فهد بن محسن
11-11-2005, 07:31 PM
ان جا ينادمني وضيع من الناس
ان جا ينادبني وضيعٍ من الناس = صديت عنه وقلت منتب نديمي
ماهوب كبر وكل ناسٍ لها اجناس = وعندي عزيز النفس دايم حشيمي
للكبر والله ماتوشحت بلباس =بكتب التواضع ناجح بتعليمي
انادم اللي رفقته ترفع الراس= وياقف معي دايم بوجه الخصيمي
ان كبرت القاله والارياق يباس = يظيم عدوانه ولا يستظيمي
وعندي لياشفت المناعير جلاس = انا لهم بايات فكري كليمي
ولا قارب الخايب ولا كل بلاس = اللي على نقل النمايم فهيمي
نشدتني تقول بالقلب هوجاس = قلت أي نعم مافيه حي سليمي
يابو محمد كن ماعندي اوناس = اليا خفق فكري بشيء عظيمي
اغيب كني وسط ظلمات الادماس = واناجي الرب العظيم الكريمي
اناجي الخلاق قطاف الانفاس = الواحد اللي فوق عرشه مقيمي
عز الله اني بالهواجيس غطاس = وعزي لمن هو في بحرهن يهيمي
يابندر الجبرين مامعرب الساس = اخلصت لك حيث نديم حليمي
العالم الله ماهرجنا بالادناس = والله بما يخفى فهيم عليمي
ولادن في جلساتنا حافة الكاس = ولا نخوض بكل هرجٍ ذميمي
واللي نوده قطعٌت عنه الارماس = ذكراه مثل احلام ليل بهيمي
وقت النضا قفا وقفن الافراس = وحتى زهزر الورد صارت هشيمي
والنمر مخلد عقب ماهوب فراس = والبوم عقب الذل صبٌح عديمي
وديك الدجاج معلق فيه الاجراس = والصقر في صكات وقته سقيمي
وابو حقب حصل بالايام نوماس = الحر غاب وصار عقبه زعيمي
وين الرجال مروية كل عباس = اهل المهار اللي تعط الرهيمي
اقفو كما غيم تقفاه نسناس = ولاحدن بها الدنيا مقيم مديمي
كم واحد في لجة العيب غطاس = يفوت عمره في ضلاله بهيمي
من الذهب لوهو خزن طرم الاكياس = جن من كريم وحرم منها اليتيمي
محمد الاحمد السديري
تحياتي للجميع
ان جا ينادبني وضيعٍ من الناس = صديت عنه وقلت منتب نديمي
ماهوب كبر وكل ناسٍ لها اجناس = وعندي عزيز النفس دايم حشيمي
للكبر والله ماتوشحت بلباس =بكتب التواضع ناجح بتعليمي
انادم اللي رفقته ترفع الراس= وياقف معي دايم بوجه الخصيمي
ان كبرت القاله والارياق يباس = يظيم عدوانه ولا يستظيمي
وعندي لياشفت المناعير جلاس = انا لهم بايات فكري كليمي
ولا قارب الخايب ولا كل بلاس = اللي على نقل النمايم فهيمي
نشدتني تقول بالقلب هوجاس = قلت أي نعم مافيه حي سليمي
يابو محمد كن ماعندي اوناس = اليا خفق فكري بشيء عظيمي
اغيب كني وسط ظلمات الادماس = واناجي الرب العظيم الكريمي
اناجي الخلاق قطاف الانفاس = الواحد اللي فوق عرشه مقيمي
عز الله اني بالهواجيس غطاس = وعزي لمن هو في بحرهن يهيمي
يابندر الجبرين مامعرب الساس = اخلصت لك حيث نديم حليمي
العالم الله ماهرجنا بالادناس = والله بما يخفى فهيم عليمي
ولادن في جلساتنا حافة الكاس = ولا نخوض بكل هرجٍ ذميمي
واللي نوده قطعٌت عنه الارماس = ذكراه مثل احلام ليل بهيمي
وقت النضا قفا وقفن الافراس = وحتى زهزر الورد صارت هشيمي
والنمر مخلد عقب ماهوب فراس = والبوم عقب الذل صبٌح عديمي
وديك الدجاج معلق فيه الاجراس = والصقر في صكات وقته سقيمي
وابو حقب حصل بالايام نوماس = الحر غاب وصار عقبه زعيمي
وين الرجال مروية كل عباس = اهل المهار اللي تعط الرهيمي
اقفو كما غيم تقفاه نسناس = ولاحدن بها الدنيا مقيم مديمي
كم واحد في لجة العيب غطاس = يفوت عمره في ضلاله بهيمي
من الذهب لوهو خزن طرم الاكياس = جن من كريم وحرم منها اليتيمي
محمد الاحمد السديري
تحياتي للجميع