فهد بن محسن
02-01-2006, 01:49 AM
السلام عليكم ,, واسعد الله اوقاتكم بكل خير ,,, اخترنا لكم هذه القصيده الرائعه للشاعر عبد الله ابن عماره .. وعسى ان تنال اعجابكم
الله الله خير مبدا ببتـدي بـه وانحنـي لـه=بطلبـه ربـي يبـدل سيئاتـي بالحسـانـي
وان لقيت ابليس لللـذات يومـي لـي شليلـه=ماتبعتـه يـوم يومـي للطريـق المشبهانـي
عزتي ليه ضاع وقته يوم يومي عزتـي لـه=ماغواني دون عمري دون عمري ماغوانـي
للطريق اللـي بداياتـه علـى جمـر المليلـه=والنهايه في جهنم..0(كان ربي مـا هدانـي)
والقصايد ماتجيـب المرجلـه قولـه وقيلـه=كم وكم من شاعرٍ قد قال: انا عنتـر زمانـي
وإن نشدته وين فعلك؟وش طلع ناتج حصيله؟=قال :مدري ما مداني هاه؟! مدري مامدانـي
ناتج افعالـه (غثـاء السيل)مايربـح زميلـه=شغلته فالمردحه لاطـال عمـر المردحانـي
والذيابـه مـن مخالبهاعشاهـا تحتـدي لـه=والحصاني دوم دناعـه واسميهـا حصانـي
يوم ابو نافل صحيب الطيب كسـاب النفيلـه=كثّر الترحيب من طيبه ومن جـوده دعانـي
كيف ما سج القدم حامي على حامي واجي لـه=دامه الغالي وابن غالي واعـده مـن خوانـي
طول الله عمر نافل بان بيـن قـروم جيلـه=فاح صيته بين ربعه ريح مسك وزعفرانـي
في محله يـوم زان الكيـف بنـه زاد هيلـه=مرحبا لان المكان اللـي جمعكـم ذا مكانـي
ماعليه اخـلاف مـن رد الجميلـه بالجميلـه=دامها طيب وجماله صـدق يستاهـل عيانـي
موجز النشره قضا لكـن بعـد باقـي بديلـه=باقي التفصيل والتحليـل ثـم اعلـن بيانـي
.
.
.
راكب اللي كنها الخفـاق فـي راس الطويلـه=من بنات الريـح خمريـه حوافرهـا متانـي
فـي مقبلهـا سماحـه وانشراحـه وتهليلـه=معجزه سبحان من نزل لنـا سبـع المثانـي
الاذانـي بذرتين..ارمـوش عينيهـا ظليلـه=كن مناخرها حجول الترف عود الخيزرانـي
والشدوق اشبر وضيع من مزاياها الاصيلـه=لجـة اللجـه معـا لحيانهـا ملقـى العنانـي
عنقها عنق الفريد اللـي يجفـل مـن مقيلـه=في نحرها نحتت الفرعون تبغـى ترجمانـي
والعداله ليّحـت ذرعانهـا مـن غيـر ميلـه=زاوية سبعيـن فـي سيقانهـا رسـمّ بيانـي
والسماحيـق الملايـا مستطيلـه ..مستطيلـه=ظهرها يجذب متون اعضودها عزلا مثانـي
اللحـم ينصـى فقاحتهـا وخلاهـا جليـلـه=ما تطبق فوق عرض جنوبها احبال الموانـي
لا ادبرت كن ذيلها شختور من حق المخيلـه=نابثات اسدوسها سفـاح مـن فـوق الاذانـي
تنـزوي بشقاقهـا بشقاقهـا الاخـر بخيلـه=في نهار العيد عيد ضحيه وعيـد رمضانـي
فرقها عن بنت راع الطايلـه برقـع وشيلـه=غير ربي عاضها ملبوسهـا زل اصفهانـي
لا استفزوها وفـزت مـن مواطيهـا الثقيلـه=فزت الملقوص لانّس حـر سـم العقربانـي
فوقها لاشاش مزبـان الدخيـل يشـد حيلـه=هزت جيوش وعروش وهزت كبار المبانـي
لاتراخـا كنهـا قالت:ويـامـال الهشيـلـه=اسهج ..اسهج لين اخلي النجم والمزنه وزاني!!
