافيــــــــــــــه
العرجاني محمد
18-02-2005, 02:50 PM
حياك الله يااخوي تاية الغربة والله لا يهينك على المرور الجميل
راشد الذويب
18-02-2005, 06:42 PM
السلام عليكم ورحمة الله وبركاته

إخواني اضع هذا النص امامكم لعله يحوز على رضاكم واستحسانكم

القصيدة قديمـه



يالله توفق مـن هـو اليـوم نـوّا
نوّا وهو منهـا مشكـك وهاقـي
عزه على درب المراجـل مسـوّا
وهو مسندي لامن غدا الشر راقي
وابرج لمـن كنّـه طريـحٍ يكـوّا
وقلبه من اللوعات والهـم شاقـي
من صوبها وش عاد بقّـا ماسـوّا
ومن القهر والغبن وش عاد باقـي
للساري اشعل قمة الضلـع ضـوّا
يـوم ان قلبـه للمهمـات فاقـي
الـي ضميـره للمراجـل تـقـوّا
يجيـك فعلـه صامـلٍ للملاقـي
والـي يضيّـر مثـل ناقـه لبـوّا
ماسر زهّام العرب يـوم ضاقـي
كنّـه ليـا جيتـه تنـهّـض ودوّا
واصبح يرحب في محل التلاقـي
ابوه وجده فـي المواجيـب جـوّا
وباقي لهم من مجد جـده بواقـي
وكنّه ليا من جبـت علمـك تلـوّا
وصارت دروب العز عنده ضواقي
اعلم تراها سيطـرت بنـت حـوّا
والسر يلحـق بالسلـوك الدقاقـي
ومن قبل صفحات الشعر لاتطـوّا
اخذ الخبر بين العـروق الرقاقـي
لاواهني من هو على الشيخ خـوّا
خوّا على زايد صعيـب المراقـي
وعليه يامانع تـرا الوقـت ضـوّا
علمٍ على ماقيـل ماهـوب ياقـي
وسلامتكم
ابن وعيل
18-02-2005, 06:50 PM
صح لسانك يالعرجاني

قصيده رائعه ننتظر جديدك
العرجاني محمد
19-02-2005, 01:31 AM
صح بدنك ياابن وعيل ,, ومشكور على المرور الجميل
فهد بن محسن
19-02-2005, 10:06 PM
صح لسانك يابو عبد الله

قصيده جزله ووافيه ... قصيده تستحق الاشادة .. وتستحق القراءه مره ومرتين

شاعر مبدع يا محمد

تحياتي لك

ولاتحرمنا جديدك

اخوك \ فهد بن محسن
العرجاني محمد
22-02-2005, 02:19 AM
اررررررررررحب ياابومحسن شرفتني طال عمرك بكلامك ومرورك الحلو ( ياحلو)
الـكـادي
23-02-2005, 05:32 AM
صح السانك يا العرجاني

قصيده جميله جدا
الـكـادي
23-02-2005, 05:34 AM
صح السانك يا العرجاني

قصيده جميله جدا
العرجاني محمد
23-02-2005, 12:13 PM
صح بدنك يابنت شيوخ وياأهلين وسهلين وميه مرحبا
العنيد
23-02-2005, 12:17 PM
العرجـــــــــــــــــــــــاني محـــــــــــــــــــــــــــمد الف شكر لك يا سيدي الفاضـــــــــــــــــــل على هذه القصيدة الرااااااااااائعه...
العرجاني محمد
25-02-2005, 03:18 AM
حياك الله يالعنيد وشكرا على مرورك الجميل وكلماتك الحلوة
حبيب
25-02-2005, 03:52 AM
الاخ الشاعر محمد صح اللسانك مليوووووووووووون ولا يكفووووووووووون


قصيده جزله من جزل سجل اعجابي ومتابعتي


تحياتي
العرجاني محمد
25-02-2005, 04:08 AM
مرحبا ملياااااااااار ياحبيب ... والله إنك أخجلتني بكلماتك عسى عمرك طويل ,, شرفتني بمرورك يالسنافي
مشوقاني
05-03-2005, 12:14 PM
إن تبعدت عنك صابنـي لـك شفـاح
وإن تقربت منـك أصطليـت بسعيـر


صح لسانك يا العرجاني وننتظر المزيد

مشوقانــــــــــــــــــــــــــــــــــــــــــيF F0000
العرجاني محمد
05-03-2005, 02:50 PM
صح بدنك يامشوقاني ... شرفتني بمرورك طال عمرك
العفيفه
05-03-2005, 08:15 PM
مشكووووووووووووووووووووووووووور
الله يعطيك العافيه اخوي ابدعت
تسلم ايدينك
العرجاني محمد
05-03-2005, 08:38 PM
حياك الله ياروبـي 2004 شرفتيني بمرورك وإن شاء الله تكون القصيدة أعجبتك