خاص أبو حمد الشامري ؟؟ [الأرشيف] - مجالس العجمان الرسمي

مشاهدة النسخة كاملة : خاص أبو حمد الشامري ؟؟

السفراني

26-10-2005, 05:41 AM

شخبارك بوحمد عساك طيب مبارك العشر وربها تكون لك مغفرة وطااعه

طراااه بن قروش ولا عليك امر اكتب لنا الشعر الي يقول فيه

ذب بن قروش عاليات .. ألخ

والله لا يهينك على الرد

ابومحمد الشامري

26-10-2005, 01:44 PM

مرحبا الف بالاخ العزيز السفراني هذي القصيدة قالها عبد الهادي بن راشد بن قروش في الشيح معضد بن حزام بن خرصان الملقب ( بابو حزام ):

ذب بن قروش بين سدحان والعين@لاضاق صدري عالي الرجم برقاه
يا ليتنا لا ما اصبح الصبح عجلين@وغض النهد للبيت دنت مطاياه
ويقود مظهوري مع الشعب منحين@واخلي اللي في الجبل ما تعداه
لاكان في داري غصون وبساتين@بخلي البستان للنيص يرقاه
بروح لظفران نزاعه الدين@آلاد القصيمي سعد منهم دناياه
يا راكب من عندنا فوق ثنتين@اسبق من البرقي على قد ممشاه
سلم على معضد ولم الخراصين@ربع(ن) تنوش الحق والهم تجلاه
ماكر حرار فعلهم يعجب العين@ينومس اللي حاضر ويتحلاه
اكبارهم بتقول ذالا سلاطين@وصغارهم كنهم فهودا مغذاه
كبار الصحون اللي على المدح ضارين@وبمدح الطيب على يد مسعاه
لامن ناصهم واحد(ن) راكبه دين@ولا ضعيف(ن) شاكي(ن) جور دنياه
بعوج الحجج من دونكم يا المساكين@وهم مرخصين الروح لا غلي مشراه
هم شيوخنا والبدو والحضر دارين@عيّين عراف(ن) علا كل مجهاه
هم نايف الضلعان حرز الشياطين@وهم الذرى والفي لا من بغيناه
غشامه لا جاء الخطاء مستعدين@مع ابو حزام(ن) تفعل الجود يمناه
يا ليتني معهم على العسر واللين@وجدي عليهم كل ما ضقت وجداه
حب لهم وهم ربعي عزيزين@كسابه للمدح والعدم تطاه

وسلامتك

العوووود

26-10-2005, 02:27 PM

السفراني مرحبابك ومسهلا ابوحمد لاهنت على ذكر القصيده

تقبلووو تحياااااتي

ابومحمد الشامري

26-10-2005, 05:02 PM

وفيه قصيدة ثانية لابن قروش يتذكر ديار ربعه ال شامر وفعولهم في السابق بعد ما هاجروا صوب المدن مع التوسع الحضاري فمر على بير مطوية من ديار ال شامر فرآها مهجورة فقال:
ذب أبن قروش عاليات الشناتير @ وأبدى بصوته في طويل اللياحي
على بني عم قروم مناعير @ مدهالهم تذرى عليه الرياحي
حولت وسط رسومهم وأشبح البير@ تدفنت من عقب ما هي صحاحي
عيا عليه حزام ياأبن المقاصير @ متذكر عصر مضى وين راحي
عَقب صبي ما يحب المحادير@ لمن تقفى النو والوسم طاحي
مع بني عمه والكره والخير @ مدهالهم سِعْد وماه القراحي
بين الدواسر والجمالين ومطير@ خيالة الحرشا طيور الفلاحي
شوامر تنطح جموع الطوابير@ من فوق صفر لا ذعرها الصياحي

ابومحمد الشامري

26-10-2005, 06:55 PM

ولا انت يا ابو محمد ما عليك زود يا السنافي ونرجوا الفائدة لجميع الاعضاء

الخليجي

26-10-2005, 09:10 PM

لاهنت يابو حمد على القصيدة

G3.KuT

27-10-2005, 06:16 AM

لاهنت يابو حمد على القصيدة

كحيلان العجمي

31-10-2005, 05:30 AM

لاهنت يابوحمد على القصيده الجزله

ابومحمد الشامري

01-11-2005, 01:57 PM

الاخوان العووود والخليجي وهايف السفراني وكحيلان ما عليكم زود

حبيب

01-11-2005, 11:08 PM

اابو حمد لاهنت على ذكر القصيده

وصح السان ابن قرووش ومعضد يستاهل وربعه يستاهلون المدح

تحياتي

هادي بن فهاد

01-05-2009, 10:18 AM

لاهنت يابو حمد على القصيدة