بالفرج بشر دخيلـه بالفـرج بشـر دخيلـه=لو عليه الدم يطبق طبقـت السحـر العمانـي
بين جمعين وبحر دربه خضر..تخلي سبيلـه=كرّها مع فرّهـا تقبـل بعـد تدبـر رزانـي
كنها جلمود صخرٍ هـد مـن علـويّ سيلـه=ماتقايش عندها قحص الرمك مثـل السوانـي
غاية الشيخان والفرسـان لـو انهـا وسيلـه=منوه اصبح دونها منيـه ماجابتهـا الامانـي
شافها شقران وابـدى الاهتمامـات الجميلـه=ساق خيله في طلبهـا كلهـا قاصـي ودانـي
واعتذرنا دون قاصر يذكـر بهـدات خيلـه=والقناعه عشر مـا ترجـع لراعيهـا ثمانـي
الهديـه ماتبـاع وكيـف تعطى؟مستحيلـه!=يوم عيينـا عليهـا صفـوة الجـل البدانـي
حافظين اعلومها قبل الف ليلـه والـف ليلـه=مدهـا ولـد الخليفـه جعـل يفـداه الهدانـي
شدها عبلان مـن بـدع التماثيـل الجزيلـه=وامها ركابها صقـر الجزيـره مـا يوانـي
ينطح الجمع الغفير بجمعه اللـي يرتكـي لـه=واختها فاول جموعٍ قادهـا شيـخ آل ثانـي
واختها الاخرى معا زايد وسماهـا الكحيلـه=درب اخيها جرّته جل الولي مثـل المحانـي
احتمى له بن صباح ان فز لز..ويحتمـي لـه=سرج ابيها لابرا للكوم مـن فوقـه ضمانـي
طوعه راع العضيبا طوعـه هـادي عميلـه=المسيحير المسمى (قال:واللي لـه حصانـي)
ماعسفها غير شيخ ونفخـر ان قلنـا مثيلـه=شيخنا راكان فعلـه ماغبـا وسـط البيانـي
يوم زعزع دولة المسقوف وادقم كـل عيلـه=قام فاسطنبـول تمثالـه وهـز الصربيانـي
عسفهـا قـوى قوايمهاولامنـهـا فشيـلـه=من طمان ليا رفاع ومن رفاع ليـا طمانـي
فوقهـا يامقطـع الفرجـان شغمـوم ودليلـه=سجها لعيون بـراق النحـر والعمـر فانـي
نصهـا (خيالـة السمـرا) مقابيـس الفتيلـه=بزرهم يسوى عقيد ويعتبـر مزبـان جانـي
من (قنيبر) من (صلاح) الدم من نفس الفصيله=(آل عرجا) كسوة العاري ليا غـاب الفهانـي
للصحيب ارقا سنـود وللحريـب الحنظليلـه=حاربوا فعل الخنا بالطيـب طلقيـن اليمانـي
فعلهم بالصلب والصمـان مـا يخفـا دليلـه=عزوةٍ منـا وفينـا مـن قديمـات الزمانـي
لاتعصبنـا القنـازع نقطـع اكبـادٍ غليلـه=في حمانا ما يحل اللي بـلا مقـلاط عانـي
مايحـل..ان حـل بالغـارات حققنـا جفيلـه=قلتها نايب عن (المصرا)وفيها شـرح ثانـي
من حمد مسعود ..مسعود انتمي له وانتمي لـه=احتمي(للشامري)و(الضاعني)فيهـم مـدانـي
محزمي (مرزوق) والا من على المتنين اشيله=تاج راسي واعتزي بـه لاحدانـي ماحدانـي
ياعوال (عجيم) ششت!!ولابقـا فاليـد حيلـه=ارقبوا لي لين اعلّي واقطف سهيـل اليمانـي
ياعوال(هشام) مرويـن الرهيفـات الصقيلـه=الفصاحه من مخيخ المخ صبت في لسانـي!!
