الدكتور محمد الحويله سوف ينجح لهذا السبب ؟

[مـــلغـــوم]

كثير من شباب القبيلة لا يؤيدون مواقف محمد الحويله في الاستجوابات خلال المجلس السابق

واشترك الحويله مع العدوة في هذا الشيء ولكن الحويله لا يملك الغباء السياسي اللي وقع فيه العدوه لان خالد العدوه خسر كل شيء بإمتياز خاصة بعد ان وعد ناخبيه انه راح يرجع مثل خالد 92 وبالعامية ضحك على الناخبين واشتغل على تخليص اموره الخاصه وترك الناخبين على الرف فلا مواقف ولا خدمة لابناء عمه واعتقد انه انتهى سياسيا.

الدكتور محمد الحويله انا ما ايد مواقفه ولا راح اصوت له ولكن الحويله عنده ذكاء سياسي خسر شيء وكسب شيء.

فاللي اكسبه انه شعلة نشاط في خدمة معاملات ابناء القبيلة وهذا الشأن اللي يراهن عليه الدكتور محمد الحويله لهذا السبب راح ينجح الدكتور محمد حتى ولوكنت مو مقتنع انا وغيري في مواقفه الشعبية.

[المعيضي]

انا عندي لاحب كوعه اصوت له لا في التشاوريه ولا الرئيسي انا واللي اعرف عني ماني ملزوم بالتشاوريه اما تطلعون ذيابه وناس تخاف ربها وتحط مصلحه الوطن والشعب وثالث شي القبيله ولا فلا التــــــــزام .

يعني بالعربي اذا تشاوريتنا تطلع مثل الاشكال هذي اقول : طــــــــــــــــــــــــــز في التشاوريه .

اتمني من الاداره تتقبل راي بكل روح رياضيه

[مخاوي النشاما]

انا رايي اللي خذا حقه في المجلس مرتين متتاليتين يفسح المجال لغيره من الكفاءات

[elshamri]

الله يوفقكم

واذا جيتو تنتخبون عليكم باللي يخاف الله و يرفع الراس وله هيبه و شبحه بعيد مهوب يشبح تحت بين رجيله

أنا ماني كويتي ولا أعرف جميع مرشحينكم ولكن سمعتكم يا أهل الكويت تلحقنا لأننا منكم و فيكم

ولا أعتقد أن الأيام القادمه بتكون سهله على الفائز في الأنتخابات لأن الأمور كل مالها تصعب و تبيلها قروووووووووووم مهوب من اللي يلتفت وراه قبل يتقدّم

[ابوفهيد الشامري]

يعطيك الف عافية

بس ياخوي انت تقول ماتبي تصوت له ولا تبي تجي صوبه


بس كتابتك هذي الموضوع عليها الف علامة تعجب !!!! ومالها غير معنا واحد واللي يفهم يفهم

شكرا لك واسف على المداخلة

[-ناصر-]

الخدمات والمعاملات دايم كانت محصوره على الفئه المقربة من النائب،،،، وهذي لعبه يجيده للاسف اعضاءنا
فنشوف ان النائب يحلب صافي للعدد اللي ينجحه بالفرعية ،،، ولباقي ابناء القبيله بس ابتسامات زائفه و آكاذيب
........
بغض النظر عن فكرة التشاوريه والفرعية،، بس يا جماعة حنا من غير قصور في القبايل، لنا تاريخ يدوي في شبه الجزيره

فلازم يكون لنا اعضاء كفو يخدمون الوطن اللي حنا جزء منه، و بالتالي ما نحتاج نائب خدمات يلعب علينا ، بالاصل المفروض مانحتاج نائب او غيرة عشان الخدمات، نبي رجال يدرون لنا حقوقنا، مو ياكلونها ويتوزعونها بينهم.

[الانتخابي]

والله اللي صار في ساحة الارادة من اعتصام وضرب واعتقالات

يخليني اعيف الحويلة ومن نهج نهجه

وتف على المعاملات دام ديرتي منهوبه من القبيضه

ولا فينا خير اذا صار هذا فكرنا

ناس كثيرة ضحوا بأنفسهم وسجنوا علشانا

ابعرف شنو سوا الحويلة من تضحية من اجل البلد ؟

هل ضرب في ديوان الحربش ؟

هل اعتصم في ساحة الارادة ؟

[‏جاك العلم]

اذا استذكر الناخبين مواقف الحويله ما اعتقد راح ينجح

[عجمي جايب العيد]

الحويله سنع اوراقي وكل من جاه سنعه بس
وكثركم يمدح الحويله

[سمو^المشاعر]

ماراح يفوز الحويلة وبذكركم ..

[عجمي جايب العيد]

^
^
^
^
^ حق الي فوقي ماتدري تراه مشي انتو تكلمون علشان انه ماقتحم مجلس

[الجلمود]

اتوقع نجوحه في الفرعي ...

لكن بالرئيسي عليه حوووم ..

[عبدالله آل عامر]

يبطي.. وخاصة أن أهل أم الهيمان لن ينسوا موقفه ووقوفه ضدهم في استجواب الطاحوس لرئيس الوزراء
:
التاريخ لا ينسى يالحويلة.. والله لا يبارك في معاملة أهم من صحتي وصحة 50 ألف نسمة يستنشقون الهواء الملوث منذ 10 سنوات ولا شفنا تحرك جاد لحل هذه المشكلة
:
1bh1

[عجمي جايب العيد]

ترا علي طاري ام الهيمان بقولك شي انطر بعد مدينة الصباح الاحمد بجيها تلوث مثل ام الهيمان
المشكله تدري ويش انه اهل المصانع اكثرها الاعضا توسطو لهم يفتحوزن لهم مصنع
انا من نحايتي انصح انهم واحد من اهل ام الهيمان ينقز ينزل علشان حلها صدق

[عبدالله آل عامر]

هذا اللي نتمناه تبني القضية وعدم جعلها للتكسب الإنتخابي.. ولو الضماير حية ما كان جلسوا أهل أم الهيمان 10 سنين يعانون.. وأهل صباح الأحمد مقابل مرمى الخلفات الصناعية وغيرها!!
:
لكن أهل المواقف المتخاذلة إن شاء الله بيستريحون هالسنة ونشوف غيرهم لعل وعسى!!

[‏ســري للغايــه]

شاد حيله الحويله بالمسجات هالايام كلها شكر وتقدير!!

[غزوان]

ابو هادي كفو ويستاهل الصوت ما جيناه في شيء الا ما سنعه

ويا جماعه الكمال لله سبحانه ما به احد كامل

اهم شيء خويكم لا صار يقضي اللزوم ولا يسد من حوايج ربعه فهذا الكفو

اما لا صار يواعد ولا يوفي بوعده فهذا ردي والردى بعيد من الدكتور محمد الحويله

[عبدالله آل عامر]

هل من ننتخبه عضو يشرع قوانين ويقوم بدور رقابي للحكومة؟ أم معقب معاملات؟
:
هل أصبحت المعاملات أهم من أرواح الناس؟ :53t:
:
الله يوفق كل من يتحمل الأمانة ويبرئ ذمته.. ولا يجعل القضايا المهمة وسيلة لنجاحه!!
:
1bh1

[أنسان]

الاخ غزوان ممطور وتحسب الناس ممطوره !!!!!!!!!!!!!!!!!!!!!!!!!!!!!!!!!!!!!! أنت يخلص معاملاتك وأمورك وغيرك يواعده ويكذب عليه ويراوغ منه !!!!!!!!!!!!!!! وأنا بكتفي بوصفك للواحد اللي يسوي في بني عمه كذا !!!!!!!!!!!!!