العـــــــــــــــــميد قررررب

["بدر العجمي"]

العميد قرررب بنمازحك شويه

العميد ان كانه اهنيا يجود كوره=لا يطيح امن الذلول الدرب فيه اذيابه
جاله الشايب يبى ينغزه فالباكوره= ونقعنا ولا توطيناها بالدابابه

[فهد بن محسن]

الله الله يابدر

صح لسانك وسلمت اخوي

وننتظر العميد

تحياتي للجميع

[ابومحمد الشامري]

لا هنت يا بدر ولا تكثر من ذكر الشيب علشان نزوجك ههههههههههه وفي انتظار رد العميد

["بدر العجمي"]

تنووووويه يوجد خطى مطبعى (انقعنا)=(انقنع)
ارجو من المشرفين تعديله
ابوحمد اربك صادق اربك لاقين بنيه ههههه ترا معادنى بشايب عقب ذالعلم

[العميد]

مرحبا ومسهلا يا بدر

والله تونى ادخل الحين واشوف طاروقك يالقرم

طيب طيب استلم:)...


شايب(ن) مجرم وماخذ فى اللكاعه دوره=ما درى ان حمله نشيله شيل بالسبابه

والعميد ليا حضر ياقف ويثبت دوره=محتسى بأم الفشق والسيف وسط جرابه

[حبيب]

الله الله متابعين وانا دايماً ضد العميد وفي صف الخصم المقابل له

تحياتي

[فهد بن محسن]

صح اللسنتكم يالربع

ولاهنتو

تحياتي للجميع

[غــشــام]

صح السنتكم ياشعار

وكثر ماتوب من الخطى المطبعي يابدر ولا تبت لاذلحين

لاكن تراني بصف العميد ضدكم يابدر وياحبيب وابشيل بعد

["بدر العجمي"]

لا تحسب الملعبه مثل اكلت الشابوره=منفتح له باب بكره من يسكر بابه
فالحرم انا قريت الحمد بعده صوره=والعميد الله وعلم وينه ايصلابه

[غــشــام]

شايب(ن)مجرم وماخذ في الكاعة دوره=ما درى ان حملة نشيلة شيل بالسبابة
والعميد اليا حضر ياقف ويثبت دورة =محتسي بام الفشق والسيف وسط اجرابة

["بدر العجمي"]

ههههههههههه هذى سوالفك يا غشاااام:angry:

مالك امااااان:)

ماعلى منك دام احبيب معاى بس خلاص :shade:

الخطى المطبعى لذلحين وهو ناشبن فى حلقى
تحياااااتى

[العميد]

فهد بن محسن

ابو حمد الشامرى

لا هنتو على الحضور والمتابعه

حبيب

مرحبا بك وانت دايم واقف ضدى:)


غشام

لاهنت على المتابعه والتشجيع

استلم يا بدر



يا بدر مالك ومال الملعبه والكوره=الهدف معروف للجمهور من هو جابه

من تسنن قبل فرضه علته مخبوره = والبحر من هو غطس في غبّته ما هابه

[زبون الجاذيه]

الله الله صح السنتكم يا شعار وواصلوا

["بدر العجمي"]

مرحبا والله فالعميد اسمحلى كنت مشغول فى منتدى ثانى وامس ماقدرت ادش الموقع مادرى شفيه وهذى شكوى انقدمها للمشرفين
استلم


انت تلعبها لاكن ابساقكك المكسوره=استريح امن العنى والكيف له شرابه
ياونيتن كل ماجيته خرب ماطوره=مايكمل فالطريق ولا يشب اصطابه

[راشد العتل]

لاهنتم على الحوار

[العميد]

شاربٍ فنجال من هو يقطن المعموره=وكل فنجال(ن) شربته وانشد الصبابه

لك وظيفه شاغره فى فرقة الشحروره=كل ما غنّت تغنى من ورى الجذابه

["بدر العجمي"]

كفو والله والله ونعم الشارب وستين نعم
وانت والله غالى
ويشهد على الله انها مزح واستثاره فقط لاغير
استلم
العميد امزح معه وثريه سوى ثوره=يالله انك تحمى الاستاذ من طلابه
نحشم الصاحب لقدم كلمتن معثوره= كل رجال(ن) يكرم لحيته وشنااابه

[العميد]

ما عليك زود يالقرم

وتأكد يا بدر اني ماخذ الدعوى مزوح بمزوح ولا في خاطري ذره من زعل... والشك زايل بينا يا القرم. وانت محشوم وقدرك عندنا غالى.


واستلم لاهنت


الخواطر طيبه والخايبه مدحوره=والعميد يحشم ربعه كلهم واصحابه

لا توديك الهقاوى من ورى الجافوره=مير من ينشد يعيّن عندنا الاجابه

["بدر العجمي"]

مرحبا مرحبا والله انت فوق كل اعتبار وماتناطح كون الجمال
استلم

الاوادم كلها منهيه وماموره=كل ماغنيت يالغالى بدر غناابه
امس شفنا حادثه بين العرب محضوره=شفت راعى التاج نزل تاجه ويومابه

[حبيب]

الله الله انا متابع واسبر من بعيد