ياعقايد(يـام)لارد الـبـرا سـقـم الدبيـلـه=الجنان اللـي لفانـي مـن جنـان الغيهبانـي
بطلب الله مـا يزيله..ياعسـى الله مايزيلـه=ياشغاميم محلف يا كـل يامـي وقحطانـي
دون قاصر فالقبايل كلهـا واهـل الفضيلـه=اسمعوا وش قالت الحكمه تراها مـن جنانـي
أكثـر المضمـون راح ولا تبقـى الا قليلـه=ياعزيزي المستمع لحظه معـي ركز..ثوانـي
يمكن القى مودماني..شخص..يسوى له قبيلـه=بس ماالقالـي قبيله..كاملـه فـي مودمانـي
ماخضع راسي ولايخضع ولا حولي خميلـه=دام يوجد شخص من ربعي عريبين المجانـي
عبدالله بن سالم بن عماره العجمي
الله الله خير مبدا ببتـدي بـه وانحنـي لـه=بطلبـه ربـي يبـدل سيئاتـي بالحسـانـي
وان لقيت ابليس لللـذات يومـي لـي شليلـه=ماتبعتـه يـوم يومـي للطريـق المشبهانـي
عزتي ليه ضاع وقته يوم يومي عزتـي لـه=ماغواني دون عمري دون عمري ماغوانـي
للطريق اللـي بداياتـه علـى جمـر المليلـه=والنهايه في جهنم..0(كان ربي مـا هدانـي)
والقصايد ماتجيـب المرجلـه قولـه وقيلـه=كم وكم من شاعرٍ قد قال: انا عنتـر زمانـي
وإن نشدته وين فعلك؟وش طلع ناتج حصيله؟=قال :مدري ما مداني هاه؟! مدري مامدانـي
ناتج افعالـه (غثـاء السيل)مايربـح زميلـه=شغلته فالمردحه لاطـال عمـر المردحانـي
والذيابـه مـن مخالبهاعشاهـا تحتـدي لـه=والحصاني دوم دناعـه واسميهـا حصانـي
يوم ابو نافل صحيب الطيب كسـاب النفيلـه=كثّر الترحيب من طيبه ومن جـوده دعانـي
كيف ما سج القدم حامي على حامي واجي لـه=دامه الغالي وابن غالي واعـده مـن خوانـي
طول الله عمر نافل بان بيـن قـروم جيلـه=فاح صيته بين ربعه ريح مسك وزعفرانـي
في محله يـوم زان الكيـف بنـه زاد هيلـه=مرحبا لان المكان اللـي جمعكـم ذا مكانـي
ماعليه اخـلاف مـن رد الجميلـه بالجميلـه=دامها طيب وجماله صـدق يستاهـل عيانـي
موجز النشره قضا لكـن بعـد باقـي بديلـه=باقي التفصيل والتحليـل ثـم اعلـن بيانـي
.
.
.
راكب اللي كنها الخفـاق فـي راس الطويلـه=من بنات الريـح خمريـه حوافرهـا متانـي
فـي مقبلهـا سماحـه وانشراحـه وتهليلـه=معجزه سبحان من نزل لنـا سبـع المثانـي
الاذانـي بذرتين..ارمـوش عينيهـا ظليلـه=كن مناخرها حجول الترف عود الخيزرانـي
والشدوق اشبر وضيع من مزاياها الاصيلـه=لجـة اللجـه معـا لحيانهـا ملقـى العنانـي
عنقها عنق الفريد اللـي يجفـل مـن مقيلـه=في نحرها نحتت الفرعون تبغـى ترجمانـي
والعداله ليّحـت ذرعانهـا مـن غيـر ميلـه=زاوية سبعيـن فـي سيقانهـا رسـمّ بيانـي
والسماحيـق الملايـا مستطيلـه ..مستطيلـه=ظهرها يجذب متون اعضودها عزلا مثانـي
اللحـم ينصـى فقاحتهـا وخلاهـا جليـلـه=ما تطبق فوق عرض جنوبها احبال الموانـي
لا ادبرت كن ذيلها شختور من حق المخيلـه=نابثات اسدوسها سفـاح مـن فـوق الاذانـي
تنـزوي بشقاقهـا بشقاقهـا الاخـر بخيلـه=في نهار العيد عيد ضحيه وعيـد رمضانـي
فرقها عن بنت راع الطايلـه برقـع وشيلـه=غير ربي عاضها ملبوسهـا زل اصفهانـي
لا استفزوها وفـزت مـن مواطيهـا الثقيلـه=فزت الملقوص لانّس حـر سـم العقربانـي
فوقها لاشاش مزبـان الدخيـل يشـد حيلـه=هزت جيوش وعروش وهزت كبار المبانـي
لاتراخـا كنهـا قالت:ويـامـال الهشيـلـه=اسهج ..اسهج لين اخلي النجم والمزنه وزاني!!
