اشكر الصاحب المحبوب عابر سبيل

[محمدابوشهاب]

اشكر الصاحب المحبوب عابر سبيل = بعد مادلني للموقع العالمي
لاذكرت الشجاعه قلت ياليل ليل = ابن حثلين والدامر ونسل عجمي

[ابومحمد الشامري]

لا هنت يا محمد بن راشد على الطاروق الممتع ومرحبا بك يا السنافي في محلك وفي انتظار رد اخينا العزيز عابر سبيل.

[محمدابوشهاب]

لا هنت يا محمد بن راشد على الطاروق الممتع ومرحبا بك يا السنافي في محلك وفي انتظار رد اخينا العزيز عابر سبيل.
ابوحمد

ولاانت

وبك البقا


ولاشك بين اخواني


واشكر مرورك وحضورك


لاهنت

[محمدابوشهاب]

عابر سبيل


وينك


ننتظرك


حرك اللعب

وشكرا

["بدر العجمي"]

مرحبا يا محمد يالله حيه

بنقدمك طال عمرك ومايقدم بالقوم الا خيارها
تبينا على هالطاروق نفسه ولا تقصد طواريق ثااانيه

["بدر العجمي"]

ابشر

مثلها يامحمد مرحبا يالعميل=انورت دارنا بالشاعر الفاهمى
زودهم فى سميلك هذاك الطويل=مغنمك يامحمد ربعنا ومغنمى

["بدر العجمي"]

تنويه

سميلك= (سمينلك) خطى مطبعى بالاول
والمقصد سميك محمد الطويل الفارس المعروف

[محمدابوشهاب]

يوم شفت الرساله ثم فتحت الاميل = قلت دعوه وفرصه لجل اسج قدمي
انت شاعر ولالك فالخلايق مثيل = غير خل الحديده ياولد تحتمي

["بدر العجمي"]

انت ودك تشب النار خشم الفتيل=منت راضى يالين اوسمك فى ميسمى
تحسب انك نبى الله ذاك الخليل= غار ليتك تعرف اديانته تسلمى

[محمدابوشهاب]

استرح يالسنافي لاتحط وتشيل = الزمن حطني مابين عور وعمي
وانت منت بعلى كل الاوادم وكيل = غير رزعلمك وانا برزعلمي

["بدر العجمي"]

انت مابين صاحى عقل مدرى هبيل=وين الاقى وصوفك ياهذا الادمى
اتبع الدرب يارجال يومك دليل=لك ثلاثة ليال بدارنا تبرمى

لاهنت يا بوراشد

انا هاليومين مشغول استبيحك عذرا

لاسمحت الفرصه راح يكون لنا لقاء متجدد
وانت مكسب وشرف اللعب معااك
وانت ماخلووك الهيلا مشالله عليييك منت مقصر معهم:)

[محمدابوشهاب]

مع ان ردك قاسي ويحتاج رد


لكن فدوه


وشكرا لك

ماقصرت

[الــمــولــع]

الله واكبر عليكم ياشعارنا

صح الله السنتكم ملالالالالالايين

ومرحبااااا ملالالايين يا ابوراشد جيتك لنا وابرك الساعات

والله لايهين شايبنا عابر سبيل على دعوتك ولاهي غريبه عليه دعوة النشاما مثلك وشرواك

[alsma_salem]

لاحت الأنوار فى دياركم فخفق القلب فرحان
وصار الليل فى ركابكم نهار بنجـــــم راكان

[فهد بن محسن]

محمد راشد

بدر العجمي


صح الله اللسنتكم ولا هنتو


كان للابداع كلمة في هذه المحاوره


تحياتي للجميع