المساعد الشخصي الرقمي

مشاهدة النسخة كاملة : محمد بن بندر....رد الخبر كاش

محمد المحيريق
25-09-2005, 02:34 AM
بسم الله الرحمن الرحيم
هذه القصيده مسنده الى الاخ والشاعر /محمد بن بندر آل عمر...


يـــــــا ملّ قلباَ كنه يضرب بالانماش***ولا برمية وايقاً مــن هــــل الجيش
سبة هنوفاً حــبــهــــا ارهق الجاش***ودي بها بــــس ابعدتني المطاريش
يالله باشكي يــــــا وزا كل من طاش***عليك يا منشي السحاب المراهيش
لــــــي صاحبا لا شفته القلب يعتاش***اليا ضحك وابدى الثمان المباهيش
امـوت واحيى كل ما شفت الارماش***ظل صفوف وساع ســــودٍ معاكيش
فيا مــحــمـد المنعور رد الخبر كاش***ولا باموت مـن الضما والمعاطيش
قلبي علـــــــى بعده كثير التوشواش***واجتاح قلبي مـن عنى حبه الطيش
فن ما رواني من فمه "عد نقراش"***ولا فتحرم خـــوتـــــــــي للدراويش
ويــــــــا مل قلبٍ للعرب غادٍ اطماش***كنه ينهش فــــــــي طرافه نواهيش
فاشكي على اللي فالملازيم مدغاش***محمدٍ زبن الضــعـــوف الطواهيش
جنبت في دنياي عـــــــن خوة اللاش***وعــن خوة الهلباج والنذل والديش
وابديت لــــك دعواي والفكر منداش***والقلب كنه وســــــط قيد وكلابيش

وســـــــــــــــــــــــــــلا مــــــــــــــــــــــتــــــــــــــــــــــــــ ــــــــــــــــكـــــــــــــــــــم
محمد بن بندر
25-09-2005, 12:48 PM
صح السانك يا محمد وابشر بالرد

والله ان قصيدتك احرجتني

قصيدة جزله و من جزل
محمد بن بندر
25-09-2005, 01:03 PM
استلم الرد يامحمد

يامل قلبٍ كل مايمطر رشاش*** يفز فزة جمس يقفاه تفتيش
والا كما حرٍ مقيد له خراش*** فكوه بعد الغبن واقفى بلا عيش
فـــ يالله من همٍ سكن باوسط الجاش*** يطري علي في حزة العصر وغبيش
سبة هنوفٍ حبها حل واعتاش*** في خافقي وأسس لحبه معاشيش
لا يامحمد جعل يفداك من عاش*** عيشة غبن والا مذله وتكديش
لاتشتكي من حب من عينها ارياش*** واليا مشت يطربك صوت الدناديش
يالعنبو حبٍ يعذب على ماش*** لاوالله الا لعنباا الحب والعيش
حتيش ياحبٍ به النوم منحاش *** وحتيش يادنيا التهاويل حتيش
الياغدت همٍ لاهلها و وشواش *** واليا غدت في طية الغم تطفيش
فــ ياماحلا مع طلعة الصبح مغباش*** في واديٍ سايل ونوه مراهيش
ماغير انا وياك ياحر الارياش***يوم الهلايم راقده فالمفاريش
خل الهوى في خير والحب ماناش***راس الفتى المنعور راع التشاويش
شروى محمد جعل يفداه من عاش*** عيشة غبن والا مذله وتكديش

وسلامـــــــــــــــــــــــــــــــــــــــــــــ ـــــــــــــــــــتكـــــــــــــــــــــــــــــ م
حبيب
25-09-2005, 01:16 PM
لاهنتوا يا الربع على ذا الرديه

قصايد جزله من شعار جزلين

تحياتي
محمد المحيريق
25-09-2005, 02:26 PM
محمد بن بندر صح لسانك والله لا يهينك. ,,,
محمد المحيريق
25-09-2005, 02:31 PM
حبيّب مشكور على المرور والمتابعة وصح بدنك والله لايهينك
غــشــام
26-09-2005, 03:32 AM
صح اللة السنكم وقصايدن جزلة واللة لا يهينكم
محمد المحيريق
27-09-2005, 12:35 AM
غشام صح بدنك ومشكور على المتابعه
محمد بن بندر
29-09-2005, 02:52 PM
صح ابدانكم يالربع ومشكورين على المتابعه
حمد بن سعد المسرع
11-10-2005, 05:29 AM
يالربع ماجورين
رديه ماعليها كلام وصح الله لسانكم ياهل بدر الجنوب
وبانتضار الجديد
تحياتي
محمد المحيريق
11-10-2005, 04:36 PM
يابن مسرع يالله حيّه الله يعافيك ويسلمك وصح بدنك ومشكور الله لا يهينك على المرور