انواع الدرر

[ناصر الغيثاني]

بسم الله الرحمن الرحيم

مرحبا بالجميع والله يقدرنا على اللي ينال اعجابكم ويرضيكم


اخوكم / ناصر الغيثاني

[ناصر الغيثاني]

اصوغ لك جزل البيوت ولا يوفيك القصيد= لانك بعيني غير وبقلبي طريقً تسلكه
وما اكتب الا فيك من در النوادر والقصيد =لا شافها راعي الغرام يصير دربه مهلكه
وانت الذي فريد نوع وصار لي جنسك فريد=افتح لي أبواب الغلا ولاتصير مصككه
ملكت قلبي وأنت داري بس خذ علمً وكيد=أني عطيتك قلب صادق هات صكك وأملكه
واللي بقلبي من غلاك أكرره لك ثم أعيد=أن المحبه صادقه ولا دخلها فبركه

/ ناصر الغيثاني

[ناصر الغيثاني]

السلام عليكم ورحمة الله وبركاته

هذي الابيات وصلتني من الحاضر الغايب الشاعر / محسن الغيثاني
وحبيت اطرحها لكم
عسى تنال استحسانكم ورضاكم




يقوول ابو عبيد :




من دون لاطبخـه ولا بـه طبابيـخ=ياناصر ابن جابـر العلـم مطبـوخ
بعض العرب يحتاج لكمـه وتوبيـخ=ياتيـه بالايمـيـل والا بـصـاروخ
في دلهي الهندوس تعمل مع الصيـخ=واهنا خشيم الوقت بالكبـر منفـوخ
إلى متى ياأهـل الركـاب المناويـخ=وسط الصبخ مايزرع التين والخـوخ
حنـا ابتلشنـا بالقلـوب المفاصيـخ=عنها الحيا والصدق والدين مفصـوخ
ازعجني المقرود بالشيـخ والشيـخ=لاهوب متواضع ولاهـوب مطنـوخ
حتى لو انه نسـل روس المطانيـخ=نطاحة الواجـب ولباسـة الجـوخ
اقنص ولا اذكر يوم هديـت تفريـخ=ماهد غير اللي طرح راعي الكـوخ
وجيت الديار اللي زهتها التواريـخ=وتبغي الصحيح شيوخ ماحولك شيوخ


وهذا ردي عليه :






ياللي تعشقـون التتـن والمداويـخ=بغيت لي راسً من الخشق بـادوخ
القاف يبغي لـه عسافـه وتنويـخ=وأنا مضمر قـاف واطبـق البـوخ
وأن كان قافك به طراطع وطخطيخ=فأنا ترى عندي له علاج ومـروخ
أشوف به كميـن جاهـز وتفخيـخ=حتى تبين كـل خافـي ومفخـوخ
واللي يبي يسكـن بلوتـو ومريـخ=لابد عقلـه فيـه وشـه ومشمـوخ
يمـد وإليـا مـد مــده بتبـذيـخ=وإلى بخصته سامج الحكي ممصوخ
ماهمـه الا قولـة النـاس كشيـخ=ومغزغز ايدينه بساعـات وفتـوخ
وإلى مشى خلفـه عبـادً مكاميـخ=ولايتبعونه كون خبـلان وكمـوخ
بس استصيخي يالاذاني المصاويـخ=لعل من حكيي تصيخين ويصـوخ
اللي يهايط نكـوي السانـه بصيـخ=واللي يثمن كلمته عـاش بشمـوخ
واللي يبي يجني من الزرع بطيـخ=لابد مايقضي على حرثـه فـروخ

[ناصر الغيثاني]

السلام عليكم ^^^^ اسمحو لي عن الانقطاع رقم الظروف




معك طبت طيبن مايطيبونه الاقراب=ولو منت تستاهل فلا كان لك طبنا
احاتيك من جور الليالي وراسي شاب=ولو طبت يبقى الطيب فالوقت ماخبنا
وانا مايغرني معك وقتي الغلاب=إلى جيت جيت وتدري الناس وش جبنا
خلقنا عزاز نفوس مانتبع اللعاب=ونبقى على العزه لو الوقت غالبنا / ناصر

[ناصر الغيثاني]

في طريق الحب قلبي ماتراخا=وأن تراخا واجه أيام المفاخت
وأن نهيت القلب عيا ما أستصاخا=والعرب تسمع كلامي واستصاخت

[ناصر الغيثاني]

اتمنى كل ماطرحته لكم ينال اعجابكم ..



الطير ومقابل قروم الرياجيل=يسوى ملايين البنوك الثقيله
لاصرت مع ربع(ن) نشامى مشاكيل=اللي ليا ثقل الحمل لك تشيله
وترتاح لا منك وطيت المداهيل=خص(ن) ليا شفت الرسوم الحويله
ولا صرت في قاعن بها دارج السيل=هذا الدواء لأهل القلوب المليله