بالفرج بشر دخيلـه بالفـرج بشـر دخيلـه=لو عليه الدم يطبق طبقـت السحـر العمانـي
بين جمعين وبحر دربه خضر..تخلي سبيلـه=كرّها مع فرّهـا تقبـل بعـد تدبـر رزانـي
كنها جلمود صخرٍ هـد مـن علـويّ سيلـه=ماتقايش عندها قحص الرمك مثـل السوانـي
غاية الشيخان والفرسـان لـو انهـا وسيلـه=منوه اصبح دونها منيـه ماجابتهـا الامانـي
شافها شقران وابـدى الاهتمامـات الجميلـه=ساق خيله في طلبهـا كلهـا قاصـي ودانـي
واعتذرنا دون قاصر يذكـر بهـدات خيلـه=والقناعه عشر مـا ترجـع لراعيهـا ثمانـي
الهديـه ماتبـاع وكيـف تعطى؟مستحيلـه!=يوم عيينـا عليهـا صفـوة الجـل البدانـي
حافظين اعلومها قبل الف ليلـه والـف ليلـه=مدهـا ولـد الخليفـه جعـل يفـداه الهدانـي
شدها عبلان مـن بـدع التماثيـل الجزيلـه=وامها ركابها صقـر الجزيـره مـا يوانـي
ينطح الجمع الغفير بجمعه اللـي يرتكـي لـه=واختها فاول جموعٍ قادهـا شيـخ آل ثانـي
واختها الاخرى معا زايد وسماهـا الكحيلـه=درب اخيها جرّته جل الولي مثـل المحانـي
احتمى له بن صباح ان فز لز..ويحتمـي لـه=سرج ابيها لابرا للكوم مـن فوقـه ضمانـي
طوعه راع العضيبا طوعـه هـادي عميلـه=المسيحير المسمى (قال:واللي لـه حصانـي)
ماعسفها غير شيخ ونفخـر ان قلنـا مثيلـه=شيخنا راكان فعلـه ماغبـا وسـط البيانـي
يوم زعزع دولة المسقوف وادقم كـل عيلـه=قام فاسطنبـول تمثالـه وهـز الصربيانـي
عسفهـا قـوى قوايمهاولامنـهـا فشيـلـه=من طمان ليا رفاع ومن رفاع ليـا طمانـي
فوقهـا يامقطـع الفرجـان شغمـوم ودليلـه=سجها لعيون بـراق النحـر والعمـر فانـي
نصهـا (خيالـة السمـرا) مقابيـس الفتيلـه=بزرهم يسوى عقيد ويعتبـر مزبـان جانـي
من (قنيبر) من (صلاح) الدم من نفس الفصيله=(آل عرجا) كسوة العاري ليا غـاب الفهانـي
للصحيب ارقا سنـود وللحريـب الحنظليلـه=حاربوا فعل الخنا بالطيـب طلقيـن اليمانـي
فعلهم بالصلب والصمـان مـا يخفـا دليلـه=عزوةٍ منـا وفينـا مـن قديمـات الزمانـي
لاتعصبنـا القنـازع نقطـع اكبـادٍ غليلـه=في حمانا ما يحل اللي بـلا مقـلاط عانـي
مايحـل..ان حـل بالغـارات حققنـا جفيلـه=قلتها نايب عن (المصرا)وفيها شـرح ثانـي
من حمد مسعود ..مسعود انتمي له وانتمي لـه=احتمي(للشامري)و(الضاعني)فيهـم مـدانـي
محزمي (مرزوق) والا من على المتنين اشيله=تاج راسي واعتزي بـه لاحدانـي ماحدانـي
ياعوال (عجيم) ششت!!ولابقـا فاليـد حيلـه=ارقبوا لي لين اعلّي واقطف سهيـل اليمانـي
ياعوال(هشام) مرويـن الرهيفـات الصقيلـه=الفصاحه من مخيخ المخ صبت في لسانـي!!
ياعقايد(يـام)لارد الـبـرا سـقـم الدبيـلـه=الجنان اللـي لفانـي مـن جنـان الغيهبانـي
بطلب الله مـا يزيله..ياعسـى الله مايزيلـه=ياشغاميم محلف يا كـل يامـي وقحطانـي
دون قاصر فالقبايل كلهـا واهـل الفضيلـه=اسمعوا وش قالت الحكمه تراها مـن جنانـي
أكثـر المضمـون راح ولا تبقـى الا قليلـه=ياعزيزي المستمع لحظه معـي ركز..ثوانـي
يمكن القى مودماني..شخص..يسوى له قبيلـه=بس ماالقالـي قبيله..كاملـه فـي مودمانـي
ماخضع راسي ولايخضع ولا حولي خميلـه=دام يوجد شخص من ربعي عريبين المجانـي
عبدالله بن سالم بن عماره العجمي