( قصيده وطنيه ) للشاعر فرج بن سالم بن سعران العرجاني

[عرجاني وافتخر]

السلام عليكم ورحمة الله وبركاته





http://www9.0zz0.com/2012/07/07/00/771653872.jpg (http://www.0zz0.com)


( قصيده وطنيه )

للشاعر / فرج بن سالم بن سعران العرجاني
أمام صاحب السمو الأمير تركي بن عبدالله بن محمد آل سعود
قائد لواء الأمير تركي الأول
عند زيارته التفقديه لقوات الحرس الوطني المرابطه بمنطقة الرياض




بعد السلام أقول يأمير وش صار=حتى عدو العرب يندى جبينه
ماحل بمعمر أنشوفه أبشار=اللي يهين الشعب ربي يهينه
تركي ولو شبت سما الأرض ثوار=صك الولاء لأهل الوفاء راهنينه
عكس الربيع اليعربي نرفع أشعار=عاش المليك وعاش منهو عوينه
حكامنا آل سعود وافين الأشبار=والشعب في طور الحكم خابرينه
الشعب واحد والتأهب على النار=كم طامعاً دون الوطن قاهرينه
انخوض غبات الخطر خوض بحار=بملاطم الأمواج قدنا سفينه
انتم وحنا بعد ربي حما الدار=ماهزنا كلباً نبح في قطينه
اليا نوانا ناقض العهد بوار=كرامة الحراب شلفاً سنينه
واليا نصانا جانح السلم خطار=تعطي العطايا من كرمنا يمينه
الدار حره في قوابيض الأحرار=الحر مايولا ولاحداً يهينه
رجواك ياعالم خفيات الأسرار=تحفظ ملكنا ياكريم وتعينه

[زمل المحامل]

ونعم
صح لسانه
عاش

[عساف ال محفوظي العجمي]

صح السان القائل وسلمت يمين الناقل وحييتم جميعا يال عرجاني

[محمد بن ناصر الغفيلي]

صح لسان الشاعر القدير فرج بن سالم العرجاني
وتسلم يالغالي على إيراد القصيدة

تحيتي و تقديري

[‏نظرات ملك]

صح لسانه ولا هنت يا الغالي على النقل الراائع

[عرجاني وافتخر]

زمل المحامل ، عساف ال محفوظي العجمي ، محمد بن ناصر الغفيلي ، نظرات ملك
صح الله أبدانكم ، وماعليكم زود ، وأشكركم على المرور ، ولاهنتوا